ZKIZ Archives


歡樂先生:袁詠儀洪金寶難忘笑臉

1 : GS(14)@2016-03-09 16:25:55

袁詠儀


杜惠東在娛樂圈浸淫逾40年,76年加盟嘉禾電影廣告部做主管,照顧過不少藝人,不少圈中人得知其死訊,都大感可惜,異口同聲表示杜Sir是個大好人,並讓人感到歡樂。



袁詠儀

杜Sir人好好,同我哋做宣傳好好笑,佢一定會企喺身邊陪我哋做訪問。佢係宣傳部高層同老臣子,但從來唔擺款,希望佢家人節哀保重。


洪金寶

洪金寶

身邊老朋友一個個離開,早幾日馮克安,而家又杜Sir,希望佢一路好走。佢為人相當好,成日笑口騎騎,以前我哋私下有飲吓茶,趁而家未有癡呆,要多啲同老朋友見吓面。



惠英紅

當年我拍嘉禾戲,杜Sir負責宣傳,幾乎日日開工都見到佢,有時佢帶隊出埠宣傳,佢對我哋照顧得好妥貼,唔係交差就算,佢樣樣嘢都體貼,真係攞個心出嚟。



元彪

又走一個,上咗年紀冇辦法,呢個年紀差唔多。我自從離開嘉禾之後,又成日唔喺香港,近年同杜Sir少咗見面。



薛家燕

認識咗杜Sir幾十年,佢係呢行前輩,佢除咗係電影宣傳人員,又係專欄作家,記得我細個都接受過佢訪問,杜Sir可謂睇住我大,接到佢死訊好難過、好突然。



葉蘊儀

我喺電影公司認識杜sir,嗰時入行烚吓烚吓,成日要去外地拍戲同宣傳,留喺香港嗰陣就會見到佢,佢個人好nice,聽到呢個消息好愕然。





來源: http://hk.apple.nextmedia.com/entertainment/art/20160309/19521414
歡樂 先生 袁詠儀 洪金 難忘 笑臉
PermaLink: https://articles.zkiz.com/?id=297359

袁詠儀45歲生日張智霖再送Hermès手袋

1 : GS(14)@2016-09-06 22:51:04

袁詠儀(靚靚)是圈中出名的Hermès狂迷,連張智霖受訪都曾講過,已經記不起送過幾多個Hermès手袋俾老婆。袁詠儀前日45歲生日,一身床就有囝囝小魔童整早餐,令她大呼幸福感恩,「你問我今年的願望,我希望身體好、工作好、我身邊所有的人好、所有事情都好,只寄望好!很簡單!」老公Chilam雖然不在香港,但當然不忘送生日禮物,靚靚在微博梗要晒一晒,「知道你們一定問生日禮物是什麼?尾圖!」她只是影相show了手袋的一角,但一望個銀扣,無錯,又是一個Hermès手袋,今次是,籐織Kelly bag,靚!更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160906/19761569
袁詠儀 45 生日 張智 智霖 霖再 再送 Herm 手袋
PermaLink: https://articles.zkiz.com/?id=307838

袁詠儀爆粗鬧老公唔畀囝囝聽

1 : GS(14)@2016-09-23 08:09:58

■靚靚直言會講粗口,不過拉老公張智霖入房先講,怕囝囝聽到。



袁詠儀(靚靚)、謝玲玲、林恬兒、Lisa S.及楊張新悅等昨晚現身中環ifc,出席護膚品牌Clé de Peau Beauté的15周年活動,靚靚笑言老公張智霖同囝囝魔童都愛她以素顏示人。提到今屆港姐冠軍馮盈盈被爆講粗口,靚靚表示:「粗口係香港嘅傳統文化,我唔會話我唔講,我會同老公喺房入面講,每次講佢都話我好似一個廣東人,但作為港姐要履行責任,特別係代表香港嘅時候就唔應該講。」提到梁佩瑚日前爆港姐黑幕,靚靚笑言:「當年保母叫我哋睇多啲雜誌學擺甫士,有個佳麗拎咗大堆雜誌返嚟,大家以為佢好善解人意。點知隔咗一陣就選友誼小姐,保母提我唔好睇表面,最後呢位佳麗冇被揀中,當時翁杏蘭就攞咗友誼小姐。」採訪:林嘉慈攝影:陳順禎


■Lisa S.表示會催好友馮德倫積極造人。

■楊張新悅昨日性感現身。



來源: http://hk.apple.nextmedia.com/entertainment/art/20160923/19778921
袁詠儀 爆粗 粗鬧 老公 唔畀 畀囝 囝囝 囝聽
PermaLink: https://articles.zkiz.com/?id=309716

變番素顏靚靚 袁詠儀拎第N個Hermes

1 : GS(14)@2016-09-27 07:14:48

袁詠儀(靚靚)早幾日出席活動時候難得化個靚妝見人,仲話:「費事俾話我成日都素顏。」大前晚靚靚同老公張智霖去捧葉德嫻演唱會就做回素顏人妻,靚靚沒有工作在身打扮都是舒服為主,穿上間紋鬆身恤衫算是低調。之不過有靚靚又怎會沒有Hermes手袋呢?張智霖早前接受add訪問透露已經忘記買了多少個Hermes袋給靚靚,今次靚靚手上第N個Hermes是品牌於上年春夏系列推出的款式,雖然並非大熱的Birkin或Kelly等經典款,但勝在蘋果形小巧設計夠cute。更多美容、時尚新聞,即上:http://add.appledaily.com




來源: http://hk.apple.nextmedia.com/entertainment/art/20160926/19782269
變番 番素 素顏 顏靚 靚靚 袁詠儀 拎第 Hermes
PermaLink: https://articles.zkiz.com/?id=310144

究竟有幾多個?袁詠儀買餸都孭Hermès手袋

1 : GS(14)@2016-11-16 05:10:16

Hermès一向是阿太界最愛手袋品牌,人人都知愛馬仕手袋一袋鞋難求,有錢都買不到,不過偏偏城中富豪大劉的女友甘比和袁詠儀(靚靚),每次都見人都孭新款,幾萬到甚至過百萬的款式都有。日前靚靚就被本報拍到一個人去了銅鑼灣時代廣場嘅c!ty'super買餸,原來是慶祝魔童10歲生日,靚靚就孭了Hermès的Kelly Bag買餸,相信又是老公張智霖(Chilam)送的禮物,早前Chilam接受本報專訪時表示買Hermès手袋已買到馴晒,而靚靚日常出街都是Hermès不離身,出埠也用,去到邊都要孭,Birkin、Kelly、Toolbox、Kelly Clutch、Lindy等通通有齊,Chilam買到馴晒,靚靚用到貫晒,認真幸福!更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161114/19833329
究竟 有幾 多個 袁詠儀 Herm 手袋
PermaLink: https://articles.zkiz.com/?id=315670

同屬港姐冠軍 26年來零交流袁詠儀陳法蓉「最後一吻」

1 : GS(14)@2016-12-04 17:34:15

90年港姐冠軍袁詠儀前日出活動,力撐同屆季軍梁小冰,就外套事件反擊89年港姐冠軍陳法蓉。袁、梁出名牙尖嘴利性格剛烈,亦有嗰句講嗰句,走埋一齊,火花四射,已經唔係濺咁簡單。袁詠儀為咗撐小冰,當眾示意要老公張智霖收聲唔好阻佢發言,加一句「可能有記者喺度佢(陳法蓉)會好啲!」畫公仔畫到出腸。而小冰日前宣佈退出慧妍時曾話:「如果我見到佢(陳法蓉),我驚會好似見到曱甴咁走開!」前日得悉袁詠儀力撐佢之後,更話:「對付呢隻曱甴,太浪費呢張『王牌』,我仲諗住九十歲先用!」連心肝脾肺腎都畫晒。但其實,26年前,8月18日,香港文化中心,袁詠儀同陳法蓉有世紀碰頭一刻,仲有錫錫添!因為當晚係1990年香港小姐選舉,陳法蓉為袁詠儀加冕。之後?之後真係完全搵唔到兩女合照,反而袁詠儀同亞軍翁杏蘭、季軍梁小冰多年一嚟一直都咁friend。物以類聚,人以群分,就係咁簡單。




來源: http://hk.apple.nextmedia.com/entertainment/art/20161204/19854432
同屬 港姐 冠軍 26 年來 交流 袁詠儀 陳法蓉 最後 一吻
PermaLink: https://articles.zkiz.com/?id=318219

【馮仁昭四圍超】袁詠儀環保袋掃文具

1 : GS(14)@2017-08-17 08:06:59

袁詠儀(靚靚)噚日素顏現身銅鑼灣時代廣場,佢拎住Hermès Kelly手袋,再孭住個黑色大環保袋,喺商場嘅文具攤檔掃貨,估計係買畀10歲囝囝魔童。靚靚主攻原子筆同改錯帶嘅文具套裝,一口氣掃咗幾套,之後再過Log-On睇筆記簿。畀錢一刻,靚靚同收銀員講有帶環保袋,跟手就將買咗嘅文具放入袋。講明着緊囝囝身教嘅靚靚,果然身體力行。撰文:馮仁昭




來源: http://hk.apple.nextmedia.com/entertainment/art/20170817/20123497
馮仁 仁昭 四圍 袁詠儀 環保 袋掃 文具
PermaLink: https://articles.zkiz.com/?id=340005

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019