去到邊黑到邊吳日言係「地獄黑仔王」？！
1 :
GS(14)@2016-12-01 08:06:46吳日言（Yan）2004年正式出道，入行時有個「冬菇頭」做標記，好快大家就記得佢，不過事業發展就唔多順利，仲被人話佢去到邊黑到邊，而且份份工都做唔長，連佢自己都自嘲係「地獄黑仔王」！2003年-獲麥浚龍公司Silly Thing賞識簽約，2004年正式出唱片做歌手，點知2年後因為公司轉型被解約，之後惟有自己接Job做，由歌手變到連泳衣騷都要接。2008年-以為星運唔好，人緣好一樣掂，商台DJ森美同小儀揾佢一齊主持節目《架勢堂》，但好多聽眾喺電台網站留言反對，最後Yan又無得留低，再度失業。2010年-同Neway Star簽約，但2012年2月因為公司人事變動，薛嘉麟重執主權後，要求佢改簽無底薪合約，最後吳日言要求解約，但不獲任何賠償，佢即炮轟公司不近人情。2012年-失業後改簽香港電視，拍劇集《三面形醫》同特輯《挑戰－龍捲追擊》，可惜港視不獲發牌，合約完咗之後再淪為無業遊民。2014年-替有線主持節目《娛樂熱辣辣》，但都冇合約關係，早排參加viu TV嘅《ShowTime我主場》同新人張美儀比併歌藝，人人讚佢唱得好，但都係輸咗冇，做咗一集就冇得再出鏡。
來源:
http://hk.apple.nextmedia.com/entertainment/art/20161201/19850766
絕望地黑仔? 馬明入完冷宮 出返變炮灰
1 :
GS(14)@2016-12-17 23:54:34有種炮灰，叫馬國明。馬國明貴為大台小生，有樣又有觀眾緣，但係唔知點解大部份佢拍嘅劇都變為「炮灰」，原因咪就係因為佢黑仔囉。首先，何謂「炮灰」？唔係代表套劇唔收得，而係講緊播出時間撞正大型體育賽事，或者撞正長假期，又或者唔好彩喺頒獎禮之後先播；頒獎禮過後，就算套劇幾收得，都要捱多一年先有得俾觀眾投票，到時觀眾都可能唔記得咗啦，又有可能被其他勢頭更強嘅劇集蓋過。好喇，講番馬國明呢筆，其實o依家播出嘅劇集《流氓皇帝》早於兩年前已經拍好，但因為當時馬明扭計，同大台未傾好續約嘅事，導致《流》劇被抽起。本身大台高層講明會力捧馬明，不過因為未傾掂續約，所以第一次被抽起；後來，到高層點頭say Yes，仲安排拍劇集宣傳片。點知臨門一腳撻Q，大台轉捧王浩信，將該檔期改播Signal Wong處男擔正嘅《樓奴》。有指係因為高層都係覺得馬明「唔乖」，所以連宣傳片拍攝都取消埋。到o依家馬明乖乖同大台續約，之前被hold起放入倉底嘅劇集，終於可以重見天日，不過都係淪為「炮灰」。皆因本月18號(星期日)就係頒獎禮喇，得番3日時間，又邊谷得起喎。劇集可以重見天日，本身係一件開心事，不過網民對《流》劇好多負皮，戥馬明唔抵，網民覺得：「都係舊版好睇啲」，「要馬明做小醜」，「我都留意到馬明做親都係戇X仔，俾啲好角色佢啦」，「馬明呆」。雖然今次《流》劇做咗炮灰，不過馬明都唔使灰心嘅，喺雪櫃行番出嚟又係一條好漢啦！啱唔啱先？有曝光總好過冇曝光嘛，加上《流》劇播完後，馬明會有新劇《降魔的》接住播，觀眾又可以Keep住見佢個靚仔樣喇！
來源:
http://hk.apple.nextmedia.com/entertainment/art/20161217/19868365
捱30年入圍金像男配黑仔多謝亞視熄機
1 :
GS(14)@2017-03-04 00:34:44■黑仔苦盡甘來，認為坎坷經歷有助演戲。攝影：陳俊強
【《蘋果》專訪】姜皓文（黑仔）入行逾30年，19歲時貪玩做臨時演員，星途由此開始，86年參加亞視第一屆香港電視先生選舉奪亞軍始正式入行，他由公仔箱跳入大銀幕，全憑奸角上位，現年50歲的他憑電影《樹大招風》角逐今年香港電影金像獎最佳男配角。
■難忘在亞視出道的日子，黑仔還記得第一句對白。
■黑仔（左）憑《樹大招風》爭金像獎最佳男配角。劇照
■黑仔姜皓文已經入行超過30年。
窮到得幾蚊
黑仔日前在油麻地接受本報專訪，回想在亞視當新仔，他對第一句對白「探子回報」記憶猶新：「我拎住張紙練講，揸到張紙爛。」他自爆很想拍古裝黐頭套，「黐咗特別似明星，放飯去酒樓，明明唔想去廁所都想去，人哋會當你係明星，好低能。」黑仔形容90年代的自己：「直頭沉，邊有浮過。」發霉期幸得前輩谷峰一句「呢行排隊總會輪到你」點化，黑仔堅持對演戲的熱誠，即使拍戲吊威吔三小時至髀罅甩皮、跳海、碌落樓梯均頂硬上，「導演叫action，我唔想佢叫cut。」
■黑仔86年參加香港電視先生選舉入行，但84年開始已經開始做臨時演員。
■縱使拍戲常常受傷與無得瞓，字典從來都沒有辛苦二字。
■被問到覺得8,90年代星途是否浮浮沉沉，黑仔立即話「邊有浮過，簡直就係沉啦」。
■因為喜歡演戲，所以即使有十幾年時間「混混噩噩」，都堅持留在演藝圈。
■近年黑仔接到一個又一個令觀眾深刻的角色。
■「如果你係一個真正演員，你唔會放棄任何一個表演機會，一定堅持到最後一秒」。
■黑仔感激老婆金慧英18年來的鼓勵。資料圖片
老婆做少奶
黑仔慶幸亞視熄機才有出頭天：「好彩，亞視如果仲多嘢搞，可能我冇時間出去拍電影，佢造就咗我。」黑仔出道時窮到燶：「試過包租婆追屋租、鎖門、追稅，問人借錢度日，銀包冇錢，得幾蚊去買六合彩，中獎就有錢交租。」崎嶇人生令黑仔頓悟：「太平坦唔會珍惜，經歷對演戲有幫助。」捱世界的日子，多得老婆金慧英過去18年不離不棄，「我婚後好順暢，可能佢旺我，我有能力養佢，唔想佢做嘢，做少奶奶乜都好，佢喺屋企我就安心。」他近年成功從高峯期190磅，減去40磅贅肉，全靠日日至少做兩小時gym同跑步，還有烚蒸煮食物一定要冇油冇糖冇鹽冇味道。採訪：陳杰、余傲芝、譚倩宜攝影：陳俊強服裝提供：Scotch& Soda
來源:
http://hk.apple.nextmedia.com/entertainment/art/20170303/19945599
黑仔追擊男配 「對手全部係前輩」
1 :
GS(14)@2017-04-08 20:44:28■姜皓文入行超過30年，首次入圍金像獎爭奪最佳男配角獎。攝影：陳俊強
【香港電影金像獎之明日揭盅】半百姜皓文（黑仔）入行逾30年，由亞視跳入大銀幕，今年終憑電影《樹大招風》角逐明晚舉行的第36屆香港電影金像獎最佳男配角，面對曾志偉、秦沛、吳孟達和廖啟智幾位勁敵，黑仔日前接受訪問時說：「對手強，全部係師兄、前輩，拼落去冇得比，個個都咁好戲。」
感激老婆
問黑仔會否覺得這次是遲來的提名？他說：「冇話做得耐年資就畀個獎你，人哋覺你有少少合格，就畀個提名，自己覺得係冇用，要人哋覺得先有用。」得獎與否，黑仔都要感激太太金慧英：「佢歇斯底里支持我演藝事業，佢畀我嘅自由度比導演更大。」
■作為香港演員，黑仔直言對本土電影有情意結。
■黑仔（左）於《樹大招風》飾演林家棟的好兄弟。劇照
撐本土片
《樹》片被指有政治隱喻，黑仔卻說：「我冇感覺到，我政治完全係盲，我好後知後覺，係咪政治？畀觀眾定，佢哋睇到乜就講乜。我只係睇古仔，角色啱就拍。」黑仔支持本土電影：「因為我係香港演員，特別有情意結，香港電影業一定要由香港演員撐番起，本土題材特別受時代歡迎，香港電影人係俾題材規限，因為要顧及海外市場，合拍係有原因。我覺得本土電影就係代表香港電影精神。」採訪：陳杰、余傲芝、譚倩宜服裝：Scotch& Soda
入行逾30年的黑仔，終於憑電影《樹大招風》首次入圍金像獎，競逐最佳男配角
黑仔與家棟在《樹大招風》中有很多對手戲，亦希望對方可以奪得金像獎男主角
黑仔回想當日知道入圍的情形，也興奮得手舞足蹈
最初接拍《樹大招風》，只因黑仔想支持新導演合作，想不到自己最後也有很多的得著
近年很多本土電影都看到黑仔蹤影，只因他喜歡貼地的香港電影
「我係香港演員，香港演員當然要支持香港本土電影啦」
【最佳男配角提名名單】
姜皓文《樹大招風》曾志偉《一念無明》秦 沛《北京遇上西雅圖之不二情書》吳孟達《導火新聞線》廖啟智《點五步》
來源:
http://hk.apple.nextmedia.com/entertainment/art/20170408/19983202
黑仔住客入住首日困lift飛lift直撞天台
1 :
GS(14)@2017-06-22 08:03:11內地再爆駭人升降機意外。內地傳媒昨日報道，上周日（11日）晚上11時許，海南省海口市華寶雅苑一大廈有升降機發生故障，從19樓直衝到頂層28樓，機頂假天花被撞落，擊傷正乘搭該升降機的一名姬姓女子，她隨後被送院救治。據悉，事發當日是姬女遷入該屋苑的第一天。住在該大廈28樓的張先生表示，當時他準備睡覺，突然被升降機傳來的一聲巨響驚醒，趕緊出門查看，發現升降機的顯示屏及按鍵燈已經熄滅，一把女子聲音傳出：「有人，電梯失靈，我被困裏面，我受傷了，趕緊救我！」張先生即致電物業管理公司，由於沒人接聽，遂改為報警。消防抵達現場，經過一番努力，才成功解救被困的姬女。當時姬女的右膝蓋內側有一道傷口，她表示傷口是升降機衝至頂部時，巨大撞擊令升降機假天花跌下，繼而擊傷其膝蓋。據了解，事發當日是姬女搬入屋苑首天，當時她由地下乘搭升降機到19樓，惟升降機卻沒有開門，隨後更失控向上衝，直至頂撞到天台的機房才停下，隨後升降機內的假天花墮下砸到她身上。有指，屋苑業主早已就問題升降機作出投訴，物業公司表示將與業主協商後續事宜。綜合報道
來源:
http://hk.apple.nextmedia.com/international/art/20170620/20062331
黑仔唱古仔歌減壓
1 :
GS(14)@2017-08-04 06:10:54姜皓文（黑仔）日前忽然歌癮大發，翻唱古天樂的舊歌《男朋友》，並拍片放上網，雖然只有分幾鐘，但獲網民讚賞。黑仔覺得尷尬說：「冇諗過唱歌減壓得到人讚，真係畀面。」問到會否參加內地的歌唱比賽？黑仔笑謂：「我邊有資格做歌手呀！其實私家車同浴室就係我嘅私人練歌房，揸車時大聲唱好有滿足感，又可以發洩減壓。」此外，日前黑仔為香港學生輔助會拍片，宣傳60周年舞台劇《誰來愛我》，原來他曾於學生輔助會屬下的荷蘭宿舍生活，但他因拍戲撞期無緣演出該劇。撰文：葉綠悠
來源:
http://hk.apple.nextmedia.com/entertainment/art/20170803/20109755
黑仔首做男一有壓力
1 :
GS(14)@2017-08-19 19:10:29姜皓文（黑仔）、廖子妤（Fish）、周國賢、陳靜和陳嘉莉等演員，昨日於深水埗為新戲《電影痴漢》進行開鏡拜神儀式，黑仔首次擔正做男一，戲中演一名痴漢，但並非日本痴漢，而是患上痴呆症而熱愛電影男子，事前花好多功夫搜集資料，因他怕被誤會是演一名黐線佬。擔正男一，黑仔指起初有壓力：「係呀，黐線吓喺車廂唱歌，無諗過大家反應咁。」陳靜剛放了一個長假期跟家人朋友到英國、日本和上海玩，返港後即刻開工，被指外貌有些改變，她解釋：「我冇化妝，只係化眼線，唔似以前咁濃妝。」採訪：馬建華攝影：沈健程
來源:
http://hk.apple.nextmedia.com/entertainment/art/20170819/20125724
中環迷你裙：一追就插勁黑仔
1 :
GS(14)@2017-12-04 23:47:31港股衝頂之前，不斷考驗一眾好友的意志。事實上，指數只是跌180點（0.6%），但對手握強股的戰友而言，完全是重創的一天。「早兩日仲係威係勢，點知一追就急插，點解咁黑仔㗎？」如閣下都有同樣想法，十分合理，皆因恒指上周衝上3萬之時，強股氣勢一時無兩，誰敢說隔日就回馬槍殺落？短線股市是隨機而行，但中線趨勢是有迹可尋，高位追了強股固然不幸，但是否要一跌就即場了斷？機械一點的做法，是以10周線作為分水嶺，跌穿了的話，周末前就減半，再落就撤退。不以日線圖做決定，是因為今年港股keep住一浸浸掃上，形成中線趨勢，因此用較遠鏡的周線圖作為判斷依據，才能作較準確的操作決定，以免「左一巴、右一巴」的悲劇不斷重演。當然，萬一真的3萬見頂玩完，穿10周線先減持會更傷，但「一追就回、一斬又上」來回幾轉，倉位傷勢未必比前者為輕。很多時候，倉位歸零並非最可怕，因為本金可以再儲，可是一旦心理重創，多數從此遠離市場，損失也就無法向市場討回了。至於推介方面，從圖表出發短炒，鞍鋼（347）可以考慮。9月份創今年新高7.71元後，已橫行整回逾兩個月，正蓄勢更上一層樓，上睇8.2元，失守7元止蝕。
https://www.facebook.com/stocksamantha/
來源:
https://hk.finance.appledaily.co ... e/20171128/20227691
Next Page