中環行蠱惑：大陸做生意 潮唱 Noon K
1 :
GS(14)@2011-09-26 20:25:32http://hk.apple.nextmedia.com/te ... 104&art_id=15647134
...
廠佬張同細莊講，家陣喺大陸做生意，首要係有一個好嘅肝，因為基本上唔飲唔使旨意做到生意。我哋一般港人以為同大陸人飲大陸嘅白酒已經好難頂，但朋友話咁唔算大鑊，如果應酬飯局中有官員或者行業前輩，一般飲酒規格起碼都要「三中全會」，即係啤酒、紅酒同大陸白酒都要飲。
早玩早交人
咁嘅飲法並唔係好多香港人習慣，所以近年越嚟越多港商請大陸女員工做陪客。飲酒飲到要搵女人頂，朋友都覺得好羞家，但家形勢比人強就冇辦法。
廠佬張話佢上星期又見識到新嘢。話說客仔約佢朝早上公司傾嘢，佢心諗咁早唔使點應酬。喺公司傾到 11點左右，個客忽然同佢講要快啲走，唔係遲咗冇酒飲又冇靚女陪！朋友心諗個客係唔係講笑，一朝早點會搞啲咁嘅嘢？點知個客帶咗佢去一間 KTV，現場已經爆滿唱 Noon K嘅客，返工嘅女仔仲多過夜晚……。