ZKIZ Archives


爭風呷醋 監製捧陳敏之 徐子珊女一變花瓶

2013-07-04  NM
 
 

 

無綫為挽救跌唔停收視,早前重金禮聘福將黃子華回巢,拍住兩大姐仔徐子珊、陳敏之參演新劇《My盛Lady》。以為坐定粒六做女一的徐子珊,開戲後先發現陳敏之戲份愈加愈多,甚至同黃子華對手戲多過自己一截。上週劇組分別在油塘及西環拍外景,徐子珊明擺一姐款,對陳敏之不瞅不睬,只有黐住黃子華,才變面有講有笑。明益愛將

深得監製文偉鴻歡心的陳敏之,在新劇《My盛Lady》中分別同黃子華及阮兆祥有感情線,大玩三角戀,戲份比徐子珊有過之而無不及。「阿Jazz(文偉鴻)之前喺第一集《怒火》同《法網狙擊》做導演同監製,已經好錫敏之,兩套劇角色都係為佢度身訂造!今次仲要由醜女變靚女,好有發揮,監製加咗好多同子華嘅對手戲俾佢,出街嗰陣一定搶晒鏡。」一名《My盛》幕後人員說。冇監製錫,徐子珊轉攻黐實黃子華,甚至出動私家保母車,接送對方出入片場。「子珊喺片場好黐子華,無論平時出外景,抑或喺電視城化妝,子珊次次都主動話車埋子華,叫佢唔使坐劇組車。」幕後人員續說。

有你無我

上週四(廿七日),劇組連踩十二粒鐘拍外景,下午兩點,黃子華及徐子珊到達油塘商場,子華見未埋位,於是走入咖啡店休息,子珊二仔底死跟,更挨實子華吹水。未幾,陳敏之坐低搭枱,徐子珊即扁嘴起身走人,無癮敏之唯有拎塊鏡補妝,淡化尷尬場面。有你無我,之後敏之被召埋位,子珊即刻返入咖啡店,同黃子華、阮兆祥等人繼續吹水,擺明杯葛陳敏之。至晚上八點,劇組移師至上環林士街取景,拍攝黃子華強吻陳敏之被兜巴星戲份。徐子珊當晚負責做路人甲,全程行行企企,唯有面燶燶坐埋一邊篤電話,直至記者要求三人合照,徐子珊才勉強擠出笑容配合。原本以為執到好籌,可以拍住收視福將黃子華拍劇,最後卻由女一變花瓶,難怪子珊條氣唔順到出面。

早有積怨

09年,陳敏之和徐子珊拍攝劇集《美麗高解像》時,已有積怨。其中一場戲講述陳敏之掌摑徐子珊,拍之前導演講明「嚟真」,希望一take過,拍完後,徐子珊即刻怒目陳敏之,更嗌停機要敷冰。其後有傳媒報導話陳敏之夾埋伍詠薇、苑瓊丹等「八婆團」聯手整蠱徐子珊,令她硬食幾十巴。新聞出街後,即惹怒陳敏之及伍姑娘等,指徐子珊放流料搏同情。

 

爭風 風呷 呷醋 監製 捧陳 陳敏 敏之 徐子 子珊 珊女 女一 一變 花瓶
PermaLink: https://articles.zkiz.com/?id=62835

法拉摸陳敏之肚沾旺氣

1 : GS(14)@2016-07-12 22:08:12

■陳敏之日前捧陳法拉場睇舞台劇,更大讚法拉進步大。微博圖片


陀着4個月BB的陳敏之,平日盡量留家安胎,大前晚卻與契姐伍詠薇出動,齊齊往捧男神黃子華和陳法拉主演的舞台劇《前度》,完騷更入後台集郵,法拉摸着敏之微隆肚仔沾旺氣。大肚婆敏之陀得靚,五官和手腳沒出現水腫,敏之昨日在電話中說:「好睇呀,呢套劇應該係法拉喺外國進修後返嚟首個演出,佢完全唔同晒,好大進步,係一個好fresh嘅法拉。」敏之表示陀B後,家中高踭鞋全部收起,改穿平底鞋,懷孕後少食多餐,最愛吃牛肉,她有意稍後出埠享受babymoon。準大姨媽伍姑娘則說:「敏之卜卜肚,圓碌碌,一樣健步如飛。」採訪:陳杰





來源: http://hk.apple.nextmedia.com/entertainment/art/20160712/19690649
法拉 摸陳 陳敏 敏之 之肚 肚沾 沾旺 旺氣
PermaLink: https://articles.zkiz.com/?id=303420

陳敏之12月開刀生B

1 : GS(14)@2016-08-16 06:11:26

■陀B五個月的陳敏之昨出席商場活動搵銀。



準媽媽陳敏之與吳偉豪昨日到將軍澳新都城中心出席活動,懷孕五個月的陳敏之以厚底鞋及鬆身裙現身,手腳依然纖瘦。大會安排吳偉豪扮巨型BB,她設計口水肩,又主動與粉絲大合照,全程心情勁靚,難掩將為人母的喜悅。陳敏之表示現時食得瞓得:「口味都有改變,以前鍾意食菜,而家好鍾意食肉、食牛扒,同埋以前好鍾意香水、香薰,而家聞唔到,應該都係荷爾蒙唔同咗。」陳敏之自言是活躍的孕婦,暫時會接輕鬆的節目及活動:「生之前一、兩個月先休息啦。平日我都約好多朋友high tea,老公又陪多咗、關懷多咗,孕婦真係有特權,好sweet,不過之後又做番工人。」她透露已揀12月尾近聖誕節的日子開刀生B,中文名由老公改,英文名已邀得契姐伍詠薇的哥哥改。採訪:盧妹攝影:陳俊強




來源: http://hk.apple.nextmedia.com/entertainment/art/20160815/19736351
陳敏 敏之 12 開刀
PermaLink: https://articles.zkiz.com/?id=305954

陳敏之影大肚三點式

1 : GS(14)@2016-09-13 08:04:22

■陳敏之相約好友去旅行,更大晒索爆泳裝相。微博圖片



陳敏之陀B差不多六個月,最近與梁烈唯兩夫妻等一班朋友去旅行,更與同樣大肚的唯唯老婆一齊打乒乓波。敏之昨日在微博貼出與友人的大合照,並留言:「那些年,爆友們一起去旅行,目的是相聚,慶生,babies moon,真的爆開心!每天都笑到喊!我只能說每年一定要舉行一次這樣crazy的旅行吧!你們都太牛吧!」此外,敏之又大晒索爆三點式相,雖然陀B六個月,但肚皮仍未算太大,手腳亦依然纖幼,但上圍則明顯比以前升了cup,索上加索!撰文:小米




來源: http://hk.apple.nextmedia.com/entertainment/art/20160913/19768726
陳敏 敏之 之影 大肚 三點式
PermaLink: https://articles.zkiz.com/?id=308911

陳敏之出碟有望

1 : GS(14)@2016-10-26 08:03:07

資料圖片



孕媽媽陳敏之兩年前簽了一間「蚊型」唱片公司制樂堂,不過傳出公司賬目混亂,新碟無限期押後,最近又有自稱制樂堂前股東向傳媒爆料,指另一位股東林山川(原名林浩賢)拖欠租金和員工薪金,但是本報收到另一個消息指是另有內情。敏之接受訪問時說:「佢哋嘅恩怨我唔理喇。」如今EP碟推出有望,敏之都希望可以順利推出,因為她錄歌找來很多朋友幫手,亦順便可以傳福音。採訪:小米




來源: http://hk.apple.nextmedia.com/entertainment/art/20161026/19812014
陳敏 敏之 之出 出碟 有望
PermaLink: https://articles.zkiz.com/?id=313535

37歲索腿天后陳敏之陀B升Cup晒身材

1 : GS(14)@2016-10-26 08:03:08

陳敏之呢個名大家都唔會陌生,更為人所知嘅就係佢「索腿天后」呢個名。「索腿天后」喺11年《怒火街頭》一劇,劇中陳敏之飾演妓女,俾警察抽水,又裸跑追賊;仲因為呢角色奪得「最佳女配角」。13年《My盛Lady》陳敏之飾演袁萱,由醜小鴨成歌后,更唱埋插曲《想一天》。其實現實中陳敏之都係一個歌手,仲係小室哲哉嘅徒弟。可惜歌運平平,不過總叫喺劇中可以實現一下歌手夢吖。14年陳敏之同圈外男友雷偉信結婚,婚後更宣佈減產;到今年7月宣佈懷5個月,今年9月仲陀住巨肚影三點式。




來源: http://hk.apple.nextmedia.com/entertainment/art/20161026/19812104
37 歲索 索腿 天後 陳敏 敏之 之陀 Cup 身材
PermaLink: https://articles.zkiz.com/?id=313537

撐巨肚四圍玩 陳敏之飯敍

1 : GS(14)@2016-11-17 11:30:38

■陳敏之下個月便剖腹產子,她說囝囝是她和老公最好的聖誕禮物。互聯網圖片



港台兩地娛樂圈都有不少星媽等生B,台灣代表有陳妍希,香港則有下個月預產期的「索腿天后」陳敏之。今年37歲的敏之,事先張揚一索得男,目前為老公雷偉信(William)陀B仔八個多月,已擇日在下個月剖腹產子,笑言BB是她跟老公最好的聖誕禮物。



■敏之日前約前經理人飯敍貼相晒大肚,網民讚她臉尖尖好靚。

敏之日前跟家人影大肚相留念,昨日又再於微博貼了與前經理人飯敍的合照,還寫道:「邊個夠我大!」臨盆在即,敏之的肚皮的確比之前脹大許多,但依然臉尖尖。有網民大讚她陀得靚,又有人留言:「我女神都快生寶寶了,時間過得真快。」撰文:李察




來源: http://hk.apple.nextmedia.com/entertainment/art/20161117/19835965
撐巨 巨肚 四圍 陳敏 敏之 之飯
PermaLink: https://articles.zkiz.com/?id=315941

出院三寶爭一樣陳敏之UGG靴 最緊要暖腳

1 : GS(14)@2016-12-27 12:32:08

黑超、鬆身裙和披肩,被譽為大肚女星生完的「出院三寶」。長腿媽咪陳敏之冬至生了囝囝,更取了乳名「雷冬至」。敏之抖了兩三日,前日一身黑衫黑裙養和出院,出院三寶只欠黑超,皆因化好妝的新手媽咪面色不錯,更戴了應節的紅色蝴蝶結頭箍給記者影相,認真用心良苦。產婦傳統上最忌冷親吹風,敏之著了鬆身裙、外套配leggings,加了披肩頸巾包到實,更連腳都無忘記。她著的羊皮靴,正是專為零度雪地而設的UGG經典羊皮靴,做足保暖功夫。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161227/19878138
出院 三寶 一樣 陳敏 敏之 UGG 緊要 暖腳
PermaLink: https://articles.zkiz.com/?id=320213

索腿媽咪陳敏之晒囝囝萌照:My Lovely小冬至

1 : GS(14)@2017-01-07 00:29:03

「索腿天后」陳敏之喺去年冬至當日,剖腹誕下囝囝「雷冬至」,幫老公雷偉信(William)一索得男,當然開心啦,而敏之喺聖誕當日亦都同囝囝返咗屋企休息。正在坐月嘅敏之,前晚至昨日凌晨時份,唔知係咪瞓唔着呢,就喺微博上載咗「雷冬至」嘅最新造型圖片,打扮十分可愛。呢輯可愛嘅BB相,就係將BB打造唔同嘅造型,有指要喺BB出世一個月內拍攝,效果最為理想。呢位新手媽媽,喺每張相都會留言,其中一張佢就話:「BB...你在媽媽肚裏的時候,還記得我們常常一起禱告嗎?每天也感謝天父給你來到這個世界,當我們的兒子,希望你長大後,也常常記著,凡事要感恩!」




來源: http://hk.apple.nextmedia.com/entertainment/art/20170106/19887966
索腿 媽咪 陳敏 敏之 之曬 曬囝 囝囝 囝萌 萌照 My Lovely 冬至
PermaLink: https://articles.zkiz.com/?id=321639

陳敏之呻餵人奶辛苦

1 : GS(14)@2017-01-26 07:43:59

■陳敏之(右)產子後未收身,昨日與江美儀及黃智賢出席宣傳活動。



陳敏之上月21日產子,剛坐完月即刻復工,昨日與米雪、江美儀、黃智賢等到馬鞍山出席宣傳活動。敏之身形圓潤,更因餵人奶關係,上圍明顯升cup,但完全不擔心身材問題,她說:「湊B係最快收身嘅方法,遲啲開工應該可以好快瘦番晒。」她自爆生B後,記性比以前差了很多,外出時經常漏帶物品,希望開工拍劇後會有改善。問到有否為囝囝雷子樂辦滿月酒?敏之表示只在家中簡單慶祝,她說:「湊仔好辛苦,發覺有好多學問,餵人奶雖然辛苦,但都係值得嘅,做媽媽真係好偉大,無論幾攰都要不停咁揼奶。第一次離開佢出去做嘢,一陣已經心掛掛。」撰文:葉綠悠




來源: http://hk.apple.nextmedia.com/entertainment/art/20170124/19906549
陳敏 敏之 之呻 呻餵 餵人 人奶 辛苦
PermaLink: https://articles.zkiz.com/?id=323995

陳敏之升Cup試飲人奶

1 : GS(14)@2017-02-18 00:51:24

■陳敏之自爆生仔後身材變得豐滿。



陳敏之的囝囝已經一個多月大,昨日她在商台受訪,透露生B後上圍由B升至C cup,所以家中的內衣都要買過。她開心分享人生的高峯期,還沾沾自喜說:「噚晚着住浴袍餵完奶,老公喺廁所沖涼,我入去廁所跳開心舞叫佢睇,話佢知我咁多年都冇呢個效果。」敏之被問到是否考驗老公的定力?她說:「?家冇時間理其他,掛住湊仔,咁好身材只能分享,老公冇福利。」更指老公不願意試人奶,她說:「自己試過甜甜哋似維他奶。」她表示明天將開工拍劇,一定不捨得囝囝,她笑說:「佢係我第一號愛人,BB全身由頭到pat pat我都聞,拍拖都冇呢個感覺。」採訪、攝影:王連連




來源: http://hk.apple.nextmedia.com/entertainment/art/20170217/19930485
陳敏 敏之 之升 Cup 試飲 飲人 人奶
PermaLink: https://articles.zkiz.com/?id=326747

陳敏之勁冧「翻版老公」雷冬至萌爆俘虜媽咪心

1 : GS(14)@2017-04-28 02:11:00

陳敏之喺2014年嫁畀圈外人雷偉信後,前年宣佈減產,專心做人妻,以及打理餅店生意。雖然喺螢光幕上少咗見敏之,但佢自從喺舊年12月誕下囝囝雷子樂(乳名:雷冬至)後,不時喺社交平台晒母子sweet sweet相,連帶fans都受惠。敏之更大讚囝囝個樣似足爸爸,唔知係咪因為咁,敏之更加錫到雷冬至燶,啲母子合照有唔少係錫錫囝囝嘅表情甫士,真係隔住個mon都feel到好有愛!



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001655
陳敏 敏之 之勁 翻版 老公 冬至 萌爆 俘虜 媽咪
PermaLink: https://articles.zkiz.com/?id=331694

【馮仁昭四圍超】陳敏之冧B有一手

1 : GS(14)@2017-06-25 10:11:26

索腿靚媽陳敏之去年底誕下囝囝「雷冬至」,最近敏之幫一個嬰幼兒用品品牌拍廣告,面對BB演員又攬又錫,敏之亦好稱職,仲示範單手抱BB,BB對住佢全程冇扭計。完成拍攝後,敏之第一時間喺社交網站相,仲自認係「BB控」,見到BB就好開心,母愛大爆發。其實敏之都好忙,又要打理曲奇餅生意,又要拍劇,試過拍劇途中要去泵奶,開工時就好掛住囝囝。撰文:馮仁昭




來源: http://hk.apple.nextmedia.com/entertainment/art/20170623/20065435
馮仁 仁昭 四圍 陳敏 敏之 有一手
PermaLink: https://articles.zkiz.com/?id=336921

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019