現在的科技產品真係日新月異，廿年前用大哥大電話已經好威，因為可以攞住通度去，無線講電話，之後手提電話愈來愈細，不過都係用按鍵式，自從 有了iPhone，手提電話的潮流又轉到用觸按式，平心而論，按鍵式與觸按式的電話各善勝長，但偏偏潮流都一面倒轉向出品各類觸按式電話，潮流轉變之快， 卻為商人製造了大量商機，之前電話由大轉細，便利人們攜帶，但現在iPhone又反過來巨大化，變成iPad，話iPhone個畫面太細，文字與圖像都好 難睇，iPad可以做電子書，又可以上網當電腦用，微型電話方便攜帶的功能又再拋諸腦後，潮流由大轉細，又由細轉大，真係十年河東，十年河西，現在街上見 到那些潮人，一路等車又一路玩iPad，一路在咖啡店飲咖啡又一路上網，佢地都自以為自己好型，結果之後個個都會放棄舊的手提按鍵電腦，去轉用iPad或 其他款式的觸按式電腦，又係個句，按鍵式與觸按式電腦各善勝長，但偏偏潮流一面倒轉向觸按式電腦，蘋果 Steve Jobs 真係有辦法。
其實股市何妨唔係一樣，恆指由07年三萬二千點的泡沫火箭價，跌到08年未一萬點邊的股災跳樓價，都係由一個極端，走到另一個極端，唔需要好耐時間，投資人又會把金融海嘯再次遺忘，再進入另一個股市泡沫，日月盈虧，寒來暑往，正如大自然的各種現象，循環不息。
八月開始，各大藍籌陸續公布業績，今天匯豐與恆生打頭陣，歐洲金融機構完成了壓力測試，大多數機構都合格，只有數間肥佬，預計匯豐業績唔會差得去 邊，希望匯豐恢復漸進派息政策，令一眾匯豐FANS得到安心，請大家記住，長線股票價格決定於盈利增長，預計各藍籌公司的業績都有可觀升幅，股價自然水漲 船高，我囉唆再講一次，長揸優質股票才是投資王道。
PermaLink: https://articles.zkiz.com/?id=17124