ZKIZ Archives


闖中東戰地余詠珊千萬保愛將

2012-9-13  NM



自從余詠珊空降無綫,成為非戲劇 製作總監,有傳佢偏心一班有線舊愛將,黃翠如孭飛做女主角,新加入無綫,主力做旅遊節目的洪永城,新工上任馬上被委以重任,拉隊遠赴伊拉克、伊朗、黎巴嫩 等中東戰亂地區,拍攝無綫重頭製作《走過烽火大地》,為保愛將命仔,無綫改慳儉作風買重千萬保險,錫到出晒面。被拒簽證

由有線跳槽到Now,洪永城一直主力做旅遊節目,到處飲飲食食歎世界,今次過檔無綫,工作性質雷同,但生命隨時有危險。

洪永城等一行七人,早前深入伊拉克、伊朗、車臣、黎巴嫩等時局最動盪的地區拍攝重頭特輯《走過烽火大地》。全部人毫無戰地採訪經驗,雖然所到之處跟激戰地區有段距離,但無綫為安全計,事前做足多方面功夫。

「Sandy(無綫非戲劇科製作總監余詠珊)唔想攞同事條命較飛,事前幫佢哋買咗過千萬保險,臨出發前仲再三同洪永城佢哋講,任何人心有疑慮或者擔心,都可以即時退出,公司唔會責怪。」

公司力撐,但未出發已經遇到難關:「本來喺北京嘅伊拉克、伊朗大使館申請入境簽證,點知聽到我哋話入去拍嘢,即刻講『你們不要命嗎?』,結果全部唔批,惟有先到土耳其見步行步,逐個地點申請。」無綫工作人員說。

另外公司特別請來當地的庫爾德人做嚮導,庫爾德族散居中東,熟悉各地情況,亦協助他們疏通各地關口,四十天的拍攝行程,總算有驚無險。

大炮瞄準

沿途經常碰見坦克車巡邏,遇上手持重型機槍軍人上車檢查,不時周遊列國的洪永城,亦難免心驚膽顫。「有次直頭有架坦克車,突然將支大炮指向我哋,嗰刻心裡 面真係好驚。」洪永城說。洪永城抵達黎巴嫰時,正值鄰國敍利亞戰況最激烈之際,申請進入阿富汗的計劃,亦因時局問題,簽證被拒而作罷。余詠珊空降無綫做非 戲劇科製作總監以來,動作多多,今年一人一票選港姐鬧得滿城風雨,雖然未能省靚招牌,殼王陳國強依然繼續力撐,「班老細有搞作總好過冇搞作,總比六嬸時代 有作為得多,依家係改革時代,錯漏總有,所以Sandy咁夠薑,年底普選視帝視后,希望再炒熱話題。」知情人士說。

自己友多着數

自從余詠珊重返無綫後,她在有線娛樂新聞台一手發掘的幾個主播,包括洪永城、陸浩明以及黃翠如都跟隨舊老闆過檔無綫,有舊老闆撐住,黃翠如先行爬過一班 二、三線姐仔頭,孭重飛在新劇《心路GPS》擔正,跟上位陳展鵬做情侶,有迷你版吳大維之稱的洪永城,亦在台慶月推出的重頭旅遊節目《走過烽火大地》做主 持,至於近月才加盟的陸浩明,據知亦已有job在手,安排主持旅遊特輯。

差天共地

無綫罕有地幫出埠藝人買千萬重保,多得余詠珊錫住自己友,其實早年無綫藝人外地工作遇意外,公司一直闊佬懶理,待遇差天共地。

陳美詩朱慧敏陳美詩跟朱慧敏等人去年被派到日本沖繩拍自駕遊特輯,其間發生車禍,全車人險送命,無綫卻堅持繼續拍攝,陳美詩男友孫耀威獲悉後,在微博踢爆事件,二人才獲安排返香港,高層樂易玲交足戲到機場接機,並陪同二人到醫院檢查。

王喜08年王喜代表無綫直擊奧運聖火傳遞過程,在攀上西藏珠穆朗瑪峰時兩度出現高山症,送院途中更遇上車禍墮湖,不得不回港診治,但無綫未有派人接機,王喜要自行到醫院檢查。

中東 戰地 余詠 詠珊 珊千 千萬 萬保 愛將
PermaLink: https://articles.zkiz.com/?id=37305

你死我活 余詠珊攔截 阿叻失殼拖數60萬

2014-01-23  NM

最近有消息指阿叻陳百祥旗下的潮藝娛樂因拖欠得力助手兼公司行政總監簡文滌六十多萬,導致對方帶埋狄易達及蔚雨芯離職,另投新公司。據了解,原來阿叻一度打殼王主意,企圖撮合潮藝娛樂與無綫合作成立唱片部,可惜棋差一着,被余詠珊捷足先登,薦了自己的老公何哲圖做無綫唱片部話事人。阿叻衰咗,冇得認叻!墊支周轉

殼王陳國強入主無綫後,福祿壽(曾志偉、陳百祥、譚詠麟)一直從後做軍師,連帶阿叻旗下潮藝娛樂的藝人狄易達、JJ賈曉晨等曝光機會大增。當外間以為阿叻有殼王射住,近日卻爆出潮藝於過去一年多資金緊絀,搞到公司行政總監簡文滌長期為旗下藝人墊支,至今仍有超過六十萬未收得番。公司缺錢,文滌雖已決定帶埋約滿的狄易達和蔚雨芯一齊轉投有澳門資金的新公司,但仍出口力撐阿叻:「欠錢唔關佢事!」並強調阿叻是自己的大恩人。據了解,身為潮藝老闆之一的阿叻,一年前因為其他股東不肯再泵水投資,令公司周轉不靈,當時阿叻曾有意打老友殼王主意。「無綫一路想set up唱片部,阿叻同殼王傾過,話可以將潮藝娛樂同無綫合併成立一間星潮藝娛樂,仲薦埋文滌入去做行政總裁;但阿叻都未同殼王傾掂,Sandy(余詠珊)已經插手,仲薦咗佢老公Herman入去無綫睇音樂部門。」知情者說。

跟出跟入

代何麗全打骰綜藝科的余詠珊,上場後不下一次孭晒鑊,又借自己勢力捧老公的星煥國際藝人,公器私用,偏偏擦得掂老細,令同樣遇上資金問題的何哲圖入到無綫,做唱片部「星夢娛樂」行政總裁。「Sandy擦得殼王好掂,加上志偉又睇佢,佢成日有機會跟住殼王坐私人飛機出去做嘢,近水樓台,阿叻都冇佢咁貼身!」對阿叻曾推薦入無綫一事,文滌回應避忌。「我跟咗叻哥十三年,佢一路都好幫我,佢叫我去邊我都會去,但呢件事(入無綫)我無聽佢講過!就算係,依家無綫咁多人,你叫我玩政治我唔識,我都未必做得嚟!」

親疏有別

大公司權力遊戲,唔係你死就我亡,實力和牙力亦不一定成正比,雖然阿叻同陳國強曾合作做生意,但比起埋身幫殼王打仗兼識擦的余詠珊,始終較離身。埋身實戰余詠珊做過無綫,又去過亞視、有線電視,是資深電視人;12年經曾志偉介紹認識殼王後,回巢無綫擔任綜藝科總監,去年再薦老公何哲圖入無綫成立「星夢娛樂」,兩公婆打橫行。

財技拍檔陳百祥曾與志偉阿倫合資創立Star East捧新人,包括陳文媛、李蘢怡、EO2等,Star East上市後賣盤易手,阿叻再與殼王、張承勷、曾志偉、王晶等,集資組成「漢傳媒集團」,之後「漢傳媒」多次易主並改名「潮藝娛樂」,而殼王、王晶、志偉等亦先後唔玩,現時「潮藝娛樂」旗下藝人只有狄易達、蔚雨芯及浸大Carol。
你死 死我 我活 余詠 詠珊 攔截 阿叻 叻失 失殼 殼拖 拖數 60
PermaLink: https://articles.zkiz.com/?id=89775

瓜田李下獻計裁員節目外判余詠珊擁製作公司佔大股


2014-10-02  NM  
 

 

半年有七億利潤的無綫,日前突然向五十名幕後員工派大信封,冷血舉動連buddy曾志偉都睇唔過眼,以行動響應上星期四(九月二十五日)舉行的「黑衣行動」,抗議大台裁員。

今次大台向綜藝科落刀,原來是殼王陳國強親信余詠珊獻計,之所以在自己話事的山頭放火,一來減少人手有助節省公司成本開支,但更重要是將來大條道理,將節目外判!

據資料顯示,余詠珊與老公何哲圖(原名何明仁)咁啱亦聯名擁有一間製作公司……自保支持炒人

掌管大台綜藝科的余詠珊,上場後大台綜藝節目收視愈跌愈勁外,今年斥資四億買入世界盃播映權,但節目收視平均只有約六點,初步估計蝕近億元,重災區,余詠珊要急補鑊。

「啲高層嘈得好緊要,開會商量cut budget,Sandy(余詠珊)就即刻舉手,主動話綜藝科可以削減人手,仲建議將啲節目外判俾出面製作公司做,咁做可以養少好多人,啲節目亦有可能會比自己製作有新鮮感。啲高層聽見話慳到錢就支持,立即放晒手叫Sandy搞!」一名工作人員說。

余詠珊將節目外判,其實早有先例,例如旅遊節目《走過浮華大地》,主持洪永城、黃翠如是自己友外,負責製作的公司,同樣是她在有線合作過的班底。節目製作外判的做法將會愈來愈多。

不避嫌開製作公司

根據公司註冊處資料顯示,余詠珊與老公何哲圖(原名何明仁)在外擁有一間「威德製作有限公司」,當中余詠珊佔9,999股份,而何哲圖只佔一股;以余詠珊是操控大台綜藝節目的話事人,背後卻有一間製作公司,瓜田李下,難免會令人覺得有利益衝突。至於響應「黑衣行動」的曾志偉之所以高調反大台,除了認為無綫炒人不近人情,余詠珊也是導火線。「Sandy係志偉一手薦入公司,但佢話事之後,連志偉都唔俾面,加上今次炒人有針對性,Sandy掃走晒啲舊人,淨係留番自己啲愛將喺度,志偉同佢已經擘晒面,所以更加戥班舊人唔抵,一收到風話大炒人,志偉就吹雞叫晒六樓製作部啲同事食飯,睇吓有乜嘢可以幫到大家。」知情者說。

仇口多

余詠珊12年回巢無綫後,因為持有殼王撐,橫行無忌,動作多多的她,不斷借改革招攬有線愛將過檔,甚至踩過界企圖插手藝人戲劇部,無論對外對內,均惹下不少火頭。

黃柏高愛益自己友的余詠珊,一直被指偏袒老公何哲圖旗下歌手藝人,去年因為突然抽走黃柏高太陽娛樂旗下歌手演出,加上Paco重金撬走何哲圖星煥旗下歌手許廷鏗,令二人不和升級。

曾志偉由Stareast年代已合作的余詠珊與曾志偉,去年因為港姐大改革發生分歧,做了港姐司儀21年的志偉,反對泳裝環節事先錄影,但余詠珊執意堅持,其後志偉監製劇集《女人俱樂部》,余詠珊不單意見多多,還要安插自己愛將入組,令志偉大感不滿。

樂易玲負責綜藝科的余詠珊,經常踩過界,強權硬捧有線舊親信如黃翠如、洪永城,甚至插手經理人部門,當話事人樂易玲冇到,余詠珊有殼王和李寶安力撐,失勢樂易玲唯有忍。

曾勵珍無綫斥巨資4億購入今年的世界盃播映權後,余詠珊即向戲劇組高層曾勵珍入手,要對方放港姐陳凱琳和蔡思貝出場做世界盃節目,近日更變本加厲,想插手戲劇組製作侵佔山頭,被踩到上鼻的珍姐即時做嘢,全面封殺有線過檔藝人,打殘余詠珊的愛將。

星夢幫無綫《星夢傳奇》將一班四、五線藝人打造成歌手,成功吸引客戶搵「星夢幫」出活動,但余詠珊卻以「專心比賽」為由,拒讓「星夢幫」出外接job,鄭俊弘、羅鈞滿、姚兵等有錢冇得搵,怨聲載道。

張智霖在去年台慶大熱倒灶失落視帝的張智霖,當眾發表「義氣仔女論」,句句有骨,矛頭直指余詠珊。

 
瓜田 李下 獻計 裁員 節目 外判 判余 余詠 詠珊 珊擁 製作 公司 佔大 大股
PermaLink: https://articles.zkiz.com/?id=113744

Mark諷無綫唔珍惜鏟平《放學ICU》 余詠珊愛將接棒

1 : GS(14)@2015-01-05 09:04:20





■《放學ICU》於今個星期五播放最後一集。電視圖片


叮噹御用配音員林保全突然離世,不少網民也很傷感,更有網友指是一個時代的終結;但其實要結束的,還有陪伴小朋友10年光景的無綫兒童節目《放學ICU》,該節目將於本周五(9日)播映最後一集。去年4月,譚玉瑛被調離兒童組已是先兆,至9月無綫再以市道差及廣告收入不佳為由,裁減4個部門共50個職位,當中兒童組成重災區,據聞只炒剩一人,《放學ICU》老臣子監製曾廣平亦被迫提早退休,全部換上老闆頭馬余詠珊的新班底。接棒推出的新兒童節目是《Think Big天地》,將由每周一至五加碼至周六也播映,據聞形式與收費兒童台的《猩猩補習班》相近,每集用不同主題去教小朋友學習英語及生活常識,就連新主持亦是由《猩猩》現有主持林希靈和黃愷怡過廠負責,有換湯不換藥之嫌,還有余詠珊愛將余德丞一起參與。



■收費兒童台的《猩猩補習班》主持黃愷怡(左)和林希靈將接棒新兒童節目。電視圖片

余詠珊



舊主持未有着落

所謂一代新人換舊人,被迫落場、在《放學ICU》主持《Mark Up Your English》環節3年半的鄭欣宜舊愛Mark Ryan,昨在電話中感嘆謂:「我都好突然,一個月前有人通知唔使做。新節目要換新主持無可厚非,但《放學ICU》做咗咁多年亦深入民心,其實無綫都應該好好珍惜吓自己創造出嚟嘅角色。」他直言自己算好彩,因為環節內容全由自己撰寫:「最後一集我可以同觀眾講拜拜,但其他主持人同節目中嘅小朋友就冇呢個表達機會。」


■Mark直言無綫應該珍惜自己所創造的角色。互聯網圖片


據聞舊主持仍未獲派新工作,主持《放學ICU》5年的吳綺珊說:「可能拍劇,等公司安排。」另一主持鄧永健則說:「都係等公司安排啦,我一直都兼拍劇,但暫時就未有。」一班主持感情深厚,去年冬至錄影最後一集時,已離開的譚玉瑛亦有回廠與大家開歡送派對。採訪:嵐山、魯吉、唐如



【話你知】歷代兒童節目



76年至82年(6年)

《跳飛機》主持:黃汝燊、嚴秋華、王愛明等



82年至89年(7年)

《430穿梭機》主持:譚玉瑛、黎芷珊、梁朝偉、周星馳、鄭伊健等



89年至99年(10年)

《閃電傳真機》主持:譚玉瑛、麥長青、朱茵、黃智賢等



00年至04年(4年)

《至Net小人類》主持:譚玉瑛、蓋世寶、唐韋琪等



05年至15年(10年)

《放學ICU》主持:譚玉瑛、蓋世寶、鄧永健、司徒瑞祈、吳綺珊等





來源: http://hk.apple.nextmedia.com/entertainment/art/20150105/18991362
Mark 諷無 珍惜 鏟平 放學 ICU 余詠 詠珊 愛將 接棒
PermaLink: https://articles.zkiz.com/?id=286962

甄詠珊盼做猴年新娘

1 : GS(14)@2016-02-10 14:19:20

甄詠珊與師弟安俊豪日前到旺角花墟買年花,屬猴的甄詠珊今年是本命年,她希望新年覓得真桃花,做猴年新娘。她透露每年指定新年習俗是買新衫:「過年一定要着紅色新衫,同埋媽咪話一定要丟啲舊嘢,所以會儲定啲衫,去舊迎新。」問她會否順便棄不適合的男友?甄詠珊笑稱:「都會㗎,新年要新開始嘛,如果我睇安俊豪唔順眼換埋佢,哈哈。」安俊豪最愛到花市掃平貨:「最鍾意花市最後嗰日凌晨行,同朋友去買吓嘢,我仲會派利是㖭。」採訪:盧妹 攝影:陳慧安場地提供:華景園藝





來源: http://hk.apple.nextmedia.com/entertainment/art/20160210/19485274
甄詠 詠珊 珊盼 盼做 猴年 新娘
PermaLink: https://articles.zkiz.com/?id=295735

試揸的士搵食甄詠珊:多勞多得!

1 : GS(14)@2016-04-15 04:29:05

2016-04-14 NM

前女子組合Freeze成員甄詠珊10年離隊轉投亞視,更拆彈由D cup還原B cup。之後傳出婚訊,但臨門撻Q的她,日前卻被發現揸的士,素顏開工入型入格,由導彈變身的士司機的甄詠珊坦言,揸車搵食,多勞多得!撞車留陰影

最近甄詠珊以歌手身份再戰娛圈錄歌出碟,又遠赴韓國接受跳舞唱歌訓練兼客串劇集,還有將公演的舞台劇《借用下一世的男朋友》,幾路出發。上星期,剛由韓國集訓返港的甄詠珊,出現觀塘碼頭,著住一身便服的她,在碼頭附近跟一名中年男子在的士旁密密斟;之後更打開車頭蓋研究。兩人傾了約十分鐘,之後甄詠珊便坐上司機位,校好後鏡開車走人。當時的士冚了旗,並冇準備載客。「其實自從前年佢喺交通燈位俾人撞,到而家都有陰影,每次見到由黃燈變紅燈,成個人會怯一怯,更加唔可以揸得快。」知情者說。

全程龜速

一四年撞過車留有陰影的她,當日揸住冚旗的士全程龜速,由觀塘碼頭到啟德郵輪碼頭短短路程,足足花了十五分鐘,極之安全。到達郵輪碼頭後,甄詠珊落車同中年男子調換位置,做乘客直出旺角睇 中醫。對於是否轉行揸的士,甄詠珊未有否認,「揸的士唔差呀!最緊要服務態度好,多勞多得。(咁究竟係咪轉行呢?)總之有新搞作再話你哋知。」

的士族

娛圈有藝人間唔中就會話自己撈唔掂,要走去揸的士,但十居其九都係得個講字,例如方大同和出身無綫的陳凱怡,就係其中代表。

方大同去年6月,方大同揸的士載客的一段短片被放上網,隨即引來網民關注,指做歌手收入少要揸的士幫補,其後方大同被踢爆揸的士攞靈感,兼為演唱會《音樂很窮》造勢。

陳凱怡前大台陳凱怡(改名陳思齊)在公司一直坐冷板櫈,試過因為做唔夠騷,被要求還半年騷錢外,又被高層揶揄叫她揸夜更的士幫補生計,不過陳凱怡話自己唔識路,唔會做到的士司機。

撰文、攝影、攝錄:娛樂組
的士 搵食 食甄 甄詠 詠珊 多勞 多得
PermaLink: https://articles.zkiz.com/?id=299263

明剃梅小青眼眉余詠珊攔路截劫陳法拉

1 : GS(14)@2016-08-03 02:43:08

2016-07-28 NM

離開大台返美國進修演技的陳法拉,近日回流同男神黃子華合作舞台劇《前度》叫好叫座,三十五場爆晒,唔講得笑。瘦田冇人耕,耕開有人爭!金牌監製梅小青劉家豪夫婦檔升職榮歸大台後,打算原班人馬包括陳法拉開拍《溏心風暴3》;點知余詠珊聯同愛將杜之克刻意攔路,插入約陳法拉在電視城canteen見面,游說對方拍《使徒行者2》,公開向對方「落訂」,明剃眼眉。子華欽點即升呢

一三年陳法拉回復自由身時,曾開出再拍劇的條件,「工作想要新挑戰!」之後與陳慧琳經理人鍾珍嘗試短期合作,接拍強國劇《風中奇緣》,又做了一堆樓盤商演等。賺了大嚿人仔後,有腦法拉立即嗌停,並重返校園,報讀紐約茱莉亞學院為期四年的戲劇碩士課程,放眼世界。直至被男神黃子華點燈,才回流返港演出舞台劇《前度》。出去走了一轉,陳法拉即時升呢成為搶手貨,包括回巢另起山頭的梅小青劉家豪兩公婆,亦睇住法拉嚟食。回歸響朵作,梅小青決定開拍《溏心風暴3》,其中一角屬意當年在《溏心》系列表現不俗的陳法拉,三人亦已埋牙傾過兩次,大台整個製作部上下通晒天。

人工高幾倍

消息亦好快傳到余詠珊及愛將杜之克耳中。本月正式升任副總經理的杜之克,強項不在製作,卻有牙力,講得掂舊人回巢幫手打仗,除了林文龍、宣萱,陳法拉也是他的目標人選。「Sandy(余詠珊)佢哋知道法拉未應承實小青姐,所以決定鬥搶。「早個禮拜(七月十一日),法拉同子華個劇星期一放例假,佢兩個一齊約法拉返公司,仲要特登約喺大canteen見面。Tea time時間,仲要傾到大大聲,擺明慌死冇人知。佢哋俾法拉自己揀,一係拍《使徒行者2》,雖然係女二但角色一定有發揮;一係拍套全新劇,法拉孭正,人工當然係以前幾倍計,呢啲條件,小青姐嗰邊都未必俾得到。」一名無綫人說。條件吸引,但你急我唔急,要精挑細選的陳法拉仍未答應。據了解,當日余詠珊和杜之克除了約見陳法拉,另外還見了陳慧珊,有目擊人士指,陳慧珊帶埋身兼經理人的老公鍾家鴻入電視城,連八歲囡囡鍾律然亦有同行。

撰文、攝影、攝錄:娛樂組
明剃 剃梅 小青 眼眉 余詠 詠珊 攔路 截劫 劫陳 法拉
PermaLink: https://articles.zkiz.com/?id=304194

甄詠珊要男伴日日氹

1 : GS(14)@2016-09-02 05:49:48

甄詠珊昨日再次到商台宣傳新歌《花嫁》,她表示希望將此曲送給許冠傑(Sam):「因為佢喺音樂上啟發咗我好多,連我支結他都係佢送畀我,嚟緊Sam哥開演唱會,我都好想去支持。」當年有份擔任Sam's Angels的甄詠珊,除了不時相約唐素琪、莊思明、莊思華等舊Angels敍舊外,還跟Sam哥有書信來往:「佢會送啲禮物祝福我哋,好似結他帶、手鏈,仲會揀埋我鍾意嘅顏色,真係好窩心,呢啲都係無價寶,有朋友嚟屋企,只可眼看手勿動。」將來選擇另一半會否要求要有Sam哥般細心?甄詠珊說:「我最近領悟到,就係將來嘅男朋友每日都要令我笑。」採訪、攝影:盧妹




來源: http://hk.apple.nextmedia.com/entertainment/art/20160902/19756942
甄詠 詠珊 珊要 男伴 日日
PermaLink: https://articles.zkiz.com/?id=307216

牛雜妹甄詠珊鬼屋遇險寸安俊豪推兩女最恐怖

1 : GS(14)@2016-09-17 17:52:56

牛雜妹李美琪、甄詠珊和安俊豪(Simon)日前到海洋公園,試玩哈囉喂今年推出的最新「16禁」鬼屋,這「16禁」鬼屋由一間間密室刑房組成,大玩血腥、暴力和SM元素,Simon、牛雜妹和甄詠珊先被面色陰沉的主持人拉入前廳,戴上面具再進入密室,這個時候甄詠珊已經面有難色,最後擾攘了五分鐘才肯跟大隊入鬼屋。



■(左起)甄詠珊、安俊豪、牛雜妹日前玩哈囉喂鬼屋,又要驚又要玩。

■三人先遇上被滾蠟淋至全身皮開肉爛的被虐者,但好戲在後頭。

■爛面紅衣女鬼突然撲出,嚇得三個人一齊後退。

爛面女鬼撲出

甄詠珊去到第一個場景,見到被滾蠟淋至全身皮開肉爛的被虐者,她已經嗌爆全場,再見到被虐者遭皮鞭虐打,甄詠珊一眼都不敢望,只是不停尖叫。之後去到一間掛滿絲巾的密室,突然撲出一隻爛面紅衫女鬼,嚇得三人一齊大叫衝到另一間科學怪人實驗室,見到施虐者不斷揮舞通電鐵棒,鐵棒閃出火花,Simon嚇到將牛雜妹和甄詠珊向前推,自己走到另一間房去。最後一間密室是希治閣經典電影《迷魂記》(Vertigo)的浴室場景,緊閉的浴簾後面,突然有手持武器的人撲出,嚇到他們雞飛狗走,臉容扭曲。


夠驚嚇但好玩

完成鬼屋之旅,甄詠珊說:「雖然都仲係好驚,但其實幾好玩,最驚都係紅衣女鬼嗰part。」牛雜妹笑說:「最恐怖梗係Simon喺最驚嘅時候推我哋兩個女仔去前面,自己走先啦。」採訪:曹家誠攝影:沈健程化妝、髮型:Connie Ho of
Gingko Make Up School服裝提供:Quiksilver、Roxy




來源: http://hk.apple.nextmedia.com/entertainment/art/20160917/19772909
牛雜 雜妹 妹甄 甄詠 詠珊 鬼屋 遇險 寸安 俊豪 推兩 兩女 女最 恐怖
PermaLink: https://articles.zkiz.com/?id=309472

童年捱窮 開店回饋社會甄詠珊招待貧困家庭擦大餐

1 : GS(14)@2016-12-25 13:18:56

■甄詠珊(前中)早前與一班受惠家庭小朋友提早慶祝聖誕,更送上禮物。



甄詠珊與曾參加港男、何俊仁外甥湛錦鈿(Oreo)在深水埗合夥開咖啡店,日前贊助「蘋果日報慈善基金」,為一班低收入的家庭開小型聖誕派對。當中受惠家庭包括有15個月大時,患上罕見神經母細胞瘤的樂晴、早年在躉船工作不幸遭斷裂鋼纜擊斃的何德耀太太和遺孤、計劃死後做「大體老師」遺愛的霞姨等,齊齊開心食聖誕大餐。



■甄詠珊童年時生活貧困,對低收入人士的艱苦感同身受。

■甄詠珊(右)與患上罕見的神經母細胞瘤的5歲樂晴(中)合照,對方已康復。

■曾報名參加港男、有翻版吳卓羲之稱的Oreo與甄詠珊合夥開咖啡店兼任主廚。

兒時垃圾房執梳化

童年時生活困難的甄詠珊,感同身受基層人艱苦,故她選址在深水埗開舖,想用平民價錢提供好質素食物給街坊外,亦等於送一份禮物給自己,她表示:「細個屋企生活困難,連買傢俬嘅錢都冇,試過要喺垃圾房執人哋用過嘅梳化,係一張五顏六色、布造嘅梳化,好靚,但係幾個櫃桶係唔見咗,有幾個窿喺度,好開心咁跑番屋企,嗰時我屋企住唐樓,一家人一齊落去搬張梳化返屋企,我阿爸用啲木釘番嗰四個窿,變咗一張完整梳化。」另外,被指外形似吳卓羲的Oreo是廚師,他透露是屋邨仔出身,自小反叛,15歲已打工,做過麥當勞等連鎖快餐店,亦去過半島酒店學炒飯做廚,炒股賺到第一桶金,之後與友人開投資公司金建環球,任行政總監。


靚仔廚師港男落選

Oreo坦言港男落選對他可能是好事,他說:「如果入咗TVB,有機會我嘅business會冇得做,而家我一日喺廚房,我就係主角,我唔想捱5年、8年,我要知自己做乜,而家反而多咗嘢做,已經有人搵我傾緊合作,做模特兒又有大品牌搵我,因為知我做廚房。」採訪:楊潔雯攝影:陳俊強




來源: http://hk.apple.nextmedia.com/entertainment/art/20161225/19876115
童年 捱窮 開店 回饋 社會 甄詠 詠珊 招待 貧困 家庭 大餐
PermaLink: https://articles.zkiz.com/?id=320097

【馮仁昭四圍超】甄詠珊樂演人格分裂

1 : GS(14)@2017-04-17 07:20:14

甄詠珊(右二)、李雨陽同安俊豪早前喺杭州出席新片《狼人殺遊戲》開鏡拜神儀式,戲中阿珊同雨陽演情侶,會有親熱戲份,阿珊話:「我演一個有人格分裂嘅角色,可以話係我夢寐以求,現實中我都覺得自己會有時神經質,做到呢個角色好開心,好考演技,希望有好表現。」另外,安俊豪第一次拍內地電影:「大家都好樂意指教我呢位新人,學到好多拍戲知識。」撰文:馮仁昭




來源: http://hk.apple.nextmedia.com/entertainment/art/20170417/19992014
馮仁 仁昭 四圍 甄詠 詠珊 珊樂 樂演 人格 分裂
PermaLink: https://articles.zkiz.com/?id=330873

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019