ZKIZ Archives


肥佬黎點解買HTC? 老佔的博客

http://oldjimpacific.blogspot.hk/2013/11/htc.html

近四五個月,超人李嘉誠不斷在中港出貨,出售百佳、分拆港燈、屈臣氏、香港資產,在強國亦全面看淡地產,積極撤資的訊息非常明確,佢最憎的肥佬黎呢五個月亦不斷沽售台灣地產,套現近40億,原來用來玩手機。


吾在今年台灣雙十國慶,整左一篇「HTC衰乜?」贈慶,刊登於信報,文中提及「HTC2010年是全球Android智慧手機市場的巨頭,但近兩年銷量狂瀉,市場份額從最高百分之十八跌到不足百分之四,股票由一千三百元跌落一百三十元,俗話說,福無雙至,禍不單行。這句話用來形容HTC最近的遭遇再貼切不過了。就在HTC發佈今年第三季財報預虧的消息不久之後,坊間就傳出了HTC要被收購的傳聞。再加上股價波動、多位高管相繼離職,近月更驚爆商業間諜案,公司首席設計師涉嫌洩露手機新介面設計而被捕,策反他們的竟然是四川成都市政府!

分析員預言,如果HTC不能盡快改善營運狀況,最終也將難逃出售的命運。HTC究竟發生了什麼?讓這個曾經在北美市場佔有率第一的品牌落到現在這種境地?HTC的癥結到底在哪,僅僅是營銷能力不足嗎?還是另有原因?」

當時我同大部份九流分析員一樣,以為買家是中國移動及聯想,點之這純屬煙幕,真正的幕後高手卻是肥佬黎。佢在過去兩個月,從地產暴利斬來的錢,已買入2% HTC股權,約6.4億港元。

這就是肥佬黎弔詭之處,出手價都要暗藏密碼,毋忘六四。

台灣電子業特別多暗藏密碼,一直以來,我都以為HTC的全名是High Tech Computer,後來,看到台灣的電視節目,才知道HTC其實是卓火土,卓火土英文名叫做HT,卓就是C,他一九九七年成立宏達電,並擔任總經理一職,先後帶領宏達電贏得多項世界第一。如今HTC每年數千萬支手機出貨,都明示著他的名字,只是幾乎沒有人知道而已。

現在大家都知道HTC董事長王雪紅,也認識HTCCEO周永明,但是為什麼卓火土不見了?他離開HTC,說走就走,毫不留戀,當年曾引起台灣科技界一陣譁然。

黎智英自去年四月開始變賣台灣壹傳媒救亡,惟最後買家「跳船」,賣盤爛尾收場。早前為封蝕本門,亦決定斬纜《爽報》,以便日後整合本港業務,並專注於有利可圖的範疇。在地產賺鋪大o既黎智英仍然未驚過,繼續找新東西去投資。

肥佬黎點解買HTC?


近年,強國蝗蟲互聯網業流行跨業整合,本來是「輕公司」的電子商務企業,現在卻比賽著斥鉅資進軍倉儲物流,眼看著都要變成「重產業」了,這真是很奇怪的事。在美國,沒聽說過AmazoneBay同時要說做UPSFedexGoogle崛起的時候,IT、零售、物流這幾個業態是單獨發展的。在中國,做牛奶的去養牛牛,做果汁的想做去種生果了,肥佬黎是做Content的,而家卻走去做硬件,咁葫蘆是賣什麼藥?

消費電子這個行業一般是一個五年的創新週期。就是供給和需求的一個不斷地變化,一開始需求起來,供給根本上,後來產能擴張之後供需逐步達到一個量增長過程中的一個飽和,利潤率開始下降,最後行業又進行新一輪的一個洗牌。


這行業還有一個很明確的特點,就是從下游看上游的,它的整個一個產業的邏輯是下游控制上游,所以你必須要考慮清楚這個行業的下游發生的狀況,在想什麼,然後才能夠決定上游。基本上,產業鏈的最下游就是用戶,所以就一定要從用戶的角度去思考問題,使用者會決定他的客戶結構。

按我看肥佬黎下一步棋,一定是將HTC「小米化」及「萍果化」,正式運營才3年多的大陸手機品牌小米,在強國市場已經位列三星、蘋果、諾基亞、華為之後,居於手機使用率排行榜的第五位,市值逼近100億美金。

小米之所以在大陸走紅,應當是情理之中,因為它的網絡行業特徵,它與聯想、華為、中興等其他大廠品牌有極大不同。在創辦小米之前,軟體工程師出身的CEO雷軍,早已具備多家上市企業的網路體系資源與相關商業模式的經驗。


簡單的說,小米正是對於智能手機大規模普及和移動網路(Mobile Internet)浪潮的眼光,完成從軟體到硬體結合的再次接軌。小米盛行的原因,可以概括為高黏性、基於用戶體驗。它依託於Social Media(微博及微信),並以社區化論壇(小米之家)、互聯網電子商務(小米商城)及自身媒介(米聊)的多重組合,造就了高忠誠度的用戶。即使我睇錯,或者肥佬黎睇錯,大不了賣番比941992,或者王雪紅!
肥佬 黎點 點解 解買 HTC 老佔 佔的 博客
PermaLink: https://articles.zkiz.com/?id=80629

笑到最後:畢菲特點解買蘋果

1 : GS(14)@2016-05-24 10:41:49

所以話,有啲嘢,現場睇,同睇直播,係兩回事。最近股神畢菲特旗下投資旗艦巴郡向美國監管機構提交的文件中披露買入蘋果公司981萬股,咁大件事當然好多本地股評界評論,點知一睇,發現大家都唔係太了解畢菲特做緊乜,又話睇好科技股又話蘋果估值,其實唔關事。



早已超越炒股票

今年巴郡股東會最精警的一條問題,要數第一條,台上女記者Carol Loomis代股東發問問題,話以往股神推崇細價股、小型資本,家陣買親都係資本密集,係咪轉咗軚?基本上,全個股東會,股神對收購有兩個睇法:一、擁抱資本密集股份;二、挑選贏家。《華爾街日報》記者問過畢菲特,後者話買蘋果單刁佢冇份決策。但高明認為,呢個反而唔係重點,因為喺得巴郡打工,理念同手法都相近,唔會無啦啦轉咗技術分析。而買蘋果,同係咪科技股無關,同上述兩項準則更有關係。蘋果係科技公司,生產線外判晒出去,唔需要重大資本投資機器同廠房,唔算得上資本密集,但有一樣特質同資本密集好似,就係新加入競爭唔易。資本密集公司因為投入大,通常競爭唔多,公共資源、電網、鐵路、基建,唔係想開就開,有一定程度壟斷。智能手機大戰都打得七七八八,贏家不外乎蘋果、Google同三星,小米可能已經係呢轉最後加入者,再新入行造Andriod手機好難賺錢,賺錢尾班車開咗。蘋果雖非資本密集公司,只要下一個喬布斯未出現破壞現有智能手機生態,蘋果都會坐擁壟斷地位。第二,只係佢選贏家,蘋果明顯係贏家,手執手機硬件同埋App Store,手機有「蘋果溢價」,App Store基本上係自成一個生態,比起Google好嘅地方,全線自己食晒,唔使畀其他手機生產商分咗手機嘅盈利。有人會話巴郡買蘋果,係錯過咗之前龐大升浪,食咗水尾先嚟買,唔符合價值投資精要。但係畢菲特喺股東會明言,股票師承格拉咸,做生意跟芒格學嘢,而巴郡嘅規模,早已超越炒股票,揀贏家嚟買,係佢嘅生意手法。再深層次啲,就係畢菲特對負利率嘅憂慮,同埋覺得美國會繼續繁榮,低息甚至負利率令現有企業唔會失敗,因為永遠有銀行借錢救,而經濟向好則傾斜現有贏家。至於應唔應該跟股神畢菲特一齊買蘋果,其實佢短線買嘢都幾燈,例如買IBM,都係科技股,平均入市價係172.8美元,周五收市報147.24美元,今年頭最低見過117美元,跌咗三成,無佢咁多錢,真係可以有啲耐性,等吓先跟。高明
http://www.facebook.com/bigricetea本欄逢周一刊出





來源: http://hk.apple.nextmedia.com/financeestate/art/20160523/19623072
笑到 最後 畢菲 特點 解買 蘋果
PermaLink: https://articles.zkiz.com/?id=301338

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019