ZKIZ Archives


【中環人注意】文華熟客實試:一睇就知係佢手筆

1 : GS(14)@2016-09-27 07:15:17

Gigi最欣賞Uwe用草飼牛,雖然味道較淡,但肉質有種軟綿綿的彈性,而且脂肪率低,很健康。



文華總廚Uwe Opocensky過檔Beef& Liberty做漢堡包,我們第一時間就找了經常到文華作客的吳翠寶(Gigi),去試試Uwe可否帶回文華的感覺給客人;同時,亦找了非常愛吃漢堡包的粉絲William及Catherine,試試他新創的漢堡包究竟有多厲害。



Gigi經常在中環出沒,幾乎每個月都至少去幫襯文華一次,以前Uwe還主理Krug Room的時候,Gigi亦是常客,所以她對Uwe以前做的菜式風格,可算是非常熟悉,「這個一看就知是Uwe精心設計,因為跟他之前做的flower pot造形很相似,不過這個外形更鮮明。」Gigi甫見到送到面前的蔬菜沙律,即認得這是Uwe的手筆,「以前那道flower pot,他每季都會加入最時令的蔬菜,裏面至少都會有7至8款蔬菜。」她最驚喜的是試了一款醃蘿蔔仔,感覺新鮮爽甜外,更猜這些沙律蔬菜都是今天早上新鮮運到。其實她猜得沒錯,只是蔬菜並非普通來貨,而是Uwe每朝親自帶回餐廳,新鮮之餘,更是全部有機。能夠在吃comfort food的同時,吃到有機蔬菜沙律固然有驚喜,但主打的漢堡包當然亦要試真點。從小到大都最愛吃漢堡包的William Bennett就說:「對我來說,一個漢堡好吃的標準是需要有好的肉。我喜歡肉嫰和軟,肉不可以太韌,那樣會很難嚼。」他隨即試了Uwe設計的羊肉漢堡,第一句開口就是讚漢堡好吃,「肉質不太韌不太軟,剛剛好,就是羊肉應有的質感。」至於他的朋友Catherine雖然不愛速食,但對有質素的漢堡包就非常有興趣,「牛尾迷你漢堡簡直太棒了,牛尾是很難消化的肉,但他們加入了西洋菜、紅菜頭,這組合實在很聰明。」Catherine笑說。Gigi亦試了這個漢堡,她的想法竟然出奇地跟Catherine如出一轍,「我感覺上Uwe是喜歡用草飼牛,如果配合那些有機的醃蘿蔔、紅菜頭及西洋菜,其實已經可以帶出草飼牛淡淡的、溫和的牛味。」Gigi說。Uwe說過想用漢堡包來體驗自己「健康但好吃」的信念,看來他的食客確實地感受得到。
Beef& Liberty中環蘭桂坊德己立街32號加州大廈3樓記者:黃子卓攝影:劉永發


William覺得這裏可能是香港少數有這樣高質素漢堡的食店;Catherine則說她一定會再來試試這裏的其他漢堡。

Beef& Liberty在蘭桂坊新開的第三間分店,將會有Uwe Opocensky坐陣。



來源: http://hk.apple.nextmedia.com/su ... t/20160926/19781696
PermaLink: https://articles.zkiz.com/?id=310159

【動畫】花8萬買頭版廣告示愛!兵仔「U先生」真身就係佢

1 : GS(14)@2017-02-11 18:56:51

情人節就到,正當唔少兵仔度緊點樣可以同女神示愛之時,今日竟然有人喺《都市日報》頭版落廣告示愛,仲話「大家都說我是兵,我說我是屬於你唯一的司機。」喂!呢位阿生,阿「U」生,你竟然唔單止認自己係兵,仲要係一隻「運輸兵」!據廣告業探子回報,《都市日報》一個頭版8萬銀!喂!你好市儈,講錢?一段驚天地、泣鬼神嘅愛情,從來都係無價。正當全世界笑緊呢位「U」生係傻仔之時…神探C上身!冇理由!真係冇理由!成封表白信,由「天涯海角」、到用Eason嘅歌詞「不說一句的愛有多好」,再加埋好似吳三桂引嗰啲清兵咁,講咩心口有個勇字……總之所有elements加埋就係好典型…真係好典型,典型到一個位叫老土,而呢種老土似乎太刻意。更令人可疑嘅係,喺咁老土嘅情信入面,又好刻意地講到「司機」,講「兵」,好唔夾,你可以話係我多疑(咁女人多疑係天生架啦),你亦可以話係直覺!喺好奇心驅使下,我真係打咗去Uber公關問,「喂喂,阿U係咪你哋呀?」Uber公關一聽,然後笑咗出來,「哎呀!我唔答得呀!哈哈哈哈!你哋自己估啦!」聽到呢度,在下無眼鏡都忍唔住扮托一托眼鏡,「我係咪好聰明呢!」公關又笑「哈哈哈哈!總之你自己估啦。」「咁E係咩呀?Eat呀?Uber愛呀Eat呀?」公關姐姐又話,「總之你自己估啦,哈哈哈哈…你又幾聰明呢。」如是者,在下又由其他渠道問到,Uber為咗呢個Campaign,買咗三日廣告,即係今日,下周一、2月14日情人節。至於阿U先生真身,官方會喺最後一日先揭曉!呢個時候,要起歌了:情人節不要說穿……強調!利申!非廣告!本人一毫子都冇收到Uber
by千頌C@堆填區
http://fb.com/winbigwok




來源: http://hk.apple.nextmedia.com/financeestate/art/20170211/19924722
PermaLink: https://articles.zkiz.com/?id=326340

黎芷珊係佢舊愛38歲「嚴謹」原來做過Model

1 : GS(14)@2017-04-28 00:54:35

處境劇《愛‧回家》入面,除咗馬家外,相信大家對戲中嘅律師「嚴謹」,都會好有印象,其實「嚴謹」係叫張達倫,無錯係張達倫,但就同張達明毫無關係。38歲嘅張達倫,數數手指,原來佢已經加入娛樂圈14年,入行前佢係做一啲電腦嘅相關工作,唔知係咪佢生得高大呢,之後佢就由part time model轉全職model,做咗約兩年時間,03年佢就考咗入無綫嘅藝員訓練班。入行多年,張達倫都係做一啲大配角,有時連角色名都冇,直至到處境劇《畢打自己人》,佢先叫做有個大家真正記得嘅角色名李多強(Herman),但講到最為人熟悉嘅當然要去到12年接演《愛‧回家》入面嘅嚴謹啦!戲中佢同楊卓娜飾演嘅「霞姐」,仲係網民心目中嘅受歡迎情侶檔之一㗎。但要數到最為人熟識嘅張達倫,竟然係佢嘅感情事,就係佢曾經同黎芷珊拍過9年拖,佢哋雖然分咗手,而張達倫亦已結婚,但芷珊姐姐同張達倫依然可以再見亦是朋友,好似張達倫去年結婚後翌日,張達倫就出席舊愛嘅眼鏡品牌活動,你都咪話唔羡慕呀!



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002890
PermaLink: https://articles.zkiz.com/?id=331569

Next Page

ZKIZ Archives @ 2019