ZKIZ Archives


自拍Studio大激鬥開波

2013-12-26  NM
 
 

 

香港人愛拍照;九十年代,二百蚊一輯九龍公園沙龍、四十蚊一張貼紙機的貼紙相;千禧年,大家轉為拿着寶麗萊玩即影即有。如今這些out晒,今年彈出的是「自拍照相館」,格局如影樓,但由客人自拍。租個地方、買幾部相機及充滿玩味的道具就能開業。簡單模式,吸引八、九十後湧去創業做老闆。

本刊訪問銅鑼灣的Snap HK,由兩兄弟林志榮(Carter)和林志華(Teddy)及老死羅逸軒(Ivan)開設。他們半年前籌備開業,以為飲到頭啖湯。怎料籌備期間竟已開了三間,他們由阿一變阿四。至今,市場已有八間同類型對手。為了搶客,各間店由價錢、布景、道具,到服飾都睇住對手來打,充滿火藥味,Ivan緊握拳頭說:「一件衫(道具)都唔可以輸!」熱潮下,Snap HK月賺十二萬元,對手Phocus見他們來勢洶洶,亦不甘示弱向本刊說:「我哋嘅創意,佢哋未必估計到!」

這類自拍照相館,過去數年在歐美、內地、台灣甚至澳洲等地開始流行。在影樓的牆上,掛上一部單鏡反光機並連接兩個顯示屏,客人拿着遙控掣擺pose自拍。完成後,即可透過相機旁的電腦,把照片上載到個人網頁,亦可將相片儲存到自備的USB內取走。曾任職IT的Carter,想把這股熱潮引入香港,找來當時正在澳洲working holiday的弟弟Teddy及其老友Ivan,合資逾一百萬元開鋪。不過,他們正在籌備開業期間,同類型對手Phocus竟捷足先登在旺角開業,一開始已經大受歡迎,傳遍學生群,facebook粉絲人數達九千多,殺他們一個措手不及。

Carter說:「見到人哋開咗,驚到想唔開,但器材、道具、代言人等都準備緊,無理由唔搞落去!」剛剛定過神來,又多兩間開業。既然「洗濕個頭」,Ivan自我安慰說:「有對手行先,試吓市場水溫,都係好事。」他們在開業前,曾以顧客身份,走到別人的店「放蛇」,「睇吓人哋做成點,了解對方嘅不足,針對性加番啲新元素,一定要比對手做得更好!」

鬥價錢:叫高開低

玩這類自拍玩意的,大都是中學生,選址一定要在年輕人集中地。其他幾間早在旺角開業,港島區暫時競爭較小,故他們便選址銅鑼灣時代廣場旁的唐樓,樓下是著名的咖啡店Cafe Corridor和性商店「性事良品」。由於是唐四樓、無電梯,一千多呎租金五萬元,Carter說:「我哋統計過,呢度最老嗰個客人係二十二歲,無lift都唔怕。而且係銅鑼灣中心,行過時代廣場嘅人,都會見到我哋個相機牌,係最好嘅宣傳。」不過對於學生來說,最實際還是看價錢。對手收費每兩個人每小時三百元,他們就「叫高開低」。定價三百二十八元,但只要在其facebook專頁及Instagram按like,便可享七折優惠,即實收二百三十元,「我將定價調低,可以吸納多啲客人,賺夠口碑、儲夠熟客先慢慢調整番個價!」開業後,每日最少有三十對客人上門,令Ivan充滿信心,他說:「寧願做成功的後來者,都不願做失敗的先鋒!」他們見對手開中午十二時,他們早開一小時,搏做多些生意。他們的主要對手,即香港首間自拍照相館Phocus,位於旺角榮華大廈,那兒有不少賓館,專招待自由行,無論地點及價錢都較為輸蝕,創辦人Michelle表示現時月賺四萬元,她知道對手「睇住佢嚟打」,滿不在乎說:「生意無影響,亦一定唔會減價,我哋始終有首間優勢,儲落唔少熟客,賣嘅係服務。我係逃出香港的首創人之一,創意同膽量根本難我唔到,而且七成客人都係九十後,我都係九十後(Carter他們是八十後),服務番佢哋會更適合。」

鬥服飾:婚紗夠刁鑽

記者觀察,旺角的Phocus只有三間房,面積較小,布置亦較為簡單,只有單一色調布景紙,相反Snap HK有四間房,每間面積較大,一次過可容納十多個客,房內掛有立體布置,如花卉、聖誕掛飾、仿大石的咕


股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019