ZKIZ Archives


殼王布陣阿叻頂替何麗全

2011-4-14  NM




隨住陳國強,台灣女富商王雪紅及Providence Equity三方組成的財團入主無綫話事,作為新一代傳媒大亨殼王老死的阿叻(陳百祥),亦即時受惠,除了幫手做綜藝科軍師,補番何麗全離職虛位外,更連霸兩個節目做主持,甚至打破無綫作風,製作賽馬節目。賺埋製作

殼王上場,率先帶挈「漢傳媒」旗下的狄易達水鬼陞城隍,經阿叻花兩年時間依然做唔起的「狄狄仔」,經殼王一谷,打尖上《勁歌》,又被安排主持收費台節目 《安樂蝸》,甚至有份在重頭劇《狙擊潛行》做大配角,被無綫當正新寵咁捧。照住狄易達外,陳國強更秘密下旨,委派老友阿叻及曾志偉任無綫管理層,前者頂替 已離職,轉投大國文化的非戲劇組總監何麗全崗位,負責綜藝節目的軍師,後者主理電影部發展。

近年專心吃喝玩樂的阿叻,對上做節目主持工作已是○七年的《奧運玩得叻》,但老細兼老友開聲,阿叻立刻出山,為節目改革督軍,兼連孭兩個節目,一個是包括 飲食加遊戲,另一個更是阿叻強項——賽馬。「阿叻學晒蘇施黃及李純恩嗰套,自己做埋製作,然後將整個節目賣番俾無綫。梗係啦,搞埋製作,可以控制到質素, 又好賺過做主持。佢搵咗《蘇Good》嘅幕後班底,蕭潮順間公司合作,頭炮係個周遊列國介紹美食,加埋大派獎金嘅飲食遊戲節目。」一名幕後工作人員說。同 類綜藝節目慣用獲選佳麗做副手,但阿叻卻爆冷揀了太子鐘錶太子女朱紫嬈做拍檔。「唔出奇,佢老豆同阿叻係老友,而家殼王話事,阿叻嘅人,通通有機會受重 用。」

爭播影權

過去不沾手賽馬節目的無綫,亦因馬迷阿叻而變天。據了解,他已着手計劃幫無綫爭取下季賽馬節目播放權,並策劃一個包含賽事評論、晨操、俾貼士,還有外國馬 場資訊,多元化的賽馬節目;為求有別亞視的賽馬節目模式,近日已出發為飲食節目到歐洲拍外景的阿叻,亦順道到當地馬場進行拍攝,實行套裝制。主持兼包製作 外,兩個節目的主題曲,阿叻都棄用近年專責無綫劇集及節目主題曲,樂易玲的愛將鄧智偉,改由曾是阿叻經理人公司旗下的吳國敬負責作曲、填詞,自己人玩晒。 改朝換代,陸續嚟料!


殼王 王布 布陣 陣阿 阿叻 頂替 何麗 麗全
PermaLink: https://articles.zkiz.com/?id=24142

吳若希頂替鄭俊弘七月開紅館騷?

1 : GS(14)@2017-04-22 10:43:39

24歲吳若希(Jinny)去年意外有咗,懷孕初期點都唔認,不過多次被人影到肚凸凸,又去咗男友Alex喺澳門嘅豪宅安胎,再講陀B係一件喜事,吳若希之後就大方認陀囡囡Giselle,昨日有周刊指,臨盆在即嘅吳若希,7月將頂替鄭俊弘開紅館騷。據報道講吳若希要生B、鍾嘉欣長居加國、許廷鏗想離巢,鄭俊弘絕對係星夢力捧歌手之一,點知近日爆出鄭俊弘背未婚妻暗交何雁詩,形象插水,得罪公司老闆何哲圖,鄭俊弘被掟入雪櫃,何哲圖將紅館7月個檔期俾咗吳若希,而吳若希預產期4月尾,佢就會快速收身,以最佳狀態示人,吳若希一向係「爸B」何哲圖愛將,早前大肚已經講過生完就復出,今次見何哲圖7月個檔唔知搵邊個去頂,佢就好快應承,報道又指,吳若希最近多咗喺社交網貼相係為咗保持人氣囉。



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996480
吳若 若希 頂替 鄭俊 俊弘 七月 開紅 紅館 館騷
PermaLink: https://articles.zkiz.com/?id=331207

頂替朋友做磁力共振 及時發現患癌何俊仁切肺腫瘤 正康復

1 : GS(14)@2017-07-29 03:30:10

■何俊仁對上一次公開露面,是本月15日冒雨參與支聯會聲援劉曉波遊行。



【本報訊】現年65歲的民主黨前主席、支聯會主席何俊仁確認患上初期肺癌。民主黨單仲偕透露,何俊仁早前代朋友接受磁力共振檢查時,意外發現左邊肺有少於一厘米的腫瘤,已於上周做手術並成功切除,而癌細胞沒有擴散,現已回家休養,單形容何俊仁今次「好好彩」:「唔(及時)發現到嘅話,可能過多半年就瀨嘢。」記者:林俊謙昨早《蘋果》率先披露何俊仁患上初期肺癌,多名曾經到醫院探病的民主黨黨友指何俊仁手術後精神不俗,其中單仲偕表示,何俊仁是早前意外發現患癌:「佢(何)有一個朋友book咗做磁力共振,但唔知乜嘢原因冇去做,於是佢(何)就代個朋友去做,一做完就發覺個肺有啲影,再去照個肺,然後先檢查到(初期肺癌)。」單仲偕透露,何俊仁左邊肺部發現的腫瘤少於一厘米,「(腫瘤)好細吓,應該細過半吋」,上周五已接受腫瘤切除手術,癌細胞並無擴散,毋須接受電療和化療,現正康復,已回家休養。單仲偕坦言,何俊仁今次「好好彩」,若非碰巧做磁力共振,根本不會發覺患癌。


親友指何「中氣十足」

前晚曾與何俊仁通電話的民主黨創黨主席李柱銘昨早亦表示,何俊仁的手術非常成功,並且已經出院,呼籲大家毋須擔心,李柱銘引述何俊仁稱出院後傷口仍然感到痛楚,「我咪同佢(何)講笑囉,點知佢一笑就狂咳,佢話一笑就唔得,我就即刻收線」,李柱銘形容何俊仁的身體狀況每日都有進步,「係痛,但每日都減少啲(痛楚)」。據了解,何俊仁上周四(20日)入住養和醫院,翌日(21日)接受手術,再於前日(26日)出院,前後共住院6天。而何俊仁自知患病後,仍繼續積極參與民主運動,包括本月中曾冒雨組織和參加支聯會聲援諾貝爾和平獎得主劉曉波的逾千人遊行。據了解,親友在何俊仁手術後探望,何仍表現得十分精神兼「中氣十足」,只稱傷口「郁一郁就好鬼痛」,家人亦一直在旁照料。


料休養兩星期可復工

何俊仁沒有吸煙習慣,發現有腫瘤前身體亦未見異樣,他一直對病況保持低調,只有支聯會內部和少數民主黨友好獲悉其患病消息,民主黨黨友亦對其病情保密,不欲多談。曾經探望何俊仁的民主黨員張賢登表示,何俊仁不想外界太擔心,所以一直未有對外公佈病況;張賢登近日曾經到醫院探望何俊仁,強調「仁哥仍然相當精神」,希望何俊仁能夠專心休養。支聯會秘書李卓人昨日則指,何俊仁曾透露自己患病,但形容只是「好小嘢,問題唔大,叫我哋放心」,又稱只需在手術後休養兩星期即可復工,未有講述具體病況。支聯會副主席蔡耀昌則稱何俊仁接受手術後需要休息,相信何有充份休息後會康復。本報昨天曾經致電何俊仁,但截稿前未有回覆。


何俊仁檔案

年齡:65歲職業:律師 家庭狀況:已婚,育有兩子一女學歷:港大法律系學士工作及從政經過:1984年:參加太平山學會,其後爭取八八直選1990年:創立港同盟(民主黨前身)1992年:立法局新界西補選落敗1995年:參選區域市政局成票王,同年當選立法局(新界西)議員1998年:首屆立法會議員,同年擔任民主黨副主席2000至2012年:五屆當選立會議員2006年:8月在中環遇襲受傷,年底當選民主黨主席2010年5月:與劉慧卿、張文光入中聯辦討論政改,該黨的超級區會方案獲中央接納,促成政改通過2012年:代表泛民選特首落敗;同年民主黨選舉失利,何辭去主席2014年:當選支聯會主席至今資料來源:《蘋果》資料室




來源: http://hk.apple.nextmedia.com/news/art/20170728/20104302
頂替 朋友 磁力 共振 及時 發現 患癌 癌何 俊仁 切肺 腫瘤 康復
PermaLink: https://articles.zkiz.com/?id=338975

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019