ZKIZ Archives


蘇永康花碌碌派利是

1 : GS(14)@2015-03-04 08:37:42





去年尾結束八年愛情長跑做人夫的蘇永康,前晚八時許與老婆馮翠珊拍拖到中環撐枱腳,兩人大晒情侶波鞋,還齊齊戴上眼鏡極有夫妻相,康仔將平治座駕泊在餐廳的門外,康嫂特登行慢兩步,讓老公表現風度推開餐廳的門,兩人入內食飯傾足一粒鐘,離去時康嫂還拿着一袋外賣,相信是將食剩的東西打包。着花碌碌外套襯橙紅頸巾的康仔打扮醒神,他見到記者即主動拜年表現親切大派利是,他說:「哈囉!新年快樂,今年成日唔記得派利是。」康嫂表現怕醜一個人先上車,康仔上車前再跟記者揮手拜拜,然後做柴可夫接載老婆返歸。採訪、攝影:黃曉程、朱志聰





來源: http://hk.apple.nextmedia.com/entertainment/art/20150303/19061026
蘇永康 碌碌 派利
PermaLink: https://articles.zkiz.com/?id=288173

蘇永康讚小S夠義氣

1 : GS(14)@2015-10-19 07:55:31

■來自陝西20歲的郭洋子奪得冠軍寶座。


【珠海直擊】男人幫成員任賢齊、蘇永康、梁漢文、黃家強擔任評審及表演嘉賓的「2015中華小姐環球大賽」,前晚在珠海舉行,結果由來自陝西20歲的郭洋子奪冠,亞軍是來自台灣的吳韋葶,季軍則是廣東的栗璐雅。四子審美要求頗高,梁漢文和家強更爆蘇永康鍾意堅挺身材和臀部,蘇永康即反駁說:「我經常改變,今日睇高度。」問蘇永康是否怕被老婆鬧轉軚?他即說:「我老婆身材差得過佢哋咩?」此外,台灣綜藝節目《康熙來了》告終,四男日前在台灣錄影後才知道,小齊笑說:「係咪我哋累咗人呀?因為永康去咗,所以康永唔想做。」蘇永康則讚徐熙娣(小S)有義氣,共同進退。採訪、攝影:曾小嘉





來源: http://hk.apple.nextmedia.com/entertainment/art/20151019/19338466
蘇永康 讚小 義氣
PermaLink: https://articles.zkiz.com/?id=293354

蘇永康外賣探子聰

1 : GS(14)@2016-08-09 07:33:06

陳子聰近半年傳出患病消息,6月被傳媒影到體形暴瘦,肚脹如鼓,據知最近陳子聰因肝臟問題多次出入港安醫院,近日又因病情加劇再留醫,老友連日去港安探望,一概未有回應。昨日身穿短裙、配黑白恤衫的徐濠縈坐七人車再抵醫院,她刻意避在場記者,在另一邊車門落車,繞過座駕行入門口,手拿着一袋外賣,另一隻拿着手袋。除了阿徐,還有杜如風、蘇永康和尹子維。杜如風駕波子到場,而蘇永康穿長袖外套現身,拿着一袋外賣,問他知不知子聰的情況,他說:「辛苦晒,今日咁熱,大家小心中暑。」而阿徐由早上11時多,留到約下午5時離去,被問到子聰情況,她說:「唔該!」採訪:張俊銘攝影:陳俊強



陳子聰

■阿徐一支箭衝入醫院,未有回應記者提問。



來源: http://hk.apple.nextmedia.com/entertainment/art/20160809/19728238
蘇永康 外賣 探子
PermaLink: https://articles.zkiz.com/?id=305133

【馮仁昭四圍超】蘇永康指陳子聰快出院

1 : GS(14)@2016-09-02 05:49:48

蘇永康同C AllStar噚日到商台宣傳新歌《聲音騷(永康)了》,C AllStar成員阿King剛完成首部單飛電影,其他成員都話想出去睇下世界,單飛發展之餘又做組合,蘇永康都好鼓勵佢哋各自發展。C AllStar話下年想喺紅館開演唱會。另外,蘇永康又講到早前入醫院嘅好友陳子聰近況:「佢精神好好,差唔多出院,胃口好好,佢係食肉獸,醫生都叫佢食多啲肉,我哋仲日日WhatsApp。」撰文:馮仁昭




來源: http://hk.apple.nextmedia.com/entertainment/art/20160902/19757145
馮仁 仁昭 四圍 蘇永康 指陳 陳子 子聰 聰快 出院
PermaLink: https://articles.zkiz.com/?id=307218

蘇永康爆遭鄭紹康侮辱

1 : GS(14)@2016-09-10 13:54:42

■蘇永康直言討厭曾侮辱他的鄭紹康(小圖)。



徐濠縈(阿徐)的Ig日前流出跟暴瘦陳子聰大病初癒的合照,前晚阿徐出席活動時直指是內鬼洩密。蘇永康昨日在油塘出席活動時暗示是鄭紹康(Francis)所為,順勢提起二人之前的恩怨:「呢行入面我冇邊個唔鍾意,佢係其中一個。佢打畀我老婆話有個Landmark event搵我去,出3千蚊。之後我打返去佢公司,話我畀返3千蚊佢,叫佢以後唔好搵我,呢個係侮辱性嘅價錢,有冇病!」鄭紹康回覆本報:「清者自清,我冇阿徐私人Ig,我同阿徐溝通咗,佢知道唔係我。」對於蘇永康指摘,他說:「幾錢要check番。」阿徐表示鄭紹康沒有自己Ig,相信事件與他無關。採訪:羅慧敏攝影:陳順禎




來源: http://hk.apple.nextmedia.com/entertainment/art/20160910/19766007
蘇永康 爆遭 遭鄭 鄭紹 紹康 侮辱
PermaLink: https://articles.zkiz.com/?id=308499

兩年前為三千蚊結怨蘇永康轟鄭紹康:佢擘大眼講大話

1 : GS(14)@2016-09-11 05:46:46

■鄭紹康昨日指願有中間人協調與蘇永康(左圖)擺和頭酒。資料圖片



徐濠縈早前的私人Instagram外洩了陳子聰病癒後消瘦相片,掀起一場關公災難,蘇永康指阿徐的經理人鄭紹康為洩密者,更大數對方曾以3,000元侮辱價邀請他出席活動的私怨。阿徐雖證經理人清白,但事件繼續升溫,蘇永康狂插鄭紹康擘大眼講大話,不會接受他擺和頭酒,更自嘲是泥鯭價,緣盡不會與他合作,更已準備大律師侍候。



徐濠縈日前一張放在私人Instagram的陳子聰病癒後消瘦相片被友人外洩,她在公開場合表示要緝兇,之後她的好友蘇永康在活動上力指阿徐經理人、人稱「天下第一關」的鄭紹康疑似偷相者,更提起雙方私怨,指對方曾以3,000元侮辱價邀請他出席活動。阿徐前晚已證鄭紹康清白,在內地公幹的鄭紹康亦急拍片發聲明,而蘇永康其後接受本報電話訪問表示一場誤會,不過依然寸爆獲對方發聲明受寵若驚,並再補充侮辱價一事:「傾唔埋咪少合作囉,只不過我覺得自己唔係呢個價錢,太離譜,欠兩個零咁滯!」


自嘲是泥鯭

鄭紹康昨日在會展出席時裝活動,揚言事件水落石出會向前看,問到他認為蘇永康只值3,000元活動價,他解釋:「個價每日唔同,每次都要睇番性質,件事已經有幾年,如果呢條刺仲放喺佢心度咁耐,我好遺憾。」日後會否找對方出席活動?他說:「呢個世界係緣,緣份個緣。」對於蘇永康表示不用他關照,他表示:「隨緣囉,作為負責嘅公關,要以客為本,黃雨會過去嘅。」並表示願意找中間人協調擺和頭酒外,亦會與律師研究下一步:「係唔開心,係影響咗我嘅誠信問題。」事件繼續升溫,本報昨日致電蘇永康,他繼續反擊鄭紹康言論:「阿徐嗰單水落石出,我道咗歉,佢話move on,鄭生確實做大事嘅人,佢話3,000蚊結怨唔記得幾耐嘅事,係我結婚後佢打畀我太太,兩年幾啫!」對於鄭紹康指活動價格浮動,他說:「佢話出場價次次唔同係海鮮價,我惟有認自己係泥鯭囉,佢啲貴客係龍躉,但泥鯭都有人鍾意食。」提到對方表示將來合作隨緣,蘇永康斷言:「緣份已盡,佢請我都唔嚟,反而第二間冇錢都去,就係佢請我唔去!佢如果唔係打何超瓊工,我講話毒十倍,我尊敬佢(何超瓊)。」



■今次關公災難源自陳子聰(中)病癒後消瘦相外洩開始。資料圖片

■蘇永康指兩年前與太太Anita結婚後,鄭紹康曾致電其太太邀請他出席活動。資料圖片


拒擺和頭酒

蘇永康表示不會和鄭紹康食和頭酒:「唔知邊個得罪邊個,我覺得佢得罪我,有錢不如攞去做善事。佢話同律師傾下一步點做,冇問題,呢單嘢係御用大律師陳惠源先生send畀我,我哋隨時奉陪!香港係法治之地,至於誠信問題,如果佢夠膽承認冇3,000蚊呢件事,擘大眼講大話,你咪搵律師同我傾。」提到有新劇上,蘇永康自問不用博宣傳:「套劇喺無綫播點都有收視,佢都儍儍哋。我要多謝喺fb瘋傳呢件事,90%支持我嘅朋友,特別多謝黃偉文。」黃偉文昨短訊回覆蘇永康的感謝:「那張facebook圖相信是偽造的,來源可疑。我在private account沒有發表過類似言論。其餘不予置評。謝謝。」採訪、攝影:皓騫、羅慧敏




來源: http://hk.apple.nextmedia.com/entertainment/art/20160911/19767059
年前 為三 三千 千蚊 結怨 蘇永康 轟鄭 鄭紹 紹康 佢擘 擘大 大眼 眼講 大話
PermaLink: https://articles.zkiz.com/?id=308605

【雙康大戰】蘇永康逐一反擊

1 : GS(14)@2016-09-11 05:50:26

蘇永康近日因為陳子聰最新照片外洩而掀出他與公關鄭紹康之間恩怨,大爆鄭紹康曾以三千蚊侮辱價邀他做騷,連日來二人隔空開火。


三千蚊事件

鄭紹康:「呢件事已經有幾年,如果呢條刺仲放喺佢心度咁耐,我好遺憾。」蘇永康:「鄭生確實做大事嘅人,佢話三千蚊結怨唔記得幾耐嘅事,我話佢知呀,係我結婚後佢打畀我太太,兩年幾啫!」


出騷價錢

鄭紹康:「個價每日唔同,每次都要睇番event性質。」蘇永康:「鄭生確實做大事嘅人,佢話三千蚊結怨唔記得幾耐嘅事,我話佢知呀,係我結婚後佢打畀我太太,兩年幾啫!」


被問再合作

鄭紹康:「隨緣,我作為一個負責任嘅公關,我係以客為本。」蘇永康:「不如我答佢緣份已盡,請我都唔嚟,反而第二間冇錢都去,就係佢請我唔去!」


擺和頭酒

鄭紹康:「好。」蘇永康:「和頭酒免喇,唔知邊個得罪邊個,我覺得佢得罪我,有錢不如攞去做善事。」


下一步行動

鄭紹康:「影響咗我嘅誠信問題,已經同律師研究緊。」蘇永康:「律師話如果佢有動作,我哋隨時奉陪,放馬過嚟!如果佢夠膽承認冇三千蚊呢件事,擘大眼講大話,你咪搵律師同我傾。」




來源: http://hk.apple.nextmedia.com/entertainment/art/20160911/19767060
雙康 大戰 蘇永康 逐一 反擊
PermaLink: https://articles.zkiz.com/?id=308608

【誰是真兇?】蘇永康狂數鄭紹康

1 : GS(14)@2016-10-30 14:35:55

陳子聰大病初癒暴瘦照片外洩,不但引發何超儀與徐濠縈好姊妹反目,而且更引爆一場「雙康大戰」。事緣徐濠縈指私人Ig所貼的陳子聰消瘦照曝光是遭人出賣後,蘇永康直指阿徐經理人兼公關鄭紹康有阿徐Ig,暗指鄭紹康是幕後黑手,又大爆對方兩年多前曾以3,000元侮辱價邀他出席活動,並揚言:「天下第一關,呢行入面我冇邊個唔鍾意,佢係其中一個!」其後鄭紹康發聲明澄清沒有阿徐私人Ig,又指蘇永康言論影響自己誠信而考慮採取法律行動,雙方隔空開火,事件更引發洪卓立及莊端兒等藝人亦在社交網狂數鄭紹康。




來源: http://hk.apple.nextmedia.com/entertainment/art/20161030/19816672
誰是 真兇 蘇永康 狂數 數鄭 鄭紹 紹康
PermaLink: https://articles.zkiz.com/?id=314111

同謝安琪指腹為婚蘇永康老來得子

1 : GS(14)@2016-12-01 08:06:42

■康仔與老婆結婚兩年,老婆成功懷孕,明年4月預產期。資料圖片



現年49歲的蘇永康宣佈老婆馮翠珊陀五個多月B仔,預產期是明年4月2日,康仔昨在電話開心說:「老來得子,試咗兩年仲以為冇,老婆都四條嘢,之前成年放假都試唔到,冇啦啦上天跌畀我,仔女都殺!」


幫老婆掃背

問到是否自然受孕?康仔說:「我哋其實係意外,佢嫁畀我都30有8,係高齡,我哋撞時辰計日子,等咗兩年終於中咗,過三個月話畀阿媽知堅有咗,我媽咪80歲,而家好似後生20年,每朝問老婆想食乜煲畀佢。」快為人父的康仔都好緊張,有感冒即衝去睇醫生:「如果孕婦感冒好麻煩,唔可以傳染佢,所以要工人戴晒口罩,真係要小心啲,而家屋企好似打仗。」老婆懷胎滿三個月,康仔陸續通知好友:「有日我飛東京,收到謝安琪嘅WhatsApp:『我搞掂啦,三個月!』我主動第一個同佢講:『我都有咗,你個女,我個仔嚟!』我同阿聰講笑,不如玩指腹為婚!好感謝朋友守口如瓶,原因老婆始終高齡產婦,驚有意外,呢胎頭幾個月幾舒服,但呢兩朝見佢食完早餐嘔番出嚟,自己盡老公責任幫佢掃背清理,女人洗完頭成地頭髮,以前呢啲我留工人做,而家我想屋企清潔啲,自己低頭執,唔等工人。」



■謝安琪與康仔的老婆差不多時候懷孕,一個陀女一個陀仔。資料圖片

■趙勁皓宣佈盧頌之有咗,等女友生完會結婚。資料圖片


盧頌之陀B

之前康仔還向狄波拉請教教兒之道,他說:「霆鋒係幾反叛僆仔,但佢見到前輩包括我九十度鞠躬,問佢點教到咁有禮貌。」他笑言對囝囝只有一個期望:「我唔想個仔似我,似我醜到阿媽都認唔到。而家必須要做嘅嘢,就係唔好為社會製造多個造反嘅人,我唔想生個梁頌恆,我唔想生個游蕙禎,你可以反叛,但絕對唔可以做啲背祖忘忠分裂國家嘅事情。」此外,趙勁皓都宣佈女友盧頌之懷胎五個月,等B女出世後才結婚,他在社交網向女友許諾:「如果你唔係預備好任何時間都講對唔住,千萬唔好諗住結婚,but I m ready@dadaloooo一生一世。」採訪:皓騫




來源: http://hk.apple.nextmedia.com/entertainment/art/20161201/19850709
同謝 安琪 指腹 腹為 為婚 蘇永康 來得
PermaLink: https://articles.zkiz.com/?id=317830

懶理蘇永康攻擊梁頌恆po阿媽靚湯sell溫情

1 : GS(14)@2016-12-03 05:02:30

歌手蘇永康周三受訪時談到對兒子有何期望,表示「我宜家必須要做嘅就係,唔好為社會製造多一個造反嘅人,簡單嚟講,我唔想生一個梁天恆,唔想生一個游蕙禎」。疑似為被點名事主的梁頌恆,撰文感謝家人之餘,行文間亦暗諷蘇永康曾因在台北酒吧涉服食及藏有搖頭丸被扣查,最終被判入當地看守所觀察勒戒一事,稱「雖然我無吸毒,但令媽咪終日憂心忡忡」,而文章開首一句「我放任自負懶理會某君不喜歡」,便是引用蘇永康主唱的《不想獨自快樂》一曲歌詞。梁頌恆撰文指,回到家中母親仍在飯廳等候,見他回來便立即到廚房端出一碗湯,聊了一會才回房間休息,並上載該碗「愛心靚湯」的照片。他提到從政之路不易,自己被弄得焦頭爛額,更連累母親「被跟蹤被騷擾被起底」,「雖然我無吸毒,但令媽咪終日憂心忡忡,未能與她分擔家裡的重擔,實在心中有愧」。他強調自己最想保護的是母親,卻反而常常被母親叫他不用擔心,「慶幸生於這個家,即使在外有什麼風風雨雨,媽咪、細佬都會撐我,支持我繼續行正確的路」,又自嘲有時候覺得母親「生舊叉燒可能好過生我,至少叉燒不用被誣衊被抹黑」,但每次想起她一直身體力行陪他擺街站,「煲好靚湯等我回家,我知道,她心裡的我,比甚麼都寶貴」。梁頌恆另一個facebook專頁亦有轉載上述文章,並指「生仔真的唔好似梁頌恆,生存不了的」,又發帖刊出十多句《不想獨自快樂》一曲歌詞。游蕙禎亦有在fb貼文,提到先是梁天琦、陳浩天等5人,繼而是她和梁頌恆,現再有劉小麗,「政府以行政與司法手段不斷干預立法會運作,立會尊嚴掃地,無從自立,何以監察政府?」她指,高院將上訴申請駁回並非事件的終結,「訟費沉重,卻不比獨立立法權、言論權利之嚴峻。我等正與律師團隊商討,以期盡早申請上訴至終審法院」,強調「路遠且艱辛,我等須戰至最後,方能守我香港既有之法治」。




來源: http://hk.apple.nextmedia.com/news/art/20161202/19852831
懶理 蘇永康 攻擊 梁頌 頌恆 po 阿媽 靚湯 sell 溫情
PermaLink: https://articles.zkiz.com/?id=317995

蘇永康捱鬧:香港需要和諧

1 : GS(14)@2016-12-04 17:34:17

■蘇永康自言頂天立地,表示「錯就要認,打就企定。」



蘇永康日前宣佈太太有喜5個月,同時發表了生B不想生個「梁天恆」、游蕙禎等及背祖忘宗言論,引來極大迴響。昨晚他出席灣仔君悅的寧波車晚宴活動時表示:「我已叫粉絲不用刪走或攔截留言,因為大家都要言論自由,係鬧唔死,唔會唔開心,我學佛,學識寬恕,只不過今次唔覺意踩親佢哋偶像,佢哋始終有一日知道香港係需要和諧。」蘇永康自言頂天立地:「錯就要認,打就企定,唔同人哋帶隊去西環搭的士走咗,唔會咁做。」對於被網友重提他吸毒一事,他表示:「我做得出,俾人拉咗,香港冇引渡法,我都有返去,前幾年我申請美國簽證,移民官想我做詳細身體檢查,確保我身體冇毒品,我好配合去做,當然結果係negative,成功申請到visa。」採訪:曹家誠攝影:仇志德




來源: http://hk.apple.nextmedia.com/entertainment/art/20161204/19854226
蘇永康 捱鬧 香港 需要 和諧
PermaLink: https://articles.zkiz.com/?id=318223

雷頌德授蘇永康湊仔貼士

1 : GS(14)@2016-12-10 03:45:33

雷頌德(Mark)和K11合作推出品牌martian,昨日他在K11宣傳,獲太太梁家玉(Jade)、方力申和黃長興撐場,蘇永康則臨時缺席,雷頌德說:「佢臨時唔得閒,要照顧太太,我好戥佢開心,佢太太懷孕,我都有畀啲貼士佢,其他等我老婆教佢,我老婆識得多過我。」



蘇永康

問到小方要否雷頌德幫忙設計女友?小方妙答:「設計我唔曉,但你睇Stephy(鄧麗欣)就知好嘢。」主動提起舊愛,莫非有轉機?小方卻堅持不提:「唔講唔係冇。」採訪:卓寶花攝影:陳慧安




來源: http://hk.apple.nextmedia.com/entertainment/art/20161209/19859303
頌德 蘇永康 湊仔 貼士
PermaLink: https://articles.zkiz.com/?id=318931

接王晶羅鈞滿班 蘇永康搶做新一代負皮王

1 : GS(14)@2016-12-24 10:55:36

負皮是如何煉成的?其實唔難嘅,只要口沒遮攔兼惹火,或者係不斷有是非,都好易引起網民圍剿,再講多幾句,久而久之就好易變成「負皮王」喇。王晶:王晶不嬲都好有「自信」,一向都有同網民開火嘅習慣,試過為《大唐雙龍傳之長生訣》選角問題同fans嗌交;又試過就雨傘運動同前學民思潮召集人黃之鋒喺facebook駁火。俾人負評唔係一日嘅事,今年初仲有人話杯葛王晶套賀歲電影《賭城風雲3》,而王晶又好寸咁話香港,票房只係得內地嘅25分之1……王晶啲言論咁唔重視佢出身嘅香港,就知點解點啲人要負皮佢啦。羅鈞滿:講起羅鈞滿,會諗起啲乜?滿身是非囉!幫佢數一數,2012年違反交通條例停牌3個月;13年被指曾經炒燶窩輪,幾十萬債要家人幫手填數;之後又博出位,指王維基嘅香港電視不獲發牌係商業失敗;2015年又背住女友張文采搭上空姐,結果被對方狠批浪費花陰;再到今年3月,再次因為醉駕,被判社會服務令同停牌兩年。咁多是非,有人就寫咗篇網文《做人別太羅鈞滿》,一邊暗寸佢唔生性,一邊叫人唔好學佢。負評太多機會又冇珍惜,結果係連大台都唔同佢續約,喺上個月台慶日,羅鈞滿要宣佈離巢。蘇永康:蘇永康一向都好有火,睇佢年中同「天下第一關」鄭紹康隔空開火,就知佢像講嘢唔顧後果。上月底蘇永康宣佈老來得子,咁高興當然要分享啦,不過佢講到對個隻嘅期望,就好狠咁話:「我唔想生個梁天恆,我唔想生個游蕙禎,我要佢識分莊閒。」一次過拉咗梁頌恆、梁天琦同游蕙禎落水,搞到網民反感。蘇永康仲被人拎番以往吸毒件事嚟講,又俾人喺facebook洗版,不過統統都俾蘇永康刪除晒啲留言,成為新一代負皮王。




來源: http://hk.apple.nextmedia.com/entertainment/art/20161224/19875760
王晶 羅鈞 鈞滿 滿班 蘇永康 搶做 新一代 負皮 皮王
PermaLink: https://articles.zkiz.com/?id=319994

張衞健老婆睇住出世蘇永康榮升爹哋 鄭紹康:恭喜佢

1 : GS(14)@2017-03-23 06:27:21

■蘇永康早前才與臨盆在即的太太在銅鑼灣行街。資料圖片



現年49歲的蘇永康(阿公)老來得子,前日老婆馮翠珊為他誕下兒子,不過,阿公尚未公佈喜訊,好友雷頌德昨在尖沙嘴出席攝影集分享會卻率先爆響口:「嚟緊都會幫蘇永康影,佢噚日做咗爸爸啦,你哋唔知咩?」



■鄭紹康昨晚避談會否致電蘇永康破冰。

■張衞健透露太太張茜全程陪着蘇永康太太生B。資料圖片


開心BIG FOUR有後

據知,阿公原本想待母子出院後才宣佈喜訊,怎知卻忽然被公佈榮升爸爸,惟有昨提早報喜:「好多謝大家關心,小弟的確係榮升咗老竇級啦!母子平安,BB好可愛。第一次做爹哋,心情當然係非常非常感動同開心!新手上任,有啲手忙腳亂,所以請容許大家畀少少時間我,過兩日等我安定下來,先同大家分享我嘅喜悅!」好友張衞健昨在電話說:「我老婆(張茜)特登喺北京返嚟陪佢老婆生仔,阿康仲自己剪臍帶㖭,見到佢戴住手術帽、着手術衫、揸住把鉸剪,真係《妙手仁心》上身。」問阿公有否感動到喊?健仔笑說:「咁又冇喊,我感動到喊,BIG FOUR終於有後。BB手長腳長樣似老母,我即刻放心晒嘞,似阿媽咁咪靚仔。老婆話入產房前,阿公舉手投足依然係架勢,但生完揸住BB手指即刻溫柔晒,我好戥康媽抱孫開心。」另外,曾因三千元侮辱價被阿公數臭的「天下第一關」鄭紹康,昨晚在中環出席Gucci活動表示:「已經託朋友問候佢太太,做完活動等我send個message恭喜佢啦,生BB係開心事,都值得開心嘅。」會否送禮物?他說:「知有朋友夾緊,夾到點解唔夾呢?」是否還嬲?他說:「冇諗呢啲啦,都新一年向前望。」會否致電阿公恭喜以破冰?他支吾說:「呢啲緣份嚟嘅。」



■徐濠縈昨晚出席Gucci活動時,笑談蘇永康榮升爸爸,BIG FOUR終添丁。

■Wyman戥蘇永康開心,自言感動到想喊。


Wyman改名被拒

同場的黃偉文(Wyman)戥阿公開心,他透露看過BB相,覺得頭大似爸爸,體重約6磅多,晚上9時許出世,更自爆幫BB改英文名Kelab,但被蘇媽媽拒絕了,他眼濕濕說:「冇得改名都會錫BB,知道佢母子平安真係想喊。」徐濠縈則說:「恭喜蘇家BIG FOUR添丁,第一個男『袋』,祝BB健健康康快樂成長。」採訪:盧妹、羅慧敏攝影:仇志德




來源: http://hk.apple.nextmedia.com/entertainment/art/20170322/19965705
老婆 睇住 出世 蘇永康 榮升 鄭紹 紹康 恭喜
PermaLink: https://articles.zkiz.com/?id=328379

蘇永康為B仔 做多20年

1 : GS(14)@2017-03-23 06:51:14

■蘇永康抱住B仔時,流露一副慈父樣。



49歲的蘇永康大前日榮升老竇,兒子重6.11磅,英文名叫Jazz,昨在醫院陪妻兒的康仔笑說:「全世界關注佢似我定似媽咪!似我就當然出現少少問題,好難講,十多年後可能似我先係靚仔呢。我媽話,你爸爸玩爵士音樂,何解不叫Jazz?偉大的uncle Eason Chan(陳奕迅)已經叫佢蘇爵士。」



■太太馮翠珊為蘇永康繼後香燈,蘇永康直言母親好開心。資料圖片

康仔透露親自幫囝囝剪臍帶:「BB右腳出先,醫生要拖佢出來,頭嗰兩分鐘出嚟冇乜嘢聲,醫生叫我抱佢,我咪坐喺度唱歌畀佢聽,佢可能喺肚聽慣我把聲,一聽就開始面色紅潤。」康仔謂剪臍帶是一生難忘:「唔會再有第二次,因為冇諗過生第二個,都繼後香燈啦,本來做多5年就嘆住過人生,?家佢出咗來,起碼做多20年啦!」撰文:皓騫




來源: http://hk.apple.nextmedia.com/entertainment/art/20170323/19966850
蘇永康 做多 20
PermaLink: https://articles.zkiz.com/?id=328492

為錢同蘇永康反目林慕德破產欠人400萬

1 : GS(14)@2017-03-24 17:08:05

近日陽光檸檬茶30周年,網民尋回當年廣告歌原唱人,令「林慕德」、「楊楚營」等名字再次被觀眾認識。如果淨係聽到「林慕德」呢個名,你未必好有印象,除咗陽光檸檬茶廣告歌外,不過再數埋《激光中》、《捨不得你》、《哪有一天不想你》、《深深深》,甚至「萬里望花生」廣告歌;你就會「哦,原來係佢」,因為呢幾首歌都係出自林慕德手筆。不過o依家林慕德已經轉行做語言教育。喺8、90年代,林慕德叱吒風雲,因其才華超卓,且對音樂有靈敏嘅觸覺,但一路走來,林慕德都遇過不少風波。89年林慕德一手發掘蘇永康,為其製作《失眠》大碟,可惜及後二人因財反目;林慕德在訪問中講過,如果蘇永康要怪自己唔捧佢都冇辨法,因為當時興偶像派,林更用「捧一次,死一次」去形容當時狀況。到98年,蘇永康上位及轉唱片公司後,林慕德以前製作人身份推出蘇永康精選碟,蘇永康得悉事件後直言:「我希望佢真係會計清楚分紅俾我!」最後林慕德公開親自簽一張36,000港元支票,蘇永康亦表示恩怨從此一筆勾銷。到00年,林慕德喺大陸創立網站「樂神互聯網」,食住當時嘅「.com」熱;因為科網爆破,公司出現資金問題,6名網站員工由當年4月開始收唔到薪金。06年底,林慕德遭一名債權人入稟高等法院,要求頒令破產。案中指林欠下21名人士約400萬元欠款。到07年7月,有報道指林慕德已還清欠款,並已繳付破產管理署的堂費,法庭已撤銷其破產呈請。




來源: http://hk.apple.nextmedia.com/entertainment/art/20170324/19968707
為錢 錢同 蘇永康 反目 慕德 破產 欠人 400
PermaLink: https://articles.zkiz.com/?id=328659

雷頌德抱蘇永康靚B

1 : GS(14)@2017-03-25 10:34:31

雷頌德(Mark)日前出席活動,不小心漏口風踢爆蘇永康(阿公)已榮升老竇,本來打算待老婆馮翠珊出院才公佈喜訊的阿公,惟有提早宣佈老婆已經生了,B仔取名Jazz,重6磅11安士。昨日Mark在Instagram貼出他抱着阿公囝囝的溫馨相,BB好像仰頭望着他笑,十分可愛。
Mark昨日接受本報電話訪問,大讚阿公囝囝很趣致,望着他笑咪咪。日前張衞健笑指BB似媽咪,令他放心,問Mark覺得BB似阿公還是似媽咪?他亦謂:「望落去似媽咪多啲,好靚仔呀!」採訪:小米




來源: http://hk.apple.nextmedia.com/entertainment/art/20170325/19969052
頌德 蘇永康
PermaLink: https://articles.zkiz.com/?id=328793

蘇永康盼兒子似霆鋒

1 : GS(14)@2017-03-26 15:38:26

蘇永康昨晚出席慈善宴,太太馮翠珊(Anita)為他誕下兒子Jazz,他日前接受周刊專訪時,表示會好好教導兒子,希望兒子是一個守法、不搞事的小朋友,但是他覺得要求小朋友不搞事都不容易。談到對兒子要求,蘇永康認為一定要識分長幼,對長輩有禮貌,更以謝霆鋒做例,雖然反叛,但見到長輩就會立正,九十度鞠躬。




來源: http://hk.apple.nextmedia.com/entertainment/art/20170326/19969947
蘇永康 兒子 似霆 霆鋒
PermaLink: https://articles.zkiz.com/?id=328918

安仔做蘇永康囝囝契爺

1 : GS(14)@2017-04-22 10:43:44

許志安、Dear Jane、RubberBand、Supper Moment及觸執毛昨日到商台為「21安士音樂會」宣傳,他們指今次除覓得神秘單位合作演出,眾人更會排舞演出。Dear Jane的成員Tim將為人父,Tim說:「?家四個月,當時一齊睇棒健(驗孕棒),一齊驚喜。」身旁的安仔笑言:「係唔係要揈吓支棒。」身邊人更正安仔:「探肛先要揈㗎。」問到安仔有否探蘇永康上月出世的囝囝,安仔笑言:「有,越大越似阿爸,係祝福嚟,好得意。唔使刻意上契,到時自動波,到時佢大個就帶佢出嚟,爸爸唔畀做嘅就搵契爺,但唔好黐咁多張衞健,有少少擔心佢。」採訪、攝影:張俊銘



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996110
安仔 仔做 蘇永康 囝囝 囝契 契爺
PermaLink: https://articles.zkiz.com/?id=331221

蘇永康過百萬做碟

1 : GS(14)@2017-08-04 06:36:12

蘇永康加盟唱片公司多年,一直未出碟,昨日他在商台宣傳全新發燒碟,表示一直有計劃推出,但未能有時間做碟,直至第3次續約才成事,今次唱片製作費不設上限,現已超過100萬:「我入公司咁多年,冇令公司蝕過錢,酬勞每次簽約都有提升,希望今次唔好爛我嘜頭。」如此推算,要賣18,000隻才回本,所以他感謝公司,讓他放任去做。百忙中的蘇永康亦不忘抽時間跟兒子玩樂,日前他跟兒子去游水,他大讚兒子大膽不怕水:「同佢去嘆吓,平時沖涼佢都腳踢踢,知佢唔怕水。第二次游水佢都揈手,相信佢識游水快過識行路,呢樣唔似我,我係怕水,游水唔係咁掂。」採訪、攝影:王連連




來源: http://hk.apple.nextmedia.com/entertainment/art/20170804/20110680
蘇永康 過百 百萬 萬做 做碟
PermaLink: https://articles.zkiz.com/?id=339657

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019