自殺女星身份曝光 GACKT舊愛疑是《Terrace House》女星
1 :
GS(14)@2017-02-05 10:48:30日本妖男歌手GACKT被新一期《週刊文春》爆曾搭上一名圈中女星，呢位冇公開身份嘅A小姐曾經係水着界偶像，當佢先後被GACKT，以及GACKT經理人公司社長H先生狠飛後，A小姐不堪被用完即棄，加上去年以為自己可以上岸退出藝能界，令雙失嘅A小姐於元旦日上吊自殺，好彩及早被發現救回一命。現年26歲嘅A小姐於2012年秋天認識GACKT，之後A小姐就成為GACKT嘅情人，三年來每次都基本上只會喺高級酒店房見面。不過，A小姐上年1月經GACKT認識H先生，當與GACKT撇清關係同時，卻被H先生拋棄，A小姐被飛後即與兩男失去聯絡，感到絕望便企圖自殺。對此，GACKT噚日同時於社交網及網誌回應有關報道，爆粗直斥內容失實，強調自己一直單身。至於A小姐真正身份，雖然《週刊文春》冇公開其真名及照片，但有網媒及網民隨即起底，發現26歲奀星松川佑依子跟A小姐相當吻合，松川佑依子亦喺年前宣佈引退，過去半年已在演藝界消聲匿跡。松川佑依子入行數年主要拍水着寫真，其幕前代表作不多，最為人熟悉係參演真人騷節目及電影版《Terrace House》。
來源:
http://hk.apple.nextmedia.com/entertainment/art/20170204/19917734