📖 ZKIZ Archives

賭王何鴻燊周旋於四位太太之間， 但齊人唔易做。二太藍瓊纓與四太梁安琪爭寵爭到出晒面，連甚少蒲頭的三太陳婉珍，近日亦加入戰團。早前三太就曾申請當仁濟總理，可惜臨門脫腳，被爭贏保良 局總理的四太贏了一仗。三、四太最近更鬥到入賭場。賭王四房人中，本來只得二房長女超瓊是澳娛董事局董事，但兩週前賭王突然將名下兩股澳娛股份，轉讓給 「街外人」三、四太各一股。雖然一股的票面只值一百萬，但由於澳娛股份一向只受局內人買賣，三、四太一旦成為股東，即可名正言順向其他小股東「埋手」，鬥 快侵吞澳娛這塊「肥豬肉」，乘機與二房三權分立。一向不言退休的賭王突然提早「分家」，難免令人懷疑其健康出現問題。本週一賭王坦認刻意安排三、四房入局 澳娛，栽培接班人。「都夠時間啦，我都老喇，為佢哋（三、四太）啲仔女鋪路嘛。」邊個夠膽反自從三年前賭王安排二房長女何超瓊入澳門娛樂當董事，幼子何猷 龍又大搞角子老虎機賭場，外界已視二房子女為欽點接班人。然而，以為食到嘴邊的肥豬肉，兩週前卻突然殺出三、四房爭食。本月八日，澳娛股東分別接到由董事 局發出的信件，內容講述「股東何鴻燊欲將名下之兩股普通股，轉讓給陳婉珍女士及梁安琪女士各一股，轉讓價為港幣一百萬元」。此信一出，即挑起一班小股東不 滿，認為賭王此舉是明益自己友，上週五（十五日）本刊更收到一封自稱是「一群信德股東」的傳真，促請信德管理層向澳娛提出收購何鴻燊有意出讓的股份，以維 護信德股民的利益。不過賭王好少理，本週二仲嬲爆爆問：「邊個夠膽反對，反對啲咩呀？」八十三歲的他自知年事已高，魄力大不如前，為保障三、四房子女往後 生活，前一日又話過︰「啱啦，鋪路嘛，我有三宅（太）、四宅（太），佢哋啲仔女都大啦。」

四太霸地盤對何鴻燊家族而言，澳娛確猶如「大金礦」，野心勃勃的四太一直想掘埋一份。自從十姑娘何婉琪跟何鴻燊反目後，四太即乘機在葡京霸地盤，手信鋪、當鋪、賭廳、桑拿等逐一沾手。前年她更在葡京二樓經營水晶宮賭廳，又入股楊受成弟弟楊海成任主席、經營賭廳的上市公司澳門實得（0487）百分之二的股權。除親身?掩A四太還安排哥哥禤偉祺（四太本姓禤）當賬房經理，每年賭場的裝修工程，都由二人打骰的佳景集團一手承接，再由賬房付賬。其實，近年已盛傳她極欲入澳娛董事局，三年前先爆出賭王容許十姑娘及兒子麥舜銘的MVI公司入 澳娛，以換取四太入股。跟住又有匿名信指她逼賭王安排她入局。四太入澳娛的野心終於得逞，加上她又成功當保良局總理，還密謀參選九月澳門立法會選舉，爭做 議員，難怪她近日零舍風騷。本週一她陪賭王到澳門開會，聽見記者問起賭王安排她入澳娛，即開心笑晒：「我唔知呀，我辛苦命吖嘛。」

家姐幫拖 四太一副戰鬥格，低調寡言的三太陳婉珍亦不斷暗中練兵，老早就安插親姐妹在賭廳賬房及信德工作。據知，三太未被賭王「寵幸」前，胞姊陳婉芳只在賭廳酒吧賣 煙仔、做執後（負責斟茶遞水），直至廿年前嫁給六姑娘的二子孫鏡祺，才由荷官升為巡場。自三太「入宮」後，陳婉芳就被派到越南，幫賭王打理位於胡志明市市 郊的賭場。「佢份人好有野心，好快就再升做主管級，加上阿三入宮更睇實佢，十年前派佢去越南做開荒牛。」一名何家中人說。但沾手賭場生意後，三太胞姊即無 賭不歡，「佢好愛賭，廿年前已萬幾蚊上落。佢個越南仔男友麥江，頂唔順佢同佢分開，依家佢係新世紀保安部工作。」撈得風生水起的陳婉芳常換男友，有傳她曾 打本給當差三十年的警察男友狄度在媽閣廟開了間內港餐廳。妹妹陳婉玉就在上環信德當會計。朝中有人好辦事，有好姊妹幫手?戴窷籅峖蛂A三太陳婉珍就緊貼何 家家族成員動向，慎防得失任何一人。據賭王姪兒何猷強說，三太入宮多年，二人雖然從未相見，但每年都例必收到她的新年利是。「佢好識做，新年時，賬房會自 動派兩封利是俾我兩個仔。」

二房心噏三、四房人忽然得米，最心Д非二房莫屬。不過二太近年加拿大和香港兩邊走，似想退下火線。「佢都唔憂冇 錢使啦，唔似啲人成日出街買名牌使咁多，佢要都係留俾啲仔女。」接近二房中人說。二太欲推子女接父班，可惜長女超瓊入了澳娛董事局三年，未有特別建樹，原 本計劃與美國賭王Stephen Wynn在葡京旁建賭場，目前仍未完工，據知賭王為此對超瓊大為失望。記者本週一於信德中心找何超瓊回應，她面黑黑說：「我話咗唔答你嘢。」肥豬肉食到落 口，卻無端端被人分一杯羹，難怪她會唔忿氣。至於一向與世無爭的元配大房，雖然無緣在賭業插旗，但去年初元配黎婉華病逝後，細女超雄亦動作多多，短短一年 間已斥資數億元狂掃中、西半山豪宅及商廈，戰利品包括蘭桂坊德己立街二十三號全幢等。老父寵幸三、四房，長房唯有靠投資物業來自我保障。

雙重標準賭王常以澳娛規矩為由，不許股東把股份轉讓外人，自己就例外。

01年6月：十姑娘曾要求將其在澳娛的股份轉入名下的MVI公司持有，但遭何鴻燊拒絕。事後被十姑娘兒子麥舜銘指澳娛股權混亂，賭王遂公開股權分布。

01年7月：泰國賭王許承璋出價一億元，向何鴻展兒子何猷強收購七十八股澳娛股份，何鴻燊卻指何猷強無股份可賣，而何猷強的繼母丁毓珠亦拒絕把亡夫的股份分給他，令交易未能成事。

02年1月：麥舜銘爆何鴻燊以轉股給四太，作為容許十姑娘旗下公司MVI加入澳娛股東名冊的條件，但何否認。

02年4月：澳娛大股東霍英東宣布退出澳娛，把手上市值一百億元的兩成七澳娛股權捐出，成立基金。在記者會上，霍英東大聲疾呼：「無我，所有澳門一切都係假，包括何鴻燊。」

05年4月：何鴻燊把澳娛兩股普通股轉售予三太陳婉珍及四太梁安琪，小股東埋怨他做壞規矩。

陳山聰拋棄糟糠之妻，搭上賭王三房長女何超雲，由籍籍無名二打六，搖身一變成為新一代賤男。即使臭史越揭越多，仍獲何家千金寵倖，地位穩如泰山，並獎賞寶馬代步兼進駐豪宅陽明山莊。

至於一直反對個女同明星仔行埋的三太，忙完「分燊家」之後，即時「做嘢」棒打鴛鴦，在未有知會超雲的情況下，向陳山聰收車收樓，逼賤男露出狐狸尾巴。

至於一直吹噓自己家族在澳門經營運輸生意的陳山聰，據澳門「商業及動產管理局」資料顯示，其兄長陳山海任職的運輸公司「世運行」，既不是股東也不是管理層，將打工仔阿哥變成大老闆，陳山聰扮上等人企圖拉近同何家千金距離，大話不攻自破。阿媽睇唔實

何超雲有鋪追星癮，經由陳山聰介紹認識林峯不果，轉頭帶埋細妹超蓮齊齊做周柏豪fans，兩姊妹自得其樂，阿媽三太卻睇唔過眼，限制二人跟出跟入追明星。

明知單身超雲芳心寂寞，陳山聰吼準時機，積極埋身，甘心情願被何家千金搓圓㩒扁，隨傳隨到，加上把口「啷過油」，即使二打六、零人氣，一樣成功奪得「雲」心。

超雲連奀星都啱，三太當然睇唔過眼，一度向女兒大興問罪。據知，超雲為掩飾二人親密關係，訛稱跟陳山聰純粹朋友關係，並非傳媒所寫的打得火熱。由於當時正值四房人為「分燊家」一事爭崩頭，為免節外生枝，引起賭王關注，三太只作出口頭警告，未有出手干預。

「當時水深火熱，三太顧住『分燊家』，仲邊有時間睇實超雲，佢更加無諗過個女玩到咁盡，唔只送車，仲俾埋層樓佢住，後來啲記者踢爆陳山聰結過婚，三太知道嬲到震，同朋友講只要搞掂『分燊家』就會『做嘢』。」熟悉三太的人士透露。

沒收車樓

明知阿媽唔鍾意，超雲卻話之你，並先後兩次被傳媒影到同陳山聰孖公仔搭直升機夜訪澳門，證據確鑿，三太轉向奀星埋手，斬斷陳山聰財路，在未有知會超雲情況 下沒收陳山聰的二手寶馬及陽明山莊單位。你精我唔笨，當日不顧身世狠撇糟糠Ponny追超雲，陳山聰當然不會輕易罷休，死纏扮可憐搏同情，難得超雲心軟照 單全收，為怕再次觸怒何三太，超雲更加扮同陳山聰斬纜，飛英國治情傷避風頭，實質同二打六轉玩地下情。三太棒打，被經濟封鎖的陳山聰，先以腸胃炎為理由缺 席上週日（四月三日）《洪武三十二》的宣傳活動，連帶本週一（十一日）《我的如意狼君》煞科飯局都冇影。上週五（八日），陳山聰到粉嶺「雲泉仙館」為《我 的如意狼君》拍外景，全情愁爆無表情，還公然在寺廟內食煙。被人收車的陳山聰，當日收工焗住坐公司van離開，風光不再。

唔係老細

聲稱識朋友講心唔講金，陳山聰更多次提及父親在澳門經營家族運輸生意，陳家上下在當地同樣有錢有地位，「我家人知道呢一行（娛樂圈）唔穩定，好大壓力，我 哥哥有叫我不如過澳門幫佢打理家族生意，但我拒絕。」據了解，陳山聰兄長陳山海的確在澳門落地生根。○九年陳山海更以「世運行」裝運行政總裁身份，出席當 地一份免費雜誌《梳打》的創刊一周年酒會。但本刊記者走訪「世運行」位於澳門南灣大馬路的辦公室搵陳山海，職員卻說：「你有咩搵我哋就得，佢喺倉嗰邊返 工，唔會喺office出現。」其後記者兩次追問陳山海是否公司老闆？職員只是「陰陰笑」未有回答。根據澳門「商業及動產管理局」的商業登記資料顯示，世 運行分別以有限公司及非有限公司註冊，兩間公司均由Kou Im Tong、Ng Ha May Rina及Lay Hing Sieng持有。九九年，Kou Im Tong及其妻擁有的股份全數轉讓給Lay Hing Sieng，並委任李永康擔任行政管理，證明陳山海並非公司老闆或股東。

茶餐廳醫肚

純粹打工仔，陳山海上班的地方是工廠大廈，四周擺滿一桶桶清潔化學物，環境惡劣。上週一（四日）食飯時間，陳山海開車返回住所，接載妻女一同到附近茶餐廳 醫肚後，再到一座大廈，監督工人進行搬運工作，之後便返回工廠大廈上班，直到晚上八時才收工返家。至於陳山聰在訪問中指兄長染指飲食業及按摩中心，原來通 通都係大話，「條澳門街有幾大吖，真係未聽過陳山聰個家族有幾財雄勢大，只係知佢（陳山聰）阿哥陳山海同《梳打》雜誌社長好老死，社長個老公有間泰國餐 館，又喺皇朝區有間泰式按摩囉！」充闊佬，窮山聰現晒形！

雲山戀

自陳山聰在微博大鬧情敵周柏豪借何超雲宣傳，「雲山戀」正式曝光，之後更被踢爆在情人節及生日拍拖密會，又以「My Love」相稱，戀情火速升溫。2月5日今年農曆年初三「赤口」，陳山聰突然在微博發功炮轟，「唔該有啲人唔好利用人哋個名見報啦。」又指某人穿壞了 Rick Owens潮牌，矛頭直指超雲緋聞男友周柏豪，其後，柏豪不甘示弱：「盡情向我開火吧！」2月27日超雲22歲生日，在微博自爆有J君送上心形蛋糕和99 枝玫瑰，而陳山聰英文名正是Joel，二人即傳出緋聞。其後，再被踢爆情人節在酒店歎香檳，並以「My Love」作暗號在微博傳情。3月9日陳山聰被爆已婚，更有傳他為了超雲跟太太Ponny離婚，事後陳山聰直認已辦理離婚手續，而超雲則在微博力撐：「交 友的定義不是用金錢來衡量，而是在乎個人的品格之高低。」3月11日有指陳山聰搭上超雲後忽然富貴，秘密換了一部茶色玻璃的寶馬，更入住三太名下的陽明山 莊單位。3月22日超雲生日當晚，與陳山聰齊齊坐直升機到澳門，陳山聰更幫超雲拎手袋及攬腰上機，事後，超雲否認相中人是陳山聰，但周柏豪卻唱反調說： 「係佢嚟嘅！」3月23日就攬腰上機一事，超雲維護男友在微博炮轟周柏豪，「作為朋友，是不應利用對方，難道你不感到內疚和羞恥嗎？」過兩日，又再踩多 腳，「小人總有生存之道。」3月26日超雲與陳山聰乘直升機遊澳門再被斷正，二人在晚上8時上機，笑容滿面，後來陳山聰更放了一張叉燒照片上微博。

裙下之臣

22歲的何超雲有錢有樣有身材，亦愛在公開場合騷「事業線」，貴為賭王千金，裙下之臣，的確要幾多有幾多。

霍啟人

09年，何超雲與霍震霆幼子霍啟人在中環西餐廳撐枱腳斷正，超雲落手落腳為對方添意粉，隨即傳出緋聞。

何敬豐

有傳超雲搭上何厚鏵姪兒何敬豐，更結伴出席三太的31周年結婚晚宴，超雲不避嫌帶男方四出跟親友打招呼。

王大業

超雲21歲生日，與皮草商太子爺王大業（Andy）十指緊扣與三太食飯，親證拍拖兩個月：「鍾意佢有膽識！」二人拍拖不夠半年，因性格不合分手。

周柏豪

周柏豪主演舞台劇，超雲一連兩日山長水遠到葵青劇院捧場，有傳二人不時互通SMS，又借微博打情罵俏，柏豪更大讚超雲靚女冇架子。

唔會結婚

被冠以「新賤男」稱號的陳山聰，棄糟糠追有錢女搏入豪門做有錢女婿。無獨有偶，陳子聰、陳振聰均與豪門女子結緣。陳子聰03年與何超儀在澳洲註冊結婚，正 式成為「何家女婿」。陳振聰亦與身家逾千億的已故華懋集團主席龔如心有過一段情，由「風水師」躍升億萬富豪。記者致電堪輿學家麥玲玲了解，她表示男性會否 跟富家女結緣，主要看命格，眼下一吋位是主宮，主宮飽滿者容易「田定得財」，根據陳山聰的命格，麥玲玲說：「我唔太睇好佢同超雲，短時間拍吓拖可以，但唔 會結婚，佢條命唔係結婚後唔使做嗰種。」

去年七月三日，三太陳婉珍 掌控的「空中快線」一架AW139直升機由信德中心起飛不足兩分鐘突然斷尾，急降維港。事隔一年，意外原因仍在調查。

此後，AW139意外頻生，今年已於全球發生五次空難，共十三人罹難。澳洲及歐美各國航空安全局，於兩週前向業界發出緊急適航指令，要求更換AW139機 尾螺旋槳葉。昆士蘭政府、波特蘭海上防衞隊及剛發生空難的巴西石油公司Petrobras等已勒令停用AW139。三太旗下的五架同型號直升機，其中四架 在上週一開始「靜悄悄」停飛，只剩下一架航行港澳線吊命，公司每日損失七十多萬。

自三太兩姊妹○七年踢走何鴻燊外甥，掌管直升機業務以來，客流量大跌近兩成。「空中快線」今天的安全危機，除了關係機尾槳葉，還糾纏着一場豪門恩怨。

上週四，記者於上環信德中心「空中快線」票務處查問往來港澳的飛行班次，票務職員表示近幾日因為航班調動，港澳線由每日半小時一班機，改為每日一個鐘一 班。來往澳門、深圳的六班航機，職員稱因例行檢查，全線停飛。「暫時啲機要做檢查，未confirm有無機飛，你留低電話同個名，當有機飛立即通知你。」

空中快線四架停航的直升機，停泊在澳門路環的維修倉。記者實地觀察，三架機泊在倉內，一架泊在露天停機坪，機尾部分拆去外殼，維修員正在謹慎檢查。

根據澳門及香港民航處資料，深澳線每日平均乘客八十名，以每張票價四千元計，停航令空中快線每日損失三十二萬元收入。至於港澳線，亦由每日二十八班次縮減 一半至十四班次，以每張二千九百元票價計算，港澳線每日損失近四十萬元。

「前幾日收到上頭order，要換直升機尾槳葉，我哋個倉存貨唔夠，啲機咪焗住擺倉唔飛得。」空中快線維修職員說，公司於八月二十五日，收到歐洲、美國航 空安全局及AW139直升機製造廠Agusta Westland同時發出的緊急指令，要求AW139機尾螺旋槳葉達到六百個飛行時數或一千五百個飛行循環，就要更換新葉。

兩日死八人

上月十九日，巴西石油公司Petrobras一架AW139直升機，在接載員工往返鑽油台期間墜毀，四人遇難。事後當局從打撈的機身殘骸，發現脫落的機尾 螺旋槳葉有裂痕。歐航局在意外後發出的指令，表示在巴西的意外，肇事原因可能與機尾槳葉出現裂痕，令機尾出現結構性問題，最後令直升機失控。巴西意外前兩 日，北京市公安局警務航空總隊，於早上九時十二分執行飛行任務時，AW139直升機突然失控墜落北京郊區密雲水庫，機上五名隊員只得一名生還。自去年七月 三日發生維港意外，AW139空難事故愈演愈烈。今年於南韓、卡塔爾、馬來西亞、北京、巴西已發生五次空難。本刊從澳門民航局及香港民航處證實，去年維港 斷尾意外發生後一個月，空中快線維修部在八月中的一次例行檢查，發現其餘三架AW139的機尾螺旋槳槳葉出現裂紋及保護面磨損，需要更換新葉。一名前員工 透露，其中一架機兩塊槳葉裂痕，深得肉眼可見，「公司好緊張，即刻將有問題槳葉send去原廠調查點解咁多塊槳葉有裂紋，半年前根據廠方嘅建議，再喺機尾 做加固工程。」

致命設計

航空工程界認為直升機槳葉屢現裂紋，極不尋常。「飛行服務隊用嘅海豚、美洲豹兩款直升機，架架都飛超過萬個鐘，用足十年，都未出現機尾槳葉有裂紋，兩款機 嘅生產商從來無發出過指引話槳葉有壽命限制。AW139型直升機規定每年飛六百個鐘要換新葉，好短命。一年又發生五次意外，密度算高，呢隻機有問題。」一 名香港飛行服務隊維修部人員說。香港航空工程師、去年以署理民航處處長身份處理維港意外的梁汝強，亦相信AW139的設計可能有問題：「可能係機尾螺旋翼 設計、製造同實際飛行運作有出入。旋翼生命周期愈長，證明架機可靠性愈高；愈短命，架機可靠性愈低。」理工機械工程學工程師盧國強指出機尾螺旋槳葉出現裂 痕，已顯示金屬疲勞，他估計槳葉的旋轉角度設計出錯，今本身的金屬承受力耗損。盧說一旦槳葉脫落產生的震盪力拗斷機尾，便會令直升機失控。

外行人掌舵

空中快線○七年以七億元購買六架意外頻生的斷尾機，跟掌舵的三太兩姊妹不熟悉航空業有關。現任空中快線行政總裁陳婉玉（三太之妹），曾任信德船務會計，後 來跟隨何鴻燊外甥謝天賜，過檔港聯直升機公司（空中快線前身）任會計。當年港聯的股權，何鴻燊佔六成，謝佔四成。九九年謝將一成股權轉讓給陳婉玉，何鴻燊 將手上六成港聯股權給了三太，陳氏姊妹與謝三分港聯，直升機業務仍由謝天賜掌舵。然而，謝於○六年八月，因與何鴻燊不咬弦而被舅父踢出港聯，更被迫將手上 三成股權全數轉賣給三太。自此，港聯落入三太姊妹手中，更於○八年易名空中快線。謝天賜對本刊表示，早於○四年公司已着手研究換新機，當時他認為 AW139營運成本高，建議選購永利娛樂都選用的西科斯基S76C++型直升機，每架機的機價只需七千多萬，相對AW139一架一億一千多萬元，便宜四千 萬元，較為划算。「我未離開公司前，同事已經同廠方傾買S76C++直升機傾咗好耐，○六年我一走，取替我嘅陳婉玉突然下令買AW139，我覺得好愕然， 我有提過何鴻燊，直升機可靠性好重要，呢隻機外國買嚟飛鑽油台，好少當客機載客，何鴻燊就反駁話聽到AW139係最安全，美國總統都坐。 」謝說他翻查資料，當時布殊的直升機隊有二十九架直升機，沒有一架是AW139。一名航空界買手透露AW139直升機是直升機界的法拉利，外貌有型有款， 但需要悉心照顧，且不能頻密飛行，「呢隻機而家賣出四百架，賣得唔差，歸功負責銷售嘅意大利籍副總裁，佢出名俾佣金好手鬆。一般行規俾中介公司佣金 3-9%，Agusta超過一成， 其他各類『佣金』，高達百分之二十。」自三太姊妹掌控後，○八年起，直升機澳港線乘客由十萬人，大跌至去年只有八萬六千人，跌幅近兩成。明年七月空中快線 每年要支付政府三千六百萬元停機坪租金，何家直升機業務雪上加霜。截稿前，空中快線沒有回覆停航原因及何時恢復正常航班。

阿里巴巴主席同副主席蔡榮信為要成立family office（家族辦公室），要「舉」咗名下股票融資廿億美金，family office呢家嘢漸為唐人受落，賭王三太早於四年前，即係「分燊家」後，就成立咗UNIR Group安利集團，唔使好似馬雲咁要「籌旗」o架。

三太把過去賭王「醒」佢遍布中港澳及海外嘅物業、賭場、直升機、金銀珠寶一籮籮生意隊晒入去，公司家族色彩極濃，就係以陳婉珍博士為首。UNIR係葡文， 意謂團結，代表三太希望家族上下團結齊心，管理如此豐厚資產，三太都好識用人，UNIR行政總裁就係唐家榮（Carl Tong），會計佬嘅佢花旗出身，侍候過林建岳，八十年代仲做過半山區議員同埋立法會議員，有番啲政治「智慧」，689參選特首當年，Carl唐捐咗一球 俾佢o架，成為689「金主」。馬雲構思嘅family office都唔輸蝕，由Blue Pool合夥人Alexander West打骰，呢位老外唔簡單，佢團隊九十年代打理過瑞典Wallengberg家族辦公室。呢個家族控制瑞典巨企如Saab汽車製造、電器 Electrolux、Ericsson；搵得咁嘅團隊，馬雲嗰碗茶飯又豈會奀豬豬呢？

金融逍遙客：鄧小平有巨人氣場

游走於中港台併購、私募投資的金融多棲動物，現為多間上市公司主要股東及董事與一班夾埋袋住幾百億美金嘅私募基金大佬吹水，席間有位年輕投行賓架問道，決 定投資一個項目與否，到底最重要是看什麼呢？大家一致答案：人。逍遙客完全認同，項目五花八門，創意亦日新月異，但怎樣去落實執行卻全靠人。大家加埋投資 經驗過百年，投過千個項目，總結血淚史，得出一個真理：一個好項目，落在一個不好的人身上會搞彎；而一個貌似不好的項目，落在一個有能力的人身上，卻很有 可能將項目變好。但如何去判斷人，是一個終生課題，更是一門藝術，學校冇得教，教授也唔知點教，全要靠慧根。雖然發掘一個有潛質嘅人好難，但若用排除法先 過濾出庸人，卻相對容易。成功嘅人都有一種「氣場」，哈佛教授傅高義在《鄧小平時代》一書中，形容鄧雖矮小，但在任何場合都散發着巨人的氣場。有時對住電 視新聞，看看現在受政府重用的一些人士，立即有舉一反三的感覺。嗰位行政會議成員張志剛，擘大眼都只剩一條線闊，若謂眼鏡是靈魂之窗，我哋連接觸佢靈魂的 機會都冇！副門牙似撑大咗嘅龍門，論賣相講佢真係唔啱，但佢講話也是扭橫折曲，成個村幹部咁款。無意發現那位樹根兄竟然是港大校董，就似一班美心熟客衝入 半島吉地士歎一盅二件般，格格不入！最有型有款叫張震遠，但又睇得唔打得。特首馬房人才之凋零，已到可怕程度。喺投資角度，這個政府點叫人投得落手？

中環寸嘴：阿純，唔好學大陸作風，有裝修冇維修！

工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，察看人生百態，讓讀者「嗒」落有味。星光大道單嘢，純官出嚟 講話：「好心做壞事。」咁即係默認係壞事啦！大家都係順德鄉里唔怕講喇，創業難，守業更難，嗰條「壞鬼」星光大道又殘又舊，俾CNN評為最劣景點，真係 disgrace to Hong Kong，奉勸純官唔好學大陸作風：有裝修冇維修。既然星光大道管咗九年都蝕錢，點解仲要擸埋尖東嗰邊海濱嚟管啫，嗰邊可以俾尖東業主會（包括呂志和、黃 志祥等人）佢哋管吖？如果嫌班友係隔夜油炸鬼冇魄力去搞，咪攞出嚟招標，你又點知冇人投啫！好過益新世界當做臨時貨倉地。唉，其實我喺新世界中心都留低唔 少腳毛o架，七十年代尾，讀緊大學，放暑假返香港，朝早去會所打完網球，搵地方hea就去新世界酒店入面間桑拿，幾好環境o架，仲唔識死跳入個大浴池，揼 骨又唔使搭房，嗰陣富麗華酒店按摩房要搭房，撞到世伯就冇癮啦，噴一句埋嚟：「哈，你仲識歎過我！」新世界桑拿嗰度任點任食，啲水果、點心係由新世界酒店 送過來，中午hea到下晝，唔係peak hour，冇乜人幾爽o架。嗱，好似做新世界桑拿咁，純官識得全情投入參與，咪做得有聲有色囉。唔好攞個海濱嚟搞，幫自己教仔先得o架！

超人李愛欖仁

唔知乜嘢挑起《華爾街日報》條筋，忽然大讚超人李眼光獨到，叻到甩辮，一早由大陸撤資。譬如喺○八年高位出售上海商廈、一二年後再冇喺大陸投地、今年又整 合長實、和黃，將資金投向歐洲等等。呢啲通通係舊聞矣，較有新意者，係篇報導提到超人李喜歡喺長江中心頂樓以pilinut待客？乜嚟o架？咪即係欖仁 囉。網上資料話欖仁含大量鎂質，除咗提供蛋白質能量，更有助加強肌肉骨骼、提升免疫能力、促進頭腦及神經系統運作、平衡荷爾蒙、改善皮膚等等，其好處真係 十日十夜講不完。慢吓手仲勁過仙丹。超人李攞嚟待客，錯得去邊呢，請問？

插圖：朱桂葉[email protected]