ZKIZ Archives


盧博士掛住湊仔沈嘉偉被迫蒲頭 李華華

2010-05-26  AD






 

身為 I.T(999)老闆嘅沈嘉偉,終於由娛樂版回歸財經新聞版!江湖傳聞話,沈生上個月喺「大劉」尖沙嘴個新場「The One」租咗個大舖,要搞間全港最大旗艦店咁話。華華一直無chance證實呢個消息,估唔到下個禮拜終於有機會!有口痕經紀同華華講,沈生鐵定下星期二 蒲頭,主持I.T個業績記者會,見吓投資者同傳媒朋友。

下星期二主持業績會

咁又有咩出奇呢?梗係有啦!事關沈生行事作風真係 非一般低調,佢簡直係惜字如金,唔鍾意見人又唔鍾意講嘢,一年四季淨係鍾意同佢老友城城打吓邊爐,自己間公司由05年上市到o依家,出嚟見人嘅次數絕對唔 夠3次。咁點解今次又要粉墨登場?鬼咩,一直係I.T代言人、唔係負責着衫淨係負責講嘢嘅盧永仁,呢頭話要令I.T市值翻三番,「壯志」都未酬,舊年呢位 副主席突然走人,沈生咪惟有自己頂硬上囉!

講番擁有「天地雄心」嘅盧博士,佢話過只係鍾情做大公司,但o依家似乎仲未有着落。華華先排響四 季撞到佢,估唔到又肥咗一個碼,問佢o依家撈咩,佢笑笑口答咗句「湊仔」就快閃鬆人……各大上市公司,有興趣不妨搵搵佢。

李華華



博士 掛住 住湊 湊仔 仔沈 沈嘉 嘉偉 被迫 蒲頭 華華
PermaLink: https://articles.zkiz.com/?id=15786

中環在線:富士康萬人大會郭台銘唔蒲頭 李華華



2010-8-19  AD


 

講到睇得開,富 士康嘅員工就真係未必做到,日日由朝做到晚,搞到早排出現十連跳、打齌超渡、搬廠以至起300萬呎安全防跳網等等……血汗工廠富士康嘅員工噚日自發喺深圳 龍華廠搞咗個以「珍惜生命、關愛家人」為主題嘅萬人誓師大會,呢個應該係富士康有史以來最大規模嘅員工運動。

之不過咁大壇嘢,就唔見親自坐鎮深圳幾個月、督導防止自殺工程嘅大老闆郭台銘蒲頭……咪話華華衰衰咁諗,郭總可能係驚到時班員工唔自殺轉為追殺佢,所以寧願響幕後默默關心。

李華華


中環 在線 富士康 富士 萬人 大會 郭臺 臺銘 銘唔 唔蒲 蒲頭 華華
PermaLink: https://articles.zkiz.com/?id=17554

中環在線:嘉能可上市儀式馬世民唔得閒蒲頭 李華華

2011-5-26  AD




 

今年全球集資額 最大新股嘉能可(805)噚日掛牌,港交所(388)當然唔敢怠慢,除咗行政總裁李小加畀面出席,連前日開行會時跣低嘅主席夏佳理都嚟撐場,華華見到佢行 得走得,睇嚟應該冇乜大礙。港交所咁撐場反而集團獨立主席馬世民就冇到,有關方面話佢因為事忙嚟唔到。華華之前都話過,72歲嘅馬世民,同一時間出任48 間公司嘅合夥人或者董事,每家公司一年平均分得7日時間,排唔到期出席上市儀式有乜咁奇。

況且,嘉能可喺倫敦時間24號上午(約香港時間 24日下午3點)喺英國上市仲舉行上市儀式,據集團公關大員講,主席Ivan Glasenberg同埋一眾管理層為咗趕嚟香港嘅上市儀式(25日上午9時),全部都係嗱嗱臨咁喺英國掛完牌後坐私人飛機過嚟。好在冰島火山嘅火山灰唔 係咁嚴重,否則真係私人飛機都趕唔切。

又關艾未未事?

另一方面,究竟嘉能可同艾未未有乜關係?話說正當嘉能可喺港交所舉行緊上市儀式時,一向同資本市場冇乜關係嘅社民連都嚟贈興,仲要無厘頭咁整咗個釋放艾未未同社民連成員姜靈彰嘅示威牌。

搞邊科?據社民連中人同華華講,用嗰兩個牌係基於環保原則,將之前用過嘅示威牌循環再用,前面寫「抗議炒賣商品」先係今次嘅訴求。

嘉能可發言人回應,集團嘅工作係促進全球糧食流動,絕對冇炒賣喎。



中環 在線 嘉能 能可 上市 儀式 馬世 世民 民唔 得閒 蒲頭 華華
PermaLink: https://articles.zkiz.com/?id=25306

中環在線:千億親家未蒲頭 李華華

2011-7-7  AD




 

香港資源(2882)主席黃英豪同執行董事徐傳順畀廉記請飲咖啡單嘢,噚日可謂熱爆中環,事關一個係全國政協「新金王」,另一個係四叔李兆基嘅「千億親家」,兩位有頭有面又有錢,到底搞咗單咩嘢,搞到要去廉記?相信全個香港無人唔想八!

黃英豪冇返office

為 咗同大家八第一手料,華華噚日孖住同事晨咁早9點正,就踩上黃生嘅office,諗住問個明白,不過無論係黃生爸爸嗰間黃乾亨律師事務所,抑或係香港資源 嘅office,兩邊都話黃生唔喺度,香港資源嗰邊講到明黃生唔會返公司;至於啱啱抱男外孫嘅徐生,個手機一直都打唔通。

直至噚晚十點鐘,香港資源終於出聲明,話黃生同徐生協助廉記調查後,已經返公司正常工作。而呢單嘢同公司冇關,即係冇嘢可以八﹗

「調查與公司無關」

之不過咁,華華可以八住另一單鮮為人知嘅嘢畀大家聽嘅。

聽啲世叔伯講,好耐好耐之前,佢哋有個世姪,好想起支旗,一過上市公司主席癮。

但嗰陣世姪年紀仲係好細,一定要搵佢哋幫手,但由於世姪做事作風過份進取,加埋手法又有啲前衞(班老人家係咁講),所以,佢哋無人肯落叠,卒之,阿世姪喺若干年後,憑自己努力同埋同輩朋友幫手,先至完咗呢個夢……

李華華


中環 在線 千億 親家 未蒲 蒲頭 華華
PermaLink: https://articles.zkiz.com/?id=26180

無錫直擊內銀巨債「蒲頭」

2013-03-28  NM
 
 

 

上週三,全球最大太陽能股之一、在美國主板上市的無錫尚德,因拖欠內地九大銀行逾七十億元人民幣債項,被無錫法院宣布破產,消息震動整個財經界。表面上,這是一間從內地「走出去」的民企,因瘋狂併購及管治不善,導致欠下巨債無力償還。實質上,是過去地方政府為谷政績、替企業包底、再由內地銀行向企業無限「放水」濫借的典型案例。「水源」,正是○八年金融海嘯後,中央推出的四萬億元救市方案。不過自今屆人大、政協兩會期間,中國銀監批示內銀要「自己擦屁股」後,無錫尚德這間光伏(即太陽能)公司首當其衝,而九大內銀因其問題巨債,亦紛紛中伏。

記者走在無錫街頭,深深感受到這裡較其他內地城市「先進」:在新發展地區的馬路兩旁,豎滿一支支裝上太陽能板的圓柱;泊在路邊的單車,設太陽能防盜系統,泊車位亦以太陽能運作;無錫尚德位於高新技術開發區的廠房,就更誇張,辦公大樓的整個外牆,裝上了兩塊超巨型的太陽能板,恍如玻璃幕牆,氣勢磅讛。

知名度僅次「無錫排骨」

這家無錫尚德,在Google search上搜查,排序僅次於「無錫排骨」。創辦人施正榮曾是中國首富,更「紅」到出國際,有「綠色英雄」之稱,被英國《缳報》選為「拯救地球五十人」,又被《時代周刊》譽為「環保英雄」。公司在無錫落戶,連帶全國其他太陽能公司亦爭相在這裡設廠,人人富起來。不過,記者上週在無錫街訪,原來現在人人都對無錫尚德恨到「牙癢癢」。「政府很豬頭!破產就好了!」無錫人李小姐說,無錫人都知地方政府在尚德身上,花了過億元,「最討厭這個尚德,政府的錢不就是納稅人的錢!你說是不是?」另一無錫人周先生也嘆道:「唉,我本來就不看好新能源,不好做,都是政府搞的鬼!但這麼容易就破產?」無錫尚德的確是吃無錫政府的「奶水」長大,其起與落,正是內地政府、銀行及企業之間「三角關係」的最佳寫照。

起:政府補助撐腰

○○年,原籍江蘇、在澳洲研究太陽能電池的「海歸派」施正榮,回流並創立太陽能企業,本想落戶上海,最後被無錫政府的誠意「感動」,落戶當地。連當地的士司機肖先生都知:「當年尚德本來想在上海浦東發展,是無錫政府和市委,硬把這項目拉回來,想把無錫發展成一線城市嘛。上海出什麼條件,無錫出更好,稅收優惠啊、土地啊,這些年來,政府資金、政策都補貼很多。」當時施正榮只須掏出四十萬美元現金,其餘六百多萬美元資金,由六間有政府背景的企業承擔。當然無錫市政府亦有「回報」,成功向中央取得逾億元國家和省市各類科技研發基金,前總理溫家寶甚至曾參觀無錫尚德廠房。這種招商引資的「你爭我奪」,在內地極為平常;私募及創投基金傲揚投資集團總監尹滿華,便體驗過這種「關切」:「大陸鮋地方政府,其實同一間公司無分別,為引資會用盡方法。好似我去常州武進區投資一間公司,剛拍板落實,隔籬市個市長第二日就打來,話如果我取消單deal(交易),搬去佢個市,條件會好一倍!」他解釋說:「佢懐要升官發財,必須要政績,即係就業、稅收,所以會為企業提供稅務優惠和地方,有時連廠都幫你起埋﹗」

承:市值近千億港元

○五年,無錫政府送佛送到「西」,為尚德成為在美國首間上市民企做好準備,其間控制尚德七成五股權的國有股東集體退出。美國主板上市後,尚德不斷擴充產能,營業額由○五年的二億二千多萬美元,攀升至○八年近廿億美金。一家盈利只有三千二百多萬美元的公司,市值竟然達一百二十億美元,市盈率高達三百七十五倍!意氣風發的施正榮,更曾致公開信給美國總統奧巴馬,希望對方支持太陽能業,稱陽光是人類「與未來溝通的另一種語言」。無錫尚德配股,獲投資銀行高盛、英聯等垂青;由於發展太陽能的原材料、尤其多晶硅的需求激增,價格被推高,他說:「多晶硅由○三、○四年約廿幾蚊美金一公斤,升到去○八年的四百蚊。」為此無錫尚德與多晶硅供應商簽了近六十億美元的十年期貨合約,由此種下了禍根。

轉:內銀借貸「托市」

○八年一場金融海嘯,就將無錫尚德「打殘」;隨後,海嘯蔓延至歐洲,歐債危機爆發,歐洲國家自己都「勒緊褲頭」,自然削減對太陽能之補貼,加上供應過多,令光伏產品價格插水,對於有一半生意來自歐洲的尚德,可謂屋漏兼逢連夜雨。再者,美國又推出反傾銷稅打擊來自中國的太陽能產品,多晶硅價格暴跌至二十美元,打回原形,令尚德損失慘重。○八年第四季,尚德錄得季度虧損六千五百萬美元,毛利率僅百分之零點六。這時內地宣布四萬億救市方案,一眾內地銀行大力放水,為無錫尚德等民企製造「巨型水泡」。同時間,北水南調,不少公司打覑「新能源」的旗幟,亦排隊來港上市抽水,如大唐新能源(1798);另一方面,從事環保電廠的保利協鑫(3800)亦「轉投」太陽能發電懷抱,加上其他光伏股,一時間「五光十色」。翻開尚德的年報,銀行貸款由○五年上市時只有五千六百萬美元,增至去年八月底的十四億四千萬美元﹙約九十一億元人民幣﹚,七年間激增二十五倍,負債比率突破百分之百。

結:爆煲無力挽

來到中國銀行的無錫分行,職員徐小姐直言,中行是尚德的「頭號債主」,「以前銀行批得很鬆,尚德來借錢,沒有東西做抵押,全是信用貸款,政府扶植的企業,怎想到會破產呢!為了發展業務,就算出問題,也得放貸,有政府在背後撐覑嘛,以為尚德千年不還,萬年不賴!」年報顯示,○五年至一一年期間,中國銀行供尚德借取的信用貸款,達三十四億元人民幣,而國家開發銀行,亦在一一年底尚德股價跌至幾毫時,批出十九億元人民幣信用貸款,當中還未計由兩間銀行牽頭、達十二億五千萬人民幣的銀團貸款,讓尚德繼續以收購自救。不過,一名審閱過尚德資產的會計師質疑指︰「不斷收購,提升產能,賭市場需求,肯定輸鰦!點解銀行咁驚?如果鱓錢買鮋係無形資產、技術同產能,咁真係貼牆紙好過!」去年尚德榮登財富中國500強「虧損榜」第二位,為一眾走向行業低潮的太陽能股,如保利協鑫、興業太陽能(750)等,敲響警鐘。不過施正榮繼續錢途「光明」,與公司有多宗關連交易。一○年,尚德與亞洲硅業簽署了總額達十五億美元、為期七年的長期供貨合約。翌年五月,亞洲硅業卻明目張膽成為施正榮家族的控制企業;搵銀模式與一眾民企老闆「相似」。

四萬億救市「埋禍」

中行及國開行充當「大好友」,某程度獲地方政府擔保;去年九月,無錫市時任市長朱克江親自出面,要求銀行拯救,免得尚德破產,無錫市臉目無光。不過今年全國人大、政協兩會,要求整頓銀行業後,就以無錫尚德突然破產告終。投資銀行德銀估計,中銀過去向太陽能企業的借貸總額達二百億元人民幣,分分鐘凍過水。內地社科院金融研究所研究員王增武直言,○八年金融海嘯後、內地銀行「大放水」,能否收回成為疑問︰「四萬億資金主要經商業銀行流到市場,去到基建項目、高新技術企業等,銀行壞賬風險值得關注。」基金經理尹滿華說得更白︰「尚德係龍頭企業,信譽高,政府都要靠佢交稅,就算有咩事銀行都覺得政府會包底,所以一定易借錢。今次政府無俾錢救,真係好意外,市場好大回響。相信中國政府未來方向,都係會『減少干預』o架!」屆時內銀的貸款質素,便徹徹底底露出水面。

國開行真面目

國家開發銀行近年「大水喉」的姿態惹人注目,如為港交所(388)提供高達一百四十億港元信貸額度,「鯨吞」倫敦金屬交易所。另外,去年底泰國正大集團有意接手礇豐(5)的平保(2318)股票,有傳亦由國開行向正大提供貸款,涉資四百四十億港元。「大水喉」如此豪氣,背後當然有靠山。國開行董事長陳元乃中共元老陳雲之子,而陳雲與習近平的父親習仲勛皆是中共八大元老,關係密切。陳元更於本月中結束之政協會議中,當選全國政協副主席。於九四年成立的國開行,亦有「中國第二財政部」之稱,過去投資於「西部大開發」、「振興東北」、「新農村建設」、「走出去」等大型基建項目,於一一年的貸款額高達五萬五千億元人民幣。故此,國開行批出的貸款,往往被市場視為國家行為,地位昭然可見一斑。

無錫 直擊 擊內 內銀 銀巨 巨債 蒲頭
PermaLink: https://articles.zkiz.com/?id=54020

新進元朗「教父」蒲頭

2014-01-02  NM  
 

 

梁振英到天水圍出席地區論壇,一班14K和新義安江湖大哥紛紛蒲頭護駕,並在場指揮他們的馬仔幫政府「維持秩序」,泛民支持者遭到圍毆,事後警方雖然拘捕了九名涉嫌打傷泛民支持者的大漢,但在場的江湖大佬及政界人士至今一直沒事。當日在場的立法會議員梁志祥,被指是吹雞的始作俑者,他雖然極力否認,但「黑色梁粉」一詞迅即爆紅,梁振英與黑道關係也變得撲朔迷離。梁振英未上任特首前,已被爆出涉嫌為拉選票而與黑道人士安排「江湖飯局」,至他上任特首後,黑道及元朗鄉紳亦一直盛傳幾位江湖大哥,四處吹噓透過立法會議員關係,與梁振英搭通「天地線」,並藉此在元朗區各項土地發展上獲利。本刊個多月來跟蹤調查,發現梁志祥和區內江湖人物來往甚密,從不避嫌。

為期十五日的元朗傳統打醮,上月中在元朗舉行開幕及拜神儀式,一眾元朗重量級人物全都出席,當影大合照時,恰巧新界王劉皇發,九十年代橫行元朗的教父戴權,及元朗區議會主席兼立法會議員梁志祥三人站在一起合影,在場熟悉元朗政情的人士及鄉紳,紛紛竊竊私語:「有無搞錯,邊個咁大整蠱,將元朗新舊教父擺埋一齊,而發叔又同梁志祥唔啱channel,呢張合照真係要好好收藏,第日攞番出嚟睇,必定百般滋味在心頭……」記者趁機捉著戴權,希望問出元朗最新形勢,不過年屆八十七的戴權,頭腦卻十分清醒及鬼馬,對記者的提問,他不是遊花園,就是一味說什麼都好,問他知不知元朗有一班「黑色梁粉」,戴推說自己年事已高,已很久沒理區內事務。記者再問他,鄉民指梁志祥想倣傚他成為新一代元朗教父時,他則笑而不語,到最後冷笑一聲,「佢叻仔呀,做得好好。」

新舊教父同場出現

梁志祥和戴權近期在元朗都非常活躍,早在十一月一個元朗飲宴中,兩人亦有同場出現,並且各自滿場飛打交道。而當晚宴會可謂星光熠熠,除了土豪鄉紳外,黑道人物也雲集。出席者包括剛於去年十二月中因洗黑錢罪名成立而入獄的屯門之虎跛榮,屯門新義安新話事人肥傑,元朗14K德字堆揸fit人四眼細,屯門新義安大哥忽得超等,另外參加梁振英「江湖飯局」的元朗江湖猛人高佬和(曾樹和)也在座,他多年來與元朗14K人馬關係密切。梁志祥及曾樹和可謂一對「孖寶兄弟」,自發生八月天水圍論壇外的打架事件,高佬和面對電視鏡頭,仍爆粗兼指使手下「維持秩序」,輿論為之譁然。梁志祥事後就一直否認有「吹雞」,只承認有致電著高佬和出席論壇。但當晚宴會時,兩人卻在席間細細聲「雞啄唔斷」,顯然關係十分熟絡。

齊齊上京

高佬和與梁非常稔熟是不爭的事實,如梁志祥參選立法會,高佬和大力幫梁拉票,梁志祥朗屏邨新辦事處於去年九月中開幕,當日高佬和以主禮嘉賓出席。而去年七月,梁更與高佬和帶團上京,見港澳辦副主任週波,是次三十多人的新界鄉紳訪京團,一反常態以新界社團聯會會長梁志祥為團長,似有意飛起鄉議局主席劉皇發為首的鄉議局。而梁亦承認在北京時,曾向週波提及新界人的土地權益、賠償、僭建及普選等議題,梁及高佬和的緊密合作姿態,已儼如新界鄉紳的代言人。

黑白道星光熠熠

據元朗鄉紳透露,二人更常在屏山一間茶餐廳共進早餐商議大計,當晚飲宴時,這對孖寶兄弟也走在一起。之後記者在酒樓門口訪問提早離開的高佬和,當問及他與梁的關係時,高佬和鬼馬地說:「佢係我老細,佢係元朗區議會主席,我係元朗區議員,我哋當然好熟絡。」至於問他捐了多少錢給梁志祥搞元朗及天水圍等地區事務的基金,高佬和以自己沒有記錄過為由,而不知總共捐了多少錢,之後他更笑說:「我又唔賭錢,咪當輸咗囉。」記者繼續在酒樓門口守候梁志祥,並問他與一眾江湖人物關係如何時,梁答得極小心謹慎,他承認與元朗的勝和太上皇囝囝認識,但囝囝從沒向他求助,二人也沒有來往過。另外他也認識另一江湖猛人田雞東(鄧勵東),因他是區議員,梁還自爆在酒樓內,田雞東剛向他提及一宗洪水橋廈村收地問題,「因為洪水橋有個發展計劃,佢(田雞東)認為政府應該做多啲諮詢……」。據知,梁還有更多江湖人物脈絡,包括四眼細左右手四眼民,也是他的中學同學。當訪問完梁志祥,輪到近九十歲的元朗教父戴權獨自一人步離酒樓,對於記者上前訪問,見慣風浪的戴,不慌不忙的回應說:「我退休冇工作喇,我係退休人士,都無乜嘢好講。」「依家有好多人都話梁志祥嘅聲望高過你喎?話佢會係元朗新一代教父呀。」記者再追問。「梗係,幾時都係。我哋梁志祥主席又係立法會議員,不嬲都高過我喇。」戴淡然地回應。「點睇梁志祥呀?」記者再問,「佢好勤力嘅,我識咗佢三十幾年,好後生識佢,佢一直都係元朗……。」本來記者再想問下去,但戴揚一揚手,示意不欲多談,之後轉身獨自一人大步離開,漸漸消失在昏暗的街燈下,昔日叱咤元朗的教父,今夜霸氣依然不減。

旨在向外示威

而有份出席當晚飲宴的一名鄉紳阿蒙表示,元朗現正值新舊勢力交替的敏感時期,因梁志祥自上年入了立法會後,元朗的各方勢力隨即起了微妙變化,「八月梁振英落區,去天水圍搞論壇,成班江湖大哥蒲曬頭,班大哥響場外做到好似現場指揮咁,叫班僆仔當住鏡頭都爭先恐後打人,驚死你唔知佢哋係黑社會咁,成個元朗都譁然。」他指出,這次事件可謂「大賣廣告」,鄉民都覺得,這班江湖大哥和梁志祥,甚至梁振英都是同一條陣線。阿蒙語帶雙關,道出黑色梁粉當日大曬馬,其實就是出來演一台戲給元朗鄉紳睇,就是他們講黑有黑,講白有白,不但有政界高層人士撐腰,除可直達特首外,連遠至北京中央也可搭通天地線,打完人警方也無計可施,「最搞笑係當日警方都理唔到,事後拉咗九個魚毛蝦蟹交差算數,之後班大哥仲可以行出嚟也文也武,完全未受牽連,呢場戲可謂演出成功,起碼有鄉紳看在眼裡覺得呢班人有料到,有實力。」

收地利益龐大

為了向外示威,以宣示自己是梁粉的實力人士,這班江湖大哥及政界人士可謂無所不用其極,他們要這樣高調行動,說穿了,其實都是為了土地利益,為了龐大的金錢利益。元朗屬平原地,可供發展的土地資源相當豐富,再加上政府已宣佈發展洪水橋的計劃,難怪各路人馬均磨拳擦掌,虎視眈眈著這塊肥豬肉,洪水橋的發展規模較新界東北發展規劃及現時的天水圍還要大,洪水橋新發展區面積達八百二十六公頃,將分成六區發展,預計可提供六萬個住宅單位,而政府已公佈預留四百億元收地來發展新界東北,若以此基準推算,洪水橋的發展計劃,其涉及的收地賠償金額必高於四百億,如此龐大利益,元朗將來的村代表、鄉委會及其他議會等選舉必定出現爭崩頭的局面,而一向與元朗各大小選舉關係密切的元朗黑勢力亦會蠢蠢欲動。「元朗區黑白道係好難分割,依家局面,正正係昔日戴權以教父姿態,影響元朗各大小事務,當年嘅肥豬肉就係元朗西鐵及有關地產項目發展。今日牽涉收地利益更大,單單洪水橋一個項目已經唔少嘢,再加埋其他區嘅發展,譁!條數都唔知點計囉。」一名鄉紳說,元朗唐人新村、新田、錦田及十八鄉南等地,將陸續列入政府及地產商未來的發展藍圖。

朝中有人好辦事

「朝中有人好辦事,係千古不變嘅道理,江湖人士搭通友好,入了區議會或立法會,唔單只可以早知悉政府嘅發展規劃藍圖,屆時可以早作準備,例如落釘或早買入將發展嘅地段,甚至可以左右政府有關規劃,例如道路網及地區設施嘅興建,車站及垃圾站搬遠啲或近啲都好影響地價同樓價啦。」鄉紳阿蒙還打趣說,高佬和在深圳福田有酒吧及卡拉OK,他若保持著村代表、鄉委主席及區議員的職銜,再加上是建制派民建聯的梁志祥好友,深圳公安在查牌時可能也要給幾分薄面。據聞更有江湖中人,因新界村屋僭建問題,而向村民集資了過千萬元來成立基金,此基金聲稱是用來準備與政府打官司,所以在村屋僭建問題上表現異常勇猛,此基金主理人更向集資的村民表示,自己不單有朋友在議會,更可透過友人幫助而直接向北京告御狀,導致無知村民相信他的勢力可擺平黑白兩道,也樂意繼續出資壯大基金。江湖人物想接近政界中人來撈油水及乘機漂白是可以理解,但貴為政界中人及議員,為何又要與江湖人物過從甚密?鄉紳阿蒙道出這是源自元朗的地區特色,「在元朗選舉拉票,點解要同黑道扯上關係,為咗多幾萬黑道中人的選票,為咗得到鄉紳支持,又或者其他暗中利益,即使係政界明日之星都要拉攏呢班人。而且有人以為自己可以控制到呢班人,但世事難料,昔日戴權同四眼細最終都係反面收場,大家只有利益先走埋一齊,當利益發生變化,關係自然都產生變化啦。」

元朗老教父來頭猛

元朗教父戴權在元朗是無人不識,數十年來在黑白兩道呼風喚雨,當時更有人形容14K元朗揸fit人四眼細「只是戴家一條狗」。由一九六八年至二○○三年,戴成功連任十二屆十八鄉鄉事委員會主席,為時三十五年之久,亦出任過五屆元朗區議會主席。 戴權雄霸元朗區逾三十多年,被譽為元朗大地主,全盛期據說元朗市大馬路的舖位,他佔過半數。戴權為元朗南邊圍原居民,家族世代紮根元朗,他與兄長戴均最初幫父親打理家族生意。八十年代戴權成立均來集團大展拳腳。均來於九三年上市,戴權出任主席一職,高峰時公司市值超過三十多億元。之後九七亞洲金融風暴爆發,均來集團受地產市道不景拖累,○三年還爆出茵翠豪庭及愛琴灣險變成爛尾樓的醜聞,均來集團終在○六年九月遭撤銷上市地位。之後戴捲入十八鄉賄選案,雖最後沒被起訴,但自此漸趨低調淡出政壇。戴權的姪兒戴展華,於八十年代末出任立法局議員,其後被揭發持假文件取得律師牌照,最終被判入獄九個月。

新進 元朗 教父 蒲頭
PermaLink: https://articles.zkiz.com/?id=86987

王菲蒲頭晒平肚

1 : GS(14)@2015-04-10 09:18:31

■王菲昨日到大連行街,戴上口罩的她肚皮扁扁。微博圖片


自從謝霆鋒與王菲世紀復合後,近期頻頻傳出王菲懷孕消息。昨日王菲與細女李嫣現身大理睇珠寶,在街上被不少fans野生捕獲,事後更貼圖在微博。只見戴上口罩的王菲不時急步行避鏡頭,不過相中清楚見到她「肚扁扁」,令懷孕傳聞不攻自破。


■霆鋒拿着女裝鞋拍廣告。


此外,霆鋒去年與韓國國民女神全智賢合作替鞋履品牌拍廣告,最近的一輯廣告片曝光,霆鋒只與一隻灰白色的貓咪拍攝,扮演鞋匠的霆鋒為女友造新鞋,廣告末段就對鏡頭說:「你可以不用那麼辛苦,不需要硬撐,讓我們換個方式走下去。」有網民笑稱霆鋒當時幻想貓咪是王菲,所以說出這樣深情的說話。撰文:小米





來源: http://hk.apple.nextmedia.com/entertainment/art/20150410/19106752
王菲 蒲頭 頭曬 曬平 平肚
PermaLink: https://articles.zkiz.com/?id=289446

李英愛今年多蒲頭

1 : GS(14)@2015-06-10 09:10:44

韓劇《大長今》女星李英愛今年4月為品牌拍攝廣告時錄影了一段採訪片段,當中愛姐就坦言能在公仔箱中再度與觀眾見面,令她大感榮幸,她更說:「我為了家人已經在田園度過了三年的時間,我希望今年可以經常與大家見面,請大家多多關注。」愛姐將於下月投入SBS新劇《師任堂,the Herstory》(師任堂)的拍攝工作,而劇集會拍畢後才會推出,預計會於明年上半年首播。





來源: http://hk.apple.nextmedia.com/entertainment/art/20150610/19178429
李英愛 今年 多蒲 蒲頭
PermaLink: https://articles.zkiz.com/?id=290761

大肚全智賢蒲頭賀票房報捷

1 : GS(14)@2015-08-17 08:35:58

韓國女神全智賢自上月宣佈懷孕後就以安胎為由,未有出席主演新片《復國者聯盟》的宣傳活動,而根據韓國電影振興委員會綜合電算網統計顯示,《復》片自上月22日上映後,截至韓國時間昨早8時,其入場人次已超過1,009萬,成為本年韓國首部千萬韓片。


■蜜運中的宋承憲昨日風騷地跟觀眾握手。


《復》片上映未到一個月即榮升千萬韓片,全智賢作為女主角當然要蒲頭賀一賀,於是這位準媽媽昨日終公開新相,只見素顏的她手持一張紙並寫上:「《暗殺》(即《復國者聯盟》)千萬!非常幸福,謝謝,很愛你們(現在才是開始!加油)。」另外,宋承憲昨日出席新片《Miss Wife》於首爾的宣傳活動,只見蜜運中的宋承憲表現風騷地跟觀眾握手。撰文:梁雯迪





來源: http://hk.apple.nextmedia.com/entertainment/art/20150816/19257329
大肚 全智賢 蒲頭 頭賀 票房 報捷
PermaLink: https://articles.zkiz.com/?id=292027

大肚全智賢踩高踭鞋蒲頭

1 : GS(14)@2015-10-14 08:02:44

■懷孕近6個月的全智賢在厚外套的遮掩下,仍見到她微隆的肚子。


現年33歲的韓國女神全智賢,與老公崔俊赫結婚3年多,今年7月宣佈懷孕10周。造人成功的她自7月起停工養胎,準備明年初迎接新生命。不過閉關多時的全智賢昨日終於出動,是她大肚後首次出席公開活動。愛靚的全智賢腳踏4吋踭長靴現身,更刻意穿上厚厚冬褸護肚,臉上全程流露幸福笑容,而女神的身形明顯比之前圓潤不少,雖然懷孕近6個月,但肚子只算微隆。



■全智賢(左)親自為醫護人員穿上外套。

■同樣懷孕的蘇怡賢拍攝廣告時大擺「綺夢」甫士。


■準媽媽全智賢昨日終於蒲頭,更腳踏4吋高踭長靴現身。

腰腿變粗

憑神劇《來自星星的你》而被封為韓國女神的全智賢,早前宣佈懷了第一胎,所以她決定停工專注養胎,就連賣座電影《復國者聯盟》的宣傳活動都交給兩位男拍檔。不過全女神知道粉絲十分掛住自己,所以昨日上午終於出動,現身首爾出席「溫暖的世界」活動,更吸引過百傳媒到場,全女神被委任為宣傳大使,為之前照顧中東呼吸綜合症(俗稱新沙士)患者的醫護人員送上防寒外套,而全智賢亦穿上自己代言的外套。現場所見,全智賢雖然懷孕近6個月,但肚子未算很大,只是腰肢比以往纖瘦身材粗了少少,臉龐亦圓潤起來。反而全智賢的招牌長腿就明顯粗壯了,但靚媽依然貪靚,平日愛穿高踭鞋的全智賢,昨日繼續腳踏4吋高鞋,但她就刻意放棄斗零踭,改穿黑色厚踭長靴。網民大讚女神風采依舊,是最美的準媽媽。全智賢去年曾豪擲75億韓圜(約5,100萬港元)買入首爾三成洞一棟獨立別墅,但早前曾經傳出其新屋裝修時惹來鄰居不滿,據知近日全智賢已與鄰居傾談成功,施工商表示:「與鄰居早前協議好,所以工程正進行中,外圍大致完成,只欠裝飾。」此外,懷孕7個月的韓劇《3days》女星蘇怡賢,早前挺着大肚為代言護膚品拍廣告,更大擺經典「綺夢」甫士。撰文:施洛冰





來源: http://hk.apple.nextmedia.com/entertainment/art/20151014/19331783
大肚 全智賢 踩高 高踭 踭鞋 鞋蒲 蒲頭
PermaLink: https://articles.zkiz.com/?id=293172

傳三度燒傷後首蒲頭高賢貞左手包紮:好轉不少

1 : GS(14)@2016-05-08 01:56:26

神劇《太陽的後裔》上月大結局之後,劇迷餓足多時都未等到新劇接棒,事實上今個月有兩齣新劇值得追看,當中tvN由高賢貞主演的《Dear My Friends》和黃靜茵的新劇《好運羅曼史》就被韓國網民視為最期待的作品。而早前傳出拍劇三度燒傷的高賢貞昨日率先發功,復出蒲頭亮相新劇發佈會,只見她左手手指公包紮住,似乎已好得七七八八。提到同劇緋聞男友趙寅成時,她笑言如果拍親密戲的話就會很尷尬。現年45歲的高賢貞事隔三年回歸視壇之作《Dear My Friends》,將於下周五首播,劇集未播已深得韓國觀眾喜愛,更成為網上投票「預計播出的連續劇中最期待的作品」的冠軍,加上有不少好戲之人趙寅成、李光洙、尹汝貞、金惠子等坐鎮,單睇陣容已屬收視保證。而早前高賢貞就傳出拍攝時三度燒傷,當中傷及手和腳,事後其事務所已澄清高賢貞是在家中不小心弄傷。由於高賢貞之後未有蒲頭,令不少粉絲大為擔心,直到昨日高賢貞就率領一眾《Dear My Friends》演員現身發佈會,只見穿上黑色背心連身褲的高賢貞左手手指公包着厚厚的紗布,未見腳上是否有傷勢。狀態回勇的高賢貞在現場表現十分風趣,不時大擺鬼馬甫士。高賢貞提及傷勢時就表示:「在家整暖包時整親,傷勢好轉不少,多謝劇組照顧,令拍攝可以繼續進行。」至於提及與緋聞男友趙寅成在劇中的對手戲時,高賢貞大讚趙寅成演技有進步,又說:「他是一個好好朋友,但如果和他拍親密戲就會很尷尬。」



■高賢貞和緋聞男友趙寅成早前結伴飛到東歐拍攝新劇。

■本月25日首播的《好運羅曼史》昨日公開黃靜茵的花絮片。


■宋仲基昨日踢拖現身仁川機場,準備出發去曼谷。

宋仲基踢拖去泰國

另外,同樣在本月25日首播的《好運羅曼史》劇組亦於昨日公開演員問候片段造勢,當中有他們拍攝海報時的花絮片,只見黃靜茵和柳俊烈拍照時十分認真,不時會與現場工作人員研究。至於男神宋仲基昨日起程去曼谷,準備出席後日舉行的見面會,心情大好的宋仲基以輕便服裝現身仁川機場,更被發現踢拖現身。撰文:施洛冰





來源: http://hk.apple.nextmedia.com/entertainment/art/20160505/19598002
三度 燒傷 後首 首蒲 蒲頭 頭高 高賢 賢貞 左手 包紮 好轉 不少
PermaLink: https://articles.zkiz.com/?id=299889

待產鍾嘉欣遮肚蒲頭

1 : GS(14)@2016-08-20 11:41:47

■懷孕的鍾嘉欣昨日「現身」宣傳代言的護膚品牌。互聯網圖片



今年2月在加拿大嫁作人妻的鍾嘉欣,今年5月宣佈有喜。據知嘉欣BB預產期在即,估計月底左右便會生BB。待產的嘉欣近期一直鮮有活躍社交網,直至昨日,她代言的護膚品牌Bio-essence於fb上載了一段嘉欣最新短片。片中嘉欣用公仔遮住腹部,但面形和身形明顯脹卜卜,一臉幸福。笑容滿面的嘉欣笑住跟網民打招呼,然後拿着代言產品大講護膚心得,但就未有提及有關生BB事宜。該護膚品牌人員就在fb專頁上寫道:「嘉欣實在太想念大家,所以佢特地拍片同大家打聲招呼。咁耐冇見,原來嘉欣想分享佢保持肌膚白滑嘅秘訣……」撰文:魯吉




來源: http://hk.apple.nextmedia.com/entertainment/art/20160820/19743110
待產 鍾嘉 嘉欣 欣遮 遮肚 肚蒲 蒲頭
PermaLink: https://articles.zkiz.com/?id=306624

【馮仁昭四圍超】超儀蒲頭自讚新片

1 : GS(14)@2016-09-09 05:09:12

劇照





何超儀停工半年,一直全心全意照顧老公陳子聰,早前接受手術切除部份腸組織出院。噚日超儀貼咗張藍天白雲相,寫話:「迎接新的一天」,原來有好消息公佈。因為超儀套新戲《無限春光27》喺法國上映,票房同口碑好好,佢喺微博留言:「Eric(邱金海導演),我以你為榮,感謝你讓我成為你們團隊的一員。感謝這美好的一切。」撰文:馮仁昭




來源: http://hk.apple.nextmedia.com/entertainment/art/20160908/19763611
馮仁 仁昭 四圍 超儀 儀蒲 蒲頭 頭自 自讚 新片
PermaLink: https://articles.zkiz.com/?id=308201

Selena紅斑狼瘡康復蒲頭

1 : GS(14)@2016-10-10 16:14:20

現年24歲的美國青春歌手Selena Gomez月前因為紅斑狼瘡復發,宣佈暫別娛樂圈,之後她被爆入住女子療養中心兩個月,醫治紅斑狼瘡與這個病帶來的情緒問題。自此一直沒有露面的Selena,前日被發現去到位於美國田納西州的餐廳用膳,引來大批支持者包圍。Selena戴住帽精神不錯,對於粉絲要求合照都來者不拒,她風騷嘟嘴又揑住男迷下巴,看來康復進度理想。




來源: http://hk.apple.nextmedia.com/entertainment/art/20161010/19795903
Selena 紅斑 狼瘡 康復 蒲頭
PermaLink: https://articles.zkiz.com/?id=311349

投資學堂:不妨等熊殺手蒲頭

1 : GS(14)@2016-10-14 06:49:03

有些時候技術分析確有不錯的預測能力,正如近期的跌市,多個技術指標早已發出到頂訊號,預兆大市將會下跌,好像早前當港股連番上衝,挑戰24000點大關時,恒指的RSI及MACD已率先到頂回落,呈現與大市升勢背馳的訊號。港股這個升浪是由脫歐公投的低位19662點起步,反覆上升至9月高位24364點,累積升幅達4,702點,出現調整亦頗正常,而用量度跌幅計算,調整0.382便大約為22560點。上個月在大升市時,期指與國期的未平倉合約皆頗為龐大,好友自然不會鬆手,讓大市回落。而今個月在下跌時,期指與國期的未平倉合約也頗為龐大,相信空軍亦不會輕易放生,有機會壓至本月第三周!根據歐美的研究,10月底很多時會出現止跌回升,扭轉先前的跌浪,因而亦稱10月底為bear killer,所以大家不妨靜候本月底這個熊殺手蒲頭,趁低吸納,賺錢過聖誕!早前某外資大行作調查,騰訊(700)、友邦(1299)及中移動(941)乃亞洲區基金的三大愛股,除非短期有突發事件出現,令基金變心,否則在年底時機構投資者亦會搶貨!至於基金嫌惡的石油石化股,隨着油價回升,近日似有翻兜迹象,但當中有真買、亦有左手交右手明買暗沽的情況,而粗略統計近日的買賣記錄,在三大油股內中海油(883)的買盤較真,更罕有地出現北水南下買貨的情況!譚紹興財經評論員
mailto:ricky@rickytam.com本欄逢周五刊出




來源: http://hk.apple.nextmedia.com/financeestate/art/20161014/19800036
投資 學堂 不妨 等熊 殺手 蒲頭
PermaLink: https://articles.zkiz.com/?id=311962

加藤愛產後首蒲頭

1 : GS(14)@2016-10-14 06:52:21

現年33歲的《海猿》系列日本女星加藤愛,2013年與圈外人拉埋天窗後,並於去年做人母。昨日加藤愛於兩年來首次公開露面,產後復出的加藤愛以一身紅裙現身品牌記者會,闊別幕前多時的她身形樣貌沒有太大變化。加藤愛自言主婦生活十分忙碌,所以每日要靠飲咖啡來放鬆心情。而加藤愛的丈夫在美國經營食店,她為丈夫誕下B女後一直定居於美國。




來源: http://hk.apple.nextmedia.com/entertainment/art/20161014/19799854
產後 首蒲 蒲頭
PermaLink: https://articles.zkiz.com/?id=312037

安琪蓮娜蒲頭睇新屋

1 : GS(14)@2016-10-19 05:49:45

41歲荷李活影星安琪蓮娜祖莉(Angelina Jolie)自上月中入紙申請與畢彼特(Brad Pitt)離婚後,安琪蓮娜終於在星期日被狗仔隊影到,與哥哥帶同五名子女在馬利布睇新屋租住,而跟畢佬爭執的Maddox就沒有隨行。由美國網站《ET》發佈的照片中,只見戴上黑超、穿上啡色外套的安琪蓮娜正行上樓梯,據知她參觀新屋前,與仔女去沙灘散步,表現輕鬆及開心。




來源: http://hk.apple.nextmedia.com/entertainment/art/20161019/19804944
安琪 蓮娜 蒲頭 頭睇 新屋
PermaLink: https://articles.zkiz.com/?id=312724

消瘦畢彼特離婚後蒲頭

1 : GS(14)@2016-11-10 08:02:47

荷李活影星安琪蓮娜祖莉(Angelina Jolie)於今年9月單方向法庭入紙申請與畢彼特(Brad Pitt)離婚,日前有指安琪蓮娜與畢佬面談後,兩人共同決定將六名子女的撫養權給予安琪蓮娜,而畢佬會繼續探訪子女。而一直未蒲頭的畢彼特,昨日終於現身,在洛杉磯出席電影《Moonlight》試映會,並與好友茱莉亞羅拔絲(Julia Roberts)攬實合照,只見畢佬消瘦不少,幸而精神不錯,笑得十分開心。




來源: http://hk.apple.nextmedia.com/entertainment/art/20161110/19828216
消瘦 彼特 離婚 後蒲 蒲頭
PermaLink: https://articles.zkiz.com/?id=314927

關淑怡素顏蒲頭

1 : GS(14)@2016-12-24 10:55:40

關淑怡

關淑怡(Shirley)今年10月在愉景灣墮海,幸無大礙,當時有傳她因感情問題不開心。昨日孫慧雪在愉景灣舉行婚宴,大批傳媒採訪,約晚上7時左右,穿皮褸、短裙及剪了一頭短髮的Shirley忽然路過,可能發現有傳媒,她即急急腳離開。昨晚是她墮海出院後首露面,雖然她素顏沒有化妝,但看來比之前精神了許多。




來源: http://hk.apple.nextmedia.com/entertainment/art/20161224/19875164
關淑 淑怡 怡素 素顏 顏蒲 蒲頭
PermaLink: https://articles.zkiz.com/?id=320012

【馮仁昭四圍超】梁詠琳蒲頭中環濕平

1 : GS(14)@2017-02-03 03:10:32

互聯網圖片





今年47歲嘅前無綫藝人梁詠琳(左)移居美國多年,近日有周刊指佢日前現身中環,同一名女子買減價貨,左手無名指戴咗戒指,佢曾同夏韶聲拍拖,但因財反目而分手,據知佢?家有一名感情穩定嘅男友。由於佢曾同黃智賢主持兒童節目《閃電傳真機》,所以跟幾位主持感情好好,黎芷珊(中)同譚玉瑛就曾喺網上貼過同佢嘅合照,唔少網民一眼就認出佢。撰文:馮仁昭




來源: http://hk.apple.nextmedia.com/entertainment/art/20170202/19914939
馮仁 仁昭 四圍 梁詠 詠琳 琳蒲 蒲頭 中環 濕平
PermaLink: https://articles.zkiz.com/?id=325135

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019