ZKIZ Archives


鄭中基陪產六磅兒子

1 : GS(14)@2015-02-13 09:02:04





■鄭中基昨晚重回醫院探望產子的太太。


四十二歲鄭中基(Ronald)昨日再榮升爹哋,太太余思敏(Sammie)昨日為他剖腹誕下一名男嬰,連同三歲半女兒Emma,剛好湊成一個好字。昨日一早Ronald跟太太去到跑馬地養和醫院陪產,太太產子後Ronald回家梳洗,下午三時許再趕回醫院,身邊還帶備大袋非常專業的攝影器材,相信是為兒子充任攝影師。Ronald在醫院門外受到記者的祝福,Ronald猛說:「多謝,多謝。」心情靚絕的他受訪說:「囝囝出世重六磅八。」約九時他又現身醫院大堂,他說:「落嚟透透氣啫!今晚會喺醫院過夜。」他表示囝囝未改名,重任留給爺爺。採訪、攝影:黃曉程、楊浩賢





來源: http://hk.apple.nextmedia.com/entertainment/art/20150213/19039775
鄭中基 鄭中 陪產 產六 六磅 兒子
PermaLink: https://articles.zkiz.com/?id=287820

【馮仁昭四圍超】心潔要彭順陪產:不然我不生

1 : GS(14)@2016-05-19 02:23:03

■李心潔未有透露預產期,由於孖B關係,就算着黑色裙都見到腹部已經好巨型。








鬼片影后李心潔自從同老公彭順陀孖B,就留喺馬來西亞安胎,日前佢就喺當地為佢同楊采妮、許茹芸、梁詠琪創立嘅「小黃花慈善教育基金」搞籌款活動,籌到13萬幾港元善款。心潔今年1月宣佈有喜至今,估計至少有6個月身孕,佢嗰日着咗一條黑色裙出席,由於陀孖B關係,個肚已經好大,佢話:「的確比較辛苦,走路都特別困難,說話也會喘氣。」提到孖B性別,心潔就透露係男仔,但就唔肯透露預產期:「這是秘密哦!其實因為懷的是雙胞胎,所以產期都很難說,我會盡力保持身心安定,好好讓兩兄弟在我肚子裏多待一會。醫生也好緊張,把自己的手提電話號碼隆而重之給我,要我一有甚麼問題就立即聯絡他。」提到佢老公彭順剛拍完戲,會否計劃陪入產房,佢就話:「當然!不然我不生了!他下半年唯一的工作就是陪伴我直到生產啦。」



■心潔自從陀孖B後,絕迹公開場合,日前就喺馬來西亞出席慈善活動。

■彭順剛完成電影工作,會留在馬來西亞陪心潔安胎等孖仔出世。資料圖片


■李樂詩在Ig以「見肚」相宣佈有喜4個月。互聯網圖片

42歲李樂詩又陀仔

此外,已有兩個囝囝嘅42歲李樂詩就喺Ig公佈有第三胎,已經有咗4個月,佢表示:「呢胎又係仔,雖然恨生女,但一樣開心,最初結婚仲諗住生5個,生咗兩個仔,原來已經好忙。」李樂詩透露B仔預產期同佢生日一樣係10月26號,到時會採取自然分娩。撰文:馮仁昭





來源: http://hk.apple.nextmedia.com/entertainment/art/20160516/19613170
馮仁 仁昭 四圍 心潔 潔要 要彭 彭順 順陪 陪產 不然 我不 不生
PermaLink: https://articles.zkiz.com/?id=300257

【馮仁昭四圍超】趙哲妤搵仙樂都陪產檢

1 : GS(14)@2016-10-17 08:09:35

趙哲妤(Uny右)同吳堯堯(仙樂都)噚日到東涌為保良局賣獎券籌款,Uny自爆差啲遲到:「大肚婆要瞓12個鐘,差啲起唔到身,好彩BB踢醒我。」BB改名未?佢話:「等BB出世,睇咗時辰八字同性別,先改中文名。」Uny又話BB爸爸冇陪做產檢:「嚟緊產檢筱靖、仙樂都會陪我。我都係正常人,想有人陪住經歷呢個階段,可能佢(BB爸爸)覺得產檢係女人嘅事,男人去好尷尬。」撰文:馮仁昭




來源: http://hk.apple.nextmedia.com/entertainment/art/20161017/19802948
馮仁 仁昭 四圍 趙哲 哲妤 妤搵 仙樂 都陪 陪產 產檢
PermaLink: https://articles.zkiz.com/?id=312459

陳冠希陪產秦舒培生完上圍升cup?

1 : GS(14)@2017-03-24 17:08:05

陳冠希(Edison)去年同超模秦舒培拍拖,盛傳未婚懷孕,秦舒培預產期係4月大左右,上年8月,Edison更用咗2千萬港元買5房愛巢,又有指Edison係想成家立室,仲會娶女友秦舒培。連日秦舒培喺Ig貼半身相,又剪咗短頭髮,停工幾個月留咗喺美國待產,Edison又推晒所有工作,陪實秦舒培,昨日有周刊指,陳家都好期待,成家過去咗洛杉磯迎接個B,Edison亦會陪入產房。據周刊指,Edison同秦舒培性格好似,做嘢唔鍾意同人交代,生咗都唔想俾人知,而陳媽更主動要留喺洛杉磯幫手照顧小朋友,日前有傳BB已提早出世,而秦舒培亦冇跟住傳統坐月,日前秦舒培喺Ig貼咗張相,見佢上圍升cup唔少,未知係唔係生完B呢!?




來源: http://hk.apple.nextmedia.com/entertainment/art/20170324/19968702
陳冠希 陪產 產秦 秦舒 培生 完上 上圍 圍升 cup
PermaLink: https://articles.zkiz.com/?id=328658

老公陪產剪臍帶翠翠開刀勁震 誕7磅半B仔

1 : GS(14)@2017-04-13 00:23:59

■葉翠翠笑言因為在產房太緊張,對老公表示不想再生。



今年35歲的葉翠翠昨日一索得男,為建築師老公周曉東誕下7磅半重「小王子」,原來預產期在五月初,兒子提早面世。昨日榮升靚媽行列的翠翠,即刻在網上報喜:「小王子已來到我們的家庭了,一切平安!比預期的早了一些出世,他有7磅半,十分活躍手舞足蹈,樣子和我老公一樣,圓圓的小臉,十分可愛。生產的時候,非常緊張,整個人都在顫抖,但第一眼望見小王子的時候十分奇妙,知道一切的努力都是絕對值得的!」



■葉翠翠昨日開刀,為建築師老公周曉東誕下7磅半重兒子。

■葉翠翠指遲些會開始試餵人奶。資料圖片


兒子似老公

翠翠接受本報訪問時說:「其實預4月尾5月頭生,咁BB搶閘,噚晚(前晚)入咗醫院,今日(昨日)醫生同我開刀,因為頭仔未轉落去,好似坐喺度咁,所以都一定要開刀。BB磅重有7磅半都開心晒,開刀期間好緊張係咁震,之前見啲人生BB話感動會喊,又影相咁,但自己親身經歷係緊張到乜都唔知。」老公周曉東十分緊張,全程陪伴一齊入產房,翠翠說:「老公好好呀!全程陪住我同鼓勵我,有剪臍帶,覺得要紀念一定要剪!」BB似邊個呢?她說:「一生出嚟自己未睇到,不過老公好開心話『嘩!真係好似我呀!』,我等姑娘抹乾淨俾我睇,都真係好似我老公嘅,佢好開心!」


遲些餵人奶

因為開刀,翠翠指遲少少開始試餵人奶,問她會否即刻追多個?翠翠說:「生緊嗰時同老公講,本來諗住生兩、三個,但?家都係唔好喇!不過,都係嗰時因為太緊張先咁講,真係諗住生兩、三個嘅!」採訪:小米




來源: http://hk.apple.nextmedia.com/entertainment/art/20170412/19987413
老公 陪產 產剪 臍帶 翠翠 開刀 勁震 磅半
PermaLink: https://articles.zkiz.com/?id=330269

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019