ZKIZ Archives


中環在線:自由身評迷債沈聯濤講嘢夠放 李華華

2010-8-11  AD




 

證監會前主席沈聯濤(圖)退任之後,已經好少喺香港公開場合露面嘞,噚日佢以中國銀監會首席顧問嘅身份,出席研討會做演講嘉賓;闊別多年,華華見佢多咗一頭白髮,沈老近況如何呢?

沈老話,近呢5年,除咗做銀監會首席顧問之外,仲喺清華大學經濟管理學院做兼職教授。佢話能夠擔任銀監會嘅顧問工作,好有使命感,可以做到好多嘢,尤其係中國呢幾年銀行業有好大發展;佢話好榮幸可以喺呢個大改革時代參與其中喎。

做 開監管工作嘅沈老,對於雷曼迷債產品自然好有意見,佢話 CDO 呢啲產品又唔透明、槓桿又高、產品質素又差。銀行可以繼續推出創新產品,但除咗買者自負之外,賣者亦有責,產品要回到基本點,一定要對客戶有利兼有用;銀 行界亦要為呢啲創新產品,向員工提供培訓同埋搞吓投資者教育。

沈老離開證監會回復自由身,講嘢零舍放啲嘅!

李華華

 


中環 在線 自由 身評 評迷 迷債 債沈 沈聯 聯濤 濤講 夠放 華華
PermaLink: https://articles.zkiz.com/?id=17371


ZKIZ Archives @ 2019