ZKIZ Archives


辣車翻側 女乘客倒地

1 : GS(14)@2016-10-29 13:08:20

■女友受傷趴在草叢,鐵騎士在旁安慰。讀者提供圖片



【本報訊】一輛超辣電單車前晚沿屯門公路行駛,至大欖橋支路附近突然失控衝向路邊草叢,鐵騎士及同車女友當場墮地,女事主倒地動彈不得,同行數名友人駕駛電單車尾隨而至,見狀立即報警,女傷者事後被送院治理,幸無大礙。前晚11時許,40歲姓吳男子駕駛被喻為電單車中的超級辣跑的本田CBR1000RR電單車,載同30歲姓楊女友,與另外數名亦是駕駛電單車的友人沿屯門公路往屯門,至大欖橋支路的左彎時突然失控,衝入路旁草叢翻側。吳、楊二人當場倒地,楊女飛出趴在草叢中,手腳受傷;吳僅受輕傷,同行車友見狀紛紛停車查看及報警,兩人經包紮後送院,楊女情況穩定,吳經治理後無礙出院。■記者張家豪、江寶龍




來源: http://hk.apple.nextmedia.com/news/art/20161029/19815849
辣車 車翻 翻側 乘客 倒地
PermaLink: https://articles.zkiz.com/?id=313907

由寶馬揸到林寶堅尼余文樂辣車大檢閱

1 : GS(14)@2016-11-06 15:49:08

嚟緊13號就35歲嘅余文樂出晒名係愛車之人,入行多年都轉過唔少靚車,無論係跑車定SUV(運動型多用途車)佢都擁有過,仲囊括多個著名品牌o添!寶馬余文樂咁多架車當中就包括當時(08年)價值過百萬嘅寶馬M5房車,佢仲畀《蘋果》見到佢特登揸架車去汽車美容服務中心,幫架車扮靚靚。平治同年(08年),余文樂又被影到揸住架過百萬Benz跑車喺跑馬地同城城打邊爐。除此之外,佢仲有架Benz嘅jeep,仲用嚟做代步工具,去超市都揸住佢。林寶堅尼余文樂曾經擁有過兩架林寶堅尼,首先有Gallardo Coupe超級跑車,余文樂喺2011年以370幾萬買入,而最出名就係佢揸住呢架車載當時女友Kary。另外一架就係前年余文樂以約800萬買入嘅Aventador Coupe超級跑車,不過當時有網民爆料指,樂仔違例將呢架超跑駛入傷殘專用車位等位。麥拿倫喺今年4月有讀者影到余文樂喺灣仔McLaren Hong Kong(麥拿倫專門店)睇車。去到9月佢喺ig post咗張「McLaren675LT」超跑,雖然車價約650萬,喺余文樂嘅跑車中並唔係最貴,不過全球限量生產500架,而香港仲只得10架,真係夠晒矜貴。




來源: http://hk.apple.nextmedia.com/entertainment/art/20161106/19824451
寶馬 到林 林寶 堅尼 余文樂 余文 辣車 車大 檢閱
PermaLink: https://articles.zkiz.com/?id=314247

烈女辣車Mark嫂Jade

1 : GS(14)@2017-02-12 15:50:54

2017-02-09 NM

Mark嫂阿Jade(梁家玉),絕非柔弱小家碧玉;出名煮得一手好菜的她,更是一名辣車手,加上性格率正,正宗烈女。

三歲定八十!阿Jade在食譜的序自述在陽氣盛的家庭長大,玩伴是哥哥和弟弟,玩具是刀刀槍槍和車車;小時見舅父有部PGM電單車,從此種下烈火戰車情緣。

老婆愛揸辣車,雷頌德自認執到寶。當雷頌德遇上辣妹

二十歲考電單車牌,意外是老媽子未有反對,任由掌上明珠「皮包鐵」。

「因為媽咪唔阻止,反而令我學會做事有分寸,就算係青少年期,我都冇反叛呢樣嘢。」Mark嫂Jade說。

烈女性格,毫無性格的綿羊仔自然看不上眼;更何況她的另一半雷頌德,初出道已經揸住私伙「玩具」Harley Davidson一晒。兩公婆嗜好相投,當日颷車男首度遇上颷車女,反應是?

「佢覺得執到寶o架,哈哈!要搵到女人揸電單車幾難呀,仲要揸呢類!當時成班車隊,得我一個女仔,其他經過司機都會望一望。冇乜女仔揸到呢隻咁重型嘅車,我都要專登去操同玩舉重。我好大力o架,同男仔打交未必輸。」雖然身形瘦削,但Jade絕對唔講得笑!

為小朋友學錫身

婚前婚後,兩人的活動是孖住颷車。不過,二人從未有過《天若有情》的浪漫場景,坐車尾,Mark嫂never say yes!「我一定唔坐人車尾!就算冇得揀坐過老公車尾,原因係佢載我去攞番架整好嘅車。其實坐車尾好危險,每個人對突發事情反應唔一樣,我對自己嘅駕駛技術同反應都好放心,但信唔過其他人。」不過,自從成為人母,烈女Jade便自動減辣。「自認技術唔差,但始終有小朋友,要錫身,天氣唔好或者精神唔夠一定唔揸。真係今時不同往日!以前唔理咩天氣落晒雨都照去,唔驚死!好在未試過有意外。」

老公重開綠燈

阿Jade雖然懂得自動自覺,但雷頌德亦不敢怠慢,落令禁止老婆再揸電單車。「生咗大仔後,老公曾經反對我再揸電單車。但我唔想因為咁,將自己喜歡嘅興趣埋沒,其實最緊要揸得安全,況且我性格唔魯莽。」Mark嫂最終用實力說服老公,重開綠燈。不過,每次老婆出車,雷頌德一定跟,以防萬一!

撰文:盧韻琴攝影:葉志明攝錄:黎以諾化妝:Krisie Wong髮型:Kavi@Fifth Hair Salon服裝及場地提供:Harley Davidson
烈女 辣車 Mark Jade
PermaLink: https://articles.zkiz.com/?id=326607

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019