ZKIZ Archives


周日專訪:虞茱迪代理天后 品牌與戀愛之間

1 : GS(14)@2010-12-12 12:02:46

http://hk.apple.nextmedia.com/te ... 307&art_id=14757362
虞茱迪,以往最為人熟悉的是詩韻( The Swank)老闆娘身份。脫掉這身份,她其實一直是「名牌伯樂」。經她點石成金的品牌包括 Mandarina Duck、 LeSportsac、 Lanvin等不勝枚舉。經歷過兩段婚姻, 63歲的她,如何發掘一匹匹千里馬?「一個人沒有 passion唔會堅持,呢個係我搵嘢嘅方式。」對工作如是、對人生亦如是。
記者:陳皓怡 攝影:梁鑑章

踏進虞茱迪位於北角的辦公室,迎來是一個充滿生氣的小花園,恰好反映出老闆娘熱愛生命的個性。虞茱迪早於 80年代成立禧辰,代理世界各地品牌,多年來經她「捧紅」的牌子不少。世有伯樂,然後有千里馬,至於尋找千里馬的過程,虞茱迪形容為「追求」過程,「 Mandarina Duck我搵嘅,好似成日都係我追人, LeSportsac佢搵我,家嗰啲牌子都係我搵佢。」

花一年為追一品牌

追求──需要耐性。 5年前,為了一個印有青蛙圖畫的 Pylones暖水壺,她花了整整 1年時間,走遍紐約、巴黎、意大利,只希望找到 Pylones老闆的聯絡方法,約他洽談代理事宜。好不容易,虞茱迪終找到 Pylones老闆,並相約在巴黎見面,她專程飛往當地,但「我哋約咗兩點鐘開會,佢個老闆冇出現,只係派咗個 staff嚟。」原因是老闆低調,亦無意商談合作事宜。
憑着「熱情」加「堅持」,事情終有轉機。「我好懊惱,我同嗰個女人傾咗半個鐘,不停咁講,介紹我哋公司。佢突然拎起電話,打畀老闆……」,結果那位老闆願意在當日 5時半於廠內見虞茱迪,問題是只有極短時間,虞茱迪二話不說,「飛的」赴約,「後來我同佢講,你係我追返嚟嘅,呢個 marriage係我追你,唔係你追我。哈哈,追嘢要有堅持,同埋 passion,嗰樣嘢你要係好想做。」
有追亦有求, 94年 LeSportsac邀虞茱迪做代理,她立即飛往紐約洽商。雖獲垂青,但虞茱迪沒有盲目認同,「我同佢哋解釋牌子可以做,因為佢哋嘅用料夠 unique,用好輕嘅降落傘布造。而當時最悶嘅地方係得淨色,如果發展其他元素可季季換。」由於雙方均希望品牌有長遠發展,故 LeSportsac接受意見,為品牌踏出新一步。
放大圖片
用製車胎的橡膠製成的小凳

用製車胎的橡膠製成的小凳
12345678910
放大圖片
就是這青蛙暖水壺,令虞茱迪花了一年時間「力追」代理權。

就是這青蛙暖水壺,令虞茱迪花了一年時間「力追」代理權。
12345678910
「我唔夠財團 support」

追求過程固然不易,要維繫雙方關係更是學問,第一課是深入了解對方,「自己要先踩入去,睇吓、試吓、摸吓。」事前準備功夫亦要做足,「做產品研究,市場推廣以至顧客教育都要考慮。」
近年虞茱迪代理多個家居用品牌子包括 Bodum、 Joseph Joseph、 Cristel等,訪問期間,她不時介紹產品,一套廚具多一隻、少一隻逃不過她的法眼,細至那隻鑊幾多吋,用甚麼質地,最適宜烹調甚麼都顧及。她深信教導顧客使用產品,是銷售重要一環,所以首先是令售貨員先覺得產品有趣,從而了解產品特性,「我要話你聽,解釋你聽,先至可以說服到你」。

一段關係到了緣盡時,如何從容抽身是另一課題。 Mandarina Duck由虞茱迪一手帶給港人認識,但當其要發展中國市場時,她卻不是其「理想對象」,但念及知遇之恩,留了深圳市場給她。「我經歷過 Mandarina Duck,幫佢做得好好,但佢要自己做,將 China交給另外一間公司。我喺 Milan返到酒店喊到呢,因為我唔夠財團 support。」
除了 Mandarina Duck,合作無間的 LeSportsac同樣在開拓內地市場時,放棄了虞茱迪。不過,她已學乖,「塞翁失馬,焉知非福,佢唔畀你做或許係一件好事。」雙方雖然不能跨越更遠地域,但關係未有轉壞,「佢冇畀我做(內地市場),但成日走嚟問返我好多嘢,我唔會跣佢。以前邊個嚟問我,我都會講,家唔會。揀一兩個我會講,其他嘅人我會唔講,但唔講都唔會跣人。」可會感到「唔抵」?「呢個世界好多唔抵,邊有唔抵得咁多,嘥我時間。諗啲抵嘅嘢, 3分鐘諗唔抵,不如諗下今日有乜嘢好食仲好。」
明年是虞茱迪入行 30周年,經歷過無數的挫折,試過被人過橋抽板,亦試過因政治原因而被拒門外,令她明白很多事控制不到,「細個時爸爸同我講,今日啲人過橋抽板,放過佢,因為佢起碼冇攞塊板嚟打你!」
虞茱迪簡歷

出生於上海,定居香港前曾移居台北
1965年 在英國人開設的畫廊任售貨員
1972年 到勝家工作
1981年 加入法日合資的 Lanvin香港有限公司
1982年 成立禧辰有限公司
1997年 亞洲金融風暴,生意額下挫,失去部份品牌代理權
現時 代理多個手袋鞋履及生活用品品牌
「管嘢會管死人」

憑着能言善道、長袖善舞,虞茱迪馳騁商場多年,要數最困難的事,她說:「做嘢做唔死人,管嘢管死人」在人事管理上,她說多年來仍在學習中。雖然不喜歡罵人,但曾鬧人鬧到爆微絲血管,今天她已經收火,「如果嗰個人脾性係咁,江山易改品性難移,我覺得唔好鬧。」
不過,若下屬是一個「諗嘢」的人,她不會選擇當面指摘,「有啲事情冇建設性但有傷害性」,所以拿揑合適時間是一門學問。苦口婆心過後希望下屬發揮自如,再告之其短處,當事人較容易接受,效果亦更理想。
開設公司前虞茱迪亦做過打工仔,在勝家任職逾 9年,當過最年輕經理,至今對工作熱情仍然未變、拼搏仍然未改,「大家唔好當我係阿太先得 o架。」
她勸勉新一代不要怕蝕底,當年任職勝家,尚有兩周才上班,她已請纓到工展會幫手,負責執貨、入箱的工作,不收分毫,「出嚟社會有好多嘢學,唔只係學做事,仲要學埋做人。」
我是一個 half full的人

性格樂觀令虞茱迪遇挫越強,眼前的玻璃杯是半空還是半滿?「我是一個 half full的人。」虞茱迪說。
97年亞洲金融風暴令她「所有錢冇晒,得返個零」,致命一擊是在風暴前一年,她買下將退休股東的所有股份。
4枱腳要穩才可承擔更多

「嗰陣最風凉水冷,最冇人幫你講嘢。」前夫勸過她不做,虞茱迪當時心想:「唔做?呢間公司係我一手湊大。」她有很多情意結,不捨得自己由 81年開始耕耘的事業化為烏有。在進退維谷時,她每天一早跑山,獨自思考及公司的出路。
這段時間她學懂了很多,公司每一件事都親力親為,每天約見會計師、律師和銀行,為公司、為自己覓出路。公司最後由太古坊搬到銅鑼灣興利中心,公司成員由 200人裁至僅 10人。
風暴過後,她學會不人云亦云,不貪心,做不到的事不要硬來,務求令公司每一步走得四平八穩,「我成日都覺得一張枱有 4隻腳, 4隻腳都要好穩固,呢邊有少少嘢,嗰邊腳又蛀吓,張枱會跌。做得好,張枱先可以承擔更多。」
周日 專訪 虞茱 茱迪 代理 天後 品牌 戀愛 之間
PermaLink: https://articles.zkiz.com/?id=272034

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019