📖 ZKIZ Archives


譚凱邦

1 : GS(14)@2010-09-26 12:18:23

http://hk.apple.nextmedia.com/te ... =4104&art_id=144877
八方人物:屋邨教師 打響環保觸覺之名          
2010年09月25日

04年成立的環保觸覺,能在短短數年間打響名堂,全靠主席譚凱邦「踩過界」,在屏風樓與發水樓兩大規劃議題上緊咬發展商不放,敢於挑戰地產霸權。過去有人質疑環保觸覺的調查不夠嚴謹,他說只是想以深入淺出的方式帶出社會議題,救救地球。
環保觸覺主席不是譚凱邦的正職,反對建屏風樓與發水樓也沒有薪水, 30歲的他在屯門一間屋邨中學當教師,教生物、通識、科學,搞環保純粹業餘性質。不過,正因為有教書經驗,所以他擅於將一些深奧難明的議題,例如發水樓,以淺白方式表達出來,讓市民很容易知道發展商有幾無良。
專挑周日搞記招

他說讀中學時,參加了一個白海豚考察團,自此播下環保小種子。考進中文大學後,他主修環境科學系,也開始積極參與環保活動,「最深刻同開心,係成功阻止麥記(麥當勞)進駐中大」。
02年畢業後,他的使命感更強,創辦了一個名為「自然足印」的環保組織,目標是在中、小學推廣環保意識,「但係太局限,我覺得可以做更多」。於是兩年後,跟幾位志同道合的友人,正式成立環保觸覺。
他說環保觸覺是想帶出社會性的議題,「第一個 PC(記者會)就係講麪包膠袋,家政府推行膠袋稅,講起嚟我哋都應記一功」。別的環保組織經過深入研究才發表調查,但他反其道而行,專門挑選一些貼近市民與傳媒關心的環保議題,例如巴士冷氣太凍、打邊爐消耗太多冷氣等,成功爭取傳媒報道,結果也惹來同行非議,指其部份調查結果不夠嚴謹,但他說不介意,「最重要係令市民更加有環保意識」。
緊盯無良地產商


香港有不少環保組織,在沒有任何資源下,要帶領環保觸覺打響名堂,譚凱邦當時想到一條「絕橋」,「專揀星期日開記者會,因為星期日冇乜新聞,報館同電視台多數會派記者嚟」。不過,他說其他環團近年也發現這「秘密」,跟風在星期日開記招。
近年環保觸覺主攻規劃議題,在屏風樓與發水樓兩大議題上,多次調查踢爆發展商的無良手法,成功贏取公眾認同,也因此引起發展商不滿,不時找他「傾偈」,但他笑說每次都是「善意交流」,「邊個我就唔方便講喇」。
年輕人置業艱難,譚凱邦也不例外,他跟家人同住葵涌的公屋單位。以往大熱天時,他總是堅持不開冷氣,「一來慳錢,同埋為環保」。但這兩年已經放棄堅持,「太熱喇,唔開唔得」。所以他調整原則,「開冷氣唔好開咁凍,一人做一步,世界更美好」。
記者 黃偉駿
PermaLink: https://articles.zkiz.com/?id=270892

《致命復活》譚凱琪集集騷長腿半裸撼萬綺雯

1 : GS(14)@2016-12-03 05:12:31

大台劇《致命復活》已經播咗好多集,到底大家對套劇有咩嘢印象呢?郭晉安?萬綺雯?王浩信?……定係譚凱琪(Zoie)對腳呢?已經35歲嘅Zoie喺劇中真係好落力,幾乎集集都短裙上陣,點都有條腿睇吓!加埋啲tube dress同背心造型,真係「肉光四射」。而最少布嗰一場,係背部全裸,有近鏡,亦有遠鏡,同時,亦有講到佢俾何雁詩整蠱,解開咗bikini top,唔知情嘅Zoie一起身嗰一吓,連前面都……。其實講腳,有「長腿姐姐」之稱嘅萬綺雯,都有盡一份力,但唔知係角色設定定點,今次呢個騷腳重任,就落咗喺Zoie身上。




來源: http://hk.apple.nextmedia.com/entertainment/art/20161202/19852748
PermaLink: https://articles.zkiz.com/?id=318093

譚凱琪家人催婚

1 : GS(14)@2017-02-02 02:34:14

譚凱琪昨日在大角嘴出席「金銀滿貫迎新禧」,她透露年廿九凌晨時分收工時,相約好友龔嘉欣和沈卓盈去花市買桃花。談到與拍拖兩年的有米男友Enrico有否結婚計劃?她說:「感情都穩定,但事業為上,其他嘢就未有時間諗,因為公司幫我安排咗劇集到年尾,所以其他計劃都唔會喺今年,可能對方等緊呢。」她表示家人都有催婚,不過她認為世事難料,不知有甚麼變化。問譚凱琪為何講到與男友快分手?她說:「有啲嘢未肯定,需要一啲時間去傾,但我希望去到談婚論嫁啦!」她還透露男友在農曆新年時,有去她家向長輩拜年。採訪:黃曉妍攝影:葉君海




來源: http://hk.apple.nextmedia.com/entertainment/art/20170201/19913922
PermaLink: https://articles.zkiz.com/?id=324976

與張達倫繼續行曖昧譚凱琪:俾觀眾想像空間

1 : GS(14)@2017-05-21 13:16:15

曾經做過小室哲哉徒弟嘅譚凱琪(Zoie),喺13年加入無綫,舊年喺《致命復活》入面,查實都有一場泳池大露背戲,嗰陣已經有唔少網民大讚索爆,今次佢喺《不懂撒嬌的女人》又有露背床戲,再加上同張達倫呢段感情,相信到時會有一定嘅迴響。Zoie昨日接受傳媒訪問,講到呢一幕床戲,佢好口密咁唔肯講箇中原因,只係話:「呢個就係玄機,應該過兩日出街,你哋自己睇吓喇!」今次原來係Zoie同張達倫首次合作,不過佢哋呢段感情打動到唔少觀眾,Zoie話:「雖然係第一次同張達倫合作,不過合作好愉快,之後拍幾場親密少少嘅場面,因為大家都互相信任,所以拍起嚟好順利,幾take就搞掂。」至於會唔會最終喺埋一齊,Zoie話:「好開心大家鍾意我哋呢段感情線,最後我哋會唔會一齊呢,劇情就真係無一個好確實嘅交代,當係俾觀眾一個好好嘅想像空間。」被網民捧為另一個暖男嘅張達倫,佢接受傳媒訪問亦都話:「聽到大家咁講,我梗係覺得好開心,可能係因為呢段感情比較寫實,好多人為咗工作兼顧唔到屋企,甚至因為工作而影響咗同屋企人嘅關係,變咗睇起嚟都共鳴。」不過對於張達倫嚟講,最開心係多咗人煲劇:「我身邊都有唔少朋友講緊呢套劇,有時都會問吓啲劇情,呢樣嘢令我覺得好開心,對於演員嚟講,亦係一個好大嘅鼓勵!」




來源: http://hk.apple.nextmedia.com/entertainment/art/20170521/20028373
PermaLink: https://articles.zkiz.com/?id=333884

中女撒嬌唐詩詠譚凱琪過關46歲宣萱反晒白眼

1 : GS(14)@2017-05-21 13:16:15

近排hit爆嘅4k劇《不懂撒嬌的女人》已經進入結局篇,o依家唔少人喺度估緊個結局,究竟Mall姐(宣萱)同Gordon(林文龍),Saving(王浩信)同Cherry(唐詩詠)最後可唔可以happy ending,相信好快就會揭曉,但係成班演員仍然瞓身咁為套劇宣傳,希望將收視再推高。宣萱同林文龍仲有一班演員將會喺22日搞慶功宴,28號又會齊齊喺商場睇大結局,宣萱、唐詩詠同譚凱琪仲喺「See See TVB」嘅FB專頁,分別演繹子華神講過嘅港女三大金句:「真係㗎?」、「點解嘅?」同「好叻呀!」,雖然唔少人都話港女性格好難頂,又唔識撒嬌,不過對分別36歲同35歲嘅唐詩詠、譚凱琪嚟講好似就冇乜難度,表現唔錯,相反年屆46歲、同鬼妹仔性格嘅宣萱嚟講就真係啲唔習慣,見佢喺鏡頭前撒嬌,性格爽朗嘅萱萱,做出嚟嘅效果都幾爆笑,連佢自己都忍唔住反晒白眼。有網民睇完之後都留言讚譚凱琪最正,亦有人為港女平反,覺得佢哋唔係唔識溫柔,只係睇對象,亦有人覺得每個地方嘅女仔都有自己嘅特色,實在唔需要比較。




來源: http://hk.apple.nextmedia.com/entertainment/art/20170521/20028372
PermaLink: https://articles.zkiz.com/?id=333885

【馮仁昭四圍超】譚凱琪為事業延婚期

1 : GS(14)@2017-05-27 00:06:51

資料圖片





小室哲哉入室弟子譚凱琪,最近憑無綫劇上位,現實生活中,譚凱琪都係事業心重,雖然佢有個拍拖兩年幾嘅金融才俊男友莊日宇(Enrico),噚日有周刊報道指譚凱琪同男友發展到同居階段,男友仲向佢求婚,不過譚凱琪希望把握機會,喺事業上做一啲成績,所以同男友講希望兩年後先結婚!莊日宇都好明白女友嘅諗法,兼支持同尊重佢喎。撰文:馮仁昭




來源: http://hk.apple.nextmedia.com/entertainment/art/20170526/20033698
PermaLink: https://articles.zkiz.com/?id=334058

《踩過界》譚凱琪露背之後蔣家旻被禁錮玩SM

1 : GS(14)@2017-07-01 10:50:20

話說大台上周六日開始播《踩過界》,賣點係乜?除咗有造型同《夜魔俠》有九成似嘅王浩信之外,仲有一系列嘅大台花旦「露肉」。上星期就有35歲嘅「水晶梨」譚凱琪,佢角色係形體藝術家,仲全裸示人,真係睇到觀眾「嘩嘩聲」。而本周又有啲咩睇呢?繼續都係有譚凱琪全裸展示佢嘅人體藝術,而今次佢仲喺身上寫住「唔知醜」、「cheap」、「賣弄色情」,不過最出位就係佢額頭上用簡體字寫住個「雞」字,加埋可以表達到佢心情嘅紅色燈光嚟表示佢心中嘅情緒。之後仲有早前講到蔡思貝喺泳池裝假大胸色誘魏惠文嘅一幕,而佢嘅「假狗」就係非常old school嘅兩大粒橙。其後仲有第二單case,就係講飾演「賣啤酒的小女孩」嘅蔣家旻,故事講到佢受唔住由許家傑飾演嘅闊少嘅金錢誘惑,去佢嘅大屋「playroom」玩,點知「playroom」充滿住SM嘅刑具,仲被許家傑禁錮咗成個月,講到SM嘅情節,就比對上兩集保守得多,全部都係着住衫,最多係蔣家旻以背心演出。




來源: http://hk.apple.nextmedia.com/entertainment/art/20170701/20074762
PermaLink: https://articles.zkiz.com/?id=337524

【馮仁昭四圍超】譚凱琪結婚有驚喜

1 : GS(14)@2017-07-07 01:33:06

譚凱琪同袁文傑噚日去銅鑼灣擔任emoji表情符號活動嘉賓,早前傳出婚訊嘅譚凱琪指跟男友拍拖五年,佢話:「未有計劃結婚,大家朝着呢個方向,可能有一日畀驚喜大家。」近日拍廣告不絕嘅袁文傑,同樣拍拖六年,問佢為事業衝刺,係咪擱置婚事?佢話:「有得衝就衝吓,可能我都有一日畀驚喜大家。」撰文:馮仁昭




來源: http://hk.apple.nextmedia.com/entertainment/art/20170706/20080006
PermaLink: https://articles.zkiz.com/?id=338212

Next Page

ZKIZ Archives @ 2019