ZKIZ Archives


甩拖後首度同場吳浩康黐實鍾舒漫博復合

1 : GS(14)@2015-03-24 19:08:30





■鍾舒漫承認與吳浩康有溝通,但已不是情侶關係。


英皇昨晚於九龍灣展貿筵開六十三席,慶祝英皇電影成立十五周年,同時宣佈連串已落實計劃,包括Twins合體舉行演唱會、黃秋生及吳君如合演舞台劇《躁狂父母》及開拍新一輯《十二道鋒味》等。分手後又行街斷正被傳復合的鍾舒漫(Sherman)及吳浩康(Deep)同場現身,宣傳人員刻意分開兩人見傳媒,台上大合照都各站一方,但在台下則同坐一桌兼鄰坐,又貼頭密密傾偈。Sherman受訪時說:「要講嘅之前都講咗,冇變,情侶關係斷一斷,需要時間休息。將來嘅事冇人知,
甩拖 拖後 首度 同場 吳浩 康黐 黐實 實鍾 鍾舒 舒漫 漫博 復合
PermaLink: https://articles.zkiz.com/?id=288862

慧嫻孖中性女助手黐實睇衫

1 : GS(14)@2015-04-08 09:09:21

【銅鑼灣】歌手陳慧嫻入行30年,其中一首作品《儍女》唱到街知巷聞,就連李逸朗早前翻唱呢首歌嘅哭腔亦受到關注。不過陳慧嫻情路一直都唔算順境,佢同區丁玉、醫生男友謝國麟最後都分手收場,近年有雜誌報道話佢同身邊喜歡作中性打扮嘅女助手Elson過從甚密。



【分開嚟行】■陳慧嫻同佢位喜歡作中性打扮嘅女助手Elson行到離行離列。

【除罩唞氣】■陳慧嫻喺家居店見人少少,卒之除咗口罩唞一唞氣。


【返去新居】■兩個人上咗的士之後直駛去上水新居。

戴口罩掩人耳目

日前夜晚7點幾,慧嫻同一頭短髮嘅女助手Elson齊齊喺銅鑼灣行街。將頭髮染成金色嘅慧嫻戴住口罩,行喺馬路上完全冇人認得出,佢哋一齊行街嘅時候兩人都顯得有啲避忌,當入到I.T時裝店嘅時候兩人先表現得親密,喺舖頭入面有講有笑,不時交換揀衫心得。佢哋兩個喺時裝店足足逗留咗大半個鐘先離開,雖然唔係滿載而歸,但都顯得好滿意。之後兩人去咗日本城睇家居用品,由於夜晚時間店舖入面較少客人,環境顯得冷清,慧嫻卒之放下戒心,除去口罩,佢同Elson亦行得較埋,仲聽到佢哋討論緊想買一啲掛衫嘅掛鈎。不過當一見有人行過時,慧嫻即火速戴番口罩,又同Elson保持距離。喺日本城大約逗留咗15分鐘左右,就搭的士離開。的士過海去到上水一私人屋苑,有別於早前慧嫻嘅獨立屋寓所,相信佢哋兩個目前正為新居添置用品。採訪、攝影:畢紹基、陳辰、朱志聰、徐錦池





來源: http://hk.apple.nextmedia.com/entertainment/art/20150408/19104202
慧嫻 嫻孖 中性 助手 黐實 實睇 睇衫
PermaLink: https://articles.zkiz.com/?id=289326

嘉穎黐實陳凱琳睇舞台劇

1 : GS(14)@2015-10-19 07:47:45

■鄭嘉穎約女友陳凱琳睇舞台劇,遭網友野生捕獲。微博圖片





■兩人毫不避忌在場內黐實玩自拍。微博圖片


鄭嘉穎和女友陳凱琳認真愛得癡纏,大前日兩人才拍拖去海洋公園玩哈囉喂,食完甜品消夜至凌晨2時許才孖住返嘉穎屋企,原來他們休息半日,前晚又出動到葵青劇院睇陳國邦和鍾景輝演出的《相約星期二》舞台劇,還被網友野生捕獲貼微博。



兩人更在場內恍如黐頭芒甜蜜蜜毫不避忌,散場後待觀眾走得八八九九,嘉穎才拖實女友十指緊扣離去,高調拍拖低調拖手,有網友留言:「奇怪的是,他們也太普通人了,完全沒有路人走上去要合影神馬的,只有我,說了一句Hello,然後就看到眼睛大大的陳凱琳燦爛的笑了。」撰文:皓騫





來源: http://hk.apple.nextmedia.com/entertainment/art/20151019/19338399
嘉穎 黐實 陳凱 琳睇 睇舞 舞臺 臺劇
PermaLink: https://articles.zkiz.com/?id=293352

馮仁昭四圍超:夜蒲黐實 自稱婚前派對洪永城舊愛纏身挑機唐詩詠

1 : GS(14)@2016-06-01 11:36:58

■唐詩詠係城中出名好女仔,唔知洪永城會唔會好好把握機會娶老婆。資料圖片








感情是非不絕嘅洪永城「浪子回頭」,遇上「不能錯過的女友」唐詩詠,自此修心養性努力工作,但係佢兩個公開戀情之後,花邊新聞仍然傳個不停。噚日又有報道話2012年洪永城同金融業女友Emily拍拖嗰陣,向鍾舒漫嘅形象指導Bird出擊,兩個人喜愛夜蒲經常結伴到蘭桂坊,最終因為Bird嘅介入,令洪永城同Emily分手。之不過洪永城同Bird戀情都係曇花一現,雖然係咁,佢哋一直保持聯絡,早前洪永城仲被發現孖住Bird出席友人派對,狀甚親密。



■Bird同洪永城有過短暫戀情,最近似乎愛火重燃。資料圖片

■洪永城當年被指搭上Bird,先導致同Emily(圖)分手。資料圖片



親暱叫「熊熊」

洪永城被指趁唐詩詠同馬國明去拍旅遊節目呢個空檔,約埋一班朋友去夜蒲,人腳入面包括Bird,而舊愛就全程黐到實,事後Bird仲擺相上網,自稱呢個係佢同洪永城嘅婚前派對,附上一張合照加心心圖案,下面有一條圖片說明「明天我要嫁畀你啦。」嘩!呢一下擺明係向唐詩詠挑戰喎!其實Bird同洪永城關係密切有迹可尋,每逢洪永城出騷整造型Bird都會貼相,人前人後又叫對方做「洪寶貝」或者「熊大人」,甚至更親密叫「熊熊」。呢啲超越男女關係嘅行為,已經響起警號,近月Bird速速刪走所有同「洪寶貝」嘅相,唔知係咪洪永城怕正印唐詩詠誤會,定係驚無綫扎棍,勸退舊愛放佢一馬。撰文:馮仁昭





來源: http://hk.apple.nextmedia.com/entertainment/art/20160601/19635635
馮仁 仁昭 四圍 夜蒲 蒲黐 黐實 自稱 婚前 派對 永城 舊愛 纏身 挑機 唐詩
PermaLink: https://articles.zkiz.com/?id=301609

為阻馬明埋身 洪永城做阿四日夜黐實唐詩詠

1 : GS(14)@2016-08-17 08:01:30

「不能錯過的女友」唐詩詠…雖然同洪永城拍拖直今,早幾個月傳過洪永城趁女友唔喺香港,翻撻舊愛,令唐詩詠嬲嬲,幾經辛苦o氹番女友,兼晒合照力證情不變,不過外界一直覺得佢跟契哥馬國明襯啲,馬明出席公開場合亦不時讚唐詩詠係一個好女仔,昨日有周刊指,洪永城都呷醋,唔止多咗喺網上提起女友,即使要開工,都去探女友班。據報道指,唐詩詠因為要照顧年老嘅爸爸,拍拖初時只係間唔中去洪永城位於西貢嘅屋企過夜,有傳係洪永城同時要趕開工,喺男友哀求下,唐詩詠亦多咗去西貢新居留宿,而且洪永城為咗趕絕情敵,就算開完工幾攰,佢都照陪唐詩詠去睇戲、上月仲一齊睇林海峰talk騷,盛傳馬明有時會去片場探唐詩詠,甚至接收工,洪永城為阻馬明,早前見女友喺將軍澳廣場拍外景,洪永城忽然去探班,全程照顧女友,又摸唐詩詠頭髮、主動為女友拎手袋,又幫女友影相,發現有記者,唐詩詠即叫男友走先。另洪永城亦愛屋及烏,知唐詩詠係孝順乖乖女,就連唐詩詠嘅親友都照顧埋,上周五朝早6點揸車去接唐詩詠嘅親友,先再返屋企休息。




來源: http://hk.apple.nextmedia.com/entertainment/art/20160817/19739835
為阻 阻馬 馬明 明埋 埋身 永城 做阿 阿四 日夜 黐實 唐詩
PermaLink: https://articles.zkiz.com/?id=306252

【爆相爆片】黐實胸貼臂搭港鐵藍莓新歡冇家底:打工仔

1 : GS(14)@2017-01-14 12:25:38

■「藍莓」劉俐擁34C逼爆上圍,從不介意性感示人。資料圖片



現年27歲的劉俐擁有34C驕人身材,多年來一直用「味之天使」藍莓身份跟錢國偉搵食,不過緋聞一直比工作量多,而且身邊出現的男士,大多都非富則貴,之前更被影到與太陽娛樂公司老闆「洗米華」周焯華夜會,又與家族身家過億、前港姐王愛倫囝囝林建億及林?等人去夜蒲。


挨落男友膊頭

劉俐去年離開無綫後,忽然銷聲匿迹,不過本報讀者許小姐日前透過本報「爆相爆片」分享她某日晚上約11時,遇見穿火辣超短紅裙的劉俐,與一位西裝男齊齊坐港鐵的相片。



【胸壓手臂】■藍莓暱稱男友為「米奇老鼠」,指對方生於普通家庭。讀者提供圖片

【有講有笑】■藍莓日前被目擊在港鐵黐實男友,耳筒兩份分。讀者提供圖片

許小姐指二人由香港站坐去九龍站,其間態度親暱,投入看着同一部手提電話,劉俐則不時胸壓男方手臂,許小姐說:「唔知係咪藍莓男友,但見佢哋都好親密,除咗一齊睇一部手機,又聽埋同一個耳筒,後來佢哋落車,見到着高踭boots嘅藍莓高過男仔半個頭,但佢都遷就個男仔,挨個頭落去對方膊頭。」



■以往喜愛夜蒲的藍莓(左三),曾跟王愛倫兒子林建億傳緋聞。

暱稱米奇老鼠

本報日前致電劉俐問她是否拍拖,她直認對方是男友,表示二人拍拖一年多。笑問其男友是否富二代?她即說:「係打工仔,普通家庭。」劉俐為保護圈外男友,不肯透露男友姓甚名誰,只笑指男友暱稱是「米奇老鼠」。至於男友身高是否不及她?劉俐澄清說:「我唔着高踭鞋,佢應該高我少少。」是否收起性感?她說:「佢梗係唔想啦,?家都唔會無端端性感,除非工作需要,唔係唔會亂嚟。」她更表示現在已戒夜蒲,除非男友在身邊。採訪:嵐山




來源: http://hk.apple.nextmedia.com/entertainment/art/20170114/19896099
爆相 相爆 爆片 黐實 實胸 胸貼 貼臂 臂搭 搭港 港鐵 藍莓 新歡 家底 打工仔 打工
PermaLink: https://articles.zkiz.com/?id=322645

吳若希黐實王弼燮自拍

1 : GS(14)@2017-01-26 18:08:27

■吳若希被揭兩年前曾與王弼燮在豪宅自拍。讀者提供圖片



吳若希(Jinny)為澳門闊少男友何兆鴻(Alex)未婚大肚,兩人不時放閃,但有讀者贈興,提供了Jinny與曾傳出緋聞的「股壇狙擊手」王弼燮慶祝生日的舊照,二人頭貼頭,Jinny更幾乎胸壓男方。知情人士表示相片攝於兩年前,地點是王弼燮豪宅。
Jinny跟Alex拍拖前,曾跟幾位有米叔叔傳過情非泛泛,她前年與王弼燮傳忘年戀時否認戀情,指跟對方說話不超過十句。Jinny日前回覆本報:「咁人哋生日唔通唔影?唔熟,唔係唔識!」爆料者指是二人世界,她說:「冇可能,成班人食飯點會得我同佢慶祝?佢秘書仲同我一齊坐。」採訪:皓騫




來源: http://hk.apple.nextmedia.com/entertainment/art/20170125/19907415
吳若 若希 希黐 黐實 王弼 自拍
PermaLink: https://articles.zkiz.com/?id=324152

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019