ZKIZ Archives


拍內地真人騷博老命謝天華飲尿全杯清

1 : GS(14)@2016-01-15 17:32:47

【終極灌尿】■謝天華一口氣將半樽尿飲落肚,有觀眾睇到好惡心,隔住mon都聞到異味。互聯網圖片



搵食艱難!香港市場日漸萎縮,藝人紛紛北上賺人仔掘金,現年48歲的謝天華離開無綫後自力更生,接拍內地劇及參加真人騷賺奶粉錢,然而,天華拍攝東方衛視野外求生節目《跟着貝爾去冒險》,竟然大犧牲對着鏡頭飲尿,十分重口味,不少觀眾睇到惡心難頂,洪欣則力挺有份飲尿的老公張丹峰:「我覺得佢好叻!」


謝天華09年憑劇集《學警狙擊》扮演Laughing哥人氣急升,三年前離開無綫成立Laughing Workshop後,主力返內地拍劇賺人仔,去年榮升做爸爸,兒子浩飛下月就滿一歲,為搵奶粉錢,天華早前參加東方衛視真人騷《跟着貝爾去冒險》,由探險真人騷《人在野》(Man vs. Wild)的英國前特種兵貝爾(Bear Grylls)率領藝人在野外求生,合演的還有洪欣老公張丹峰。



■謝天華拍攝內地真人騷節目,竟然要挑戰底線飲尿。

■看着謝天華一飲而盡,張丹峰(右)舉大拇指佩服!互聯網圖片

■節目指主持貝爾飲的是未經加工的尿,打出字幕:「請勿模仿」。互聯網圖片



指摘為錢可耻

《跟着貝爾去冒險》節目內容十分出位,之前已要藝人食活蚯蚓、生食牛內臟、竹鼠等,天華曾因任務失敗接受「糞水淋頭」懲罰,想不到上周五播出的大結局,竟然要藝人挑戰底線飲尿!之前貝爾要他們儲尿,天華還笑說:「我相信我的身體不錯,這個顏色挺好的。」當知道要飲尿後,天華先仰天嘆氣,跟着一口氣喝掉半瓶「尿」,喝完還將瓶口朝地並用手拭嘴,他說:「味道真的是難聞,可是知道是自己的東西,所以,也沒甚麼太難受,雖然那是很惡心的事情,可是你不要逃避,把它解決,這個才是Bear給我們的意義。」不過,有網友質疑節目造假,指「尿」的顏色太淺似菊花茶,對於天華肯飲尿亦意見紛紜,有網友炮轟:「為咗人仔去飲尿」、「未至於窮到咁吖」、「就算是假的都覺得可耻!明顯為五斗米折腰!可悲!」亦有網友讚:「人哋專家都飲啦,呢啲叫pro。」節目則交代參加者飲的尿經過「加工」,乃高溫蒸餾消毒及加水。昨日記者致電天華了解,他只重複說:「我喺菲律賓做緊嘢。」追問是否真尿?他晦氣說:「做緊嘢,都話做緊嘢囉。」之後更cut線。



■節目內容十分出位,要藝人食蟲。

■內地女星韓雪野外求生,活捉家禽是常識吧!



洪欣睇到想嘔

至於在節目也有飲尿的張丹峰,獲老婆洪欣力挺,她昨日在電話承認是真尿:「真㗎,而且之前冇講做乜,所有嘢去到先知,個個都要飲。」問到張丹峰有否表示難受?洪欣說:「梗係核突啦,但始終係自己都好啲,如果飲人哋就核突,佢話當然唔好飲,我睇到佢哋個個想嘔。」對於老公要飲尿,洪欣說:「因為有朋友都飲尿,養生方面其實飲尿對身體好,當然佢哋每日食得好清淡,食素唔食肉,晚上只飲水,係好乾淨嘅尿,所以我唔覺有乜咁驚訝或恐怖,但叫我做我做唔到,我覺得老公好叻。」賺人仔艱難?洪欣說:「佢唔係為咗賺錢,佢係想挑戰自己,佢好鍾意貝爾,難得嚟到中國,首批可以同佢做真人騷,佢覺得好唔同。」採訪:皓騫





來源: http://hk.apple.nextmedia.com/entertainment/art/20160115/19452512
內地 真人 騷博 老命 謝天 華飲 飲尿 尿全 全杯 杯清
PermaLink: https://articles.zkiz.com/?id=294236

天華賺人仔飲尿:唔覺冇尊嚴

1 : GS(14)@2016-02-02 15:57:26

■謝天華反駁網友指控為賺人仔飲尿:「一啲都唔覺得冇尊嚴,呢個係人生經驗。」


洪天明、周家蔚和唐文龍等合資八位數字開設的內地時尚網店,昨日在北角舉行開幕活動,沒份投資的謝天華現身撐場,捧場的佘詩曼更說:「做生意要親力親為,如果佢哋搵我做代言,一定收友情價。」



便便不能充飢

天華之前在內地節目飲尿引起很大迴響,他說:「嗰個係求生節目嘅意義,當你冇水飲要保命,就惟有飲自己啲尿,飲嘅時候處理過,冇咗70%尿味,冇想像中咁難受。」他坦言簽合約時不知道要飲尿,他說:「我覺得玩得幾盡,不過要投入,總之呢個係有史以嚟最大考驗,以後任何難關都係小事,冇嘢盡得過佢。」有記者指食屎,天華說:「我有問過求生時食便便,係救唔到自己。」對於有網友抨擊為搵人仔冇尊嚴,天華反駁:「一啲都唔覺得冇尊嚴,呢個係人生經驗,都有人話我哋冇丟中國人架。」老闆之一的洪天明表示生仔後,發覺娛樂圈雖是自己喜歡的工作,但不穩定又不長久,他更叫方力申快些生仔儲奶粉錢夾份做生意,小方卻笑說:「吓,結婚生仔即係要我欠一大筆錢先,等錢使先努力做生意。」採訪:盧妹攝影:陳俊強



■黎耀祥(右)和曹永廉昨日到北角開幕活動,兩人都佬味十足。

■洪天明和周家蔚投資的網店開幕,催小方(左)結婚儲奶粉錢入股。

■佘詩曼雖然沒份投資內地網店,但都扮靚靚為眾藝人好友撐場。



來源: http://hk.apple.nextmedia.com/entertainment/art/20160202/19475355
天華 華賺 賺人 人仔 仔飲 飲尿 唔覺 覺冇 尊嚴
PermaLink: https://articles.zkiz.com/?id=295066

艾威拍ViuTV搵女遊埠林熹瞳睇錢挑機飲尿

1 : GS(14)@2016-03-09 16:26:02

【ViuTV開台】以粵語廣播為主的免費電視頻道ViuTV將於下月6日正式開台,該台前晚在奧海城舉行節目巡禮,強勢宣傳《G1格鬥會》、《跟住矛盾去旅行》和《慳啲啦!Honey》3個自家製作的節目,藝人艾威、林熹瞳、鄧洢玲(阿旦)、柳俊江、陸詩韻齊齊出席撐場。大會先後播出該3個節目的精華片段,在《慳啲啦!Honey》中,安排了4對素人情侶或夫婦參與,他們要分別完成任務,包括男方幫另一半揀內衣褲,女方又會幫另一半揀寫真集,當中鬧出不少笑話。而在《G1格鬥會》,播出了阿旦對劉燕妮、鄧穎芝對黎美言等賽事,鏡頭前個個表現兇狠,鏡頭後的訪問片段亦出現火藥味;至於《跟住矛盾去旅行》主要播出《100毛》「腦細」林日曦和議員蔣麗芸的一集的精華片段。



■阿旦前晚出席ViuTV節目發佈會,她有份參與重頭節目之一的《G1格鬥會》。

■柳俊江對自己在《瑪嘉烈與大衛》被易角感可惜。


■在《慳啲啦!Honey》中,女友穿上男友所挑選的內衣,再看看是否合心水。

不怕辛苦戰極限

活動後艾威大讚節目很有創意,他說:「我之前都上過《G1格鬥會》同其他啲綜藝節目,佢哋啲內容同製作都好特別,畀咗好多年輕人一展所長,有啲形式喺香港都未試過。」笑言正等待通告的林熹瞳,表示很想拍旅遊節目,笑問她會否介意飲尿?她笑說:「咁睇吓畀幾錢我先喇!以前啲人話拍旅遊特輯好辛苦,但我試過又覺得冇問題,我好鍾意呀,可以挑戰自己極限。」艾威亦聽聞《跟住矛盾去旅行》的內容頗吸引,問到「矛盾拍檔」的人選?林熹瞳搶答:「你咁愛妻,搵個索女全程挑逗你啦。」艾威笑言:「好喎,我都想有咁嘅安排,老婆睇住都唔緊要。」



柳俊江嘆遭易角

另一方面,本來柳俊江有份參與開台劇《瑪嘉烈與大衛》,不過因為林保怡和周家怡加入而被換角,柳俊江直言:「都可惜嘅,我都係同大家同一時間先知,冇辦法喇,冇緣!好多嘢唔係擺咗心機就會有結果,現實就係咁,香港觀眾都係鍾意睇有卡士,就算幾創新都好。」問到ViuTV方面有否補償?他說:「冇,大家都係合作關係啫,我亦都收足酬勞,我覺得冇話邊個啱定錯,講緣份。」採訪:黃曉妍





來源: http://hk.apple.nextmedia.com/entertainment/art/20160309/19521354
艾威 ViuTV 搵女 女遊 遊埠 埠林 林熹 熹瞳 瞳睇 睇錢 錢挑 挑機 機飲 飲尿
PermaLink: https://articles.zkiz.com/?id=297372

【馮仁昭四圍超】林依晨教飲尿新方法

1 : GS(14)@2016-08-09 07:33:07

台灣藝人林依晨噚晚現身中環出席首飾發佈會,佢話同老公有共識,過多一、兩年後會生BB。依晨透露嚟緊會喺內地拍真人騷,問佢接唔接受得到食蟲同飲尿?佢自認係女泰山,好大膽咁話:「眼睛一閉就過,但為甚麼要這樣做呢?我會考慮一下,可能將尿蒸餾出清水。」前女騎師江碧蕙自爆同法籍前騎師李格力結束19年婚姻,未來擇偶條件要開心同健康為先。撰文:馮仁昭





來源: http://hk.apple.nextmedia.com/entertainment/art/20160809/19728272
馮仁 仁昭 四圍 林依 依晨 晨教 教飲 飲尿 尿新 方法
PermaLink: https://articles.zkiz.com/?id=305138

賀停留太空最長太空人特朗普講笑:飲尿咪搞我

1 : GS(14)@2017-04-28 02:10:51

美國太空總署(NASA)宣佈,身在國際太空站工作的女太空人惠特森(Peggy Whitson),周一刷新美國太空人累計在太空停留時間最長紀錄,她已經在太空飛行超過534天,成為美國最富經驗的太空人。美國總統特朗普通過視像系統向惠特森表示祝賀。特朗普和女兒伊萬卡,以及美國太空人魯賓斯,周一在白宮橢圓形辦公室,一起與國際太空站上的惠特森和費舍爾進行了20分鐘視像通話。特朗普祝賀惠特森之餘,還討論了NASA的火星旅行計劃。特朗普開玩笑說,希望在自己的第一個任期內實現,「我們必須加快一點,好嗎?」惠特森還提及太空站上一個將尿液循環淨化成為飲用水的系統,說系統「真的沒有聽起來那麼糟糕」。特朗普稱,「很高興聽到這個消息」,其後補一句「妳飲埋我嗰份」。美聯社/美國有線新聞網絡




來源: http://hk.apple.nextmedia.com/international/art/20170426/20002346
停留 太空 最長 太空人 特朗普 特朗 講笑 飲尿 尿咪 咪搞 搞我
PermaLink: https://articles.zkiz.com/?id=331668

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019