ZKIZ Archives


拉麵碗裡的風波

2012-5-10  NM

上月中,本刊《壹盤生意》——「傳奇拉麵店大解構」一文,訪問人氣拉麵店豚王前股東陳方藤(Meter),他在深水埗另起爐灶,開設隱家,一開即成 為長龍店,出盡風頭。Meter於訪問中指前拍檔「心急」,想將豚王「發大嚟做,諗到好似想上市咁」,最終因意見不合而退股。這番話,即時觸動豚王大股東 鄧振豪的神經,其父親鄧慶治更主動致電本刊,反駁指Meter當初「唔使出錢」就分得兩成股份,賣股時更「獅子開大口」。雙方各執一詞,道出一場拉麵大戰 背後的恩怨情仇。


上週四,豚王老闆鄧振豪的爸爸鄧慶治主動聯絡本刊,在電話中怒氣沖沖道:「佢(陳方藤)話同拍檔 意見不合都唔緊要,但係話我哋想上市,未必管得好品質,就唔啱囉,件事根本唔係咁!明明係佢嗰陣無拎錢出來但就話要拎一百萬走!」兩天後,鄧慶治聯同兒子 鄧振豪、日籍拉麵師傅生田智志,以及一名翻譯,在中環一間餐廳見記者。這天,鄧慶治明顯已較冷靜,更表示:「我哋只係想澄清唔係急住上市,唔想搞大件事, 同佢(陳方藤)都仲係朋友關係。」同時道出雙方因拉麵結緣,一同將豚王打造成「識生金蛋」的人氣拉麵店,最後再因「錢」失義的前因後果。


拉麵熱潮方興未艾,風頭躉豚王及急速冒起的新星隱家,由店鋪風格到營運模式,都如出一轍。豚王老闆鄧振豪(左)及隱家老闆陳方藤(右)原是拍檔,一同打造起拉麵熱潮,為「搵錢」各走各路,卻因一篇訪問,再掀戰火。

共患難不能共富貴
鄧 振豪和陳方藤在日本一場演唱會中由朋友介紹認識,兩位年輕人相當投契,當時任職保險經紀的鄧振豪有創業的打算,便由陳方藤作中間人穿針引線,介紹日本著名 拉麵店Nagi的老闆兼師傅生田智志予鄧認識,鄧拿出積蓄,再加上家人的幫忙,於一○年底投資八十萬元開設豚王,並分予陳方藤及日本師傅各兩成股份,陳當 時答應會用之後的分紅購買股份。「鋪頭裝修好後,佢話我個仔無做生意經驗,如果我個仔做管理嘅話,佢就要拎番十六萬走人,仲暗示會撬埋師傅走,但係佢一開 頭就知我個仔無經驗啦,咁講即係想鋪頭由佢打理。」鄧慶治「一輪嘴」道,最初他對這盤生意也沒有信心,他和兒子都不懂日文,一直都靠陳方藤作溝通橋樑,而 且當時他們仍未跟生田智志簽訂合約,為留住陳方藤,最後協議由日本師傅生田智志負責管理,「鋪頭好多嘢都係生田先生諗,好似口號、裝修等等,我就洗碗、清 潔乜都做。」兒子鄧振豪在一旁補充道。 出乎他們意料,豚王開張不久即爆紅,鄧振豪指拉麵店營業約半年已回本,陳方藤亦再沒有提出退股。反而,開業約三個月後,日本師傅生田智志就私下約大股東鄧 振豪,連同翻譯一起商討店鋪發展,「我原本以為Meter有份出錢,但原來沒有,那麼鄧先生出錢,我出力,Meter又貢獻了什麼呢?」生田智志說,想到 豚王可能會開分店,而陳方藤就繼續「坐享其成」,一直收分紅,遂向鄧振豪提議,購回陳方藤的股份,「其實我哋大可以自己組過一間公司,唔用豚王個名,但豚 王的成功,佢(陳方藤)都有功勞。」鄧慶治說,去年二月,他們向陳方藤提出收購建議,想不到陳方藤開價一百萬元,最後還價至七十萬元成交,他們亦協議不提 陳方藤退股一事,甚至其後有雜誌頒獎仍一同出席。現在,鄧振豪持有中環店八成股份,生田智志則佔兩成。鄧振豪亦吸取教訓,開始學日文,方便與日本師傅溝 通。「俾咗幾多錢佢(陳方藤)就唔好再提啦,總之係足以開過另一間拉麵店的數目啦!」鄧慶治說,可見他對「另一間拉麵店」耿耿於懷。

姊弟夾擊 戰火升溫
原 來,去年十一月,豚王於銅鑼灣登龍街開分店,一個月後,陳方藤的胞姐陳莉莉亦於銅鑼灣霎西街開設拉麵店——魂,兩店只有一條鵝頸橋之隔。同樣簡潔的餐牌及 狹窄的店面,傳媒及客人都不時將兩店作比較,「師傅話覺得直情係一樣!」鄧振豪說。但陳方藤卻說只是「俾咗少少意見,師傅係家姐自己搵的。」不管如何,魂 開業後生意越做越好,上週六中午,記者往試食,門口已有近二十人排隊,風頭絕不輸「一橋之隔」的豚王。 胞姐突擊成功,陳方藤亦密鑼緊鼓籌備另一間拉麵店。今年二月,他用七十萬,於深水埗西九龍中心蘋果商場內,開設隱家拉麵。這次,陳方藤複製豚王的成功模 式,找來日本另一人氣拉麵店山手合作,以較冷門、麵和湯分開上的沾麵做賣點。該店位置雖是九龍區出名的「死場」,但拉麵店卻客似雲來,搶去豚王不少風頭。 「之前咁長時間佢都冇同人講佢已經唔係豚王老闆,係等到魂上咗軌道,佢又開埋隱家先嚟講?」鄧慶治說起仍一肚氣,「今次話我哋管唔好品質,唔知佢下次會點 講嘛,所以要出嚟澄清番先!」

收口留後路
上週日,記者在西九龍中心的隱家拉麵找到陳方藤回應,他邊聽邊皺眉,更反駁稱自己「無講錯」, 「Mingo(鄧慶治)同阿豪係無講過上市,但日本人有嘛,佢哋有無講點解嗰陣我會賣股?佢哋話我唔賣就同日本人開過另一間,我做生意嘅,價錢啱咪賣 囉。」陳方藤否認在開業前提出退股,「師傅係我喺日本帶返來,搞咗咁耐,點會話走就走?(記:你有無夾錢?)呢個我唔想講,我覺得佢哋(鄧振豪及鄧慶治) 兩個都係受害者,日本人應該有好多嘢無同佢哋講。不過我哋都係小麵店,又唔係上市公司,唔使樣樣都交代得咁清楚。」對於去領獎一事,他理直氣壯道:「我嗰 陣都未走,唔通走咗仲特登去拿獎?好恨拿獎咩我?」但鄧慶治卻明確指出頒獎日是去年四月六日,而陳方藤在三月三十日已賣出全數股份。 雙方各執一詞,有如羅生門,但說話仍留有餘地。鄧慶治不止一次指陳方藤的做法「唔係咁君子」,但他卻堅稱大家仍然是朋友,會私下找陳商談;而陳方藤最後亦 說「無hard feeling」,充分體現了商場並無永遠朋友,亦無永遠敵人的道理。


麵碗 裡的 風波
PermaLink: https://articles.zkiz.com/?id=33344

鳩嗚乜乜乜:撈麵碗湯點樣食?

1 : GS(14)@2015-02-24 23:33:40





撈麵,都會奉上一細碗湯(圖)。呢碗湯,成為同事之間嘅新春話題。「每夾一啖麵,都要浸一浸啲湯」、「唔係,將啲湯淋落去啲麵度,冇咁乾吖嘛」,同事阿川同大家七嘴八舌,呢個時候,好鍾意食嘢嘅Carmen好肯肯定咁講,「一乾三濕囉,咁都唔識」?大家立即Google乜嘢係一乾三濕,之後一齊扮麒麟撞佢。(大家自己Google吓就知佢同某人一樣,惡果係自招嘅。)



#食家:免食客鯁親

呢個時候,又係要費清請教專家。食家劉健威話,理由好簡單,碗湯係畀食客唔使鯁親嘅,因為撈麵比較乾,食多幾啖,就好易鯁親,所以飲啖湯潤番吓。佢又話,如果直接倒啲湯落撈麵,或者放啲麵喺湯,「咁仲使乜食撈麵箒」,而且啲麵好易變腍,啲人食撈麵都係鍾意啲麵硬身啲,彈牙啲。佢仲話,講究嘅人連食湯麵,都唔鍾意啲麵太腍,好似以前雲吞麵叫細蓉,因為細細碗,湯少啲,啲麵冇咁易腍。其實,碗麵係你嘅,你鍾意點食都得。如果你願意,你都可以相信網上嘅利瑪竇版、袁崇煥版、馬拉版解釋,但千奇唔好信一乾三濕,一切後果,費清絕不負責。



費清 #要生計,也要生活#毋忘初衷





來源: http://hk.apple.nextmedia.com/news/art/20150224/19053070
鳩嗚 嗚乜 乜乜 麵碗 湯點 點樣 樣食
PermaLink: https://articles.zkiz.com/?id=287969

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019