📖 ZKIZ Archives

人民日報叫你咪沽人民幣 你仲驚 中環客

來源: http://hkcitizensmedia.com/2016/11/28/%e4%ba%ba%e6%b0%91%e6%97%a5%e5%a0%b1%e5%8f%ab%e4%bd%a0%e5%92%aa%e6%b2%bd%e4%ba%ba%e6%b0%91%e5%b9%a3-%e4%bd%a0%e4%bb%b2%e9%a9%9a/

雖然人民日報啲黨八股非常難頂，但如果阿爺有乜聖旨，都係會經人民日報轉達。做中國生意嘅人，難免要目及目及人民日報。而最近人民幣係咁跌，就更加要睇住人民日報，睇嚇阿爺會唔會出口術救人民幣。

人民幣
人民幣

而果然不出所料，阿爺真係喺11月28日，喺人民日報發表文章，叫民眾唔好咁急換外幣住，想穩住人民幣 匯價。只不過，人民日報呢個出口術方法，反而令一眾中環友更加驚。

人民日報叫得人唔好換外幣住，其實係反映咗，最近有傳大陸國有銀行出現搶換外匯現鈔熱潮係堅，唔怪得東鐵線無曬啲人運奶粉同益力多，而係運港紙現鈔入去。大家都知，人民日報叫大家做乜，大家往往倒轉嚟做，咁搞法，人民幣同港紙變番1換1真係指日可待，大家更加唔敢摣人民幣喺手。

所以依家如果仲有人以為有鋪摣手可以發達，中環客建議果個人得閒多啲去上環啲找換店睇睇形勢，零售界點只寒冬，睇嚟冰河時期都嚟緊，更加唔好講啲酒店，以及其他依賴自由行搵食嘅行業。

中環客

PermaLink: https://articles.zkiz.com/?id=226097

「梁議員」撐青政被指「贏梗」仲驚驚

1 : GS(14)@2016-09-06 04:35:33

去年區議會選舉，青年新政游蕙禎出戰黃埔東，僅以300票之差，不敵西九新動力梁美芬。今年立法會選舉，游蕙禎再戰九龍西，昨日她身穿長裙拉票，坦言不會只視梁美芬為主要對手，「其他14位候選人都係主要對手，我唔會輕視任何一位對手，無論梁美芬定其他人都好，我都係主要宣傳自己政綱」。游蕙禎昨午在其根據地黃埔拉票，對於雷動計劃配票給她，她指，要到最後才知道雷動能否幫她增加選票，但不論民調或是雷動計劃，都不是她能控制的事，只會看看數據做做參考，會繼續做好她能力範圍內的事。她又指，最後一席屆屆都多人爭，會努力做好自己，向所有香港人不分階層爭取選票。她堅定說對選情有信心，「我只會諗贏」。不少九西選民指今次投票沒有選擇，只能「含淚」，她指會做好自己，不會讓投她一票的選民「含淚」。被問到會否被視為「花瓶」，她直言「我相信花瓶裝到水」，並指不覺得年輕貌美是優勢，「大家係睇實力」。游續指如老一輩投她一票，是認同其理念和政綱，「揀一個候選人唔單止係睇年齡，我諗好多香港人對我哋有期望，我哋希望可以做好自己」，她指不認為有世代之爭的存在，「佢哋都會覺得依家嘅後生仔要行多一步出嚟」。民建聯蔣麗芸就以一身「pink lady」打扮到深水埗拉票，她希望不用「告急」，但黨內曾計過最壞情況會兩隊民建聯都無法當選，故只能全力拉票。被問到同樣吸取建制票源的經民聯梁美芬是否其勁敵，她承認二人票源接近，假如對方如坊間所言能夠得到兩席票，民建聯會好危險，但被問到會否視對方為敵人，她稱「希望佢都能夠入圍」。至於游蕙禎於上次區選只以300票高票落敗於梁美芬，她認為民建聯與青政票源相距遠，不見顯著的直接競爭。問到她會否「過票」給同區候選人新思狄志遠，她指第一次見狄志遠時已是選舉論壇，並不認識對方，不會「過票」予狄，「絕對唔可能，大家都知道狄先生過往係民主黨」對於日前出現集體棄選，她指棄選保同路人的做法「聞所未聞」，而且做法不公平，影響結果，被問到對戴耀廷發起以「雷動計劃」配票的做法，她聞言即說「唔想提呢個人」。經民聯梁美芬同樣一身「pink lady」打扮現身美孚拉票，與同場的公民黨毛孟靜及民建聯蔣麗芸較勁，但她人未到已有近30名支持者到撐場，不斷有人高呼「美芬美芬美芬」、「支持支持支持」，聲勢浩大。被指能夠穩定連任，甚至能夠奪得兩席的梁美芬到場即直言不排除「告急」，「候選人係有經驗，我哋感覺到比搶票，同埋啲票不如理想」，「選情比我哋想像中嚴峻得多，對手亦好厲害，市民不能相信民調」，她多次強調民調不可信，民調高不等於得到的選票多，不斷呼籲選民不要看民調配票。梁美芬多次提到新興候選人對她有一定威脅，被問到所指是否青政游蕙禎，游於上次區選只以300票落敗於梁美芬，她否認視游為對手。




來源: http://hk.apple.nextmedia.com/news/art/20160905/19760822
PermaLink: https://articles.zkiz.com/?id=307561
Next Page
ZKIZ Archives @ 2019