ZKIZ Archives


發訊息再請飲鍾鎮濤范姜君悅擺酒

1 : GS(14)@2015-05-14 12:21:34

2015-05-04 NM

鍾鎮濤與范姜去年八月在印尼峇里島舉行百萬婚禮,過百好友講心唔講金,自費越洋到賀;但原來仲有下文,為感謝范姜多年來無名無分的付出,B哥已定於本月廿二日在灣仔君悅酒店補擺喜酒,再慶多鑊!堂而皇之收多次人情,鍾鎮濤和范姜沒有發帖,只透過訊息,通知各友好,刻意低調。嘉玲偉仔補番數

陪住鍾鎮濤度過人生谷底的范姜,去年終於得到一個正式名分,過百好友自費飛到峇里,見證十七年情進入另一階段。「上次大家基本消費都過二萬蚊,但難得咁齊人,成班朋友當去旅行玩三、四日,可惜係偉仔同嘉玲唔到,阿B同范姜都失望o架!冇所謂啦,緊廿二號(下星期五)都擺酒啦,嘉玲同偉仔已經答應會,不過峇里轉已經俾人情,而家再多round,都唔知係咁意定再重手好。」其中一個獲邀出席婚宴的友 人說。

向老人家交代

鍾鎮濤與范姜將於今個月二十二日在灣仔君悅酒店補擺酒,預計四十圍以上,不過一對「舊人」好低調,未有發喜帖。「上次峇里全部都係朋友,雙方家長都冇參與,今次補擺酒,其中一個原因都係俾老人家一個交代;加上阿B覺得范姜同自己咁多年都無計較過,真係想搞個傳統婚宴俾老婆,係一份心意。君悅個ballroom都算大,就算計埋live band同跳舞位,都可以擺到差不多四十圍。總之除峇里原班人馬,仲請好多親朋戚友,但佢冇派帖,只係打電話同WhatsApp通知確認。」星期日(五月十日),鍾鎮濤拉埋兒子鍾嘉浚,女兒嘉晴、鍾懿和鍾幗,到中環Cova為范姜慶祝母親節,對於今個月二十二日補擺酒,阿B說:「係呀係呀,唔講喇!私人時間私人事唔想講太多。」

賺硬

婚宴統籌機構「OiKa愛家」,以各大酒店婚宴菜單最基本菜式價錢,包括加一及基本酒水,正價和週末價的程式,整合出一份「人情打和價」,主人家想知道擺酒賺定蝕,參考下列例子,便可略知一二。

分段收費

無論因為時間關係,抑或刻意安排,圈中人結婚,流行分段進行,人情,隨時雙計!梁烈唯與拍拖十一年的女友Tina在去年元旦一月一日註冊結婚,因場地有限,當日只招待雙方家人及至親好友;朋友多的梁烈唯已定了本月二十九日假洲際酒店,擺多次酒,筵開五十圍,廣宴親朋。

鄭希怡13年11月,Yumiko和化妝師男友梁學儲在蘇梅島舉行pre-wedding party,80親友嘉賓出席,當中包括徐濠縈、陳小春、應采兒、黃伊汶、陳國坤等圈中好友,賓客自費機票,食宿則由一對新人負責。去年9月,二人再於港島海逸君綽補擺喜酒兼註冊,筵開三十圍。
訊息 再請 請飲 飲鍾 鍾鎮 鎮濤 濤範 範姜 君悅 擺酒
PermaLink: https://articles.zkiz.com/?id=290327

輪住擺酒 基仔光棍節請飲

1 : GS(14)@2015-08-12 08:36:46

■基仔與Lorraine將於四季酒店補擺喜酒,據知邀請的圈中嘉賓陣容強大。資料圖片


下周二(18日)踏入43歲的古巨基,於去年7月12日在拉斯維加斯跟助手陳英雪註冊,結束20年愛情長跑,婚後一年的基仔,終擇好日今年11月11日光棍節在中環四季酒店補擺喜酒,採西式自助餐雞尾酒會形式舉行,據知,基仔將廣邀星級好友出席盡興,包括劉翔、傅明憲、倪震和周慧敏夫婦,還有當年同列無綫五虎的古天樂、吳家樂,合拍內地劇《情深深雨濛濛》的趙薇、林心如、蘇有朋,當然少不了同屬英皇的容祖兒、謝霆鋒、林峯,場面肯定盛大過頒獎禮。



■基仔昨日受訪時表示會為老婆設計婚紗,並取笑老婆肥。資料圖片

■怕醜的古太昨戴了基仔的面具遮樣,十分搞笑。微博圖片



基仔親設計婚紗

基仔昨接受本報電話訪問時說:「唔係特登揀光棍節擺酒,因為嗰日係好日,又咁啱得嗰日book到酒店場地。」他承認會廣邀各地好友出席,問預計花費多少錢?他說:「要埋單先知,因為而家仲諗緊場地佈置,我都會參與設計,包括場地佈置、邀請卡、餅卡。」基仔更大爆會親自為老婆設計婚紗:「甚至乎古太套婚紗,我都會參與設計。」問婚紗款式是否要封胸?基仔笑說:「如果古太減肥減得切,咪設計得性感啲,如果減肥減唔切,咪多布啲囉。我自己嗰套,就睇吓夠唔夠時間,梗係整老婆嗰套緊要過整自己嗰套。」基仔講完都頂自己唔順,怪叫:「嗚呀!好肉麻呀!」至於婚宴以雞尾酒會形式,基仔說:「想從簡啲,我同古太好怕大龍鳳。」當日會否唱情歌冧老婆?基仔說:「最近出咗隻碟,裏面主打歌送畀老婆,至於到時唱唔唱,睇吓度咗rundown未囉,歌名咪《找到你是我最偉大的成功》。」採訪:鍾國仁、皓騫





來源: http://hk.apple.nextmedia.com/entertainment/art/20150812/19252119
輪住 住擺 擺酒 基仔 光棍 節請 請飲
PermaLink: https://articles.zkiz.com/?id=291994

白色恐怖?fb撐梁天琦被廉署請飲咖啡

1 : GS(14)@2016-05-21 19:01:04

今年2月新東補選期間,有女網民在facebook轉發支持本土派候選人梁天琦的信息,動員好友投票,遭廉政公署懷疑涉違反《選舉(舞弊及非法行為)條例》,被邀協助調查。有網民質疑廉署此舉是要打擊支持本土派人士,殺一儆百。涉案女網民接受本報查詢時表示不便評論事件。廉署回應稱不會評論個別個案。據悉,涉案女網民早前在新東立法會補選期間,曾在facebook呼籲朋友投票予梁天琦,廉署懷疑她涉收受利益,有違反《選舉(舞弊及非法行為)條例》之嫌,要求她協助調查。據了解,涉案女網民並不認識梁天琦,「佢只係純粹幫心儀候選人」。有知悉事件的網民質疑為何在facebook支持及呼籲其他人士支持某個候選人會觸犯法例,質疑廉署是要打擊支持本土派人士,殺一儆百。選管會主席馮驊早前表示,市民可在網上發表個人意見評論候選人,但若網民未經候選人授權,自發在網上呼籲投某一候選人,有機會變成選舉廣告,或會誤墮法網。公民黨立法會議員楊岳橋不評論個別個案,但就選管會網上宣傳指引,他批評規範太瑣碎,網民分享支持候選人的言論,難界定是評論或表態,「評論同表態只係一線之差,如果太模糊,本身就係對法律最大嘅唔尊重」。另有法律界人士指出,若網民只是一廂情願在網上為心儀候選人「講幾句好話就跌落法網」,對網民及候選人不公平,「你喺網上講一句,點樣計選舉經費?」記者謝明明





來源: http://hk.apple.nextmedia.com/news/art/20160521/19621686
白色 恐怖 fb 梁天 琦被 被廉 廉署 署請 請飲 咖啡
PermaLink: https://articles.zkiz.com/?id=300925


ZKIZ Archives @ 2019