ZKIZ Archives


EDC女友落前夫面爆趙磊送「二手」名牌冧女

1 : GS(14)@2016-06-01 11:36:56

華誼兄弟時尚文化董事總經理趙磊,昨日凌晨喺微信圈向朋友出po廣傳,鬧爆超模秦舒培俾綠帽佢戴。之後秦舒培喺微博澄清同趙磊早已簽由男方律師擬好嘅離婚協議書。至晚上八時左右,秦舒培又再發功,喺微博貼出多張美女晒名牌圖,唔知情仲以為係model影product shots。秦舒培寫道:「麻煩你在發聲明之前讓你女朋友把穿我的衣服和拿我的包包拍照的微博全刪了,怪不得東西一直都不願意還給我。大家猜這些照片都是誰拍的?ps:我和趙先生在去年已經協議離婚了!」秦舒培形容的「女朋友」,就係她貼出圖片中嘅嗰位晒名牌、網名叫做「Lisa大額頭」嘅女子。唔好講其他,單單係繡上SP(舒培)縮寫嘅Burberry頸巾,冇理由係「Lisa大額頭」啩?咁「Lisa大額頭」係做啲咩嘅呢?去佢微博一睇,自我介紹係「以愛之名、施露人間;隨處播撒、隨處開花;望及之地、果甜花香;銘愛於心、美不勝收。」再睇埋「Lisa大額頭」微博,果然有嗰幾張秦舒培貼出嚟嘅晒命相,相中「Lisa大額頭」將Chanel、miu miu、Dior等名牌舖晒喺地毯,好細心咁分別舖成「5」「2」「0」然後佢好enjoy咁瞓喺旁邊宣示主權同晒命。要留意番,「Lisa大額頭」收禮當日係520,5月20日;另一重點係,有指相中地點,係趙磊屋企。如果一切屬實,即係話人出軌嗰個,都疑似帶女伴返家。





來源: http://hk.apple.nextmedia.com/entertainment/art/20160601/19635885
EDC 女友 前夫 面爆 趙磊 二手 名牌
PermaLink: https://articles.zkiz.com/?id=301602


ZKIZ Archives @ 2019