ZKIZ Archives


中環在線金錢之王陳鎮洪:做風投要狠夠準 李華華

2009-08-17  AD





 

好 多人對風險投資(Venture Capital,或稱創業投資)都一頭霧水,「金錢之王」之一嘅天泉投資(Spring Capital)總裁陳鎮洪(Vincent)同華華講,其實唔難理解,佢以近廿年嘅經驗話,要成功,首先要夠狠夠準,如果唔覺肚餓,不如提早退休。07 年自立門戶創辦天泉嘅Vincent,話內地風投業黃金時代已過,但商機始終無限,佢哋o依家就鎮守上海,喺再生能源、醫療業、消費業和專業服務業揀心頭 好。Vincent話,全國大約有4200萬間員工少於3000人嘅中小企,當中有10%已賺錢,但好多民企老闆未曾出國,對企業管治冇乜認識,風投基金 要入股都幾考功夫,皆因要令對方信任同坐一條船,要聽意見肯改善,否則隨時血本無歸。

創業板先天不足發展難

當然,作為「伯 樂」嘅佢亦會諗過度過,首先隻「千里馬」要有爆炸力,過去幾年現金流平衡,一年營業額至少達1000萬美金,天泉喺首輪投資就會投入500萬至800萬美 元,一般喺三、五年間有初步收成,屆時再協助呢匹馬進行幾項收購做大做強,或者再搵其他人加入作第二輪投資,適當時候先安排上市套現。講到風投,不得不提 香港苟延殘喘嘅創業板,身兼港交所(388)上市委員會委員嘅Vincent慨嘆,話創業板並非唔得,只係本港先天條件不足,人工租金咁貴,配合唔到創意 發展啫。李華華LiWaWa@AppleDaily.com



中環 在線 金錢 之王 王陳 陳鎮 鎮洪 做風 風投 投要 要狠 狠夠 夠準 華華
PermaLink: https://articles.zkiz.com/?id=10481

奪寶奇兵陳鎮洪


2008-5-22 NM




去年《福布斯》選出二十大中國創業投資者,只有一位香港人上榜,他的名字叫陳鎮洪。

陳鎮洪愛在還未茁壯的企業群尋寶,入股有潛質的公司。為了認識內地企業家,他一天出席十多個聚會,還身兼大大小小的公職,「做呢行最緊要對人同錢,夠hungry。」

極度飢渴的他,去年自立門戶,「我四十五歲人,時間無多,係時候挑戰更高難度。」

陳鎮洪習慣爭分奪秒,說話速度很快,訪問期間夾雜大量數字和人名,「如果你跟唔到,話我聽,我會講慢點。」

他不單說話快,出差行程亦極度密集。早前他去北京,由早上七點至中午,已出席八個會議,下午接着跟貿發局代表見面,之後又找共青團顧問短聚,甚至連當地的雜誌社也不放過,交際活動一直延續至晚上。

在創投界打滾十多年,他堅持走在最前線,「我唔相信管理層呢個概念,做投資,一定要in the market,唔可以坐喺辦公室篤手指。」

解構創投基金

創業投資(Venture Capital)是私募基金的一種,專以低價入股尚未成名、甚至未有盈利的公司。做法是向公司提供大筆營運資金,換取股份,然後替它擴大規模或搞上市,再用高價賣股套現,利潤數以倍計。

「臨上市前的基石投資者,誠哥同四叔先可以做,其他人好難爭。但係做創投事業,需要的技能好唔同。」陳鎮洪說。

公司唔憂嫁

陳鎮洪認為創投是一場鬥快尋寶的遊戲,不一定有收穫,甚至很多時焦頭爛額,但愈早入股優質公司卻賺得愈多。雖然不時有中小企向他招手,但他偏愛主動出擊找獵物:「平嘢冇好,好嘢冇平。好公司同好女仔一樣,通常唔憂嫁。」

剛起步的公司,多數連銀行、律師或會計師亦不知道他們影踪。要接觸他們,惟有向行內人埋手。於是他積極參加不同公職或專業團體,出錢出力搞活動,「我係北京青年聯會嘅乜乜,一時都唔記得。」

收集回來的名片堆積如山,陳鎮洪會悉心打理,按地區或行業來分類。遇有潛質的,他會將名片貼在枱頭,定時定候聯絡對方。「想識人,只要有誠意,我唔介意cold call,唔使怕醜。」

陳鎮洪的工作,是基金經理加企業顧問,除了物色有潛質的公司外,有時還要進駐董事局,落手落腳做生意。

內地公司蠱惑多

但跟內地人做生意,陷阱重重,「佢哋唔識做假數,就搵香港人做,非常逼真。不過生產規模都可以出錯,明明話一年生產十萬台電話,其實得一萬台。我又試過返大陸睇廠,連塊公司牌都係假。」

因此拍板入股某公司之前,陳鎮洪會仔細研究管理層的質素。「沙士嗰陣,我仲周圍飛,咳足三個月都無時間睇醫生。點知班海歸派CEO,一早去晒外國避難。佢哋心諗,連文革都唔死得,沙士死咗咪好唔抵。呢種CEO,我唔炒佢唔姓陳!」他激動地說。

但找到好的企業家,他會非常珍惜,皆因每項投資,為期至少三年,期間不能隨便止蝕離場。投資者與企業家要同坐一條船,「最緊要唔好咁寸,要幫到手,有錢唔係大晒。大家合作咁耐,佢同老婆不和我都知啦,到頭來好似幫朋友咁。」

自薦做銀行學徒

土生土長的陳鎮洪,八六年港大畢業後,便遠赴英國修讀兩年MBA。回港後主動寄自薦信,收信人是香港渣打銀行的主席。雖然主席沒有面見他,但將信件交由投資銀行部高層處理,對方不敢怠慢,結果請了他當學徒。

在渣打學會企業融資、收購合併等十八般武藝後,他覺得投資銀行的成敗,很視乎經濟氣氛,於是轉行做主動出擊的創投生意。他的成名作,包括相中寶姿時裝、潤汛通信及明基(BenQ)等,成功將本來寂寂無名的公司湊大。

二千年他被獵頭公司賞識,找他加盟集富亞洲。當時集富是日本創業投資界的龍頭,全球排名第八,但內地的投資表現麻麻,「我擲飛標揀公司,都可能揀得更好。」他笑說。

加盟集富後,該公司重新定位,由入股傳統產業轉攻科技公司,陳鎮洪要由零做起。為了打入這個圈子,他冒昧寫電郵給身處矽谷的華人科技界明星陳宏,主動交朋友。

本來只想碰碰運氣,但對方竟肯見面,他隨即動身前往美國拜會,「嗰時係冬天,我人生路不熟,要坐的士去佢住嘅地方,車費要八十蚊美金!」結果陳宏被他的誠意打動,主動留他在家吃晚飯,然後駕車送他回酒店,自此兩人成了好朋友,在公在私互相幫忙。

 

打通了科技界的經脈後,他入股互聯網關鍵詞公司3721,其後賣給雅虎,三年間賺了五倍,打破當時科網公司無錢賺的說法。

曾任滙豐私募科技產業投資部聯席董事的謝迪洋,對陳鎮洪印象深刻,「喺科網啱啱爆破之後,集富有咁好嘅成績,係一件好令人自豪嘅事。」

但○五年尚德太陽能在美國上市,是陳鎮洪十多年投資生涯的一大陰影。皆因有份入股的創投基金,半年內賺了十四倍,他卻錯過了,只能乾吞口水。事實上,尚德的計劃書,一早放在他的案前,但他竟走漏眼,「睇到佢上市集資的消息,我差點暈低。」

原來從事創業投資,錯過入股一間好公司,也足以致命,「投資者會拎張清單出嚟,逐間問你,點解你無投資百度?俾十五分鐘你解釋!」

他苦思失敗原因,最終歸咎公司制度。話說當年內地出現不少回報可觀的投資個案,吸引大批外資進駐,出現挖角潮,陳鎮洪兩名得力助手蟬過別枝,令他手忙腳亂。

一般的創投基金,若每年回報有百分之八,投資團隊可分享額外回報的兩成作為獎勵,「不過在大公司打工,賺十蚊分唔到一蚊,甚至分唔到一毫,因為好多人分。」

相反外資的最大殺着,是願意分發股份,令投資團隊擺脫打工仔心態。他眼見公司制度無法挽留人才,壓力甚大,「你留唔到人,團隊唔穩定,今日做得好,唔保證出年一樣咁好。」

四十五歲創業

於是他開始尋找投資者支持,雌伏三年,四十五歲才創業,成立自己全盤話事的天泉投資,給下屬分發股份讓他們安心打拼,「我計過度過,有九成把握先開檔。」為表示決心,他亦私人押注數百萬美元,「呢筆錢,對李兆基可能唔係咩錢,但對我就好meaningful!」

天泉成立不足半年,已籌得一億美元,「我四十億美元都拎到,但係個基金太大,回報冇咁好睇嘛。」資金來源之一,是索羅斯的徒弟John Zwaansstra。而幫手物色投資機會的顧問團,還包括電盈執行董事鍾楚義。

由於科技業競爭激烈,陳鎮洪決定重投製造業、教育、醫療健康等中小企,主力幫企業擴張和進行併購,「大基金只會吼大項目,但係中國最少有一千萬間中小企,只要你肯做,根本無競爭,只會多勞多得。」

四十五歲創業

於是他開始尋找投資者支持,雌伏三年,四十五歲才創業,成立自己全盤話事的天泉投資,給下屬分發股份讓他們安心打拼,「我計過度過,有九成把握先開檔。」為表示決心,他亦私人押注數百萬美元,「呢筆錢,對李兆基可能唔係咩錢,但對我就好meaningful!」

天泉成立不足半年,已籌得一億美元,「我四十億美元都拎到,但係個基金太大,回報冇咁好睇嘛。」資金來源之一,是索羅斯的徒弟John Zwaansstra。而幫手物色投資機會的顧問團,還包括電盈執行董事鍾楚義。

由於科技業競爭激烈,陳鎮洪決定重投製造業、教育、醫療健康等中小企,主力幫企業擴張和進行併購,「大基金只會吼大項目,但係中國最少有一千萬間中小企,只要你肯做,根本無競爭,只會多勞多得。」

陳鎮洪檔案

年齡︰45歲(已婚,育有三名子女)

86年︰畢業於香港大學,主修地理及經濟

88年︰在英國曼徹斯特大學完成MBA

88-91年︰加入渣打亞洲,任職投資銀行部學徒

91-00年︰轉行做創業投資,先後加入滙豐私募、Prime Partners及蘇伊士亞洲

00-07年︰被獵頭公司相中,加入集富亞洲,任職董事總經理

07年11月︰創立天泉投資,任職總裁

 


奪寶 奇兵 陳鎮 鎮洪
PermaLink: https://articles.zkiz.com/?id=24636

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019