ZKIZ Archives


金牌公關:國內捧星多花臣 鄭紹康

1 : GS(14)@2013-05-11 15:37:55

http://www.sharpdaily.hk/article/sup/20130510/194342
到北京搞第三屆北京國際電影節的ECI After Party,順道參加他們的紅地氈酒會,出席的中港台藝人除成龍(圖右二)、周杰倫、謝霆鋒、劉德華、郭富城、林志玲、吳秀波、楊采妮、張家輝、楊千嬅等外,還有主力在中國發展的奇洛李維斯,頒獎禮上的表演嘉賓是Sarah Brightman,論卡士、規模、傳媒關注度也遠勝香港。
單看北京奧運,早已知道我國就是人多,是次電影節都有比足夠還要多很多的守衞,從前那些守衞也會追着明星拍照的,今天已學會盡忠職守,嘉賓只能憑邀請卡進場,無論閣下是誰,沒請柬也不得其門而入。酒會內發現有很多女藝人是港人不認識的,位位低胸性感,髮型化妝幾乎都是同一款,柳岩、周楚楚、龔新亮等個個各出奇謀,微博上又讚揚這些女星有「地氣」,有演出作品而不像某些紙上明星般只在雜誌上出現其出席時裝秀活動的報道,看來國內娛樂圈還未有個完善基制和方程式,捧明星的方法五花八門,很難預計哪個方案才能突圍。酒會內有些香港久未露面的藝人如莫少聰、溫兆倫、唐文龍、范植偉、翁虹等,正如唐文龍所言,他並非大明星,但有份出席已不錯,國內演出機會總比香港好,聽來有些放心,同時也多份欷歔。
金牌 公關 國內 捧星 多花 鄭紹 紹康
PermaLink: https://articles.zkiz.com/?id=282796

金牌公關:深圳TOPSHOP非正印? 鄭紹康

1 : GS(14)@2013-06-08 15:57:59

http://www.sharpdaily.hk/article/sup/20130607/202308
昨天絕對是香港時裝界的大日子,享負盛名的TOPSHOP昨天正式進駐中環。英國首富Sir Philip Green和太太Lady Tina Green也親臨香港為昨天主持剪綵和出席今晚晚宴,金馬獎影后桂綸鎂為首位亞洲區代言人(圖左)。TOPSHOP全球有超過440間分店,遍佈三十七個國家,品牌自1964年創立,Sir Philip Green 2002年收購,今趟和連卡佛合作。Sir Philip Green是猶太人,他和太太早前也來過香港出席Bruce和李玟的大婚,和港龍航空後人曹穎惠與Evgeny的婚禮,筆者跟他們碰過數次,但真正有機會和Lady Green暢談是她在去年春天訪港和推出Lalique床上用品系列。
當時筆者告訴她H&M和A&F等相繼登陸,港人十分期待TOPSHOP來臨,她很有信心回答:「其實我們已準備就緒,連卡佛也很配合,但我告訴他們TOPSHOP需要龐大的零售面積和必勝地點。」她澄清在深圳那間TOPSHOP是冒認的。TOPSHOP中環店設在中藝百貨舊址,只售女裝包括Unique和Boutique系列等,對Lady Green來說,有眼光、膽識和坐言起行是致勝之道,這才能實現自己的夢。
金牌 公關 深圳 TOPSHOP 正印 鄭紹 紹康
PermaLink: https://articles.zkiz.com/?id=283024

蘇永康爆遭鄭紹康侮辱

1 : GS(14)@2016-09-10 13:54:42

■蘇永康直言討厭曾侮辱他的鄭紹康(小圖)。



徐濠縈(阿徐)的Ig日前流出跟暴瘦陳子聰大病初癒的合照,前晚阿徐出席活動時直指是內鬼洩密。蘇永康昨日在油塘出席活動時暗示是鄭紹康(Francis)所為,順勢提起二人之前的恩怨:「呢行入面我冇邊個唔鍾意,佢係其中一個。佢打畀我老婆話有個Landmark event搵我去,出3千蚊。之後我打返去佢公司,話我畀返3千蚊佢,叫佢以後唔好搵我,呢個係侮辱性嘅價錢,有冇病!」鄭紹康回覆本報:「清者自清,我冇阿徐私人Ig,我同阿徐溝通咗,佢知道唔係我。」對於蘇永康指摘,他說:「幾錢要check番。」阿徐表示鄭紹康沒有自己Ig,相信事件與他無關。採訪:羅慧敏攝影:陳順禎




來源: http://hk.apple.nextmedia.com/entertainment/art/20160910/19766007
蘇永康 爆遭 遭鄭 鄭紹 紹康 侮辱
PermaLink: https://articles.zkiz.com/?id=308499

兩年前為三千蚊結怨蘇永康轟鄭紹康:佢擘大眼講大話

1 : GS(14)@2016-09-11 05:46:46

■鄭紹康昨日指願有中間人協調與蘇永康(左圖)擺和頭酒。資料圖片



徐濠縈早前的私人Instagram外洩了陳子聰病癒後消瘦相片,掀起一場關公災難,蘇永康指阿徐的經理人鄭紹康為洩密者,更大數對方曾以3,000元侮辱價邀請他出席活動的私怨。阿徐雖證經理人清白,但事件繼續升溫,蘇永康狂插鄭紹康擘大眼講大話,不會接受他擺和頭酒,更自嘲是泥鯭價,緣盡不會與他合作,更已準備大律師侍候。



徐濠縈日前一張放在私人Instagram的陳子聰病癒後消瘦相片被友人外洩,她在公開場合表示要緝兇,之後她的好友蘇永康在活動上力指阿徐經理人、人稱「天下第一關」的鄭紹康疑似偷相者,更提起雙方私怨,指對方曾以3,000元侮辱價邀請他出席活動。阿徐前晚已證鄭紹康清白,在內地公幹的鄭紹康亦急拍片發聲明,而蘇永康其後接受本報電話訪問表示一場誤會,不過依然寸爆獲對方發聲明受寵若驚,並再補充侮辱價一事:「傾唔埋咪少合作囉,只不過我覺得自己唔係呢個價錢,太離譜,欠兩個零咁滯!」


自嘲是泥鯭

鄭紹康昨日在會展出席時裝活動,揚言事件水落石出會向前看,問到他認為蘇永康只值3,000元活動價,他解釋:「個價每日唔同,每次都要睇番性質,件事已經有幾年,如果呢條刺仲放喺佢心度咁耐,我好遺憾。」日後會否找對方出席活動?他說:「呢個世界係緣,緣份個緣。」對於蘇永康表示不用他關照,他表示:「隨緣囉,作為負責嘅公關,要以客為本,黃雨會過去嘅。」並表示願意找中間人協調擺和頭酒外,亦會與律師研究下一步:「係唔開心,係影響咗我嘅誠信問題。」事件繼續升溫,本報昨日致電蘇永康,他繼續反擊鄭紹康言論:「阿徐嗰單水落石出,我道咗歉,佢話move on,鄭生確實做大事嘅人,佢話3,000蚊結怨唔記得幾耐嘅事,係我結婚後佢打畀我太太,兩年幾啫!」對於鄭紹康指活動價格浮動,他說:「佢話出場價次次唔同係海鮮價,我惟有認自己係泥鯭囉,佢啲貴客係龍躉,但泥鯭都有人鍾意食。」提到對方表示將來合作隨緣,蘇永康斷言:「緣份已盡,佢請我都唔嚟,反而第二間冇錢都去,就係佢請我唔去!佢如果唔係打何超瓊工,我講話毒十倍,我尊敬佢(何超瓊)。」



■今次關公災難源自陳子聰(中)病癒後消瘦相外洩開始。資料圖片

■蘇永康指兩年前與太太Anita結婚後,鄭紹康曾致電其太太邀請他出席活動。資料圖片


拒擺和頭酒

蘇永康表示不會和鄭紹康食和頭酒:「唔知邊個得罪邊個,我覺得佢得罪我,有錢不如攞去做善事。佢話同律師傾下一步點做,冇問題,呢單嘢係御用大律師陳惠源先生send畀我,我哋隨時奉陪!香港係法治之地,至於誠信問題,如果佢夠膽承認冇3,000蚊呢件事,擘大眼講大話,你咪搵律師同我傾。」提到有新劇上,蘇永康自問不用博宣傳:「套劇喺無綫播點都有收視,佢都儍儍哋。我要多謝喺fb瘋傳呢件事,90%支持我嘅朋友,特別多謝黃偉文。」黃偉文昨短訊回覆蘇永康的感謝:「那張facebook圖相信是偽造的,來源可疑。我在private account沒有發表過類似言論。其餘不予置評。謝謝。」採訪、攝影:皓騫、羅慧敏




來源: http://hk.apple.nextmedia.com/entertainment/art/20160911/19767059
年前 為三 三千 千蚊 結怨 蘇永康 轟鄭 鄭紹 紹康 佢擘 擘大 大眼 眼講 大話
PermaLink: https://articles.zkiz.com/?id=308605

【馮仁昭四圍超】鄧達智指鄭紹康好揀擇

1 : GS(14)@2016-09-13 00:19:23

鄧達智噚日喺觀塘出席榴槤放題宴會,自稱「榴槤精」嘅佢每年都會同朋友專程飛去大馬同新加坡食榴槤。對於蘇永康爆出「天下第一關」鄭紹康曾以3,000蚊侮辱性價錢搵佢出活動,及後好多圈中人都圍插鄭紹康虛偽,鄧達智聞言即話:「係囉,咁奇怪,其實佢哋好揀擇,有佢哋圍內認定嘅人,我近年都好少出活動。」撰文:馮仁昭




來源: http://hk.apple.nextmedia.com/entertainment/art/20160912/19767737
馮仁 仁昭 四圍 達智 指鄭 鄭紹 紹康 康好 揀擇
PermaLink: https://articles.zkiz.com/?id=308791

不屑被指博宣傳再過招 康仔等鄭紹康律師信

1 : GS(14)@2016-09-13 08:04:24

■大前晚出席活動的鄭紹康,曾祝蘇永康新劇收視高開。



蘇永康與「天下第一關」鄭紹康的恩怨情仇,始於徐濠縈私人Instagram流出陳子聰病癒消瘦的相片,康仔上周五出席活動指鄭紹康與照片外洩有關,再爆兩年多前被對方以3,000元「侮辱價」邀出活動,越講越火滾。康仔前晚與Super Girls等人,出席新城為C AllStar舉行的「唱好C AllLove Concert」,對於不少人都似乎受過鄭紹康的氣,他表明不便回應,但他說:「曹操都有知心友,關公都有對頭人,我呢啲曹操都有知心友,何況佢係『天下第一關』,關公嚟㗎嘛,實有人支持嘅,有冇後續就要睇鄭生喇。」昨日康仔再接受本報電話訪問,他說:「今早律師問我收到鄭先生律師信未?我未收到,我亦打咗畀經理人公司,都話冇收到,我唔知鄭生係咪採取法律行動,唔緊要,等佢啦!」



■蘇永康(中)前晚出席C AllStar在灣仔舉行的音樂會任嘉賓。

■Super Girls與C AllStar四子上演「九男女」同床。


揚言朋友多

至於鄭紹康祝他新劇收視高開,暗示他借事件博宣傳,康仔不屑話:「我諗咁樣睇法,首先呢部劇喺無綫播,主角係吳啟華、宣萱、陶大宇,我係二打六演員啫,坦白講小弟真係要宣傳㗎,我喺圈裏面冇乜嘢多,人緣唔錯朋友好多,如果我真係要宣傳,吹雞就會好多人幫我,點都唔需要勞駕『天下第一關』鄭生幫我做呢件事。」問到鄭紹康是否稱得上「天下第一關」?康仔謂:「咁打得大家姐(何超瓊)工,做得CEO,雖然我唔認同佢嘅方式,但喺呢個行業咁耐始終有原因,係咪『天下第一關』見仁見智,我諗媒體朋友比我更清晰。」採訪:王連連、皓騫攝影:沈健程




來源: http://hk.apple.nextmedia.com/entertainment/art/20160913/19768752
不屑 被指 指博 宣傳 過招 康仔 仔等 等鄭 鄭紹 紹康 律師
PermaLink: https://articles.zkiz.com/?id=308916

【馮仁昭四圍超】公司合約未解決天堂鳥經理人插鄭紹康違規

1 : GS(14)@2016-09-17 17:33:05

陳浩源資料圖片





自稱「天下第一關」嘅鄭紹康呢排被圈中人輪住圍插操守問題,繼蘇永康、洪卓立、林柏希明寸暗嘲後,MK組合天堂鳥(BOP)經理人公司都加入戰團,質疑鄭紹康有違行規,關公災難陸續有嚟!



■天堂鳥喺Ig多謝鄭紹康邀請出席活動,被經理人公司創富文化集團副總經理陳浩源轟涉違約。

■鄭紹康前晚喺上環同友人打冷,心情靚靚冇受近日是非影響。


接Job貼相

事關天堂鳥同經理人公司創富文化集團發生合約糾紛,公司喺今個月2日發聲明重申天堂鳥只可透過創富文化接工作,點知,喺今個月7日成員Lincoln同Gordon喺社交網貼天堂鳥同鄭紹康合照,分別留言多謝鄭紹康邀請出席活動,似乎有人當天堂鳥經理人公司嘅聲明冇到!創富文化集團副總經理陳浩源接受電話訪問表示:「咁大間公關公司理應知道行情,有乜嘢藝人可以邀請、乜嘢藝人唔可以邀請,佢咁做已經有違行規,呢個係職業操守問題。」陳浩源仲話公司已經發信畀鄭紹康,但對方未有回覆:「我哋會交畀律師處理,相信法律係公正嘅。」前晚同友人去上環尚興食飯,醫飽出嚟摸摸肚笑晒嘅鄭紹康,噚日回應天堂鳥事件表示:「當收到律師信,我哋會交畀律師處理。」另外,張惠雅(Regen)新歌《慶祝》MV搵咗天堂鳥成員Tyrese做男主角,Regen噚日喺商台讚Tyrese好靚仔、跳舞又好。撰文:馮仁昭




來源: http://hk.apple.nextmedia.com/entertainment/art/20160916/19771921
馮仁 仁昭 四圍 公司 合約 解決 天堂鳥 天堂 經理人 經理 插鄭 鄭紹 紹康 違規
PermaLink: https://articles.zkiz.com/?id=309391

【誰是真兇?】蘇永康狂數鄭紹康

1 : GS(14)@2016-10-30 14:35:55

陳子聰大病初癒暴瘦照片外洩,不但引發何超儀與徐濠縈好姊妹反目,而且更引爆一場「雙康大戰」。事緣徐濠縈指私人Ig所貼的陳子聰消瘦照曝光是遭人出賣後,蘇永康直指阿徐經理人兼公關鄭紹康有阿徐Ig,暗指鄭紹康是幕後黑手,又大爆對方兩年多前曾以3,000元侮辱價邀他出席活動,並揚言:「天下第一關,呢行入面我冇邊個唔鍾意,佢係其中一個!」其後鄭紹康發聲明澄清沒有阿徐私人Ig,又指蘇永康言論影響自己誠信而考慮採取法律行動,雙方隔空開火,事件更引發洪卓立及莊端兒等藝人亦在社交網狂數鄭紹康。




來源: http://hk.apple.nextmedia.com/entertainment/art/20161030/19816672
誰是 真兇 蘇永康 狂數 數鄭 鄭紹 紹康
PermaLink: https://articles.zkiz.com/?id=314111

超瓊點醒鄭紹康賭王見人就握手

1 : GS(14)@2016-11-06 15:49:12

■鄭紹康在公關界打滾20年,有「天下第一關」之稱。



有「天下第一關」之稱的鄭紹康,在公關界打滾20年,現於何超瓊(Pansy)的天機公關公司擔任行政總裁一職,從超瓊身上獲益良多,他說:「有次Pansy同我講,何博士(何鴻燊)每日袋住一叠卡片,見人就派同握手,佢話佢都未識夠人呀,當時何博士88歲,Pansy就話『爹哋都唔停我點停?』。」



■何超瓊指父親何鴻燊每日都袋卡片,見人就派。資料圖片

要學識忍功

鄭紹康早前被蘇永康點名狂鬧,但他仍見招拆招。他直言做公關最應該學識「忍」,試過被人鬧足一星期仍要啞忍,他說:「有男仔同其他男仔玩得好開心,又上咗頭版,男主角好㷫咁打嚟鏟到我上天花板,我話佢應該見到上面啲記者喺度影緊,但你都喺到磨咁點呀?俾人鬧何止一個禮拜,直情係日鬧夜鬧呀!」


齊昕要聽話

每次出席活動,鄭紹康都要照顧好多紅星、富商名媛,當然還包括年輕富二代,他說:「我有幾個入室弟子,但有啲做完暑期工都係乜都唔知,咁佢而家都係好出色嘅造型師,但我冇教過佢當街屙尿。」而梁齊昕去年萬聖節摑阿媽,他亦記憶猶新:「呢啲情況要考慮多一重,要照顧埋父母感受,個女未必鍾意,但有時又要聽吓媽咪講嘢囉。」



■梁齊昕去年萬聖節摑媽咪成為熱話。資料圖片

■梁齊昕去年萬聖節摑媽咪成為熱話。資料圖片

而霍啟山當年被影到與章子怡在停車場親熱,都是出席鄭紹康活動後出事,鄭紹康說:「好彩啟山都體諒,仲叫我唔好嬲,下次唔請佢嚟就嬲。咁影到又唔可以怪人,邊個叫自己喺後樓梯(停車場)啫。」另外,前新聞主播陳珍妮(Jenny)離開無綫後亦轉戰公關界,試過遇上極品老細,她說:「有一次叫咗我入房,問我可唔可以唔好再着呢條褲返工,佢唔畀我着白色褲返工!」採訪:植詠珊攝影:Kaman、馮峰、Neo場地提供:Ivy、Topiary化妝:Mak Tung




來源: http://hk.apple.nextmedia.com/entertainment/art/20161106/19824074
超瓊 瓊點 點醒 醒鄭 鄭紹 紹康 賭王 見人 人就 握手
PermaLink: https://articles.zkiz.com/?id=314263

【馮仁昭四圍超】龐景峰讚鄭紹康好老闆

1 : GS(14)@2016-12-21 23:42:07

黎美言(右)龐景峰同呂晶晶等噚日喺尖沙嘴出席櫻桃小丸子cafe開幕,黎美言透露31日晚同韓星安宰賢參與倒數活動,佢話:「我打泰拳,如果保安攔我同佢合照,我會同佢過兩招。」對於鄭紹康「被辭職」,曾任職「天機」實習生嘅龐景峰話:「佢係我以前老闆,23日晚佢有聖誕party,我都會去,我知道好多人話佢唔好,但佢好錫我。」撰文:馮仁昭




來源: http://hk.apple.nextmedia.com/entertainment/art/20161221/19871928
馮仁 仁昭 四圍 龐景 景峰 峰讚 讚鄭 鄭紹 紹康 康好 老闆
PermaLink: https://articles.zkiz.com/?id=319701

鄭紹康拒談被辭職

1 : GS(14)@2016-12-25 13:19:00

「天下第一關」鄭紹康日前離開其效力15年、何超瓊開設的天機公關,前晚在銅鑼灣與友人搞聖誕派對,薛芷倫、周汶錡及龐景峰等人出席。鄭紹康離職後首度現身,問到「被辭職」的傳聞,他表示:「份聲明都寫得好清楚,唔使再講,總之就係和平分手。猜測有好多,特別係年尾時候比較敏感,所以就唔交代喇,我點講都會有人咁講。」對於新工作安排,鄭紹康表示:「係時候進入人生另一個階段,我自己又鍾意寫作,嚟緊會寫專欄,出年都有啲大計,有啲新挑戰囉。」之前,指他開公關公司做經理人令角色混淆,他表示仍持有公關公司股份:「我一向都有幫徐濠縈同游學修接job,總之而家暫時就係經理人。」採訪:盧妹攝影:仇志德




來源: http://hk.apple.nextmedia.com/entertainment/art/20161225/19876122
鄭紹 紹康 康拒 拒談 談被 辭職
PermaLink: https://articles.zkiz.com/?id=320110

鄭紹康同男伴夾公仔

1 : GS(14)@2017-01-17 01:55:23

■鄭紹康被讀者目睹在澀谷的遊戲機舖夾Snoopy。讀者提供圖片



「天下第一關」鄭紹康上年爆出「關公災難」,因徐濠縈在Instagram流出陳子聰近照,當時蘇永康隔空指他是放料人,最終獲清白後,卻與何超瓊的天機公關「和平結束」賓主關係。早前他就趁有時間去日本過元旦。本報讀者康小姐透過「爆相爆片」目擊鄭紹康在東京的行蹤,指他於4號在澀谷遊戲機舖出現:「當時係夜晚10點,佢同男性友人就喺度夾Snoopy,見佢夾咗4、5次都夾唔到,之後就去夾其他公仔,佢哋兩個輪流夾,不過都係鄭紹康夾多,逗留咗成一個鐘。」鄭紹康在Ig貼了不少旅行美食相,當中有多啦A夢戰利品、及與大台藝人黃嘉樂坐地鐵,可見他相當盡興。採訪:唐如




來源: http://hk.apple.nextmedia.com/entertainment/art/20170116/19898067
鄭紹 紹康 康同 男伴 公仔
PermaLink: https://articles.zkiz.com/?id=322816

鄭紹康拜車公轉運「唔可以有風駛盡」

1 : GS(14)@2017-01-31 16:01:57

■林作、游學修和鄭紹康日前去車公廟轉風車。



有「天下第一關」之稱的鄭紹康,去年犯太歲有不少阻滯,踏入雞年他有不少新部署,除公關工作外,會拓展工作室業務,已有電視台接洽他做清談節目主持。鄭紹康日前就帶同旗下藝人游學修及有合作計劃的林作去沙田車公廟轉風車求轉運,他做足拜車公、轉風車及擊鼓等習俗,並說:「舊年最大得着係簽游學修。」



■鄭紹康去年犯太歲遇阻滯,踏入雞年已有不少新部署。

■鄭紹康三人之後會合麥玲玲與馮美基,更獲贈幾句。

■鄭紹康跟足習俗三支清香拜車公。

林作笑仇家多

鄭紹康說:「舊年幾跌盪、過山車咁,識到佢(游學修),雖然成日都會拗,大家相遇時間佢情緒唔高,我就遇上困難,大家一齊探索唔同媒體空間。」游學修笑言與他屬兩個世界:「同佢談戀愛好辛苦,我哋講錢唔講心,我哋想法、圈子好唔同,兩個仲揣摩,互相認識對方宇宙。」林作全程搞搞震,更幫鄭紹康揀了一個四季平安風車:「要四季平安啦,你咁多仇家。」而鄭紹康就表示揀風車有學問:「一排風車入面,要揀有一個風車轉唔到,係廟宇姐姐教,做人唔可以有風駛盡?。」


游學修遇困難

之後,三人會合麥玲玲與馮美基(May姐)吃團年飯,林作向玲玲師傅求有「?完鬆」運行,而玲玲師傅就寄語游學修雞年會困難重重,當播種期。對於鄭紹康,玲玲師傅直言他去年小人超多,贈言他今年要大變化:「行得偏鋒啲都唔怕,佢條命適合做中間人角色,做中間人角色是非口舌係難免,唔係好傷害是非就冇所謂,帶旺番人氣有新搞作。」另外,May姐亦贈言如何化解公關災難:「公關接觸太多人,得罪人一定有,最緊要件事係『和』,幫個客攞到最多嘢,好似打麻雀一樣,唔使吓吓都13么,求其食糊就得。」採訪:唐如攝影:沈健程、陳順禎場地提供:王家沙花樣年華服裝提供:La Perla




來源: http://hk.apple.nextmedia.com/entertainment/art/20170131/19913224
鄭紹 紹康 康拜 拜車 車公 轉運 可以 有風 風駛 駛盡
PermaLink: https://articles.zkiz.com/?id=324819

【馮仁昭四圍超】鄭紹康孖男伴攝太歲

1 : GS(14)@2017-02-05 10:39:46

「天下第一關」鄭紹康上年離開效力咗15年、何超瓊嘅公關公司,前日趁住大年初五相約男性友人去上環文武廟拜神。當日正好喺「攝太歲」嘅當旺日子,所以特別墟冚。前日4點幾,鄭紹康同朋友都唔怕逼,喺文武廟內準備寶牒,之後佢哋先去隔籬嘅列聖宮參拜,鄭紹康同朋友喺廟入面拜晒四面,再誠心上香,大約逗留咗半小時就走。撰文:馮仁昭




來源: http://hk.apple.nextmedia.com/entertainment/art/20170203/19915939
馮仁 仁昭 四圍 鄭紹 紹康 康孖 男伴 太歲
PermaLink: https://articles.zkiz.com/?id=325317

張衞健老婆睇住出世蘇永康榮升爹哋 鄭紹康:恭喜佢

1 : GS(14)@2017-03-23 06:27:21

■蘇永康早前才與臨盆在即的太太在銅鑼灣行街。資料圖片



現年49歲的蘇永康(阿公)老來得子,前日老婆馮翠珊為他誕下兒子,不過,阿公尚未公佈喜訊,好友雷頌德昨在尖沙嘴出席攝影集分享會卻率先爆響口:「嚟緊都會幫蘇永康影,佢噚日做咗爸爸啦,你哋唔知咩?」



■鄭紹康昨晚避談會否致電蘇永康破冰。

■張衞健透露太太張茜全程陪着蘇永康太太生B。資料圖片


開心BIG FOUR有後

據知,阿公原本想待母子出院後才宣佈喜訊,怎知卻忽然被公佈榮升爸爸,惟有昨提早報喜:「好多謝大家關心,小弟的確係榮升咗老竇級啦!母子平安,BB好可愛。第一次做爹哋,心情當然係非常非常感動同開心!新手上任,有啲手忙腳亂,所以請容許大家畀少少時間我,過兩日等我安定下來,先同大家分享我嘅喜悅!」好友張衞健昨在電話說:「我老婆(張茜)特登喺北京返嚟陪佢老婆生仔,阿康仲自己剪臍帶㖭,見到佢戴住手術帽、着手術衫、揸住把鉸剪,真係《妙手仁心》上身。」問阿公有否感動到喊?健仔笑說:「咁又冇喊,我感動到喊,BIG FOUR終於有後。BB手長腳長樣似老母,我即刻放心晒嘞,似阿媽咁咪靚仔。老婆話入產房前,阿公舉手投足依然係架勢,但生完揸住BB手指即刻溫柔晒,我好戥康媽抱孫開心。」另外,曾因三千元侮辱價被阿公數臭的「天下第一關」鄭紹康,昨晚在中環出席Gucci活動表示:「已經託朋友問候佢太太,做完活動等我send個message恭喜佢啦,生BB係開心事,都值得開心嘅。」會否送禮物?他說:「知有朋友夾緊,夾到點解唔夾呢?」是否還嬲?他說:「冇諗呢啲啦,都新一年向前望。」會否致電阿公恭喜以破冰?他支吾說:「呢啲緣份嚟嘅。」



■徐濠縈昨晚出席Gucci活動時,笑談蘇永康榮升爸爸,BIG FOUR終添丁。

■Wyman戥蘇永康開心,自言感動到想喊。


Wyman改名被拒

同場的黃偉文(Wyman)戥阿公開心,他透露看過BB相,覺得頭大似爸爸,體重約6磅多,晚上9時許出世,更自爆幫BB改英文名Kelab,但被蘇媽媽拒絕了,他眼濕濕說:「冇得改名都會錫BB,知道佢母子平安真係想喊。」徐濠縈則說:「恭喜蘇家BIG FOUR添丁,第一個男『袋』,祝BB健健康康快樂成長。」採訪:盧妹、羅慧敏攝影:仇志德




來源: http://hk.apple.nextmedia.com/entertainment/art/20170322/19965705
老婆 睇住 出世 蘇永康 榮升 鄭紹 紹康 恭喜
PermaLink: https://articles.zkiz.com/?id=328379

鄭紹康搵阿徐打頭陣

1 : GS(14)@2017-05-06 11:38:44

公關鄭紹康近日踩入電視,為即將開台的奇妙電視主持節目《天下第一Friend》,碌盡人情卡請來好友徐濠縈擔任第一集嘉賓。阿徐將會講到A餐B餐事件、網上照片外洩風波、被指揮霍購物及與老公陳奕迅(Eason)家人不和等傳聞。另外,阿徐更會披露她與Eason的愛情故事,二人經歷低潮時如何度過,以及跟女兒康堤相處之道。




來源: http://hk.apple.nextmedia.com/entertainment/art/20170506/20012078
鄭紹 紹康 康搵 搵阿 阿徐 打頭陣 打頭
PermaLink: https://articles.zkiz.com/?id=332300

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019