ZKIZ Archives


【食完先減】喪食韓燒唔怕「月巴」韓妹一晚爆食五餐

1 : GS(14)@2017-01-06 02:07:52

李聖經飾演舉重選手金福珠,身形有份量,仲有返咁上下食量。(《舉重妖精金福珠》截圖)



【三個粉絲追韓劇】李聖經喺韓劇《舉重妖精金福珠》飾演舉重選手,除咗身形有份量,仲有返咁上下食量!為咗食到盡,金福珠喺烤肉店教後輩一招「生、料、炒、冷」,話係最高效率食法!金福珠話:「喺烤肉店亂咁食,好快就會飽,生、料、炒、冷就減少呢種錯誤,產生最高效率食法!」生,即係首先食原味肉;料,第二食醃肉;炒,第三食炒飯;冷,最後以冷麵收尾。原來呢種食法唔止係舉重選手嘅策略,普遍韓國人都係咁食!



佢提出「生、料、炒、冷」,話係最高效率食法!(《舉重妖精金福珠》截圖)

大部份韓國人話,佢哋都係咁食法!

韓男Kim Sang Hyeon話以冷麵收尾,就好似食「Dessert」。

三個粉絲喺街頭做訪問,發現所有韓國人都贊同呢種食法,話按呢個順序會好味啲、食多啲、唔會​​膩。韓女Son Hyeoun Ji話先食原味肉,再食醃肉,仲可以避免鐵板會因為醃料而燶。韓男Kim Sang Hyeon就話以冷麵收尾,就好似食「Dessert」。唔好誤會韓國人所講嘅​​Dessert係甜品或者糖水,佢哋嘅Dessert係韓文嘅「후식」,即「後食」嘅意思,就係一餐埋尾嘅食物。後食除咗有冷麵,仲可以係糕點、生果等。而韓國人覺得食烤肉,後食應該係冷麵,咁先最滿足。其實「生、料、炒、冷」呢種食法,份量真係唔少嘢,究竟係咪真係可以食多啲,食得晒?動主播阿仙同Viu韓劇導賞員阿愁就親身試過,測試結果係點?即刻睇片!



動主播阿仙同Viu韓劇導賞員阿愁親身測試咁食法係咪真係食多啲,食得晒,結果係點?即刻睇片!

韓仔韓妹話有時一餐食好多,或者一晚轉幾場,最勁食五餐!

除咗一餐喪食,韓國人仲好興轉場,一晚食幾餐,尤其係Happy Friday,就算韓女都話自己可以食3至4餐,Lee Sa Yun更加話自己一晚可以食5餐!咁多餐係食啲咩?包括食烤肉、飲咖啡、飲酒、唱K等,韓男Kim Sang Hyeon話自己去5場,5場都係專門飲酒嘅地方!咁食法,韓男O Min Woo笑住話:「係好飽,但係都繼續食!」韓女Cho Hyeoun Jung都話係「飽到爆」!不過咁多餐其實係慢慢食,以Happy Friday為例,放工開始食,食到凌晨都差唔多4至5個鐘,加上中間可能去唱K,消耗咗啲體力,又可以再食過!不停食嘅後果,當然係會肥,劇中金福珠就試過畀錢去減肥中心瘦身。韓女Lee Ji Young就話減肥係​​成日都做緊,唔會畀錢去減,只係自己節食,例如選擇唔食早餐,或者早午餐食得簡單啲,同埋多啲行路。而Viu韓劇導賞員Ruby就對食極唔肥有套特別理論,「我嘅朋友食烤肉,會用生菜包肉又包飯,我就只會食肉,聽韓國朋友講,可能我食肉同食飯係分開,所以食好多都唔肥。」係唔係真係得?咁就要你自己測試下喇!



咁食法,梗係肥死啦,劇中金福珠畀錢去減肥中心瘦身。(《舉重妖精金福珠》截圖)

韓女Lee Ji Young(左)就話幾時都減緊肥,唔會畀錢去減,只係自己節食。

場地提供:Pork University(돼지대학교)地址:首爾市麻浦區合井洞413-26(서울시마포구합정동413-26)電話:02-338-8293主持:動主播阿仙、Viu韓劇導賞員Ruby和阿愁記者及繙譯:卓惠媛(Joyce)攝影:陳家文、李錦鏵《舉重妖精金福珠》片段由Viu提供:
https://goo.gl/7etgRS【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20170105/19886604
食完 完先 先減 喪食 食韓 韓燒 燒唔 唔怕 月巴 韓妹 妹一 一晚 晚爆 爆食 食五 五餐
PermaLink: https://articles.zkiz.com/?id=321509

【燒肉之日韓】日燒韓燒 食材調味吃法有乜唔同?

1 : GS(14)@2017-05-21 01:00:00

說到日本燒肉,通常是指燒牛肉。



燒肉分兩派,日燒及韓燒。但日式燒肉由韓燒演變出來,燒肉的爐具又相差無幾,究竟兩者有何分別?我們今次就找了「燒肉大師」田邊晉太郎跟大家上一課。田邊大師是電台主持人,醉心燒肉,著有燒肉教科書,又上日本各電視台教人燒肉心得。首先是食材,在日本一說到燒肉,都會聯想到牛肉;韓國則可能會聯想到除了牛肉以外,豬肉或雞肉等其他肉類,在對燒肉的印象上有很大分別。而且未燒之前,日本燒肉通常會切成適當大小才上桌,反而韓燒則大多大大件燒,肉燒好才用剪刀剪開。爐具方面,大多數日燒都用鐵網,燒肉時汁液會直接滴入爐;韓燒多用鐵板,油積聚多了會變油膩。至於醬汁,日本着重牛或各種食材本身的味道,調味都偏向簡單;韓國的燒肉醬汁則應用於各種肉類上,味道都十分濃郁。吃法方面,相比以菜葉包起來吃,日本人一貫喜歡將食物放在飯上,讓醬汁滲進白飯再吃,而這亦反映在燒肉上;而韓燒則喜歡將燒好的肉,用生菜、生蒜、辣椒醬等包好同吃,減輕燒肉的油膩感覺。



爐具方面,大多數日燒都用鐵網。

韓燒多用鐵板來燒肉。

場地:298 Nikuya Kitchen尖沙嘴金馬倫道48號中國保險大廈3樓記者:黃子卓攝影:伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170520/20026963
燒肉 日韓 日燒 燒韓 韓燒 食材 調味 吃法 有乜 乜唔 唔同
PermaLink: https://articles.zkiz.com/?id=333810

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019