ZKIZ Archives


【高伯新兵變】一個低迷馬房圈中靚太竟表示欣賞?

1 : GS(14)@2017-01-02 01:07:20

練馬師高伯新被多年戰友潘蘇通拉走四駒,雖仍待馬會在假期後公佈作實,但其馬房減持至40駒以下,卻是無可避免的事實。然而曹操都有知心友,更何況高伯新不是出名狡猾的曹操,而是一位贏過多項國際一級賽的練馬師。果然有馬主給他雪中送炭,靚太級馬主曾向欣表明將把名下在港未勝馬「無限欣賞」(現於告東尼馬房受訓),轉交高伯新馬房訓練,並希望可跟高伯新擦出火花。曾向欣說:「我們一家人與高伯新的關係很好,我的哥哥曾向東曾經有馬(日前退役的「東韻威威」)養在高廐,我的父親曾炳威向來都很欣賞高伯新,奈何練者今季的運氣麻麻,我們一家人對他的練馬手法有信心,所以我們把『無限欣賞』交付予高伯新,希望馬兒將來可有好表現。」「高伯新是一位很出色和優秀的練馬師,過往都贏過不少大賽,可能他近幾年的際遇差一點,所以贏少了頭馬,但在操馬方面,我和父親都對高伯新給予百分百支持,之前我都有過『大欣賞』(已退役)曾養在高伯新馬房,馬兒當時操得好好,並取得一些獎金,我和高伯新的關係好好。」




來源: http://hk.apple.nextmedia.com/sports/art/20170101/19883381
高伯 新兵 一個 低迷 馬房 圈中 中靚 靚太 太竟 表示 欣賞
PermaLink: https://articles.zkiz.com/?id=320959

魚樂無窮:殼股馬房生力軍

1 : GS(14)@2017-01-12 08:07:26

炒開殼股嘅戰友,都會有本秘笈。甚麼秘笈?派系秘笈是也!強國企業南下搶殼,往往兩三隻甚至更多,通常同系一隻炒起,資金便跟勢追逐姊妹公司,情況好似跑馬咁,告東尼贏咗頭兩場,馬迷之後便會追住佢馬房嚟買。殼股馬房最近多咗個新練馬師,冇錯,講緊嘅就係噚日B1頭條主人翁陸東,睇睇佢最新披露嘅殼股持倉,噚日七隻有五隻升,平均升幅達一成,旗下組合靠殼股去年勁贏46%,羨煞旁人。你話基金炒殼股唔合情理,我就話搵到錢就係贏家,君不見好多人玩藍籌輸到喊嗎?講殼股講到咁開心,今日當然要搵隻好殼股推介一吓。路訊通(888)早前宣佈,委任資深傳媒人燦哥羅燦做董事總經理。消息公佈後,股價升極都有,噚日仲破旗而上。燦哥魅力固然利害,但更引人入勝嘅係,路訊通阿媽載通(062)同期宣佈,委任高丰做雷禮權嘅替任董事。高丰何許人也?投行及私募基金出身,做過大摩同KKR,再睇番路訊通,7億元市值中有一半係cash,無論變身定賣盤都大把空間,兩大高手同時坐鎮,淨係炒憧憬都唔止呢個價啦!唐牛
http://www.fb.com/tongcow88本欄逢周二、四刊出




來源: http://hk.apple.nextmedia.com/financeestate/art/20170112/19893783
魚樂 無窮 殼股 馬房 生力軍 生力
PermaLink: https://articles.zkiz.com/?id=322272

孖秀姑搞Party志偉醉賀生日:今晚瞓馬房

1 : GS(14)@2017-04-15 23:27:57

曾志偉剛在香港電影金像獎頒獎禮中憑電影《一念無明》奪得最佳男配角,昨日是他的64歲生日,跟他同日出生61歲的黃杏秀,昨晚一齊在跑馬地馬會會所設宴慶祝。到賀的嘉賓包括殼王陳國強夫婦、梁靖琪(Toby)、湯盈盈、狄波拉跟鬍鬚Kong、袁潔瑩、蘇玉華、顧紀筠及丈夫、元彪等。


「阿倫叫我自己搵」

傍晚6時50分左右主人家曾志偉到場,提起生日願望,他說:「所有朋友都身體健康,好耐冇同秀姑一齊搞生日會,近年佢鍾意同啲朋友出埠,難得有咁嘅機會一齊搞,加上我早前贏(過千萬)馬,咪請朋友一次過擺十零二十圍開心。」直言不醉無歸的志偉說:「都應該會醉,好在噚晚有慈善宴隔一隔,都預咗抬走或者今晚瞓馬房囉,都未試過。」志偉透露譚詠麟在邀請之列但出了埠,志偉說:「佢又話買咗生日禮物喎,但係叫我自己搵,好似遊戲節目咁。」曾國祥跟女友王敏奕拍拖到場,他說今朝拜阿爺時已送禮物,他說:「醉就梗,不過已經有進步,遲過我醉。」



■曾志偉連日出席慈善晚宴及自己的壽宴。

■曾國祥帶同女友出席,他透露今早已送禮物給父親。

■阿叻送上熱吻,更賣口乖表示娶到秀姑是最大成就。


「禮金捐畀高飛仔」

秀姑跟陳百祥(阿叻)接受訪問時已飲到面紅紅,阿叻還當眾吻賀秀姑。秀姑表示相隔4、5年再跟志偉搞生日很開心,她說:「所有禮金會捐畀高飛個仔,佢(高飛)係(明星足球隊)中堅成員,所以要做啲事幫手。」阿叻表示與阿倫及志偉一早講好,今次自己人更加要幫忙。稍後佘詩曼跟郭少芸一齊到場,兩人表示與朋友多年來跟志偉出埠,由Toby親手把照片做成相集。另外,范姜昨日下午在社交網上貼出跟志偉慶祝生日的照片,除老公鍾鎮濤外,到賀的還有葉童夫婦、邱淑貞及老公沈嘉偉、杜德偉及張學友等。採訪:曹家誠攝影:陳俊強


■佘詩曼(右)指志偉喝醉在馬房睡的構思很新穎。

■梁靖琪(左)親手做相集作賀禮,跟湯盈盈一同到場。



來源: http://hk.apple.nextmedia.com/entertainment/art/20170415/19990440
孖秀 秀姑 姑搞 Party 誌偉 偉醉 醉賀 生日 今晚 馬房
PermaLink: https://articles.zkiz.com/?id=330655

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019