ZKIZ Archives


【馮仁昭四圍超】何雁詩自誇升呢做女神

1 : GS(14)@2016-09-01 06:12:31

何雁詩噚日到新城電台宣傳新歌,喺新歌MV中 會見到佢好女性化嘅一面,何雁詩仲以女神自居,希望大家會接納佢今次成熟嘅形象。日前何雁詩約咗好友陳瀅、劉佩玥去睇郭富城演唱會,何雁詩話:「因為陳瀅識郭富城,攞到第二行飛,我哋睇得好忘我,企起身跳晒舞好瘋癲,畀後面啲觀眾鬧,完騷後我哋仲去咗後台排隊集郵。」撰文:馮仁昭




來源: http://hk.apple.nextmedia.com/entertainment/art/20160831/19754842
馮仁 仁昭 四圍 何雁 雁詩 自誇 升呢 呢做 女神
PermaLink: https://articles.zkiz.com/?id=306932

陳瀅包底掃碟撐何雁詩

1 : GS(14)@2017-01-26 18:08:24

何雁詩昨日在銅鑼灣為hmv擔任一日店長宣傳新碟,一班好姊妹陳凱琳、劉佩玥及陳瀅等到場支持,她們都不約而同穿上白衣。劉佩玥第一位付款買碟支持,陳瀅除買碟外更揚言會包底買下賣剩的唱碟。何雁詩受訪時笑言自己反而未買,但一定會買給家人,她說:「自己大頭蝦,成日搞錯時間地點通知,好在佢哋成日追問住我,大家唔同公司都義不容辭嚟支持我。」她表示希望今年可以在台上多謝各姊妹。劉佩玥笑言何雁詩應該要以身相許來報答各人,她們並透露其實每日都會見面,所以新春不必特別相約聚會。陳瀅表示聚會時無所不談感情事、人生及家庭,問到陳凱琳可會講很多感情事時,何雁詩即笑言:「唔會啦,佢咁穩定。」採訪:羅慧敏攝影:沈健程


■獲一班好姊妹現身撐場的何雁詩(右三),笑不攏嘴。

■何雁詩客串做店長,落力谷新碟。



來源: http://hk.apple.nextmedia.com/entertainment/art/20170125/19907638
陳瀅 瀅包 包底 底掃 掃碟 碟撐 撐何 何雁 雁詩
PermaLink: https://articles.zkiz.com/?id=324148

【馮仁昭四圍超】何雁詩送新碟當利是

1 : GS(14)@2017-01-26 18:22:23

何雁詩噚日喺新城繼續宣傳新碟,仲未買碟嘅佢話:「原本想今日買㗎,不過未必買到,總之都想買幾十隻送畀親戚朋友,仲好過派利是啦,我平時都係封二十蚊。」佢又話?家忙拍劇,日前要通宵開工才有兩日假期宣傳,笑謂雞年前都冇得收爐:「初一先放假,會同陳瀅、劉珮玥去日、韓旅行,不過未買機票。」問到全女班咁dry?佢話:「或者一踏入雞年就即刻有桃花呢。」撰文:馮仁昭




來源: http://hk.apple.nextmedia.com/entertainment/art/20170126/19908843
馮仁 仁昭 四圍 何雁 雁詩 詩送 新碟 當利 利是
PermaLink: https://articles.zkiz.com/?id=324306

何雁詩失銀包報警

1 : GS(14)@2017-02-03 03:10:33

何雁詩日前跟陳瀅和劉佩玥到日本旅行,何雁詩前日先行返港,怎知昨日才發現銀包不翼而飛,即在社交網公開尋銀包,她接受傳媒訪問時表示:「好唔開心呀,噚日入境之後仲有銀包,今朝起身發現唔見,即刻打電話去機場同uber司機都搵唔到,我懷疑喺機場攞行李時跌咗。」問到銀包內有多少錢?何雁詩說:「現金頂籠500蚊,最慘唔見八達通,平時搭車、泊停車場都係靠佢。」有網友留言指執到銀包,但她就不相信:「都係報咗警先,如果攞我身份證去犯案就大件事。」採訪:皓騫




來源: http://hk.apple.nextmedia.com/entertainment/art/20170202/19914771
何雁 雁詩 詩失 銀包 報警
PermaLink: https://articles.zkiz.com/?id=325139

【馮仁昭四圍超】何雁詩日日跌電話

1 : GS(14)@2017-02-05 10:39:44

何雁詩噚日喺銅鑼灣HMV舉行新碟《Lost in Love》時,日前唔見咗銀包,但係聽到隻碟賣得好都開心番。講起唔見銀包,何雁詩已經報失部份證件,佢話:「下個月要喺橫店拍劇,所以都唔可以拖,聽聞補領快證都好快啫。」仲自嘲係自己大懵,經常跌嘢,佢話:「其實電話都日日跌,好彩執得番。最衰我返嚟先,冇咗陳瀅同劉佩玥幫我執。」撰文:馮仁昭




來源: http://hk.apple.nextmedia.com/entertainment/art/20170203/19915924
馮仁 仁昭 四圍 何雁 雁詩 日日 電話
PermaLink: https://articles.zkiz.com/?id=325314

懶理被封世紀賤男鄭俊弘認甩未婚妻「何雁詩好支持我」

1 : GS(14)@2017-04-06 07:41:32

■新任賤男鄭俊弘被富貴未婚妻揭發暗交何雁詩,乖仔形象一鋪清袋。資料圖片



現年33歲的星夢歌手鄭俊弘(Fred),在無綫捱了多年才彈起,昨日被驚爆密冚富貴未婚妻beebs長達三年,而未婚妻就揭發他劈腿「巨聲幫」何雁詩,鄭俊弘昨晚蒲頭表示與beebs已分手,又多謝何雁詩支持,何雁詩被問到兩人可會發展,回覆「有可能。」



鄭俊弘於01年參加無綫《全球華人新秀歌唱大賽》獲亞軍,翌年入訓練班做藝員演閒角,直至四年前在《星夢傳奇》節目奪冠一夜成名後,即速撇陪他捱足六年的舊愛姜麗文,並傳出暗媾吳若希和蔡思貝,原來,鄭俊弘的真命天女另有其人,於三年前秘交富家女beebs,前年更求婚成功,然而最近被未婚妻踢爆偷食何雁詩兩個多月,爆seed的beebs透過閨蜜向傳媒舉報賤男。



■鄭俊弘昨晚在旺角的唱片公司蒲頭。

■鄭俊弘和何雁詩為合唱歌《真心真意》拍MV,女方狂在社交網晒婚紗相似示威。

■何雁詩否認是第三者,昨在Ig留言:「清者自清,行得正企得正。」

「佢係好男仔」

24歲的何雁詩是巨聲幫出身,早前跟鄭俊弘合唱《真心真意》着婚紗拍MV又攬又錫。昨日有自稱鄭俊弘未婚妻的閨蜜向傳媒爆料,指好友於三年前遊船河認識鄭俊弘,鄭俊弘以保事業為名玩地下情,beebs一直在金錢上照顧未婚夫,怎知今年2月男方對未婚妻忽冷忽熱,上月22日更發現男方「失蹤」數小時,從Uber收據揭發他夜訪何雁詩香閨,怒審下鄭俊弘終承認鍾意何雁詩,日前更被傳媒影到孖何雁詩到林村蜜會。被指跟準人夫暗交兩個月的何雁詩,昨以短訊回覆傳媒否認拍拖:「不是第三者,我哋係普通好朋友。」問到知否鄭俊弘有未婚妻?她表示:「其他嘢真係唔知咁多,關於佢嘅事可以問番佢啦,我唔會答啦。」鄭俊弘有否跟你解釋?她力撐對方:「朋友唔需要解釋啦,佢係好男仔,過去嘅嘢唔需要向任何人解釋。」是否相信其為人?何雁詩冧爆表示:「當然相信,佢都係一個好男人,我相信佢一定會對大家有個交代。」之後她在社交網留言:「清者自清,行得正企得正。」


坦言可發展

昨晚8時許,鄭俊弘在何哲圖陪同下離開位於旺角的公司,他否認一腳踏兩船:「求婚係有,分手唔關第三者事。」對於舊愛爆料,他無奈說:「佢有自己處理方法。」問到是否向舊愛承認鍾意何雁詩?他拒答:「呢啲唔多講。」跟何雁詩有否發展機會?他說:「做好自己先,我有好多嘢要反省,公司同屋企人支持我,感受好多嘅愛。」他否認專追有錢女,對於何雁詩本身有情緒問題,會否擔心令她情緒惡化?他說:「反而佢好支持我,好鼓勵。」對於被罵世紀賤男,他說:「呢啲唔理太多。」跟舊愛溝通收口?他說:「呢啲就冇,了結咗,?家要往前看,分手一段期間。」對於被鄭俊弘公開多謝支持同鼓勵,何雁詩短訊回覆傳媒:「互相支持理所當然,我哋上下一條心。」問到兩人有否發展機會?何雁詩坦言:「我覺得有,因為乜都有機會。」此外,昨日本報收到讀者爆料,指扮乖仔的鄭俊弘曾搭上奀星陳婉婷,陳婉婷昨回覆傳媒否認其事。雖然何雁詩昨日沒蒲頭,惟上月13日,本報發現素顏的何雁詩現身中環,傾電話時露出甜笑,不知是否和鄭俊弘通電話。採訪:畢紹基、吳耀輝、孔志豪、羅德光攝影:楊浩賢、陳辰、朱志聰




來源: http://hk.apple.nextmedia.com/entertainment/art/20170406/19981061
懶理 理被 被封 世紀 賤男 男鄭 鄭俊 俊弘 弘認 認甩 未婚妻 未婚 何雁 雁詩 詩好 支持
PermaLink: https://articles.zkiz.com/?id=329410

【情路互比】何雁詩感情短暫

1 : GS(14)@2017-04-06 07:41:35

何雁詩2009年參加《超級巨聲》入行,這些年都有幾段緋聞。


林師傑

兩人2010年一同參加《超級巨聲》一撻即着,但關係維持好短時間。



謝東閔

2013年被發現與「巨聲幫」的謝東閔拍拖一年多,有傳當時二人已發展至同居。


張子丰

2014年被影到與鄭俊弘英文名同樣叫Fred、環星唱片太子爺張子丰甜蜜撐枱腳。


Wataru

2015年認與日韓混血兒Wataru拍拖,還經常做跟得女友,但戀情不足一年便分手。




來源: http://hk.apple.nextmedia.com/entertainment/art/20170406/19981063
情路 路互 互比 何雁 雁詩 感情 短暫
PermaLink: https://articles.zkiz.com/?id=329416

唔食飯掛住阿Fred?何雁詩煲電話粥笑晒

1 : GS(14)@2017-04-06 07:41:34

昨日爆出何雁詩無啦啦做咗第三者,係唔知鄭俊弘(阿Fred)有個富家女友Beebs嘅狀況下同鄭俊弘撻著,之後仲畀富家女友Beebs發現,而Beebs同鄭俊弘最後尾分手o添!睇翻報道,指何雁詩同鄭俊弘喺兩個月前撻著,而富家女友Beebs就係上個月底揭發鄭俊弘一腳踏兩船。咁啱喺上月13日《蘋果》就影到素顏嘅何雁詩同疑似係助手嘅女伴現身中環擺花街一間餐廳用膳,不過何雁詩似乎志不在食嘢,佢不時行出餐廳外傾電話,仲講到好開心不時甜笑,十足十同男友情到濃時煲電話粥一樣。傾緊電話嘅何雁詩心情大靚,當日素顏嘅佢見到鏡頭仲主動打招呼,唔知同佢傾電話喎嗰係咪就係鄭俊弘,搞到佢咁鬼開心呢!




來源: http://hk.apple.nextmedia.com/entertainment/art/20170406/19981788
唔食 食飯 飯掛 掛住 住阿 Fred 何雁 雁詩 詩煲 電話 粥笑 笑曬
PermaLink: https://articles.zkiz.com/?id=329417

【踢走正印】何雁詩大勝

1 : GS(14)@2017-04-08 19:39:49

鄭俊弘何雁詩被踢爆戀情,十指緊扣認愛,何雁詩更自然流露勝利笑容。


【周一】

鄭俊弘到何雁詩大埔接送,之後被拍到一起飲下午茶。


【周三】

凌晨有周刊爆鄭俊弘有未婚妻beebs,何雁詩被指是「小三」介入二人感情。下午何雁詩在Ig留言「清者自清,行得正企得正」,否認拍拖及是小三。晚上8時鄭俊弘在旺角接受無綫訪問,稱已與未婚妻分手,沒跟何雁詩拍拖,之後何雁詩回應稱兩人有發展可能。


【昨日】

凌晨有周刊再爆鄭俊弘和何雁詩一同到西貢睇樓築愛巢,二人更拖手上車。下午3時何哲圖接受記者訪問時指何雁詩是鬼妹仔性格,死撐兩人並非拍拖。傍晚6時半鄭俊弘與何雁詩十指緊扣現身機場,承認戀情。




來源: http://hk.apple.nextmedia.com/entertainment/art/20170407/19982191
踢走 正印 何雁 雁詩 大勝
PermaLink: https://articles.zkiz.com/?id=329556

姜文杰貼「狗男女」暗寸何雁詩:愛需要勇氣抗負評護鄭俊弘

1 : GS(14)@2017-04-08 20:44:17

■鄭俊弘與何雁詩兩個多個月前因合唱《真心真意》而撻着。資料圖片



鄭俊弘繼3年前走紅後狠撇姜麗文後,近日又被爆背住未婚妻偷嗒何雁詩。前晚鄭俊弘高調跟何雁詩手拖手現身機場公開戀情,姜麗文兄長姜文杰即於晚上在facebook連環開post寸爆鄭俊弘,除貼上一張寫着「好一對狗男女」對白的電影截圖外,更貼了一張馬騮收蕉皮圖片,明寸鄭俊弘做馬騮戲。何雁詩則於Instagram留言繼續力撐男友:「愛需要勇氣。」



現年33歲的鄭俊弘於2013年憑《星夢傳奇》彈出後人氣急升,但多年來卻因感情生活而形象插水。大前日鄭俊弘被踢爆背住拍拖3年的有米未婚妻beebs跟《超級巨聲》出身的何雁詩劈腿偷食兩個月。事後鄭俊弘聲稱跟未婚妻早已分開,又跟何雁詩分別澄清彼此只是朋友,並非拍拖。直至前日凌晨有雜誌在網上公開二人摸黑拖手片段,鄭俊弘與何雁詩才急急於前晚拖手現身機場承認戀情,二人更因而被網民鬧爆是大話精。



■身在內地拍劇的何雁詩,前晚在Ig留言表示「愛需要勇氣」。

■鄭俊弘前晚高調送何雁詩到機場,為的是向外公告戀情。資料圖片


揶揄做馬騮戲

對鄭俊弘所作所為看不過眼的,除一眾剝花生的網民外,更包括秦沛長子、姜麗文胞兄姜文杰。事關姜麗文早於鄭俊弘寂寂無聞時,已跟男方交往,二人曾發展長達6年地下情,有指早年姜麗文接job時還帶挈鄭俊弘工作,豈料鄭俊弘憑《星夢》走紅後開始疏遠姜麗文,並於3年前提出分手,令姜麗文崩潰。前年姜麗文出席活動時,曾眼濕濕承認與鄭俊弘分手一年多。由於鄭俊弘近日被爆3年前跟beebs拍拖,令人懷疑究竟當日鄭俊弘狠撇姜麗文是否因為結識了新歡beebs。何雁詩前晚搭飛機到橫店拍攝TVB新劇《天命》,鄭俊弘高調送機公告戀情,在機場上演真人騷沒多久,姜文杰即於前晚10時許兩度在fb開post,他先貼上一張周星馳和吳孟達主演電影《整蠱專家》截圖,截圖正好寫上「好一對狗男女」對白。大約3分鐘後,姜文杰再貼上一張馬騮拿蕉圖片,圖中寫着「收皮」兩個大字,教人食完蕉後要收番蕉皮,似是寸爆鄭俊弘做馬騮戲,着他收皮,似要為妹妹出一口氣。



■姜麗文曾與鄭俊弘拍拖6年,最後因男方走紅而被飛。資料圖片

■秦沛兒子姜文杰(右)痛錫妹妹姜麗文,代她出一口氣。資料圖片

■姜文杰前晚在fb暗寸鄭俊弘,貼出《整蠱專家》的「狗男女」截圖,和馬騮收皮圖片(右圖)。


「情感上好疲累」


至於姜麗文,亦於前晚在Ig留言﹕「mentally and emotionally exhausted(精神上和情感上已經好疲累)」,記者昨聯絡姜麗文,但未獲回覆。而姜文杰被問到是否鬧爆鄭俊弘時,他只以短訊回覆說:「唔回應喇!」對於遭全城圍插,何雁詩前晚在fb留言表示自己不會做第三者,至深夜時分她再於Ig留言:「呢鑊真係……愛需要勇氣。#呢個時候唔係唔自己搞下爛gag自娛一下」有網民留言指當日鄭俊弘如何對待姜麗文,將來分分鐘會同樣對待何雁詩。採訪:嵐山




來源: http://hk.apple.nextmedia.com/entertainment/art/20170408/19983203
姜文 傑貼 男女 暗寸 寸何 何雁 雁詩 需要 勇氣 抗負 負評 評護 護鄭 鄭俊 俊弘
PermaLink: https://articles.zkiz.com/?id=329686

至索Body都會輸張曦雯被何雁詩搶混血男友?

1 : GS(14)@2017-04-08 20:44:21

鄭俊弘「瞞婚」事件繼續發酵,男方被網民鬧爆係賤男,一腳踏兩船;而新歡何雁詩又疑似做第三者,令鄭俊弘與未婚妻Beebs分手。昨日再有爆料,指何雁詩已經唔係第一次做小三,對上一個男朋友、日韓混血Wataru都係由「打機女神」12年華姐冠軍張曦雯手上搶番嚟。有指張曦雯同Wataru喺15年初相識,同Wataru約會過,何雁詩明知兩人關係,仲經常到Wataru嘅餐廳打躉食水煙,有硬撬張曦雯對象之嫌。昨日張曦雯接受傳媒訪問時煞有介事話﹕「我唔想再討論呢樣嘢,因為都唔關我事。我回應咗,但回應出嚟又唔係我想講嗰樣嘢,所以我寧願唔講,唔想大家誤會。」張曦雯承認識得Wataru,但兩人從未拍拖,佢話﹕「冇,冇,係識得。(俾何雁詩搶男友?)一定冇!(o依家同Wataru仲係咪朋友?)正常,唔係好好朋友,唔會有啲乜嘢。」




來源: http://hk.apple.nextmedia.com/entertainment/art/20170408/19983941
至索 Body 都會 會輸 輸張 張曦 曦雯 雯被 被何 何雁 雁詩 詩搶 混血 男友
PermaLink: https://articles.zkiz.com/?id=329691

何雁詩剖白患情緒病吸電子煙

1 : GS(14)@2017-04-09 10:49:38

■鄭俊弘日前與何雁詩高調拖手晒戀情。資料圖片



何雁詩為古裝劇《天命》埋尾,但卻以病為由辭演台慶劇《誇世代》,身在橫店開工的她昨短訊回覆傳媒:「我依然覺得病是我的私隱,重申我的病和鄭俊弘沒關係。」她解釋《誇》劇有一場戲因病請假,監製了解後建議她辭演,可是《天命》已到尾段,重拍影響太大。對於被指辭演後與陳瀅歐洲散心,何雁詩續說:「我定期看醫生,經過醫生批准後決定去旅行。」有份演《誇》的麥明詩昨說:「我尊重佢身體狀況,始終覺得做藝人,健康係No.1。」


「未想過當聖人」

何雁詩昨更新Ig留言:「患病,是因為我在人生長跑中一直要求自己跑得快,當中我會跌倒,但我選擇向着光明的路前進。對於吸電子煙,其實我也像大家一樣,活我生命,我從來不是、亦未有想過要當聖人。但作為一個公眾人物,我承諾以後行為會更加檢點。」




來源: http://hk.apple.nextmedia.com/entertainment/art/20170409/19984823
何雁 雁詩 剖白 情緒 病吸 電子
PermaLink: https://articles.zkiz.com/?id=329820

村屋築愛巢鄭俊弘變賤男何雁詩睇雙人床搬新竇

1 : GS(14)@2017-04-13 00:24:00

33歲鄭俊弘近日被未婚妻beebs爆佢劈腿「巨聲幫」何雁詩,鄭俊弘疑一腳踏兩船,上周四何雁詩去大陸拍劇,同鄭俊弘拖實現身香港機場,承認戀情,聲稱兩段感情冇重疊,強調何雁詩唔係第三者,有指何雁詩本來想放棄呢段感情,不過最終都係決定兩個人一條心去面對。昨日有周刊指,佢哋未爆出戀情前,已經喺西貢搵村屋築愛巢,何雁詩更一個人去買5呎雙人床同啲家品,似乎已計劃同居,據知何雁詩家住大埔滌濤山,一年前同好姊妹陳瀅搬咗去九龍站上蓋屋苑單位,如果想同鄭俊弘過二人世界當然要搵新竇,有傳何雁詩睇中咗一個千幾呎嘅屋,月租3萬幾,不過鄭俊弘收入暫時負擔唔嚟,佢哋就改為揀7百幾呎嘅普通村屋,出事後鄭俊弘被封「世紀賤男」,之後疑被公司雪藏。




來源: http://hk.apple.nextmedia.com/entertainment/art/20170412/19988268
村屋 屋築 愛巢 鄭俊 俊弘 弘變 變賤 賤男 男何 何雁 雁詩 詩睇 雙人床 雙人 搬新 新竇
PermaLink: https://articles.zkiz.com/?id=330274

何雁詩感謝姊妹扶持

1 : GS(14)@2017-04-15 23:27:53

互聯網圖片



鄭俊弘早前被踢爆背未婚妻偷嗒何雁詩,兩人手拖手現身機場,何雁詩強調自己不是第三者,訪問絕口不提拍拖時間,惹來惡評。昨日何雁詩從橫店拍劇返港,即與好姊妹陳瀅、劉佩玥等相聚。之前有指何雁詩情緒病復發要辭演台慶劇《誇世代》,相中的她精神不俗,又舉起手指公,留言:「Friends勇敢的繼續努力唱好歌,背後總有你們支撐着」。




來源: http://hk.apple.nextmedia.com/entertainment/art/20170415/19990554
何雁 雁詩 感謝 姊妹 扶持
PermaLink: https://articles.zkiz.com/?id=330645

何雁詩IG呻受網絡欺凌心穎籲好友堅強

1 : GS(14)@2017-04-16 14:41:12

被麥明詩喻為「TVB首席男歌手」嘅鄭俊弘,被指背住未婚妻Beebs暗撻何雁詩,最終鄭何喺機楊拖手公開戀情,男方仲(好似好man咁)話「我要企出嚟」,加埋早排何雁詩以有情緒病為由辭演《跨世代》,點知佢冇乖乖哋休養,反而一個屈尾十走咗去旅行,又被人「媽媽叉叉」。到大前晚,何雁詩約埋班姊妹陳瀅同劉佩玥出去飲飲食食散個心,好啦,以為佢有男友有姊妹,應該對病情好有幫助啦……昨日,何雁詩更新Instagram,張相係開心相嚟嘅,擘大口笑,應該係攝於鐵塔下,但佢段英文留言就「圖文不符」,內容大致係:「有時我上網尋找愛,有時會看到一些難聽的說話,很難去重提。有些人覺得我活該被網上欺凌,或許我是或不是,但我也有感覺,而且很傷我。」個post一出,短短4分鐘,274個「讚好」,14個留言,撐佢同鼓勵佢嘅佔多,但亦有人留言指「有冇諗過冇咗未婚夫都好Hurt?」另一邊廂,亦有人企出嚟講句公道說話,指「沒有人抵被欺凌」。之後,盛傳同馬國明蜜運嘅黃心穎就現身留言,又係用英文講,大致意思係「網絡欺凌是一個怯懦的行為,要不面對面地說,否則不要說出來。要堅強。」何雁詩亦有向佢致謝。




來源: http://hk.apple.nextmedia.com/entertainment/art/20170416/19991769
何雁 雁詩 IG 呻受 網絡 欺淩 淩心 心穎 穎籲 好友 堅強
PermaLink: https://articles.zkiz.com/?id=330754

【動畫】何雁詩踩上門查電話同鄭俊弘吵大鑊爆冷戰

1 : GS(14)@2017-07-29 03:40:55

何雁詩憑《超級巨聲》出道、鄭俊弘喺《星夢傳奇》人氣急升,二人都係唱歌之人,難免互相吸引,之前被指鄭俊弘瞞住拍拖3年嘅未婚妻,同何雁詩拍拖,二人更喺機場高調拖手現身,當時何雁詩被指係小三,一度患情緒病,而鄭俊弘被網民封為「賤男」,形象插水,疑被大台掟咗入雪櫃,最近已偷偷「解凍」,鄭俊弘開始出番騷,不過工作量已大不如前,未知佢係咪為保事業,早前傳過佢刻意唔見女友何雁詩。昨日有周刊指,鄭俊弘近排一心想洗底,少咗見何雁詩,周刊指何雁詩為人多疑,見同男友相處少,竟然多次上門查男友電話,又同鄭俊弘嘈交,搞到關係好僵,有傳何雁詩一向戀愛大過天,估計係黐身女友。




來源: http://hk.apple.nextmedia.com/entertainment/art/20170728/20103767
動畫 何雁 雁詩 詩踩 上門 電話 同鄭 鄭俊 俊弘 弘吵 吵大 大鑊 鑊爆 冷戰
PermaLink: https://articles.zkiz.com/?id=339064

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019