| ||||||
全 球經濟低迷,聯想集團(992)第二季度純利按年大跌77.7%,管理層唔驚就假。唔知係咪因為咁,所以傳出主席楊元慶地位不穩,內地有傳聞話佢會轉任聯 想移動董事長,而聯想集團主席職位就由聯想投資總裁朱立南接任。但聯想集團澄清,指近期傳媒話主席楊元慶離職嘅消息,係不實報道。 朱立南來頭唔細,今年中傳出聯想集團精神領袖柳傳志,會辭去母公司聯想控股總裁一職嘅時候,內地有傳媒已引述知情者話:「柳傳志的接班人最有可能是朱立南。」所以話朱總有機會上位,一啲都唔奇。 朱立南接棒呼聲高 對 於楊總離職原因,傳聞話係由於聯想收購IBM效果唔明顯,集團多元化戰略受挫,加上聯想試圖喺美國上市嘅計劃流產。至於楊總被傳會調去嘅聯想移動,係經營 一直處於虧損嘅手機業務,今年初由聯想集團以1億美元作價,出售畀母公司有份投資嘅私募基金弘毅投資。如果調楊總過去,可能要佢執番正間公司。 |
| ||||||
內地IT企業教父柳傳志為咗「命根」聯想集團(992)復出,做非執行主席,成效係點,仲有待時間驗證,但金融海嘯再次引起坊間質疑,聯想係唔係行錯國際戰略呢一步棋? 宏願做百年老店 內 地《第一財經日報》訪問咗柳傳志,佢老人家堅持,無悔「走出去」併購美國IBM嘅個人電腦業務,之不過,佢話融合過程係要交學費嘅,一來有語言問題;二來 條路行嚟跌跌撞撞,營業額起起伏伏,仍未達標,「本來要五個饅頭才能飽,現在吃了兩、三個饅頭,可能快到了第四個」,睇嚟,集團仲有一段時間至飽,但起碼 已經睇到聯想有食飽(營業額達標)嘅希望。柳傳志又講到,以前聯想都曾經遇到呢啲大風浪,甚至係沒頂之災,但佢有信心憑經驗帶領聯想走出今次困境,邁向偉 大嘅國際化公司。乜嘢為之「偉大」?就係壽命要長過百歲,仲要對社會有更大影響力同埋財務回報。嘩!屈指一算,聯想o依家得嗰25歲,真係前路遙遙…… 開會、專訪冇時停 食 飽先可以瞓,聯想仲未食飽,柳傳志又點會有覺好瞓。話說集團上個禮拜四宣佈管理層大執位,同日下晝3點仲公佈第三季度業績,柳傳志嗰陣身在紐約,已經係凌 晨一兩點鐘,唔單止要主持電話業績記者會,又要接受國內外傳媒個別訪問,之後仲馬不停蹄同集團董事開會,搞到成晚冇瞓覺。後生仔捱一晚半晚無所謂,但對於 行年快將65歲嘅柳傳志嚟講,都咪話唔辛苦。華華希望佢保重身體啦。李華華[email protected] | ||||||
| ||||||
聯 想集團(992)業績連蝕兩季,精神領袖柳傳志孖住愛將楊元慶忙於諗計仔,拯救公司走出困境,之不過,吊頸都要唞吓氣,噚日端午節假期,兩位仁兄留喺北京 忙裏偷閒,有冇拍住游龍舟水,華華唔清楚,但肯定兩位心情勁靚,飲得杯落,何解?因為集團高級副總裁劉軍成家立室,新娘仲係號稱中國身價最高嘅超級名模姜 培琳o忝!呢件婚事或者可以為聯想冲喜吓,扭轉衰運。 男人四十(不惑之年)嘅劉軍,喺93年加入聯想,係現任全球8位核心高層之一,據報年薪過千萬,o依家負責制訂公司全球戰略同埋業務整合,咁睇嚟佢係楊元慶嘅親密戰友,前途無限。 郭台銘赴宴送大禮 至 於嬌妻姜培琳貌似荷李活影星Catherine Zeta-Jones,行年三十,香港市民未必咁熟識,但佢喺國內好出名,本身係排球選手,後來因傷退役,99年參加上海國際模特兒大賽攞亞軍,展開銀色 旅途,兼且頭銜多多,包括大學客座教授、時尚節目主持、專欄作家……係咪旺夫將來先知,但已經幫老公增加曝光率。 噚日婚宴上,仲有台灣富商郭台銘親赴北京送大禮,究竟係男家定女家請客就無從稽考,之不過,華華更想了解,柳傳志有冇同郭台銘密斟,交流營商心得,甚至探討兩強聯手嘅可能呢? |