ZKIZ Archives


香香變人魚出事《無雙譜》CG差過強國《西遊記》

1 : GS(14)@2015-10-24 13:16:47

大台台慶劇《無雙譜》搵咗黎耀祥、田蕊妮、岑麗香同黃宗澤等演出,翻拍1981年同名劇,講三個神話故事《易釵》、《陸判》及《追魚》,不過CG差到一個點,就係連強國網民都忍唔住問大台係唔係預算唔多!昨日有內地傳媒開po話,「TVB電視劇特效遭吐槽」,聲稱有網民喺微博貼出一段《無雙譜》中特效場景,講岑麗香喺黃宗澤面前化身鯉魚精躍出水面,黃宗澤唔單止唔驚,仲展露笑容!仲有嗰個「似足小畫家畫嘅海底」……
CG效果似gif檔?嚇到唔少內地網民心都離一離,喺微博留言問:「沒想到TVB淪落到這地步,我笑了30秒。」又有網民問大台係唔係「預算不夠了嗎」。報道更形容呢套台慶劇特效粗製濫造,其實,唔止《無雙譜》被彈,早前稱特效使咗3000萬嘅神劇《張保仔》亦被網民話CG肉酸酸……慘不忍睹。雖然話《無雙譜》嘅CG唔好咋,內容都幾充實嘅,連「普選」都敢講,有一幕講黎耀祥、田蕊妮同黃宗澤喺一間客棧傾偈,先講「君主應該由臣民選出」,又話「張兄,你這本書如果落在他人手中,你可能會被殺頭」,即吸引網民問:「原來法國盧梭的社會契約論係源自中國宋朝,真係失覺晒,小弟真係孤流寡聞!」亦有網民讚《無雙譜》當中《陸判》呢個故事,有份演嘅演員都做得好!





來源: http://hk.apple.nextmedia.com/entertainment/art/20151024/19345941
香香 人魚 出事 無雙 CG 差過 強國 西遊記 西遊
PermaLink: https://articles.zkiz.com/?id=293475

馮仁昭四圍超:香香加國探大肚嘉欣

1 : GS(14)@2016-06-06 03:03:20

岑麗香同高以翔噚日喺中環出席溫哥華一個住宅項目發佈會,香香話早排返溫哥華探親,都有探大肚鍾嘉欣,佢話嘉欣已見肚,但唔肯透露呢胎係仔定女。講到佢早前喺大坑泊車要朋友幫手睇位,又用手機影低兩車距離同車牌,香香話:「喺溫哥華我手車唔錯,但香港啲人好辣,我學得慢。影相係想保護對方,我小心得滯。」另外,高以翔話早排已經買樓,希望搵到女主人。撰文:馮仁昭





來源: http://hk.apple.nextmedia.com/entertainment/art/20160602/19637105
馮仁 仁昭 四圍 香香 加國 大肚 嘉欣
PermaLink: https://articles.zkiz.com/?id=301972

【馮仁昭四圍超】香香一講男友面紅紅

1 : GS(14)@2016-07-06 08:11:37

岑麗香、羅孝勇(右)同伍家謙噚日喺坑口出席太鼓之達人運動會,講到林心如、陳妍希突然宣佈婚訊,香香表示同男友強強未有咁快結婚,家人亦冇催婚。強強係咪結婚對象?香香面紅紅咁話:「咁大壓力呀呢個問題。」羅孝勇10月初會參加拳擊賽出戰吳雲甫,首次上擂台嘅佢,會唔會同吳雲甫夾定唔打面?佢笑住話:「冇夾,變豬頭都OK。」撰文:馮仁昭





來源: http://hk.apple.nextmedia.com/entertainment/art/20160706/19682598
馮仁 仁昭 四圍 香香 一講 男友 紅紅
PermaLink: https://articles.zkiz.com/?id=302733

【港女補課】唔做臭豬 4招變身香香公主

1 : GS(14)@2016-08-09 07:33:49

夏天時份,唔希望他人只記住你濃烈的體味?咪以為狂噴香水就搞得掂,其實用香水都有適當技巧。



科學家指出,氣味能令人類有深刻記憶。夏天時份,唔希望他人只記住你濃烈的體味?咪以為狂噴香水就搞得掂,其實用香水都有適當技巧。今次扮靚籽一於同香水品牌零售及培訓經理Don Au取經,keep住成日香噴噴。

技巧1:別噴出汗位


夏天易出汗係人之常情,但一定要記得香水唔好噴喺出汗位置,「因為細菌、過多的汗和油脂,甚至毛孔帶出來的廢物會影響香水的品質」,然後會散發一陣陣「幽香」。



技巧2:噴香水於出汗位置四周,調和味道


唔噴出汗位置,咁應該噴邊先可以調和汗味?Don建議噴喺出汗位置附近。「例如我們心口或背脊較容易出汗,可以噴在頭髮的位置,令香水可以遮蓋味道的同時,亦不會和細菌混合在一起;運動完,腋下出汗較多,可以噴在手臂,令它有一個演化。」



技巧3:Z形噴法香氣更平均


但我地呢挺港女並非經常運動,日常使用的話,噴喺脈博位置就搞掂啦?但原來呢個都唔係最好既用法。「好多時人們噴香水會噴在定點位置,令同一位置的味道過於濃烈;有些人由上至下直線般噴,香水份子重身,會慢慢聚集一齊,變成聚集晒喺下半身。」下,咁點噴先好?「Z字形噴有一個好處,佢有一定的時間讓香水定點,可以肯定每一個空間,唔會有過重的香水份量。」



技巧4:塗潤膚霜保持香氣


但講真,我覺得最難處理的是香水味道揮發得太快。想保持味道耐啲,原來都有計:先塗潤膚霜再噴香水。「油性物質的確令香水沒那麼容易揮發,但如凡士林這些,有太多礦物成份,也有機會變化不同的香味份子。」大家記得留意。查詢:(a)GIVENCHY銅鑼灣時代廣場連卡佛專櫃(b)Issey Miyake尖沙咀海洋中心Facesss專櫃(c)SABON銅鑼灣時代廣場地庫2層B213店(d)Jo Malone london尖沙咀圓方2116號鋪記者:黃樂雯



香水品牌零售及培訓經理Don Au

含酥梨、木莓及玫瑰味道的淡香水。GIVENCHY Live Irrésistible Eau de Toilette$550/40ml(a)

同系列24年來的首位新成員,結合龍涎香、鈴蘭及大馬士革玫瑰的淡香精。Issey Miyake L’Eau d’Issey Pure$440/30ml(b)



以廣藿香香味為主調的中性香水。SABON The True Patchouli$450/50ml(c)

以羅勒為前調、白麝香為基調及橙花純露作主調的古龍水。Jo Malone london Basil& Neroli Cologne$600/30ml(d)



來源: http://hk.apple.nextmedia.com/su ... t/20160809/19728453
港女 補課 唔做 做臭 臭豬 招變 變身 香香 公主
PermaLink: https://articles.zkiz.com/?id=305151

【馮仁昭四圍超】香香賀鍾嘉欣預產

1 : GS(14)@2016-08-17 08:01:35

岑麗香噚日喺迪士尼為小鎮珠寶店Pandora擔任開幕嘉賓,自細夢想成為公主嘅香香,一身閃亮粉綠色裙現身,佢話:「我細個會用被包實扮公主,當年租帶睇,我都一定要租公主嘅電影。」問佢會唔會夢想同男友阿強有個童話式婚禮?香香就好怕醜咁話:「到時先算啦,慢慢嚟。」香香自爆會喺現場買份禮物畀鍾嘉欣嘅BB,佢話:「未出世,未知男定女。」撰文:馮仁昭




來源: http://hk.apple.nextmedia.com/entertainment/art/20160817/19739016
馮仁 仁昭 四圍 香香 賀鍾 鍾嘉 嘉欣 欣預 預產
PermaLink: https://articles.zkiz.com/?id=306265

【爆相爆片】香香胸壓男友酒店游夜水

1 : GS(14)@2016-09-01 06:24:22

【性感擺甫】■近年甚少作超性感打扮的岑麗香,被本報讀者拍到她穿上黑色三點式在池邊曬月光。讀者提供圖片



現年31歲的處女黨成員「香香公主」岑麗香,跟六呎「翻版王大陸」男友Joshua(強強)拍拖一年多,兩人越愛越煙韌,上月中甜遊台北預支蜜月,離港後大解放的香香,着三點式在酒店孖男友游夜水曬月光,情到濃時香香更胸壓男友,騎在他的身上享受鴛鴦戲水,昨日香香在社交網貼新相洩蜜,從玻璃反映中見到由男友操刀拍照,甜到漏!



岑麗香挾09年溫哥華華裔小姐冠軍之名,翌年來港參加無綫主辦的國際中華小姐,憑甜美樣子擊敗對手再度封冠。被網友封為「香香公主」的香香,雖然曾跟錢嘉樂、陳國峰及黃宗澤等傳緋聞,但全部未獲香香賜予男友名份,她的真命天子於去年10月終現身,香香與身高六呎、貌似王大陸的男友Joshua,在將軍澳商場又攬又啜被本報捕獲,香香當時亦大方承認跟男友拍拖半年。



【鴛鴦戲水】■香香胸壓男友玩騎膊馬,其間又錫又攬,羨煞旁人。

【池邊談心】■香香和男友在池邊傾偈,深情對望。


三點式曬月光

據知,強強是加拿大一間證券公司的合夥人,年輕有為,兩人有共同信仰,經朋友介紹認識後,很快已打得火熱,原來兩人上月中更蜜遊台北預支蜜月,被本報讀者王小姐透過本報「爆相爆片」捕獲,王小姐透過短訊表示:「8月13日喺W酒店,見到香香同男友有錫同攬,仲騎膊馬好sweet,玩咗兩個鐘,之後佢哋嘅朋友加入,佢哋就收斂咗,玩到2點幾就走。」從王小姐提供的相片所見,強強張開雙臂攤在泳池內,跟香香四目交投深情對望,兩人愛火四射,情到濃時,香香更胸壓男友騎在他的身上,由強強孭着她玩鴛鴦戲水,煙韌到爆,完全沉醉在愛河之中,懶理泳池邊的其他人目光。而身穿黑色三點式的香香大晒噴血身材,游到攰時在池邊擺出美人魚甫士曬月光,令泳客大飽眼福。



■去年10月,香香與男友強強在將軍澳拍拖斷正。資料圖片

■香香上月15日曾在Ig貼high tea相,原來當時正與男友在台北旅行。


避談結婚計劃

記者發現香香昨日在Instagram貼在台北街頭的相片,從玻璃反映中洩蜜,見到男友強強揸相機拍照,而香香上月15日亦曾在Ig晒嘆high tea相,見香香露出甜到漏的笑容,相信坐在對面為她影相的人,就是男友強強了。香香昨日被問到男友有否向她求婚?兩人有否結婚計劃?她在電話回覆傳媒說:「好開心,多謝關心。」香香跟男友現已蜜運逾年,兩人打得火熱,早前她更自爆被男友讚是女神,被問到有否讚男友為男神?香香甜笑說:「一定要!但唔可以講太多,畀啲空間大家發展,太公開會好難繼續了解大家。」採訪:唐心悠


■與男友打得火熱的香香,昨在電話中避談結婚計劃。資料圖片

■香香昨在Ig貼在台北街頭的新相,從玻璃反映中見到由男友操刀。



來源: http://hk.apple.nextmedia.com/entertainment/art/20160901/19755715
爆相 相爆 爆片 香香 胸壓 男友 酒店 遊夜 夜水
PermaLink: https://articles.zkiz.com/?id=307021

香香講異地戀之難

1 : GS(14)@2016-09-04 18:03:41

資料圖片



岑麗香有一個做金融、6呎高的男友「強強」Joshua,二人拍拖一年多,其實是本報早前踢爆,事後香香大方承認,最近她在報道中提起男友,表示異地戀要面對時差,只要應承便要打電話給對方,亦不可以有公主病,亦不會用嬲來引起對方關心和注意,因為不可以期望對方立即可以為自己排難解紛,所以只好實際一點,更要講得出做得到,不可以令到另一半不開心。




來源: http://hk.apple.nextmedia.com/entertainment/art/20160904/19759122
香香 異地 戀之 之難
PermaLink: https://articles.zkiz.com/?id=307453

藝人愛寶島拍拖楊怡謙謙行夜市香香游夜水

1 : GS(14)@2016-10-11 08:11:51

做藝人忙到甩轆(紅嗰啲),要放假都難,何況去旅行呢!所以有見及此,唔少圈中藝人都會揀去短途旅行拍拖或者係度假充電,而台灣就正正係一個又平又近嘅選擇。岑麗香 Joshua(強強):31歲嘅香香公主同圈外男友Joshua(強強)拍拖1年幾,男友係加拿大一間證券公司的合夥人,成日分隔異地,放假梗係要sweet下啦!早前佢哋就去咗台灣拍拖,香香仲喺酒店被本報讀者「爆相爆片」捕獲,着住比堅尼嘅香香仲胸壓男友o添!楊怡 羅仲謙:啱啱新婚嘅羅生羅太,拍拖多年都仲係咁sweet,去年10月羅生喺台灣拍電影《泡沫之夏》,當時仲係女友嘅楊怡知道男友忙於工作,仲特登人肉速遞飛去探班,仲被影到拍拖行饒河夜市。吳若希 Alex Ho:比較近期嘅就有吳若希同前男友Alex Ho,今年7月佢哋喺曼谷拍拖被爆撻着,吳若希仲高調認愛,8月中又一齊出發去台灣旅行,仲着晒情侶裝晒恩愛o添!不過好境不常,喺9月中唔知係咪因為冇去旅行嘅關係,吳若希突然喺ig宣佈分手。胡杏兒 李乘德:杏兒同老公上年年底結婚,度咗差唔多兩個半月蜜月先至復工,年中老公Philip去咗台灣出席朋友婚禮嘅時候,原本未能出席嘅杏兒專程由內地飛去台灣畀surprise老公。




來源: http://hk.apple.nextmedia.com/entertainment/art/20161011/19796766
藝人 寶島 拍拖 楊怡 謙謙 夜市 香香 遊夜 夜水
PermaLink: https://articles.zkiz.com/?id=311535

王君馨入紙「退黨」處女黨嫁剩香香苟姑娘

1 : GS(14)@2016-11-23 07:53:20

因為王君馨(Grace)喺一次訪問,自爆仲係處女,令佢一夜成名,冇耐呢個處女宣言一出,其他圈中教友包括鍾嘉欣、李亞男、苟芸慧同岑麗香,亦相繼宣示處子身,於是有「處女黨」稱號。不過隨住李亞男、鍾嘉欣先後結婚,岑麗香同Grace拍拖,所以「處女黨」已經幾近名存實亡,0依家得苟芸慧嘅感情未有著落!王君馨(Grace)
Grace係最早出現嘅處女黨成員,雖然Daniel係佢初戀男友,兼且喺又試過俾人影到佢哋去台灣旅行,暗示佢哋已預支蜜月,但當時Grace堅稱大家係分房瞓未破戒,就算分隔兩地,不過Daniel經常來港陪女友,除咗等女友收工食宵夜,仲會去女友屋企洗碗執屋。鍾嘉欣(Linda)同伍允龍拍拖多年嘅嘉欣BB,分手冇耐,舊年年底秘嫁加拿大脊醫Jeremy,今年8月生咗B女Kelly,係「處女黨」最快做咗人媽咪嘅黨員。李亞男(Leanne)同王祖藍喺舊年2月結婚,正式成為祖藍嫂,係最快嫁得出嘅「處女黨」黨員。李亞男嫁雞隨雞長期陪老公北上,拓展大西北事業。舊年祖藍豪擲1.1億購入大埔逸瓏灣特色戶,作為新婚愛巢,李亞男亦正式加入億萬濶太行列。岑麗香(Eliza)性格鬼妹仔嘅香香,舊年10月俾《蘋果》踢爆同圈外男友Joshua拍拖。事後香香大方承認對方係男友,仲話男友有共同信仰,會守教規。苟芸慧(Christine)曾為「宅男女神」嘅苟芸慧,佢係處女黨唯一一個喺感情上冇著落嘅人,近排傳佢撻着好友朱璇男友湯珈鋮,又秘交經濟發展及勞工局前局長葉澍堃細仔葉瀚華、啱啱又同富三代陸漢洋傳緋聞,但苟姑娘通通否認,似乎真命天子仍未出現。




來源: http://hk.apple.nextmedia.com/entertainment/art/20161123/19842537
王君 馨入 入紙 退黨 處女 黨嫁 嫁剩 香香 姑娘
PermaLink: https://articles.zkiz.com/?id=316663

香香加國婚禮從簡

1 : GS(14)@2016-12-01 00:01:27

■岑麗香與男友Joshua傳下月在溫哥華結婚。資料圖片



無綫「處女黨」成員一個接一個出嫁,先有李亞男、之後的鍾嘉欣更已誕下女BB,接着到近日本報率先踢爆結婚的王君馨,計落黨員只餘下苟芸慧及岑麗香未嫁。昨日有雜誌報道指現年32歲的香香,她的金融才俊男友Joshua去年年尾已經求婚成功。據報道指香香已向公司申請放大假,前日下午已飛往溫哥華,跟男友籌備婚禮。而婚禮已安排下個月初舉行,香香只會請親友觀禮,請柬已陸續送出。由於一對準新人都外國人性格,所以一切從簡只會簡單簽紙行禮,不會大搞。香香要到下月底才會返港歸隊拍攝劇集《溏心風暴3》。撰文:李森




來源: http://hk.apple.nextmedia.com/entertainment/art/20161130/19849668
香香 加國 婚禮 從簡
PermaLink: https://articles.zkiz.com/?id=317659

拍拖年半 溫哥華行禮香香宣佈嫁強強

1 : GS(14)@2016-12-03 04:42:42

■岑麗香昨午在Ig貼攬實男友強強的照片,同時宣佈婚訊。互聯網圖片



現年32歲的岑麗香,去年才被本報踢爆名花有主,戀上任職國際金融集團加拿大分部高層的強強,兩人拍拖一年半,感情一日千里,香香昨午在Instagram公佈婚訊,她肉緊攬實未婚夫,同時大騷左手無名指鑽戒,她說:「能夠同自己嘅心靈伴侶結婚,係一種幸福。」香香大爆強強有跪地求婚,有傳二人將在本月中在溫哥華行禮,香香日前已低調離港飛加國籌備。



無綫處女黨成員陸續出嫁,繼李亞男及鍾嘉欣先後結婚,王君馨近日又在港入紙註冊,上月中32歲牛一的岑麗香,昨也在Ig公佈婚訊,處女黨只剩苟芸慧未有着落。香香去年10月被本報踢爆她與六呎猛男、金融才俊強強在將軍澳拍拖,熱戀情侶甜到漏,更被拍到情不自禁在車廂內舌戰,香香見戀情曝光,大方承認拍拖三個月,但估不到香強戀發展一年半便結婚。


攬實晒鑽戒

香香近日傳出本月中會在溫哥華結婚,她未有否認,昨午4時許,她突然在Ig貼出攬實強強照片,照片中清楚看到香香左手無名指戴上閃爆鑽戒,幸福滿瀉,她留言道:「我好感恩終於可以同大家宣佈,上帝畀我搵到我嘅Mr.Right喇!」香香指與強強多年前在溫哥華因工作關係,朋友介紹認識,她說:「由朋友變成我男朋友,而到今日,成為我未婚夫!能夠同自己嘅心靈伴侶結婚,係一種幸福,我哋好期待踏上人生另一個階段,可以一同經歷神一齊成長。」香香也同時感謝親友為她保密喜訊,她最後搞笑說:「感謝傳媒朋友一路以來對我嘅關心同鼓勵,拍拖之後你哋都好照顧強強。大日子快到了,而家忙於準備,請體諒我未必可以完全回覆到大家。」



■與強強拍拖一年半的香香,昨在Ig大讚對方是真命天子。

■香香去年與強強在將軍澳高調拍拖斷正,被拍到在車廂舌戰(右圖)。資料圖片



香香和強強感情穩定,早已認定對方是結婚對象,去年曾傳出強強向香香求婚,香香爽快答應,日前有報道指香香已向無綫申請放大假,並飛返溫哥華與未婚夫強強籌備本月初的婚禮,但有消息指香香於本月中才出閣,她這次低調搞婚禮,只會邀請至親及朋友觀禮,近日親友們都收到請柬,有指一對新人只簡單簽紙行禮,不會大肆搞婚禮。



■香香於2010年贏得國際中華小姐競選冠軍入行。資料圖片

教堂跪地求婚

問到香香的求婚過程,她昨短訊回覆:「簡單喺教堂求婚,啱我,本身唔鍾意太高調、太隆重。」強強有跪地求婚嗎?香香答:「跪地都要,好開心,對方父母都在場見證。」她續說:「我嗰段時間需要少少時間去calm down,先至寫一篇文,我post咗喺網上,多謝晒你哋,辛苦晒!」香香閃婚難免被誤會奉子成婚,她笑着否認:「唔係呀!」有指香香本周一已低調飛加國籌備婚禮,婚後先二人世界度蜜月,她月底便返港拍無綫劇集《溏心風暴3》。採訪:皓騫、嵐山、小米




來源: http://hk.apple.nextmedia.com/entertainment/art/20161203/19853307
拍拖 年半 溫哥華 行禮 香香 宣佈 嫁強 強強
PermaLink: https://articles.zkiz.com/?id=317938

欣宜為香香婚事守秘密

1 : GS(14)@2016-12-04 17:34:22

鄭欣宜昨日在尖沙嘴出席Joox音樂會,最近她與岑麗香為無綫拍劇,已準備參加香香婚禮,她說:「守咗呢個秘密好耐,見佢睇強強(未婚夫)訊息甜笑。」問到對方有否懷孕,欣宜說:「佢冇講,佢會逐步嚟嘅。」另外,「處女黨」成員只嫁剩苟芸慧,她昨以短訊回覆:「幸福不怕遲,等我把姊妹們都嫁出去,屬於我的幸福就應該到了!」




來源: http://hk.apple.nextmedia.com/entertainment/art/20161204/19854173
欣宜 宜為 香香 婚事 秘密
PermaLink: https://articles.zkiz.com/?id=318238

【溫哥華直擊】香香等嫁強強 戴鑽戒晒幸福

1 : GS(14)@2016-12-17 23:54:19

■昨日香香左手無名指戴上巨型鑽戒,在溫哥華的餐廳見傳媒。記者羅德光溫哥華傳真



【香香出閣】現年32歲的「香香公主」岑麗香,本月初在Instagram宣佈與拍拖一年多的男友強強(Joshua)在加拿大溫哥華結婚,踏上人生另一個階段。婚禮將於加拿大時間17日、即香港時間明日舉行,香香昨日在當地一間日本餐廳舉行記者會,交代婚禮細節。


靠姊妹幫手籌備

身穿紅噹噹價值5千多元、Canada Goose羽絨褸的香香,十足十聖誕老人,她的左手無名指戴巨型鑽戒,但強強未有現身。香香由經理人和助手陪同到場,受訪時難掩喜悅,不時流露出幸福甜笑,她說:「好開心呀見到你哋(傳媒)!強強唔係artist,唔好畀佢去咁public event。」



■自公佈喜訊後,香香收到不少祝賀。

■香香(右三)由經理人及助手等陪同下開記者會。

■香香與強強打算享受二人世界,暫未有造人計劃。

■婚宴將於當地的Fairmont Hotel Vancouver舉行。

婚後要分隔異地

據悉婚宴將於當地一間歷史悠久的Fairmont Hotel Vancouver舉行,酒店外型似一座古堡,宴會廳好有宮廷感覺。香香宣佈婚訊後收到好多祝福,但籌備時間卻好花工夫,她解釋:「我大部份時間喺香港,planning for我係難啲,惟有靠上網同姊妹幫手,強強呢段時間都做好多嘢,我鍾意嘅嘢都係佢幫我,辛苦佢。」香香坦承與強強最夾的地方是大家都好有童心,她說:「我哋兩個都似小朋友,搵咗手拖手嘅Gummy Bear做主題,人人都有糖食。」香香直言喜歡白色聖誕,為遷就各方好友,特別選聖誕前夕舉行婚禮。而婚後可能仍需分隔兩地,但會先放一個長的蜜月假期,問會否立即造人生B?她說:「唔會,仲有時間,享受二人世界先。」香香未有透露「處女黨」姊妹誰會出席,但肯定王君馨不會到場,她說:「因為婚禮同台慶頒獎同一日,我人生最大日子,都希望佢同時間攞獎。」採訪、攝影:黃曉程、羅德光




來源: http://hk.apple.nextmedia.com/entertainment/art/20161217/19867799
溫哥華 直擊 香香 等嫁 嫁強 強強 鑽戒 幸福
PermaLink: https://articles.zkiz.com/?id=319356

香香今穿裙褂出嫁

1 : GS(14)@2016-12-18 11:04:28

「香香公主」岑麗香今日出嫁喇!不少香港傳媒專登飛到加拿大,直擊香香的婚禮,記者昨日到過香香與強強(Joshua)舉行婚禮的Fairmont Hotel,但暫時未見到有任何佈置,據悉香香都會跟中國傳統儀式,穿上裙褂向長輩斟茶,之後再會換上婚紗會見傳媒。昨日有周刊指香香一向好鍾意聖誕節,所以希望與一班親朋友好,一齊見證同慶祝。而今次婚宴將會筵開40席,花費過百萬舉行童話式婚禮。而香香前日現身時戴上的閃爆婚戒,原來是由老公強強親自設計,代表團團圓圓,她甜笑稱老公做甚麼都開心。採訪:黃曉程、羅德光




來源: http://hk.apple.nextmedia.com/entertainment/art/20161218/19868788
香香 今穿 穿裙 裙褂 出嫁
PermaLink: https://articles.zkiz.com/?id=319494

香香硬銷哥哥好男人

1 : GS(14)@2016-12-21 23:41:58

■人妻岑麗香貼與哥哥的合照,明顯是向好姊妹苟芸慧推銷。互聯網圖片



人妻岑麗香日前在婚宴上面,跟老公強強互餵蛋糕,大晒恩愛,之後強強自彈自唱情歌冧老婆,搞到香香當場感動爆喊!香香昨日在Instagram貼了跟哥哥的合照,除大讚哥哥是好男人,還註明他是「單身」!明顯是想推銷哥哥給好姊妹,而處女黨成員只有苟芸慧一個未有着落。撰文:非非




來源: http://hk.apple.nextmedia.com/entertainment/art/20161221/19871773
香香 硬銷 哥哥 男人
PermaLink: https://articles.zkiz.com/?id=319674

除夕復工人財兩得香香拖老公返港

1 : GS(14)@2016-12-31 01:06:34

■戴着閃爆鑽戒的香香,昨早拖實老公強強步出機場。



現年32歲的岑麗香(香香)本月18日在溫哥華結婚,嫁給拍拖僅一年多的圈外男友強強(Joshua),正式脫離處女黨。休息不足兩星期,香香昨晨偕強強一齊返港。昨早近8時,榮升人妻的香香與強強手拖手一齊出閘,香香手上還戴着由強強設計的鑽戒。由於現場傳媒一擁而上,場面一度混亂,有旅客行李更被推跌,強強即箭步衝前助旅客把行李放回行李車,香香亦向對方連聲道歉。



■香香與老公接受訪問時,表情幸福甜到漏。

■有旅客行李更被推跌,強強即出手幫忙,香香隨即道歉。



■暫定留港數個月的香香及強強,行李十分多。

未度蜜月

坐完長途機的香香,仍顯得精神奕奕,見大班傳媒還笑說:「咁早嘅大家,真係好勁,辛苦晒大家,真係對唔住。」問二人是否已經度蜜月?香香表示:「唔係呀!我哋未去honeymoon,因為我哋啱啱喺溫哥華返嚟,之前好多海外嘅朋友都去咗溫哥華參加我哋嘅婚禮,所以喺嗰邊同親友度過。」提到造人大計,香香說:「未有,諗下先,honeymoon仲係安排緊,未諗生B計劃,想計劃喺香港做嘢先。」強強亦搭嘴說:「未咁快手。」香香又說,想2月開工前,跟強強先去旅行,又指老公之後亦會留港幾個月,而除夕夜她要到澳門出席倒數活動,強強都會陪她一齊去。攝影、採訪:仇志德、黃曉程、梁繼光




來源: http://hk.apple.nextmedia.com/entertainment/art/20161230/19880793
除夕 復工 人財 財兩 兩得 香香 老公 返港
PermaLink: https://articles.zkiz.com/?id=320667

香香開工老公送外賣

1 : GS(14)@2017-01-02 11:51:18

岑麗香上月榮升做人妻,前晚她婚後復工,與好姊妹王君馨到澳門做除夕倒數,開金口演唱《甜蜜蜜》和《一人有一個夢想》,老公強強在台下聽老婆唱情歌,之前還外賣葡撻和豬扒包給老婆醫肚。一身紅色打扮的香香,因很少公開唱歌,她坦言好緊張,又讚老公有音樂天份識彈樂器。而現場逾千觀眾大叫香香做強嫂,氣氛溫馨。撰文:皓騫




來源: http://hk.apple.nextmedia.com/entertainment/art/20170102/19883756
香香 開工 老公 外賣
PermaLink: https://articles.zkiz.com/?id=321075

獨家直擊 加拿大百萬婚宴 強強唱情歌 香香感動爆喊

1 : GS(14)@2017-01-02 16:53:58

2016-12-21 EW

三十二歲的岑麗香終於成為人妻「強嫂」,於溫哥華時間十七日,與拍拖一年多的金融才俊強強(Joshua)拉埋天窗!婚禮當日,無論是接新娘,到教堂行禮,還是晚上舉行的百萬婚宴,全程氣氛甜蜜又搞笑,期間,一對「半唐番」新人更穿上中式裙褂接受傳媒訪問。

聲言在家裏稱呼香香做「蕉蕉」的強強,雖然擁有六呎高的威猛外形,但性格卻相當可愛,除了因首次見記者時表現害羞,以水皮廣東話製造笑料外,在婚宴上,他更當着三百位來賓前,自彈自唱了一曲冧老婆,聽得香香感動落淚,難怪連日來,她對強強讚不絕口,是有一百分滿分的好男人!

童真婚宴

岑麗香與強強在溫哥華時間十七日正式結為夫婦,當晚於Fairmont Hotel Vancouver舉行婚宴,筵開三十席招待親友,香香圈中好姊妹鍾嘉欣、李亞男、苟芸慧和鄭欣宜均有出席,花費約一百三十萬港幣。當晚婚宴以手拖手的熊仔糖作主題,既把會場佈置得充滿童真,又以熊仔糖送給賓客作回禮。席間二人不停放閃晒幸福,在切蛋糕時互餵對方,香香又主動繫着強強的頸項,深情擁抱在舞池跳慢舞;強強更對着老婆自彈自唱了一曲情歌 ,來訴說出拍拖時經常分隔兩地的情意,一臉冧爆的香香,隨即驚喜落淚,邊聽着老公的歌聲,邊拍着手打拍子和應,展露着幸福笑容。

隨後一對新人進行敬酒儀式,手持香檳的香香,更替老公頂酒,喝得一臉通紅,相當盡興。

婚前狂野派對

開酒狂隊

其實當日早上,半唐番的香香和強強,已先按照中國傳統接新娘,在姊妹團指令下,強強既要跟兄弟團玩疊羅漢,又要以腳趾夾提子餵自己食。二人向長輩進行斟茶儀式後,便移師到Ebenezer Baptist Church以基督教儀式行婚禮,在二百多名親友和賓客祝福見證下,於婚約上簽署和交換婚戒,場面莊嚴感動,令新娘子亦忍不住流淚。

至於二人在婚前一晚,則各自跟姊妹團和兄弟團舉行告別單身派對。當晚香香在派對中,與姊妹們邊敷着面膜邊喝酒,又拍短片向準新郎和兄弟團晒冷。片段中,玩得十分投入的香香,對着鏡頭高舉兩支酒準備隊酒狂歡;而強強和兄弟團,即以紙巾扮敷面膜拍片回敬,畫面惹笑。

肉緊咀嘴

婚禮至黃昏時份,一對新人於酒店換上中式裙褂攬到實接受傳媒訪問。首次見記者的強強表現緊張,但在徇眾要求下,仍跟香香肉緊咀嘴,中文水皮的他,平日以「蕉蕉」稱呼老婆,「香蕉嘛!」問到接新娘時會否覺得辛苦,他竟說:「會呀!」嚇得香香呆一呆,惹得哄堂大笑。而當日在教堂行禮時,香香表示,已感動落淚:「行到去見到佢(強強),佢已經拎定紙巾畀我抹眼淚!」二人未有度蜜月計劃,但婚後會先去一趟短程旅行。

為免婚後跟老公繼續分隔兩地,本在溫哥華從事金融的強強,將會做「跟得丈夫」,她說:「唔想再long distance啦,好辛苦,安排緊佢一齊喺香港生活。(至於造人大計?)我哋應該冇咁快,亦冇諗生幾多個。其實長輩佢哋想多啲,我哋今日都收到兩隻金豬呀!」祝願強強和強嫂,快啲有喜訊公布啦!

年輕有為

六呎高的強強,英文名Joshua Ngo,除以英文為母語外更精通法文。八年畢業於卡爾加里大學,及後再考獲會計師牌,曾於普華永道﹙PWC﹚、麥格里﹙Macquarie Group﹚等大行工作,現為加拿大CIBC World Markets合夥人,對股票市場有精闢見解的他,財技了得。

強強除了數口精亦熱愛打籃球,求學時期,跟台灣男神高以翔因為打波成為好友。此外,酷熱健康生活的強強,近年閒時更會打高爾夫球,或約三五知己去郊遊,跟乖乖女香香簡直絕配!

採訪、撰文☆娛樂組 攝影☆娛樂攝影組 設計☆蔡宛真
獨家 直擊 加拿大 加拿 百萬 婚宴 強強 強唱 情歌 香香 感動 爆喊
PermaLink: https://articles.zkiz.com/?id=321103

香香唱歌老公讚

1 : GS(14)@2017-01-09 08:11:33

岑麗香和周國賢昨日在皇室堡出席活動,其間與歌迷玩遊戲兼唱歌,香香唱《一人有一個夢想》,這是她婚後首次出席香港活動,透露自己忘了戴婚戒。早前她與丈夫強強到台灣度蜜月,玩了數天,現正幫助丈夫適應香港生活,她說:「佢喺香港有親人同朋友,好過我之前嚟乜都唔識。」不過二人無意在港補擺喜酒。平時有學唱廣東歌的香香,被問丈夫有否讚動聽,她說:「佢有讚,叫我加油,今朝練歌佢已經聽過,我都唔係唱得咁難聽啫,其實我有學過幾首廣東歌,最緊要唔好走音。」她表示丈夫強強懂很多樂器,包括鋼琴、小提琴和結他等。採訪:王連連  攝影:陳慧安




來源: http://hk.apple.nextmedia.com/entertainment/art/20170109/19890586
香香 唱歌 老公
PermaLink: https://articles.zkiz.com/?id=322050

香香盼幸福摸醒獅

1 : GS(14)@2017-01-12 08:08:32

■香香昨日到灣仔為咖啡店剪綵,興奮地摸獅子全身。



岑麗香婚後回港,近日頻頻出席活動,昨日她在灣仔為咖啡店剪綵,穿露膊裝露幸福「事業線」,而醒獅隊喊口號「摸獅子會連生貴子」,香香興奮摸獅子全身。她稱工作時得到很多人祝福,她說:「摸定先,佢哋話摸獅子由頭摸到尾會帶來幸福。」她透露不會太快造人,因下月要開劇。現場香香學整冬甩,笑言一個代表自己,一個代表老公強強,另一個則是二人愛情結晶,平時二人也會一起下廚。香香之前拍飲食節目學懂一些住家菜,問到可會煲補身湯水令老公強身健體,她笑說:「我哋煮嘅都係簡單餸菜,有時煲清熱、溫和嘅湯水。」採訪、攝影:王連連




來源: http://hk.apple.nextmedia.com/entertainment/art/20170112/19893662
香香 幸福 醒獅
PermaLink: https://articles.zkiz.com/?id=322328


ZKIZ Archives @ 2019