📖 ZKIZ Archives

【馮仁昭四圍超】MastaMic奀星冇人幫

1 : GS(14)@2016-09-02 05:49:52

MastaMic噚日到商台宣傳新歌《Good Times》，佢話而家仲未回本所以要繼續宣傳：「真係一半都未有，惟有盡做啦。而家諗宣傳方法諗到頭爆，因為唔想俾人笑，但係太正經又唔夠吸引。再回唔到本我就裸跑，到時買一隻碟，可以摸一下……隻碟。」網上集資籌錢？MastaMic自嘲比奀星更暗嘅「瘀星」，佢話：「冇人捐錢好瘀㗎，而家連吳幸美試飲酒點擊都高過我嘅即席freestyle。」撰文：馮仁昭




來源: http://hk.apple.nextmedia.com/entertainment/art/20160902/19757162

---

MastaMic唔避社會問題

1 : GS(14)@2016-11-12 05:55:07

MastaMic、女子組合雞蛋蒸肉餅等，前晚喺九展出席新城音樂會，MastaMic今年工作量同曝光率都多咗，他笑話：「收入唔錯，本身一直都喺谷底徘徊，今年可以上到山腰。明年會出新碟，主題不會避開社會問題及制度暴力，亦會提及議會暴力。」另外，雞蛋蒸肉餅透露收入雖然不穩定，但有登台和做兼職工作，可以給家用，亦沒有經濟壓力。




來源: http://hk.apple.nextmedia.com/entertainment/art/20161112/19830744

---

【馮仁昭四圍超】MastaMic寫歌做到嘔

1 : GS(14)@2017-01-26 18:22:26

MastaMic噚日喺商台宣傳新歌《16HK Rap Up》，第九年做香港大事回顧rap嘅佢話：「做資料搜集做到嘔，我睇都睇咗四、五個星期，寫歌詞就用一星期。」佢話最有印象係立法會選舉：「好多變化，我冇諗過黃毓民選唔到，唔知係咪雷動計劃，令到有少少混亂。」佢笑謂住喺離島，所以唔會去女友屋企拜年，仲話自己有好多少女粉絲，笑言要改名「七孔劉」，仲大擺韓式派心手勢。撰文：馮仁昭




來源: http://hk.apple.nextmedia.com/entertainment/art/20170126/19908854

---

【馮仁昭四圍超】MastaMic整容搞眾籌

1 : GS(14)@2017-02-09 23:44:24

本地rapper MastaMic噚日到新城宣傳新單曲《16 HK Rap Up》，單曲同時喺網上發售，為咗賺到盡，由入碟、包裝同送貨都一腳踢，佢話：「大大話話入咗二、三百隻碟，好彩大家知我霉，所以都好積極落單，畀錢我使。」
MastaMic又話想提高女歌迷比例：「或者搞個眾籌畀我整整個樣，咁女fans自然多，或者跟住曾俊華個樣嚟整，捐五百可以摸鼻，捐一千可以摸下巴。」撰文：馮仁昭




來源: http://hk.apple.nextmedia.com/entertainment/art/20170209/19922124

---

【馮仁昭四圍超】MastaMic拍MV要求高

1 : GS(14)@2017-06-10 13:09:48

MastaMic噚日到商台宣傳新歌，佢話好開心MV出街後反應好好，不枉花心機去拍，佢話：「以前冇咁注重視覺效果，近年要求越來越高，拍MV時變相會有壓力，因為要畫面靚，低成本去拍唔係咁易，係幾大挑戰。」講到拍MV，MastaMic話即使好多人幫手收友情價，成本都比以往多一倍幾，佢希望累積多啲經驗，將來有機會做埋導演。撰文：馮仁昭




來源: http://hk.apple.nextmedia.com/entertainment/art/20170608/20047939

---

【最後一Rap】MastaMic寧刪大事多Rap小人物　記錄香港十年史

1 : GS(14)@2018-01-28 15:19:11

雪糕伯伯黃廣在龍珠街的小公園開檔，讓附近學生可以買到平價零食。


你未必認識Hip-Hop，但都應該聽過MastaMic（馬米）的《RAP UP》系列，每年年三十晚，風雨不改，至少Rap足六分鐘大小事，今年已來到第十年，不過亦是最後一Rap。

迄立中環的「何希記造遮」有逾60年歷史，何伯於2014年退休。


兩句、四句總結一則新聞，嬉笑怒罵，《RAP UP》嘅輕鬆得意曲風、合適嘅速度節奏，令大家可以聽清歌詞，馬米話專登做到老少咸宜，「即使你阿爸唔識Hip-Hop、不聽流行曲，都會聽一下。」2012年開始，社會時事嘅份量超越娛樂圈，馬米坦白：「最初係Gimmick，想多啲人認識馬米，去到第四、五年，我已經覺得不是抽水。」講起抽水，佢有啲激動，「我係音樂人，用我嘅創作手法去記錄，你會唔會話報紙同《頭條新聞》抽水？真係抽水嘅人唔會花咁多心機去做呢件事。」他拎起用環保紙做嘅筆記，幾廿頁紙，百分百手寫，用point form寫低大小新聞，小到「17年，最炎熱夏天，最高氣溫錄得36.6度，歷史紀錄以來最高」，即係睇晒全年報紙啊？忙緊準備3月新專輯《MastaPiece》同演唱會，「今年啲報紙仲未睇完啊，雖然我已經跳咗財經版，唔睇副刊，國際新聞只會睇最大幾則，體育都少睇，除非同香港好有關係，但份量真係好難啃。」如此動作，每年做一次，「我每年年尾都不想做，寫歌不難，最難是一掀報紙，心裏已經……365份啊大佬！最少要個半至兩個月。」堅嘔心瀝血，未正式訪問前，馬米帶記者睇佢嘅「收藏」──報紙，佢拿起大笑：「我唔係淨係睇《蘋果》，我會睇唔同報紙，去了解事件嘅完整層面。呢份係貴州人示威，我會收起我認為重要嘅新聞，仲有好多喺屋企。」《RAP UP》好多社會議題和敏感內容，每年都有唔少傳媒訪問，「對我來講，唔係因為這樣，而係一個簡單想法，想用音樂記錄香港。」係半個娛樂圈人、爭取曝光機會嘅馬米過去兩三年推咗關於《RAP UP》的訪問，寧願低調做史官。

2012年七一遊行有40萬人參與，MastaMic是其一，「當時好感受到嗰份熱情，可惜香港人堅持唔到，要堅持十年真係好難。」


過去十年，香港動盪，馬米說：「啱啱好撞到呢十年，歷史嚟講係好好，香港80至90年代大部份時間都風調雨順，你唔會看到人民的轉變。」頭幾年《RAP UP》，娛樂新聞佔一半，輕鬆搞笑為主，「但慢慢，我挑選的題材也隨時代、市民留意嘅事物改變。」李國章出任港大校委會主席事件、大白象撥款、免費電視牌照、新聞及言論自由，每年都跟得好貼，一口氣聽番呢幾年《RAP UP》系列，成個timeline出晒嚟，香港被吞噬嘅full picture顯而易見。民生同政治都好多大事，最令他深刻的卻是小人物，這幾年，馬米寧願刪減大事都要記小事，中環整遮阿伯2014年退休，佢咁樣Rap：「屹立60年遮王何洪希收山，一代遮王自此絕跡中環」，石硤尾雪糕伯伯今年離世都令佢動容，「而家香港缺乏人情味，人情味都留喺facebook，新聞報過後，三天內有人討論，三天後呢？不會記得。真正陪伴香港人成長嘅係呢啲人，呢啲先最記錄到香港歷史。」今年的《RAP UP》都會有雪糕伯伯，「當係自我安慰，覺得自己都為呢啲人做啲小事。」


最後一Rap仍會在農曆年三十發佈，剛好一個年代，馬米話天下無不散之筵席，在還沒想到更好的方法突破框架，係時候暫停一下，更希望走出《RAP UP》這comfort zone，在音樂創作上有新嘗試。佢希望《RAP UP》在香港流行音樂歷史中有啲位置，「希望聽過我歌嘅人可能做咗老師、教授，拎出嚟同人講香港呢十年係咁咁咁。原來有個人做過香港十年歷史系列，我唔知係幾耐之後，可能三十四十年後。」佢仲話今年上半年仲會有《Rap-Up of the Rap-Up》，唔好走數啊。記者：列淑華攝影：周芝瑩全新旅遊專頁，即like籽想旅行：https://fb.com/travel.appleseed



來源: https://hk.lifestyle.appledaily. ... e/20180128/20287708

---