ZKIZ Archives


【馮仁昭四圍超】港姐複試最細19歲

1 : GS(14)@2016-06-21 07:39:07

無綫港姐選美又開始喇!噚日進行面試複試,75人中質素、水平明顯比首輪面試正常啲,年紀最細有19歲、讀心理學嘅龍小姐(圖),其中更有麥明詩個UCL倫敦大學畢業嘅朋友張寶兒,勝在樣子夠甜美,笑容夠殺食。其他仲有喺英國畢業、現時任職會計師嘅Jacqueline,佢話平時去旅行都會影吓泳衣相,唔擔心被起底。但當中亦出現虎背熊腰抓舉女、白裙花環女、金髮肉女!撰文:馮仁昭





來源: http://hk.apple.nextmedia.com/entertainment/art/20160621/19662538
馮仁 仁昭 四圍 港姐 複試 最細 19
PermaLink: https://articles.zkiz.com/?id=302383

小龍入唔到港男複試 玩陶藝冇放棄對小精靈嘅熱愛

1 : GS(14)@2016-07-09 07:02:09

騎呢…chok爆…肌男……上次參加《2016香港先生選舉》初試,小龍好有心機玩「蜘蛛俠x小智」cosplay、仲有巨肌Bill張都好搶fo…不過佢哋通通被out…昨日舉行複試,一眾進入複試港男再到康城站集合往面試,竟然…竟然冇咗25歲嘅小龍…上次佢以一身《寵物小精靈》嘅主角小智 crossover《蜘蛛俠》(Spiderman)現身,咁有創意,又貌似林日曦,冇得選港男……昨早佢就喺facebook貼出去上堂嘅相,留言:「上陶藝課。」佢仍然冇放棄過自己嘅喜愛,照整寵物小精靈,仲加兩個精靈球,可想而知,佢對寵物小精靈有幾咁熱愛!!!小龍直至睇到《蘋果》即時新聞先知自己冇入圍,喺fb寫道:「午餐途中傳來悲訊:一如所料,三色台只愛肌男……」認真夠慘慘…此外,小龍昨日凌晨於fb分享咗小故事,前日同朋友喺旺角同友人追巴士,有人話認得佢,似乎令佢好開心,佢亦好感謝啲人認得佢,睇嚟就冇受到未能入圍港男一事,而覺得唔開心。





來源: http://hk.apple.nextmedia.com/entertainment/art/20160709/19688157
小龍 入唔 唔到 到港 港男 複試 陶藝 放棄 小精靈 熱愛
PermaLink: https://articles.zkiz.com/?id=303129

【馮仁昭四圍超】港姐複試間尺鼻Angelica出局Regina入圍帶定比堅尼

1 : GS(14)@2017-07-01 10:29:22

■Regina唔知係咪做開會計,準備工夫做得特別足。





無綫《2017香港小姐競選》經過第一輪面試之後,噚日有61位佳麗喺將軍澳電視城進行複試。據聞初選時嘅「吊帶王祖藍」Dion同「間尺鼻」Angelica都冇得留低,噚日無綫安排林盛斌(Bob)同麥美恩同港姐會面。



■「間尺鼻」Angelica傳經已被Out。

■「嫩版李若彤」Kelly以大熱身份順利進入複試。

■麥美恩對第二輪「師妹」讚不絕口,好過自己當年多多聲。

「嫩版李若彤」有信心

複試有被指為大熱、來自加拿大多倫多20歲嘅混血兒Kelly Ng,有嫩版李若彤之稱嘅Kelly以粉紅貼身短裙亮相,佢話:「都有信心,睇番有人話我似李若彤,之後都有摷番啲報道嚟睇,我覺得李若彤形象好深入民心,佢好靚女,所以我唔覺得似佢。」同Kelly蹺住手同行嘅Zoe,有嫩版宋熙年之稱,她被爆係十優港姐冠軍麥明詩嘅朋友,Zoe話:「麥明詩都有叫我加油。」另外較為順眼嘅有今年23歲、似15年亞軍龐卓欣嘅Regina,職業係會計師,佢透露今次已經帶定比堅尼到場,仲話覺得自己似李亞男多啲喎。亦有任職freelance模特兒嘅Sophia,佢貌似人妻岑潔儀,自爆話同陳奕迅拍過戲,不過就係行行企企角色。另外有一位被稱作哨牙珍嘅Tomato,同來自三藩市嘅「藍裙千雪」胡美貽入圍複試。港姐出身嘅麥美恩話第二輪嘅佳麗衣着同談吐都出色,笑言自己當年嘅「龍躉村姑」外號無人能及。阿Bob對外國佳麗Christina鍾情,覺得佢講廣東話特別好聽,聲音好甜美,所以好想去「愛錫」佢。撰文:馮仁昭




來源: http://hk.apple.nextmedia.com/entertainment/art/20170628/20070803
馮仁 仁昭 四圍 港姐 複試 間尺 尺鼻 Angelica 出局 Regina 入圍 定比 堅尼
PermaLink: https://articles.zkiz.com/?id=337351


ZKIZ Archives @ 2019