ZKIZ Archives


Winkie暗寸:將傷勢放大Rika哭訴:下下打眼鼻

1 : GS(14)@2016-03-08 00:08:33

■Rika(右)為拍格鬥真人騷被打到患上飛蚊症,Winkie就反擊:「比賽預咗受傷。」


【ViuTV開台】下月開台的ViuTV重頭節目女子格鬥真人騷《G-1格鬥會》昨於尖沙嘴開記招,參賽者劉燕妮(Rika)、鄧穎芝、黎美言(Winkie)和唐紫睿(Hazel)等均有出席。節目未出街已連番爆出是非,有指Winkie比賽時出手太狠毒而遭Hazel等人杯葛,尤其跟Rika最大牙齒印,二人對賽時Rika慘被Winkie打到變豬頭。



■Rika(右)被Winkie打到變豬頭(右圖)。





對手挑釁好難忍


昨日Rika、Winkie等人在台上未見有交流,當司儀問眾人有否受傷時,Rika表示:「自己打嘅時候曾經毀咗容,手都斷咗,而家睇緊跌打,到而家後遺症係眼仲有飛蚊症。」之後記者邀Rika與Winkie一同訪問,對於打傷Rika,Winkie明寸Rika說:「比賽得預咗受傷,大家都簽晒生死狀,自己唔會將傷勢放大。」對於被指犯眾憎,Winkie說:「有聽過不利自己嘅新聞,參加呢個騷已好大壓力,節目出街後就可以睇到,知我冇做過乜唔好。」但Rika卻指比賽時遇上憤怒事:「比賽係應該有體育精神,比賽時受傷我接受,但對手講挑釁說話就會唔開心,對手下下打眼同鼻,對我嘅傷害同陰影係好大。」她表示醫生指飛蚊症有機會變成永久性,說罷忍不住當場落淚。


■屢傳是非的ViuTV節目《G-1格鬥會》開記招,現場充滿火藥味。

Hazel留低為報仇


Hazel受訪時直指拍完《格鬥會》後發覺電視圈黑暗:「大家為爭出位真係可以拳拳到肉,就算台下扮晒friend話唔打面,但上到台都係一拳打埋嚟,真人騷簡直好似一塊照妖鏡。」問Winkie是否犯眾憎時,Hazel寸爆說:「節目裏邊有自己最好朋友,佢一定唔係朋友。Rika係我好朋友,我本身諗住退賽,但睇到Rika受傷咁犀利,好心痛,因為咁先繼續參加呢個比賽,決心為佢報仇。」據悉龍小菌和郭思琳跟Winkie份屬好友,昨日活動結束後,小菌在facebook力撐好友,暗指Rika和Hazel博宣傳。採訪:譚倩宜攝影:仇志德





來源: http://hk.apple.nextmedia.com/entertainment/art/20160307/19519051
Winkie 暗寸 傷勢 放大 Rika 哭訴 下下 打眼
PermaLink: https://articles.zkiz.com/?id=297152

Rika跟百億男友從商

1 : GS(14)@2016-05-08 01:56:15

■Rika在《G1格鬥會》被打到變豬頭(左下圖),令男友非常心痛。互聯網圖片


有「翻版徐若瑄」之稱的劉燕妮(Rika),近日在ViuTV節目《G1格鬥會》被黎美言(Winkie)打到眼爆微絲血管,面部留下一撻撻瘀痕,日前Rika發千字文宣佈退出娛樂圈,計劃進修讀法律。原以為是創傷後遺症,棄影從商,事實是Rika撻着百億富二代男友,對方正是北京著名通盈投資集團老闆石林兒子石爍。有報道指退選港姐的Rika與富二代男友石爍拍拖數月,石爍眼見到女友被人打到變豬頭,心痛不已,便苦勸Rika退出娛樂圈跟他學做生意。其實男方家族一向低調,若Rika要嫁入豪門必先學會低調,所以第一步就是急流引退,而至截稿前Rika未有回覆。採訪:非非





■Rika與百億富二代石爍拍拖,男友勸她退出娛樂圈。微博圖片



來源: http://hk.apple.nextmedia.com/entertainment/art/20160505/19598069
Rika 跟百 百億 男友 從商
PermaLink: https://articles.zkiz.com/?id=299867

Rika放閃讚男友好品性

1 : GS(14)@2016-05-08 14:54:02

■身在美國的Rika,獲男友陪伴溫書。


劉燕妮(Rika)在ViuTV節目《G-1格鬥會》被對手黎美言(Winkie)打到變豬頭,落敗後同時宣告退出娛圈,Rika其後被揭有百億富二代男友、北京通盈投資集團老闆石林兒子石爍撐腰。Rika前晚在Instagram放閃,貼出跟男友甜蜜日與夜的照片,Rika更風騷留言:「他是我遇過品性最好、最痛錫我的男人,不是秘密,只怕閃壞人。」記者昨WhatsApp身在美國的Rika,她表示男友近日到美國開會,順便探她,Rika大讚男友是學習榜樣:「雖然佢家境條件好,但好多嘢都係佢自己努力,佢大隻嘅身形都係苦練番嚟。佢家教好好,低調同節儉,佢仲一直push我變得更好,好有正能量。」採訪:陳杰





來源: http://hk.apple.nextmedia.com/entertainment/art/20160508/19602291
Rika 放閃 閃讚 男友 品性
PermaLink: https://articles.zkiz.com/?id=300083

格鬥女慶功 Rika避追訪甩底郭思琳道歉 Hazel唔領情

1 : GS(14)@2016-05-19 02:33:52

■Hazel(圖)指Rika未結婚,叫大家不要葡萄Rika跟男友的戀情。


【ViuTV風雲】是非多多的ViuTV格鬥真人騷《G-1格鬥會》前晚播出決賽,結果由唐紫睿(Hazel)壓倒郭思琳奪冠,兩女跟龍小菌、主持柳俊江、星級教練徐家傑到銅鑼灣出席慶功宴,本來通告有早前被黎美言(Winkie)打到變豬頭,宣告退出娛樂圈的劉燕妮(Rika),但她跟大會表示「突然間有事」未能出席。
Hazel曾為撐Rika鬧爆Winkie:「食屎啦!」問到好友為甚麼缺席?Hazel說:「Rika知道有傳媒,佢早前又講咗退出娛樂圈,所以覺得唔係好適合出席。Rika都好唔開心,自己為節目付出咗咁多,但又嚟唔到呢個活動。」問到Rika是否嫁百億男友石爍?Hazel說:「佢未嫁,都係啱啱開始拍拖箒,係我介紹俾佢識,希望大家唔好葡萄佢哋嘅戀情啦!」
Hazel否認Rika因男友退出娛樂圈,指《G-1》節目令Rika受到好多壓力和委屈:「佢為比賽付出好多,又打到成身傷,但好多人話我哋喺度搞是非同博出位。」Hazel哽咽說:「呢段時間自己情緒都唔好過,自己咁努力都俾人鬧。」有否想過退出娛樂圈?Hazel說:「條路係自己揀嘅,就算PK都唔好喊,跪住都要走,自己會繼續向打女方向進發。」



「做朋友講緣份」

早前Hazel被郭思琳整傷面爆不和,問到兩人是否已冰釋前嫌?Hazel說:「其實都冇嘢嘅。」郭思琳則說:「我自己都冇嘢嘅,趁今日咁多人可以講吓發生乜嘢事呀?」Hazel解釋:「都係練習啲嘢箒,覺得未比賽就整傷對手唔係幾好。」郭思琳反駁:「我真係唔知邊一part整親你,如果真係有嘅,我都好願意道歉。」Hazel則說:「好啦,其實呢啲嘢都隨緣啦,覺得大家以後見面機會都唔太多,做朋友都要講緣份。」現場充滿火藥味。採訪:卓寶花攝影:陳慧安



■郭思琳當面質問Hazel整傷面事件,兩女充滿火藥味。

■前晚《G-1格鬥會》在銅鑼灣舉行慶功宴,是非人物Rika、Winkie、鄧穎芝全缺席。

■已宣告退出娛樂圈的Rika,前晚未有出席《G-1格鬥會》慶功宴。資料圖片



來源: http://hk.apple.nextmedia.com/entertainment/art/20160517/19614561
格鬥 慶功 Rika 避追 追訪 訪甩 甩底 底郭 思琳 道歉 Hazel 領情
PermaLink: https://articles.zkiz.com/?id=300385

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019