ZKIZ Archives


逆齡做雷洛前傳包庇子丹華仔聞添丁:冇!

1 : GS(14)@2016-09-29 08:05:45

■劉德華(左)再演五億探長雷洛駕輕就熟,甄子丹的跛豪造型入型入格。



劉德華、甄子丹、胡然、徐冬冬、劉浩龍、鄭則士及姜皓文等昨日在屯門青山寺出席電影《追龍》的開鏡儀式。前日55歲生日的華仔否認有指他添丁的報道,他透露今年收得最多的禮物,是時下流行的「K歌神器」。在《追》片中華仔再次飾演「五億探長雷洛」,他透露故事是講述雷洛前期,對於被指逆齡,他說:「我都50幾歲,啱啱又生日。嗰日都係同家人、朋友出街食飯,願望都係保持青春。」談到今年生日禮物收到八個至十個的「K歌神器」,他說:「我屋企人冇八個、十個。」他又透露囡囡劉向蕙今年沒有送禮物:「舊年都有嚿泥膠,不過佢有唱生日歌,吹埋蠟燭。」對於有雜誌指華仔太太朱麗倩上月在外地秘密生仔,他笑說:「冇喎,冇喎,我好清楚話畀大家聽,久唔久就傳一傳。」他又否認因擔心被傳媒追訪而否認:「大家已經好畀面,如果要追都唔係咁,我喺屋企過得好舒服。」談到片酬華仔自言一向頗高,老闆會衡量各人價值。



■《追龍》眾演員昨日在青山寺為新戲進行開鏡儀式。

■胡然在戲中飾演子丹其中一位太太,但親熱戲點到即止。


子丹持枴杖扮跛

甄子丹手持枴杖以跛豪造型接受訪問,更大晒學了數月的潮州話,對於有指他收3,000萬人民幣作片酬,他說:「唔好講錢,講錢冇意思,多少唔重要,劉生(劉德華)貴,佢不嬲都貴過我。」另外,胡然在戲中演子丹其中一位太太,她表示只是一般夫妻間的親暱戲份,沒有太激場面。採訪:黃曉妍攝影:沈健程




來源: http://hk.apple.nextmedia.com/entertainment/art/20160929/19784771
逆齡 齡做 雷洛 前傳 包庇 丹華 仔聞 添丁
PermaLink: https://articles.zkiz.com/?id=310587

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019