ZKIZ Archives


黎諾懿上山下海 拍五行婚照

1 : GS(14)@2014-11-09 13:31:51




【主題:木】■黎諾懿赤膊晒肌,未婚妻李潔瑩則送上熱情擁抱。微博圖片



現年34歲的黎諾懿,後日在陽明山莊迎娶家族擁逾5億身家的前落選港姐李潔瑩,黎諾懿由小生升做「5億駙馬」,他昨日忍不住把婚紗照逐一貼上微博跟fans分享。一對新人大玩新意,把婚照以五行的金木水火土做題材,異於傳統婚紗相。黎諾懿留言介紹第一款婚照,他說:「婚紗照以中國五行為主題………水。」兩人在水中纏綿,5張相都是他們在水底拍攝,黎諾懿穿上白恤衫賣濕身誘惑,未婚妻則是bra top配長裙,變身美人魚。當轉到木為題材,二人以豹紋裝跳入森林,準新郎赤膊晒八嚿腹肌,李潔瑩則搖身變女泰山。為表達火辣辣的火時,黎諾懿在紅燈的影樓中做出跳躍動作。撰文:陳杰



【主題:水】■準新郎黎諾懿與李潔瑩到水底纏綿。微博圖片

【主題:火】■黎諾懿在紅色燈光下盡露肌肉。微博圖片

【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141109/18928505
黎諾 諾懿 上山 下海 五行 婚照
PermaLink: https://articles.zkiz.com/?id=286359

朱慧敏「回家」搶黎諾懿高海寧被叮出新劇

1 : GS(14)@2015-03-06 09:06:43





網民成日問,做完《愛‧回家》之後做乜嘢,答案有好多種,其中一個,係個劇五月完結,依家籌備緊另一部新處境劇,應該都係原班人馬上陣,拿拿拿,知道大家想問乜,答案係,1.新劇應該唔會有高海寧;2.《愛‧回家》臨近尾聲,之前因為被指麻煩難搞嘅朱慧敏,將強勢回歸,同高海寧爭馬壯。昨日有雜誌報道指,高海寧當初一心入劇組,希望爆騷之餘亦可以改變性感形象、順利「入屋」,加上佢又識做人,大時大節一定自動波送果籃俾一眾高層包括曾勵珍、樂易玲、余詠珊等等,總有一日用得著。之前見有風傳出話想叮走朱慧敏,高海寧即捉實監製徐遇安密密斟,又話好羨慕《愛‧回家》演員爆騷,又話好想拍師奶劇,於是徐遇安就搵珍姐傾啦,有傳高海寧同珍姐及監製食飯傾嗰陣,仲主動埋埋張單,乖巧聽話,自然得人錫。其實高海寧做開乜嘢角色sell乜嘢,大家都心中有數,所以當初入劇組之時已收到order唔好性感。無奈師奶觀眾接受唔到佢「入屋」,亦有人彈佢演技「尚待改進」;至於心睇女嘅觀眾又唔慣咁密實嘅高海寧,結果兩頭唔到岸。最弊仲係,有好多網民都話,因為有高小姐,令其失去追看《愛‧回家》意慾。就係咁,收視越跌越低,由一度最高去到25點,跌到依家得17點。不過呢,搞到收視跌,原因亦唔止係高海寧一個;個劇由180集拖到成800集,已見疲態。而且依家加入咗太多新角色,好似改頭換面咁,觀眾亦無心追看。雖然個劇冇得點救,但都要好頭好尾。徐遇安同編審齊齊brainstorming,決定開新劇之餘,亦度橋搵番個靚位俾馬壯(黎諾懿)懷念朱慧敏,舖路俾兩人舊情復熾,等朱慧敏可以同高海寧「死過」。查實當日同樣因為衰麻煩嘅蔣家旻一早已「回家」,朱慧敏返去都係遲早嘅事,但佢就好謙咁話自己乜都未知,亦未睇劇本,唔知有幾多戲云云。反而曾經同朱慧敏傳不和嘅黎諾懿就表示唔想回應。





來源: http://hk.apple.nextmedia.com/entertainment/art/20150306/19065034
朱慧 慧敏 回家 搶黎 黎諾 諾懿 懿高 海寧 被叮 出新
PermaLink: https://articles.zkiz.com/?id=288266

五億駙馬睇西半山豪宅黎諾懿後年搬得

1 : GS(14)@2016-02-04 17:24:30

「五億駙馬」黎諾懿前年娶咗有米女友李潔瑩(Nicole),女方外家係做美容生意,身家過億,未嫁前同父母住君頤峰豪宅,但同黎諾懿結婚後,就住700呎西貢村屋。昨日有報道指黎諾懿獲老婆外家照顧,送價值4千萬嘅西半山豪宅畀佢哋兩公婆住,最快2018年可以入住。對於呢件事,黎諾懿直認不諱,佢話自己的確有同老婆仲有外父外母去睇樓,仲幾啱心水,但佢冇認到係外父外母送樓畀佢哋做愛巢,只係話投資,仲話會等樓價低啲先入巿。





來源: http://hk.apple.nextmedia.com/entertainment/art/20160204/19478074
五億 駙馬 睇西 半山 豪宅 黎諾 諾懿 後年 搬得
PermaLink: https://articles.zkiz.com/?id=295275

黎諾懿偕妻平食車仔麵

1 : GS(14)@2016-08-10 07:54:54

黎諾懿前年與有米落選港姐李潔瑩結婚,升呢成「五億駙馬」,兩人日前拍拖去了西環食車仔麵,該店三餸車仔麵賣36元。黎諾懿夫婦沒揀隱蔽位置,大方坐面向門口的枱,全程食得滋味,他們都不嘴刁,食飽後就拖手到附近取車。黎諾懿身穿白色貼身tee疑似底衫,由於太貼身而凸點飛釘,至於李潔瑩則穿了吊帶牛仔裙加白色露肩衫,「五億夫婦」非常低調。採訪、攝影:徐錦池、畢紹基





來源: http://hk.apple.nextmedia.com/entertainment/art/20160810/19729677
黎諾 諾懿 懿偕 偕妻 妻平 平食 食車 車仔 仔麵
PermaLink: https://articles.zkiz.com/?id=305282

個樣似陳百強 黎諾懿靠神之馬壯彈起

1 : GS(14)@2016-08-10 07:54:54

黎諾懿02年參加無綫藝訓班入行,因為外型同神態有啲似情歌王子陳百強,最初受大台力捧。出道作品就有青春勵志劇《戀愛自由式》,之後參演嘅《當四葉草碰上劍尖時》,更擔正做第一男主角。要數幕前代表作,當然係佢喺長命劇《愛•回家》做神之馬壯一角,而要數人生代表作,就一定係娶咗家族有5億身家嘅老婆李潔瑩。





來源: http://hk.apple.nextmedia.com/entertainment/art/20160810/19730006
個樣 樣似 陳百強 黎諾 諾懿 懿靠 靠神 神之 之馬 馬壯 彈起
PermaLink: https://articles.zkiz.com/?id=305283

李潔瑩結婚行頭近千萬 黎諾懿揸二百萬賓利接妻

1 : GS(14)@2016-08-10 07:54:54

今年36歲嘅黎諾懿一生可以話係順風順水,喺大台載浮載沉多年,憑《愛.回家》角色——「神之馬壯」彈起,不過佢人生嘅高峰同埋最值開心嘅事,就係聚到有米落選港姐李潔瑩做老婆,成為「五億駙馬」啦!14年黎諾懿同李潔瑩喺陽明山莊筵開24席,雖然佢哋當時就冇透露婚禮使咗幾錢,不過睇番啲相,李潔瑩行頭十足!淨係首飾加加埋埋相信都有成千萬!老婆娘家家族坐擁5億美容王國,又點會失禮。黎諾懿當時仲揸價值200幾萬嘅開篷賓利去接老婆。





來源: http://hk.apple.nextmedia.com/entertainment/art/20160810/19730510
李潔 結婚 行頭 近千 千萬 黎諾 諾懿 二百 百萬 賓利 接妻
PermaLink: https://articles.zkiz.com/?id=305284

發哥發嫂鍾情魚蛋粉黎諾懿孖老婆平食車仔麵

1 : GS(14)@2016-08-14 14:29:18

明星拖友或夫婦如普通市民,開餐未必一定要去米芝蓮、五星級大酒店開餐,魚蛋粉、大牌檔等平民美食都可以見他們的足印。周潤發發哥與發嫂家住九龍塘,愛去九龍城買餸,常常幫襯德昌魚蛋粉,他愛該處的魚蛋彈牙爽口。黎諾懿貴為「五億駙馬」的黎諾懿日前便帶同有米落選港姐老婆李潔瑩結婚,拍拖去了西環食車仔麵,幫襯食賣36元的三餸車仔麵。黃德斌黃德斌常被影到與女友Joyce去中環歌賦街大牌檔的勝香園開餐,嘆番茄牛肉麵。鄭伊健、蒙嘉慧筲箕灣安利魚蛋粉是不是明星追捧的平民食點,當中鄭伊健夫婦、葛民輝夫婦,甚至過億身家的沈嘉偉都成日與老婆邱淑貞開餐。




來源: http://hk.apple.nextmedia.com/entertainment/art/20160814/19735694
發哥 發嫂 鍾情 蛋粉 黎諾 諾懿 懿孖 老婆 平食 食車 車仔 仔麵
PermaLink: https://articles.zkiz.com/?id=305783

黎諾懿老婆陀雞仔反高潮:我想生女

1 : GS(14)@2016-11-12 05:55:00

■拿着超聲波照片的黎諾懿,昨日興奮公開一索得男。互聯網圖片



現年36歲的黎諾懿前年11月11日「光棍節」迎娶家族坐擁五億身家、曾參選07年港姐的李潔瑩(Nicole),榮升「五億駙馬」。昨日他趁結婚兩周年,透過社交平台公佈老婆懷孕喜訊,又向鏡頭展示多張超聲波照,興奮自爆一索得男。


報稱「搞咗半年」

日前,「嚴謹」張達倫在婚宴上笑黎諾懿結婚兩年仍然「未有動靜」。事隔兩日,黎諾懿終拍片放社交網公開回應。短片開始,黎諾懿先蹺手扮嬲說:「我要澄清最近一啲不實報道,呢件事係源於張達倫話我搞咗兩年都搞唔出,搞到全香港以為我冇心冇力,其實我係搞咗半年啫!」之後他走到一部播放超聲波片的顯示器前,然後笑笑口表示:「唔好以為佢係潛水艇,佢係我同我老婆李潔瑩嘅愛的結晶,同埋打牌嘅嘢梗係要一索啦!所以佢係有一索㗎,我係一索得男。」



■李潔瑩與黎諾懿在8月時到西環高街食車仔麵,相信當時已造人成功。資料圖片

■黎諾懿趁昨日結婚兩周年紀念,公佈老婆有喜。資料圖片


生三個老婆湊

造人成功,黎諾懿接受傳媒訪問表示:「因為我都係猴年出世,本來諗生猴B,但原來唔係真係想要就有,真係要個天畀你先有。」黎諾懿又透露,他跟太太一直都有透過中醫調理身體,但心急想趕生反而冇,放鬆了反而有喜訊。黎諾懿又透露:「而家老婆17周,等佢陀定啲或者會去吓旅行。」事先張揚一索得男,問他喜歡囡囡還是囝囝?黎諾懿直言恨女:「好想生女,因為女實在太得意!」問他是否會再追?他說:「會呀!多多益善,下次希望生番個女湊成個好字,3個都OK,反正老婆冇乜嘢忙,可以全職生仔。」採訪:李察




來源: http://hk.apple.nextmedia.com/entertainment/art/20161112/19830781
黎諾 諾懿 老婆 雞仔 高潮 我想 想生 生女
PermaLink: https://articles.zkiz.com/?id=315222

「五億駙馬」結婚兩周年黎諾懿帶老婆去澳門慶祝

1 : GS(14)@2016-11-16 05:10:15

「五億駙馬」黎諾懿日前宣佈一索得男,仲拍咗條片話全香港人以為佢冇心冇力,o依家就成功一索得男喇,咁值得開心嘅一件事,當然要慶祝下啦,昨日佢就貼咗同老婆李潔瑩去澳門嘅相。首先,黎諾懿先貼出一張坐喺蝙蝠俠電單車上面嘅相,仲留言:「最接近神的男人+一個凡人=蝙蝠俠。」咁講係唔係要改做最接近蝙蝠俠嘅男人。至於點解同老婆去澳玩呢,原來係佢哋兩公婆嘅結婚兩周年。今次嘅澳門之旅,「五億駙馬」係有特喇嘅照顧,同埋應該係有贊助嘅,因為每貼一張相,黎諾懿都會多謝番個地方,有張睇完魔術表演之後,仲留言:「新濠影匯所有員工對我家皇后的特別照顧,多謝你們。」不過就冇講特喇照顧係咩。而酒店方面,都有為佢哋兩個嘅結婚兩周年做準備,整咗個2字同一大堆心心氣球佈置,真係好有心思,結婚兩周年都有咁嘅待遇,唔知第日生咗小朋友之後,啲待遇會唔會仲多呢?




來源: http://hk.apple.nextmedia.com/entertainment/art/20161114/19833328
五億 駙馬 結婚 兩周 周年 年黎 黎諾 諾懿 懿帶 老婆 澳門 慶祝
PermaLink: https://articles.zkiz.com/?id=315666

黎諾懿「五億駙馬」算得咩?吳家樂老婆係跨國集團太子女

1 : GS(14)@2016-11-26 13:51:07

嫁入豪門喺古代係唔少姑娘嘅夢想,去到o依家廿一世紀,講求男女平等,「千億駙馬」嘅例子比比皆是,而圈中都有唔少駙馬,而佢哋大部分都係大台出身,又或者直程係大台人。吳家樂今年44歲喺大台出身嘅吳家樂,多年嚟拍劇都係做配角,不過因為做主持,所以形象非常入屋。而喺2006年初同當時拍拖一年嘅女友其士集團太子女周蕙蕙結婚,去到年尾仲成功做人,生咗大女Nadia,而喺08年追仔成功,吳太仲幫老公誕下雙胞胎囝囝o添!陳子聰澳洲長大43歲嘅陳子聰,20歲嗰陣回流香港做兼職模特兒,當時仲被視為城中型男model之一,喺2003年佢仲同何超儀喺澳洲註冊結婚,結婚多年非常因愛,早前陳子聰因病入院暴瘦,而太太何超儀每日不辭勞苦去到醫院照顧老公。黎諾懿36歲嘅黎諾懿最近同老婆宣佈做人成功,喺2014年同07年落選港姐、家族經營美容生意嘅富家女女友李潔瑩結婚,當時被稱為「五億駙馬」,而佢哋婚後都好恩愛不時被影到拍拖行街,o依家仲得償所願陀住愛情結晶品。劉威煌《超級巨聲》出身37歲嘅劉威煌,09年加入大台,去年加入唱片公司,前年佢仲同女拍拖7年嘅女友Sandy(林佳琪)喺日本沖繩低調註冊結婚,原來劉太嘅家人大有來頭,於內地經營礦業生意,劉太30未出頭,已手持多個物業,名下有成5間公司,業務以貿易同投資為主。




來源: http://hk.apple.nextmedia.com/entertainment/art/20161126/19845942
黎諾 諾懿 五億 駙馬 算得 得咩 家樂 老婆 跨國 集團 太子
PermaLink: https://articles.zkiz.com/?id=317091

黎諾懿馬家一齊搵食

1 : GS(14)@2017-01-07 00:29:02

■丹爺、黎諾懿等馬家成員前日在將軍澳拍節目。



無綫處境劇《愛.回家之八時入席》今日播最後一集,而《愛.回家之開心速遞》將於下月底推出,一班演員包括劉丹、單立文和湯盈盈等昨日在電視城試造型,「馬家」似乎不可以再現螢幕一齊拍劇。不過前日本報發現馬家成員包括丹爺、黎諾懿、林漪娸、徐榮、蔣家旻和羅天宇等現身將軍澳新都城。黎諾懿回覆傳媒表示大家正拍節目,他說:「平時我哋會約食飯,不過呢次就係以馬家身份一齊做節目,形式類似之前《一屋老友記》去台灣做節目,今次就係我哋以馬家身份去捐窿捐罅去搵香港嘅好嘢食。」採訪、攝影:羅德光、朱志聰




來源: http://hk.apple.nextmedia.com/entertainment/art/20170106/19887709
黎諾 諾懿 馬家 一齊 搵食
PermaLink: https://articles.zkiz.com/?id=321637

【馮仁昭四圍超】黎諾懿老婆大肚升Cup

1 : GS(14)@2017-01-09 08:11:28

互聯網圖片





「5億駙馬」黎諾懿同有米老婆李潔瑩(Nicole)結婚兩年終於造人成功,Nicole?家大肚5個幾月,佢噚日仲喺Instagram貼咗張三點式泳衣相,見佢腹部微隆,上圍更加升晒cup,大騷深長事業線。呢排香港天氣乍暖還涼,估計佢哋兩公婆出埠旅行。諾懿亦有更新Ig留言:「陪皇后不停吃吃吃。」他回應本報時話:「同太太去曼谷休息幾日,佢冇游水呀,因為泰國都涼涼哋。」撰文:馮仁昭




來源: http://hk.apple.nextmedia.com/entertainment/art/20170109/19890609
馮仁 仁昭 四圍 黎諾 諾懿 老婆 大肚 Cup
PermaLink: https://articles.zkiz.com/?id=322034

黎諾懿拖大肚妻揀BB床

1 : GS(14)@2017-01-24 03:00:16

■黎諾懿表示陪大肚老婆Nicole睇完醫生,順便揀BB用品。





黎諾懿去年宣佈老婆李潔瑩(Nicole)有喜後,現時Nicole已有6個月身孕,前日兩公婆現身中環太子大廈,穿鬆身衞衣的Nicole挺着大肚,行動卻輕盈,二人去了Mothercare看嬰兒物品,最初揀BB床,之後轉睇衫仔和BB車。
Nicole細心研究BB衫質地,黎諾懿就負責睇BB車,但兩人看了一輪還是空手而回。離開前他們發現有傳媒影相,大方點頭微笑,黎諾懿表示:「今日太太唔係好舒服,所以陪佢嚟睇中醫,睇完順便睇吓啲BB嘢,準備定啲用品。」採訪、攝影:吳耀輝




來源: http://hk.apple.nextmedia.com/entertainment/art/20170123/19905649
黎諾 諾懿 懿拖 大肚 妻揀 BB
PermaLink: https://articles.zkiz.com/?id=323819

黎諾懿B仔叫小春雞

1 : GS(14)@2017-01-26 18:22:15

麥玲玲日前幫林作擺陣,前日與黎諾懿在太古城出席活動時,替現場觀眾看流年,大受歡迎。即將為人父的黎諾懿透露已想好囝囝乳名,因為屬雞配合春天出世,所以叫「小春雞」,他說:「希望佢靚仔,第時唔似我都似我媽咪,都擔心會集合晒我哋兩公婆唔好嘅地方。」黎諾懿下月會到台灣和日本拍外景,原本太太想跟去日本,但因為接近預產期,所以未能同行。一直恨女的他表示下一胎會配合八字跟方位,又會照足薛家燕的秘方:「佢識好多呢啲嘢,例如朝早『行埋』就會生仔,太太體溫高0.5度嗰陣就最有機會懷孕!」採訪、攝影:黃曉妍




來源: http://hk.apple.nextmedia.com/entertainment/art/20170126/19908613
黎諾 諾懿 仔叫 小春
PermaLink: https://articles.zkiz.com/?id=324280

黎諾懿等BB出世心情一流

1 : GS(14)@2017-02-09 23:44:17

■黎諾懿待4月中完成外景拍攝後,隨時準備迎接BB「小春雞」出世。



黎諾懿的太太預產期是4月,昨日他在將軍澳出席節目《馬家開飯》記者會時,提到即將出世的「小春雞」:「心情一流,太太冇嘔,冇乜嘢特別唔舒服,?家七個幾月,係胃頂住同尿頻,預產期仲有兩個月。」問到會否減少工作,他說:「盡量喺4月16號之前清晒啲工作,會去台灣同日本,要完成外景,隨時準備小春雞出世,太太暫時想順產,我哋都希望順產。」另外,被拍到跟湯洛雯在山頂食飯的羅天宇,再一次否認拍拖,他說:「咁啱同朋友上去食飯,有其他人。我哋係好好好朋友。」問他是否單身:「係呀!」會否有發展機會?「對佢印象幾好,唔知有冇機會,睇吓將來點。」至於其擇偶條件呢?他說:「鍾意小動物,要孝順、溫柔同有愛心。」撰文:非非




來源: http://hk.apple.nextmedia.com/entertainment/art/20170209/19922073
黎諾 諾懿 懿等 BB 出世 心情 一流
PermaLink: https://articles.zkiz.com/?id=326131

【馮仁昭四圍超】黎諾懿復活節迎B仔

1 : GS(14)@2017-03-04 00:34:52

黎諾懿前年「1111」光棍節迎娶家族擁5億身家、曾參選07年港姐嘅李潔瑩,早前佢宣佈同老婆造人成功,「小春雞」預產期喺下月16號。



黎諾懿

距離囝囝出世仲有個幾月,黎諾懿噚日喺社交網上載短片,將鏡頭影住老婆個肚,話要畀大家睇囝囝個樣,原來只係一張超聲波相,之後佢就笑住話囝囝復活節出世,可能係傳說中嘅神之子。撰文:馮仁昭




來源: http://hk.apple.nextmedia.com/entertainment/art/20170303/19945358
馮仁 仁昭 四圍 黎諾 諾懿 復活節 復活
PermaLink: https://articles.zkiz.com/?id=327625

黎諾懿攬實護大肚妻

1 : GS(14)@2017-03-22 00:31:32

■黎諾懿對陀B太太呵護備至,購物時有商有量。



黎諾懿的太太李潔瑩(Nicole)懷有男嬰,下月預產期,日前夫婦二人現身銅鑼灣吃飯購物,黎諾懿全程攬實太太,二人去到一個賣摩洛哥堅果油的櫃位,研究一輪後買了幾支。昨日黎諾懿在Instagram貼上和太太舉行迎嬰派對的相,二人手持小雞公仔,現場更佈滿藍色氣球。




來源: http://hk.apple.nextmedia.com/entertainment/art/20170320/19963466
黎諾 諾懿 懿攬 攬實 實護 大肚
PermaLink: https://articles.zkiz.com/?id=328096

大台改革《馬家開飯》黎諾懿硬接棒做廚神

1 : GS(14)@2017-03-22 00:31:32

奇妙電視宣佈5月開台,邀請了杜汶澤主持烹飪節目,無綫為留住廣告客戶,亦找黎諾懿拍飲食節目《馬家開飯》,但其實他要陪太太待產,本身請了假,卻要加班開工。他昨日回應傳聞被迫接拍該節目時說:「咁我都鍾意煮嘢食,唔出埠同接簡單啲嘅工作,都OK嘅!」採訪、攝影:朱志聰




來源: http://hk.apple.nextmedia.com/entertainment/art/20170320/19964087
大臺 改革 馬家 開飯 黎諾 諾懿 懿硬 接棒 做廚 廚神
PermaLink: https://articles.zkiz.com/?id=328098

老婆嘆完雪糕生黎諾懿抱6磅仔「樣似我」

1 : GS(14)@2017-04-12 22:42:37

■黎諾懿昨陪老婆入產房,剖腹誕下逾6磅重「小春雞」,母子平安。



現年36歲黎諾懿大前年光棍節迎娶家族坐擁5億身家、曾參選07年港姐的李潔瑩(Nicole),「五億駙馬」黎諾懿昨日再升呢做爹哋,老婆Nicole為他剖腹誕下6.6磅重男嬰,母子平安。



■Nicole產前一日住院,輕鬆嘆雪糕。微博圖片

■小春雞輪廓分明,黎諾懿覺得似自己。

■黎諾懿14年娶有米Nicole為妻,去年造人成功。資料圖片


感謝老婆辛苦

黎諾懿夫妻去年造人成功,他們更為囝囝改花名「小春雞」,Nicole的預產期在本月中,不過「小春雞」急不及待昨日出來一家團聚。黎諾懿昨日陪老婆入產房,更把全家福靚相貼Instagram分享,他留言:「神之子——小春雞正式降臨人間。」剛生完囝囝的Nicole精神很好,擁子入懷一臉幸福,黎諾懿公開答謝Nicole:「老婆辛苦你。」其後還上載產前產後直擊老婆的短片,黎諾懿先拍了前日Nicole產前嘆雪糕,跟着餓着待產,他則向鏡頭訴說緊張心情,轉眼就見「小春雞」出世了,他眼仔睩睩萌爆。


「第一胎想順產」

一索得男的黎諾懿昨接受傳媒訪問時說:「老婆本來堅持順產生,但周五突然覺得少少唔舒服,感覺同平時唔同,所以即刻搵醫生檢查,醫生話老婆就生得,但BB頭未入產道,建議開刀生。老婆第一胎好想順產,但早兩星期BB仲未調頭,都估到有機會開刀,前幾日醫生話如果堅持都尊重,但可能會生得辛苦,所以最後決定開刀。」問到黎諾懿可有剪臍帶?他說:「有入產房,但係冇剪臍帶,因為怕血淋淋感覺,同埋怕自己整親佢哋,所以都係交番畀專業人士做。」到底覺得「小春雞」最似誰?他說:「親友話囝囝似老婆,但我就覺得似自己。」採訪:小米




來源: http://hk.apple.nextmedia.com/entertainment/art/20170411/19986251
老婆 嘆完 雪糕 生黎 黎諾 諾懿 懿抱 磅仔 樣似 似我
PermaLink: https://articles.zkiz.com/?id=330140

張嘉兒帶女探黎諾懿B仔「小春雞」一出世被靚女圍

1 : GS(14)@2017-04-13 00:24:00

■張嘉兒(右二)昨日帶同女兒與岑杏賢到醫院探黎諾懿的「小春雞」。微博圖片



5億女婿黎諾懿前日就榮升做老竇,老婆李潔瑩(Nicole)提早生咗6.6磅嘅「小春雞」,黎諾懿接受傳媒訪問時就話覺得囝囝個樣似老婆Nicole多啲,不過唔緊要啦,最重要係BB能夠快高長大,健康成長。昨日黎諾懿嘅好朋友張嘉兒同岑杏賢就約埋一齊去探「小春雞」,去年做咗人母嘅張嘉兒仲帶埋半歲嘅囡囡Leora睇BB,睇到剛出世嘅「小春雞」,就好感觸咁話:「見番一日大嘅BB感覺好感動,好有感觸。恭喜晒神之馬壯同Nicole嘅小春雞,希望佢快高長大,健康快樂同埋愛回家。」​見到張嘉兒同岑杏賢亦母愛大發咁抱住小春雞添!而初為人父嘅黎諾懿,昨日凌晨就喺微博上載咗一段小春雞嘅短片,片中見到小春雞嘅喊聲好響亮,仲留言話:「小春雞降臨世上的第一天」,再貼咗好多隻雞仔貼圖。




來源: http://hk.apple.nextmedia.com/entertainment/art/20170412/19987644
張嘉 嘉兒 兒帶 帶女 女探 探黎 黎諾 諾懿 小春 出世 靚女
PermaLink: https://articles.zkiz.com/?id=330273

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019