📖 ZKIZ Archives

馮仁昭四圍超：吳日言陪男友食辣魚

1 : GS(14)@2016-06-01 11:37:04

吳日言（Yan右）同有線主播黃芳雯日前接受D100節目《主席煮食》訪問，Yan稱周不時為男友下廚：「乜都煮過，最驚喜係煮我唔食嘅魚同辣，試過整水煮魚同佢一齊食。」問到邊一餐印象最深刻？Yan話：「出道冇幾耐得到5星級酒店晚餐贈券，我同助手去食，好似大鄉里出城咁，覺得食免費餐唔好意思，另外叫兩杯檸檬茶，點知埋單都要200幾蚊，好肉赤。」撰文：馮仁昭





來源: http://hk.apple.nextmedia.com/entertainment/art/20160601/19635644
PermaLink: https://articles.zkiz.com/?id=301627

吳日言：婚姻應忠誠

1 : GS(14)@2016-06-21 07:39:13

吳日言和鄧穎芝等昨日到觀塘出席慈善義賣活動，對於裕美被指背夫暗交無綫藝員黃子恆，吳日言透露三個月前在飯局上見過裕美：「傾偈時我話見到佢結咗婚好好，佢好客氣話OK就冇再多講，唔見佢傷感有問題。」她坦言得悉裕美離婚感到愕然：「見佢同老公啲相好sweet，以為教徒婚姻應該係好忠誠同長久，件事越嚟越複雜，家事最好自己解決，唔需要同其他人交代。」對於裕美聲稱單方面辦離婚，吳日言說：「我覺得呢方面好唔清楚，好明顯佢哋好耐冇見同冇默契。」她並謂半個月前曾找過裕美，邀對方出席這次活動，但她沒有回覆。此外，鄧穎芝表示有興趣參加ViuTV《G-1格鬥會》第二季。採訪、攝影：黃曉妍





來源: http://hk.apple.nextmedia.com/entertainment/art/20160621/19662294
PermaLink: https://articles.zkiz.com/?id=302398

吳日言輸畀新人：有失望

1 : GS(14)@2016-10-18 08:15:30

ViuTV新節目《ShowTime我主場》，每集都會邀請新舊兩代歌手上場比拼，剛播出一集是出道時以冬菇頭形象深入民心的吳日言，決戰雷頌德今年力捧的新人張美儀，兩人分別唱《守望麥田》和《花花世界》出戰，最後現場觀眾投票選出張美儀勝出，不少吳日言fans在facebook留言替偶像抱不平，指張美儀的fans入場門票較多，故票數自然多。對於fans認為賽果不公，吳日言昨在電話中說：「以我所知每人有20張票畀朋友同歌迷入場，咁我至少都有20票嘅。」她又承認輸了有點失望，但是知道大家對她的表現都讚賞，她已經當自己贏了。採訪：小米




來源: http://hk.apple.nextmedia.com/entertainment/art/20161018/19804044
PermaLink: https://articles.zkiz.com/?id=312582

【馮仁昭四圍超】吳日言秘婚：老公係最好

1 : GS(14)@2016-12-01 08:06:45

■吳日言10月27日喺沖繩同拍拖17年嘅男友註冊結婚。





娛樂圈喜事重重，吳日言（Yan）同男友（Barry）拍拖17年，原來10月27日已經喺日本沖繩註冊結婚，正式榮升林太。講到求婚過程，Yan前日話：「都有心思嘅，佢叫朋友蒙住我對眼去公園，然後準備咗九十九支玫瑰花同戒指，仲有音樂同燈光。」



■單親家庭長大嘅吳日言話有爸爸（左）陪住出嫁好感動。

Yan話揀沖繩結婚，因為好鍾意嗰度啲教堂，今次大約有三十個親友出席。講到生B計劃，Yan話會努力，但唔係想有就有，要調理身體。問結婚當日有冇變喊包？佢話：「少少啦！我同老公講，以前未必係好好嘅女朋友，但將來會係一個好妻子。」Yan又自爆拍拖以嚟，她曾經變心半年，但始終覺得而家嘅老公最好。撰文：馮仁昭




來源: http://hk.apple.nextmedia.com/entertainment/art/20161201/19850858
PermaLink: https://articles.zkiz.com/?id=317835

去到邊黑到邊吳日言係「地獄黑仔王」？！

1 : GS(14)@2016-12-01 08:06:46

吳日言（Yan）2004年正式出道，入行時有個「冬菇頭」做標記，好快大家就記得佢，不過事業發展就唔多順利，仲被人話佢去到邊黑到邊，而且份份工都做唔長，連佢自己都自嘲係「地獄黑仔王」！2003年-獲麥浚龍公司Silly Thing賞識簽約，2004年正式出唱片做歌手，點知2年後因為公司轉型被解約，之後惟有自己接Job做，由歌手變到連泳衣騷都要接。2008年-以為星運唔好，人緣好一樣掂，商台DJ森美同小儀揾佢一齊主持節目《架勢堂》，但好多聽眾喺電台網站留言反對，最後Yan又無得留低，再度失業。2010年-同Neway Star簽約，但2012年2月因為公司人事變動，薛嘉麟重執主權後，要求佢改簽無底薪合約，最後吳日言要求解約，但不獲任何賠償，佢即炮轟公司不近人情。2012年-失業後改簽香港電視，拍劇集《三面形醫》同特輯《挑戰－龍捲追擊》，可惜港視不獲發牌，合約完咗之後再淪為無業遊民。2014年-替有線主持節目《娛樂熱辣辣》，但都冇合約關係，早排參加viu TV嘅《ShowTime我主場》同新人張美儀比併歌藝，人人讚佢唱得好，但都係輸咗冇，做咗一集就冇得再出鏡。




來源: http://hk.apple.nextmedia.com/entertainment/art/20161201/19850766
PermaLink: https://articles.zkiz.com/?id=317837

【馮仁昭四圍超】吳日言造人擺烏龍

1 : GS(14)@2016-12-09 00:03:49

吳日言（Yan）10月尾喺沖繩秘婚，嫁拍拖17年男友Barry榮升林太，啱啱去完泰國返嚟嘅佢，日前喺佢同茜利妹主持嘅網絡扮靚節目《屬豬嘅小姐》入面自爆今次冇機會造人。佢笑住話：「諗住今次坐夜機去泰國，係蜜月旅行前哨戰，返嚟好快有驚喜，點知唔係驚喜係經期。」茜利妹即刻笑佢要自己計清楚個排卵期，Yan就話會努力，叫大家唔使個個月都問佢。撰文：馮仁昭




來源: http://hk.apple.nextmedia.com/entertainment/art/20161208/19858235
PermaLink: https://articles.zkiz.com/?id=318784

吳日言讚Rosemary身材勁

1 : GS(14)@2016-12-17 23:54:37

Rosemary（左）和吳日言昨日在大埔出席活動，大會安排土耳其著名軟骨表演者ilker Cevik縮在行李箱出場，又用廁所板和網球拍穿過身體。同場的吳日言輕易將網球拍由頭穿到落腳，而Rosemary則擔心盤骨過大，未能穿過，所以不敢玩。吳日言說：「Rose身材太勁，我平凡啲易穿過。」Rosemary表示跟丈夫一齊做運動玩瑜伽。




來源: http://hk.apple.nextmedia.com/entertainment/art/20161217/19867818
PermaLink: https://articles.zkiz.com/?id=319377

吳日言用老公暖腳

1 : GS(14)@2016-12-24 10:55:39

吳日言（右）昨在觀塘apm出席活動，提到婚後過首個聖誕節，她說：「我發覺老公嘅用途係可以暖腳，我好怕凍，之前成日一個人瞓好凍，而家好快可以入睡。」問到造人大計？她說：「係都明年嘅事，啲人話生小朋友壓力大就唔成事，我嘅壓力嚟自身邊嘅人。」同場的湛琪清第一次在港過聖誕，她透露現與一名圈外男士約會，聖誕會一齊去參加派對，問有否發展機會？她說：「OK，而家好開心。」




來源: http://hk.apple.nextmedia.com/entertainment/art/20161224/19875160
PermaLink: https://articles.zkiz.com/?id=320010

吳日言迷信唔想生雞仔

1 : GS(14)@2017-01-05 08:01:12

吳日言（Yan）前晚在柴灣出席「亞洲青年電影節」，宣傳有份主演的電影《幸運是我》，她自覺個人跟戲名一樣幸運，去年成為人妻。提到她日前於社交網站上載和老公及中學老師一家三口的合照，留言：「將來你們仨，迎接我們仨。」隨之傳出她懷孕的消息。
Yan即自嘲中文水平低，她說：「努力緊，婚後提醒另一半唔好同異性有太親密接觸之外，喺文字上自己都要檢點吓，惹嚟誤會就唔好。」她坦言很想懷孕，但又不想孩子在雞年出生，她說：「雞年同我生肖唔夾，雞BB會同我駁嘴，希望年中有好消息，18年係狗年，我老公都係狗，會好夾。」採訪、攝影：黃曉妍




來源: http://hk.apple.nextmedia.com/entertainment/art/20170103/19884456
PermaLink: https://articles.zkiz.com/?id=321262

【馮仁昭四圍超】吳日言暢談閨房事

1 : GS(14)@2017-03-23 06:27:28

吳日言（Yan右）同鄧穎芝噚日喺尖沙嘴出席美容院開幕，Yan幫有線拍緊一個關於兩性嘅節目，佢話係入行以嚟最敏感嘅一次：「會攞自己嘢分享，講吓兩公婆房事樂趣。」今次係先斬後奏，Yan話等節目出街老公先會知。問佢對房事有乜嘢秘技？Yan就話：「因為我哋將來都會有小朋友，千祈唔好稱呼對方爹哋、媽咪，要叫老婆、honey，增加恩愛程度。」撰文：馮仁昭




來源: http://hk.apple.nextmedia.com/entertainment/art/20170322/19965561
PermaLink: https://articles.zkiz.com/?id=328402
Next Page
ZKIZ Archives @ 2019