📖 ZKIZ Archives

【網上爆Post】喬布斯精工錶拍賣　約34萬成交

1 : GS(14)@2016-03-08 16:15:40

正所謂「窮到燶，戴精工」，那些年窮小子都喜歡戴精工錶（Seiko），慢慢地，精工錶就成為了低價錶的代表詞。想不到，原來蘋果教主喬布斯也是精工迷，1984年，在他抱着Macintosh電腦的經典照片中，手腕上戴着的就是精工錶。這枚原本平平無奇的石英手錶（編號6431-6030），也因教主所穿戴而身價倍增，早前更以42,500美金（約34萬港元）成交，足見喬布斯魅力。資料來源：Mac Rumors記者：劉東佩



這枚精工錶早前在拍賣會上以42,500美金（約34萬港元）成交。





來源: http://hk.apple.nextmedia.com/su ... t/20160308/19520275

---

【網上爆Post】Android N新功能似足iOS？夜讀Mode視窗分割齊晒

1 : GS(14)@2016-03-13 02:41:04

當大部分Android用家仍未升級至6.0（Marshmallow）之際，Google已於近日發佈了Android N的Developer預覽版本，外國更有媒體率先安裝了這個即將於夏天正式發佈的全新Android系統。新版本最大的改變可算是通知欄，部分app如Gmail、messenger等能在通知欄回覆，毋須另外開啟應用程式；用家亦可直接按通知欄查詢電池用量清況，令通知欄變得更加實用。
Android用家十分期待的視窗分割功能亦在這個新版本登場，用家能同時使用兩個應用程式，系統會根據手機旋轉的方向，從而作出上下或左右分屏。新功能還包括減少藍光的夜讀模式及全新設計的設定版面。新版本的Android系統將以英文字母N開始的甜品命名，不過名字仍未確認，大家會想是朱古力榛子醬〈Nutella〉、鳥結糖〈Nougat〉，還是其他呢？記者：容逸富資料來源：9to5google


部分應用程式支援用家在通知欄直接回覆。





來源: http://hk.apple.nextmedia.com/su ... t/20160312/19526106

---

【網上爆post】Apple工程師回信　關閉App無助省電

1 : GS(14)@2016-03-15 15:10:31

好多iPhone用家都有個習慣，得閒就會雙擊Home掣開出多工控制台，滑動關掉後台app。最近就有用家電郵Tim Cook，詢問他會不會這樣做和此動作能否讓手機更省電，其後他也收到來自Apple工程部副主席Craig Federighi的回覆，答案只有三個字：「No and No」。



Apple回覆電郵也算尋常事，Tim Cook的電郵地址為[email protected]，各位有問題也可以一試。


官方說明指多工控制台只是記錄下最近開過的app，iOS app大部份情況都不會在後台運作，除非app沒有回應，否則主動關掉app不會提升手機效能或省電。不過這個答案似乎不能說服網民，有網民指出部份app會在後台使用GPS定位和音樂播放，例如Google Map導航時，要停止就要在app中或多工控制關掉，按Home掣回主畫面會繼續導航，明顯較為耗電。記者：司徒港燊





來源: http://hk.apple.nextmedia.com/su ... t/20160315/19529299

---

【網上爆Post】十核CPU配6GB RAM手機　平過iPhone SE

1 : GS(14)@2016-03-30 14:43:41

金屬機身外殼，機背配有21MP Sony IMX230鏡頭。


神州大地無奇不有，當大家還在研究新iPhone SE內置2GB RAM速度表現如何、1,200萬像素的拍攝質素時，國內一家新手機品牌Vernee已宣布將推出一支內置10核CPU、內置6GB RAM及配備21MP Sony IMX230鏡頭的高階手機Vernee Apollo，而最屈機的是，此機將定價為399.99美元（港幣約$3,100），比iPhone SE16GB容量還要便宜。
Apollo是Vernee首款推出的手機，除配備MediaTek Helio X20十核處理器、6GB RAM及128GB儲存容量外，還支援21MP Sony IMX230主鏡頭及8MP前置鏡頭。此機設有5.5寸屏幕，支援類似3D Touch的壓力感應觸控功能，其他規格還包括USB-C接口、指紋辨認系統及預載Android6.0平台等，規格強勁。傳聞即將上市的Samsung Galaxy Note6將內置6GB RAM，不過定價肯定不會是399.99美元。若Vernee Apollo真的在港上市，香港人又有冇興趣呢？資料來源：i4u記者：陳詠兒





來源: http://hk.apple.nextmedia.com/su ... t/20160330/19549385

---

【網上爆Post】iPhone 7機背曝光　天線位移機邊

1 : GS(14)@2016-05-25 10:09:00

iPhone7的浪潮快將殺到，網上最近又有iPhone7的背殼實物曝光，從圖片可見，機背的天線位明顯移到了機頂和機底，看上去感覺有點古怪。可能圖中的機款為iPhone7，而非大機的iPhone7 Plus，所以未見盛傳的雙鏡頭，而且亦只得機背，難看出3.5mm插口是否被取消。記者認為這個背面的設計不太討好，身為果粉，始終看慣了iPhone上的天線位吧！資料來源：SOFTPEDIA記者：方健銘





來源: http://hk.apple.nextmedia.com/su ... t/20160525/19625930

---

【網絡紅人我都做得到篇】5萬一POST　KOL好值錢？值錢嘅係班Fans！

1 : GS(14)@2016-07-09 07:10:34

Roy2覺得過去所謂網絡紅人，始終像廣告界二等公民。



好了，講了四集KOL，最多人問的問題是，如果我是老細，俾四萬元請人寫一個貼文？你給我嗎？咪喺度炒高身價。(當然唔排除佢有炒)但Touch base創立人之一的Roy2 Kwong說：「信，點解唔信呀？五至七萬，我都見過。」


現在香港管理KOL的管理公司約三十間，活躍的不出十間，共計約七百至八百個較活躍的各界KOL。Roy2正與朋友修整一個數據系統，可以整理不同KOL，甚至你或我，在傳播媒體上的追隨者與粉絲群，研究他們的興趣愛好，才找適當的KOL作廣告推廣，目標觀眾喺晒度，就唔駛亂咁賣廣告。Roy2：「他們買的其實不是那KOL，而是在講這個KOL背後的追隨者及粉絲。」小題：周秀娜最啱做孟蘭女神舉過例，他們分析過周秀娜的粉絲數據，你以為一定是陽盛陰衰的宅男大軍，結果女粉絲竟佔七成大多數！而她們當中愛關注或討論的範圍更令人跌眼鏡，頭幾位的如墳場新聞、鬼片反不同的殘忍的屠殺新聞事件;又有有機食品，甚至乎大部份粉絲都愛耕田，綠色生活的，可能跟素食養皮膚有關；還有大量搵工轉工資訊。「不知是想轉工，還是搵工才喜歡周秀娜。」Roy2嘴角含笑但眼神認真道：「即是話，孟蘭快到，拍鬼片啦，紙紮舖啦找她做孟蘭女神應該掂；招x，Jobs嘟嘟找她代言，命中率幾高。」「傳媒向這個方向發展，大把嘢做。有排你做呀！」早已認命身處傳媒嚴冬的我同攝影師，都好似望到橋的那邊，有道光明大門呼喚我，推門，有雲海：「你不知道陳雲海背後確實是甚麼粉絲，可能他背後最多粉絲愛吃茶餐廳或鮑參翅肚呢！佢貼一貼讚一讚，命中率已經好過在中環大街投個大告示牌賣廣告，得大廈兩旁的人得閒或唔覺意望一望。」在這樣的變化下，你不需要是甚麼特別的人物，只要好好做靚自己的資訊網，吸納粉絲，就可把你的知識或追隨者化成現金。
ROY強調，世界變，不出五年，網上行銷會正式成為主流：「如果十年前做電視那班人不是少看網絡力量，今日就唔係咁啦！」Roy2廿來歲就跑入娛樂圈，看盡廿年來生態變遷，那時候有位電訊公司大老闆跟他說，哪有人會拿著電話在街查電郵？數據這麼貴誰會做這種事？「但你看到世界在變，你只要錯過了一個願景，你就會跟這世界再沒關係。」記者：陳慧敏攝影：林栢鈞



現在影嚮力日大，將取代舊式媒體成主流。

原來周秀娜粉絲愛看恐怖片、Hardcore猛片，找她做孟蘭、萬聖節女神，把節日推上一層樓。



來源: http://hk.apple.nextmedia.com/su ... t/20160709/19687573

---

游學修蘇麗珊勵志post變晒恩愛網民：放閃可恥！

1 : GS(14)@2016-07-14 08:09:49

點解好地地一個DSE勵志post會成閃post㗎？媽，我對眼呀！昨日係DSE放榜，游學修同蘇麗珊呢對平日都已經sweet到爆嘅情侶都有出post同考生打氣，不過搞搞吓就變咗喺度放閃咁囉，有網民都頂唔順話：「偽勵志...實放閃...可恥呀！」游學修喺自己個fb貼咗佢同蘇麗珊18歲時嘅相，話自己當時係一個瘦削自大運動型mk，仲要話自己係「木契」o添，使唔使咁盡呀……另外，佢又話蘇麗珊係佢中學時期唔敢講半句嘢嘅校花，但係今日佢成功同女神一齊，仲話：「故事教訓：18歲嘅成績唔係咁重要，係咪好勵志呀!?!?」網民睇到個post就大讚蘇麗珊似李心潔，又話佢「放閃可恥」；不過都有道德衛士出嚟話：「價值觀有問題，考試成績好唔係為媾女，係前途，唔好搞亂，媾靚女沒有咩了不起」，游學修就即刻秒殺回應：「唔好搞亂，媾到佢肯定係我最大成就」。嘩！咁識講嘢，啲女俾你媾晒啦！蘇麗珊都有出手留言話：「你話你好多女仔鍾意嘅」，但係唔知係咪游學修驚講錯嘢呢？竟然冇回應到！喂...說好的幫DSE考生打氣呢？





來源: http://hk.apple.nextmedia.com/entertainment/art/20160714/19693695

---

退出娛樂圈？吳若希出post︰你們會等我嗎

1 : GS(14)@2016-10-11 08:11:54

娛樂圈是非多，但是非多中之多，吳若希應該係其中一個，今年最令人記得嘅新聞，應該係佢7月頭高調認戀澳門闊少Alex Ho，事隔兩個月就高調嗌分手。靜咗一排，昨日見佢update Instagram，留言話：「有時在一個環境呆到累了，就要給自己一個新的挑戰，親愛的豬們，我想休息一段時間，發展自己另外的工作，你們會支持我嗎？你們會等我嗎？」累了？新挑戰？休息？？另外嘅工作？等？！咩事呢？講到好似想退出娛樂圈，要另覓出路咁。吳若希乜都冇再講，一味吊班fans癮，有好多fans都死忠力撐，話等幾耐都等佢，亦有人開口問吳若希到底轉咩工。幾時開估啫，吳小姐？




來源: http://hk.apple.nextmedia.com/entertainment/art/20161011/19796851

---

【出Post自嘲】設計師刷存在感　書展簽名會零人出席達成

1 : GS(14)@2017-08-04 06:35:42

人潮越文靜越變得不受理睬，自己要搞出意外。DDED的Albert決定自嘲，以退為進。



facebook世界萬家爭鳴，即使粉絲專頁like數夠多，唔keep住日日出post，真係分分鐘被世界遺棄，很可怕。網絡後浪推前浪，刷存在感成了很多版主的例行公事。專營動畫設計的DDED，專頁like數超過五萬，又如何？版主Albert最近喪出post自嘲無人識，似乎係上演以退為進，引人注意的戲碼。我問：「存在感對你來講係乜？陽光？空氣？無咗唔得？做乜係咁衝出來？衝完粉絲真係多咗？」佢答：「出咗呢啲post，粉絲無少到，個人明顯高咗、大隻咗，存在感返咗埋嚟！呀~~」得啦得啦，咪背星爺電影對白敷衍我。



「你憑乜覺得刷就有存在感？」「憑我徹底的勇氣。」「……」原來成日靚抽時事製作2D起格影片嘅佢，最近把將無人識、產品無人買的慘痛經歷化為黑色幽默動畫或插圖，以自己為主角，博大家派like。「上年書展，有人將我認錯係于日辰（高登作家小姓奴），叫我簽名，我有照簽。」佢又試過變咗「送禮勤」，帶同自己創作的figure公仔去設計師聚會送人，聚會完結，figure被遺下，慘到烈。又有人曾經send email同佢傾合作，可惜對方真正想搵的係網絡紅人「大大與小妹」（90後情侶插畫師）的小妹。佢扮認真話：「用咗好耐時間平復，心靈受到好大打擊，好想將呢件事畫出來當發洩，又可以順便出post呃like。」慢慢地呢個人不斷自爆，往傷口灑鹽自嘲戲謔。「都係俾人笑吓，自己又笑吓，老實唔係真係刻意刷存在感。」唔知係咪因為睇人「X街」最開心，啲post真係好好笑，加上樣樣衰衰，猥猥褻褻的方面造型公仔，係幾令人期待睇佢有更多瘀事分享嘅。



佢以「窮到賣底褲」為口號賣底褲，但其實印製底褲及買扭蛋機等成本不輕，賣咗九成都無錢賺。

方面MK仔動畫配上Albert刻意chok出來的衰聲，睇一次笑兩次。

一心帶自己作品送給其他設計師，點知完場發現自己變咗「送禮勤」，惟有幽自己一默，畫出來畀大家笑吓。

剛過去的書展，佢做咗兩個創舉，第一係搞咗場零人出席簽名會，一小時簽名會真係無人去，半個都無。咁無存在感的假象，係佢精心策劃。「揀無人得閒來嘅時間搞，書展第一日晏晝三點，返工嘅人一定來唔到。專登低調宣傳，又呼籲大家唔好來。」無人來，個心真係無碎到一地都係？「無，只係覺得幾好笑。我其實係模仿日本YouTuber Shibatar，佢都搞過一場無人去嘅簽名會。其實無人來，有人來我都開心，根本就係無敵嘅狀態。」書展期間，呢位仁兄無新書但日日蒲頭，竟然係為咗賣底褲，仲唔係怕被忘記至放大來演吧？搶focus搶到出面喎！「純粹想做啲非主流嘅事，香港地唔係即時賺到錢嘅生意，好多人都唔做，我專做呢啲，專做蝕本生意。」用扭蛋機賣底褲，佢話係一套經驗，賣嘅係整個過程。睇你會唔會好彩抽中有屎漬印花嗰款。諗落無聊，實質都係無聊，之但係整嗰個開心，抽嗰位高興，旁人又有乜好講？記者：葉青霞攝影：王國輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170804/20110830

---

【小編注意】朱克伯格：親朋戚友Post將優先睇到

1 : GS(14)@2018-01-15 02:56:38

facebook去年曾於測試「Newsfeed雙軌制」，將動態時報(News Feed)一分為二，非廣告的專頁帖文，會被「發配邊疆」到另非預設News Feed。測試最後進一步推出，但facebook修改演算法的心態未變，最近再公佈調低專頁帖文的觸及率(reach)，以顯示更多來自朋友、家庭成員的帖文，facebook行政總裁朱克伯格表示，「在社交網絡與關心的人溝通，人會更幸福，也關聯到長遠的開心與健康。」
facebook公佈在未來數月，將會優先顯示親朋戚友，與及能激發討論的帖文，並因此減少派發品牌、媒體的帖文、影片；如果帖文缺乏討論，「會看到派發上有極大下降」。facebook同時指出，如果帖文能激發人與人間的討論，將會更優先顯示，並舉直播影片為例，稱直播影片一般較影片多五倍互動。朱克伯格稱收到意見，認為商家、品牌和傳媒資訊排擠（crowding out）了朋友資訊，而facebook最重要的任務是協助人們互相連結，「我們有責任令服務不單止有趣，同時要令人更幸福」，在未來數月，「你可以預期更多看到你的親朋戚友和群組」。然而，博彭引述知情人士，稱facebook的修改並不包括減少廣告派發。



來源: https://hk.finance.appledaily.co ... e/20180113/20273032

---