ZKIZ Archives


黃柏高感意外 葉念琛送祝福Kary早知Stephy分手:唔係咁簡單

1 : GS(14)@2016-03-18 23:56:03

【此情不再】■方力申與鄧麗欣相戀10年,最終因步伐不一而分開。資料圖片


方力申與鄧麗欣(Stephy)拍拖10年,只差一步成為夫妻,昨日卻突然閃分,中了合久必「分」的魔咒。二人身邊的戰友、密友紛表惋惜震驚,恩師黃柏高感意外,多次「撮合」他們在《獨家試愛》系列的導演葉念琛則祝福二人的未來。Stephy的好姊妹Kary則表示已知二人分手一陣子,分手原因絕非小方拒絕結婚那麼簡單。由公司刻意經營成同門情侶的方力申及鄧麗欣,戲裏都是外形襯絕、愛鬥氣的小情侶,但都是大團圓結局,繼續相愛,但戲外最終結局卻是步伐不一致,10年情也要忍痛分手,見證過二人的戰友、密友都大表震驚,並關心雙方的情緒,寄語給空間他們。
Stephy的Cookies好姊妹如吳雨霏(Kary)、楊愛瑾(Miki)、區文詩(Angela)等都非常關心好友失戀,Kary昨在電話透露已知道「分訊」一陣子,問到Stephy會否好傷心,她表示:「我諗而家都OK,大家畀多啲空間佢哋,始終10年感情要慢慢處理,作為好姊妹點都會陪佢,支持佢哋決定。」問到Kary有否勸Stephy不要分手?她表示:「作為姊妹做嘅只可以聽佢傾,唔好畀太多意見,始終一段10年感情,唔係我哋兩三句可以交代到,最好畀佢哋靜一靜。」Kary就否定了二人有第三者,但問到分手是否因小方不肯及從未想過結婚?她則有點玄機表示:「我覺得唔係呢個問題咁簡單,10年感情要分開,當中有好多嘢要處理,傳結婚都聽過無數次,前幾日仲有人問我佢哋係咪結婚,畀番佢哋講。」



【姊妹封口】■Kary(左)昨回應指早知Stephy與小方分手,但不欲透露詳情。資料圖片

【旅行散心】■Stephy本月初與好姊妹Miki等去曼谷旅行,原來當時已分手。資料圖片

■與小方及Stephy合作多年的黃柏高及葉念琛昨亦大嘆可惜。資料圖片



Miki:畀多啲空間佢哋

另一餅碎好友Angela亦同一口徑,表示二人分手不涉及第三者:「我覺得梗唔係啦,兩人決定經過深思熟慮,其實都知大家有呢啲揣測,聲明有講唔希望大家傷害任何一方,唔需要有太多揣測。」對於好友心情,Angela表示:「我諗都唔係一件好歡欣嘅事,冇理由好開心啩,但係佢OK嘅,畀啲空間佢,希望兩個都好。」而今年將與永安太子爺郭永淳完婚的Miki則表示:「我諗其實點都好,作為朋友一定隨時standby,有需要一定會無條件立即出嚟,但希望呢段時間大家都畀多啲空間佢哋,唔好做其他揣測,最緊要之後嘅事情都係順順利利,開開心心!」而與Stephy屢傳不和的傅穎(Theresa)則表示是他們私事,不作回應。



葉念琛:尊重他們的決定

作為小方與Stephy的恩師兼經理人黃柏高(Paco)儼如半個媒人,在工作不斷為二人製造機會,對於二人10年情玩完,他表示:「兩個人嘅感情好難講,我都係啱啱先知,我知(分手)係最近嘅事,最近佢哋接觸係《紀念日》宣傳嗰日,佢哋分手我覺得可惜同埋意外!」視Stephy為御用女主角,多次度身訂做開戲在《獨家試愛》及《十分愛》等,撮合她與小方成情侶,甚至夫妻的導演葉念琛昨以短訊回覆:「兩位也是好朋友,尊重他們的決定,也祝福他們未來!謝謝!」採訪:小米、皓騫、王梓嫚





來源: http://hk.apple.nextmedia.com/entertainment/art/20160318/19534394
黃柏 高感 意外 葉念 念琛 琛送 祝福 Kary 早知 Stephy 分手 唔係 係咁 簡單
PermaLink: https://articles.zkiz.com/?id=298378

葉念琛為星戰搬公司

1 : GS(14)@2016-10-01 13:19:58

葉念琛及泰山昨日凌晨12時在尖沙嘴玩具反斗城外出席Star Wars午夜首賣會。自稱是Star Wars超級粉絲的葉念琛說:「由細到大係Star Wars迷,賺到錢就越買越多,依家放晒喺公司,已經放到滿晒,所以遲啲要換大啲間公司。」問到葉念琛的Star Wars收藏可否跟古天樂相比?他說:「佢犀利好多。」葉念琛正拍攝《失戀日》,他表示要在聖誕上映,正全速前進。




來源: http://hk.apple.nextmedia.com/entertainment/art/20161001/19787163
葉念 念琛 琛為 為星 星戰 戰搬 公司
PermaLink: https://articles.zkiz.com/?id=310881

葉念琛食菜送百潔布

1 : GS(14)@2016-11-29 07:55:25

■葉念琛昨打開盒油菜,入面居然有百潔布。



葉念琛昨日叫外賣油菜加送綠色百潔布,他在facebook貼圖後留言:「剛剛嗌外賣,點解碟菜入面多咗塊百潔布?蝦我同樣係綠色就睇唔到!」同時加上5個嬲公仔,還tag了某粥品店。記者昨致電阿琛,他說:「今午叫外賣,打開盒油菜,裏面有塊百潔布,我冇食到碟菜,又冇食到塊百潔布。我都冇開間食肆名,佢哋無心之失,我冇話要追究,做生意好難,大家多啲寬恕。」林盛斌(Bob)留言:「係個事頭婆知你呢排便秘,等你吞塊滑腸百潔布入去幫你清潔腸道,窩心嘢嚟!」韓馬利也笑言:「佢哋想幫你省下內臟啫!」採訪:楊定



葉念琛 資料圖片





來源: http://hk.apple.nextmedia.com/entertainment/art/20161129/19848547
葉念 念琛 琛食 食菜 菜送 百潔布
PermaLink: https://articles.zkiz.com/?id=317508

Stephy嘲葉念琛邪邪哋

1 : GS(14)@2016-12-10 03:45:35

鄧麗欣(Stephy)、麥明詩及導演葉念琛日前為新片《失戀日》在灣仔接受訪問,Stephy拍攝此片前跟拍拖10年的方力申分手,電影對Stephy來說是寫照,她無奈地說:「好明顯《失戀日》,當我聽到個戲名有啲卻步,我都怕嗰時自己嘅私人事,俾人話當做宣傳。」葉念琛說:「拍《失戀日》係我提出,可能我打動咗佢都肯演,我同Stephy講,拍呢部戲都有啲硬着頭皮。」葉念琛指開拍時麥明詩還未失戀,Stephy指住葉念琛說:「佢啲戲都係邪邪哋。」麥明詩則說:「做人一係就失戀,一係就戀,都係五十五十啫,演員需要多啲情感,我以前生活單調,可以累積多啲經歷係好事。」採訪:張俊銘攝影:陳慧安




來源: http://hk.apple.nextmedia.com/entertainment/art/20161209/19859218
Stephy 嘲葉 葉念 念琛 琛邪 邪邪
PermaLink: https://articles.zkiz.com/?id=318935

葉念琛新阿寶拍新片

1 : GS(14)@2017-07-09 12:16:11

資料圖片



導演葉念琛由06年拍《獨家試愛》開始,起用鄧麗欣(Stephy)和方力申以情侶檔拍攝一系列愛情小品電影,但隨着小方和Stephy結束十年情,繼續做銀幕情侶也未必演得投入。在新片《愛情奴隸獸》,葉念琛決定由蘇麗珊做第二代阿寶,電影日前已拍完,眾演員在社交網分享煞科大合照,除原有班底外,還有高海寧及邵音音等。




來源: http://hk.apple.nextmedia.com/entertainment/art/20170709/20083363
葉念 念琛 琛新 阿寶 新片
PermaLink: https://articles.zkiz.com/?id=338746

改名記住負心女友葉念琛用「阿寶」紀念暗戀對象

1 : GS(14)@2017-07-09 12:16:11

如果你熟悉葉念琛,應該會知道呢個唔係佢嘅真名,當然都唔係網民謔稱嘅MK活地亞倫,佢真名叫江柏樑,但你未必知道「葉念琛」嘅由來。據佢所講,呢個名原來同一個叫「阿琛」嘅女仔有關。葉念琛嘅電影入面,幾乎都有一個女角色叫「阿寶」,至少先後出現過15次。葉念琛喺訪問中都大致講過,「阿寶」係同一位佢愛慕嘅女孩子有關,咁究竟「阿寶」同「念琛」嘅出處,就好似唔係好多人知。據知情人士話,「阿寶」係葉念琛中學時期嘅同學仔,亦都係佢暗戀對象。再睇番資料,葉念琛就讀嘅聖文德書院,喺02年前都只係一間男校,只有F.6及F.7先收外校女生。照咁計,呢位「阿寶」應該係預科時期嘅同學,葉念琛到今時今日仲用緊呢個名為角色命名,可想而知佢對呢個女仔有幾鍾情。至於「念琛」名字嘅由來,聽聞係一位同葉念琛拍過拖、傷得佢好深嘅女孩子,小道消息話,導演試過為呢個女仔打手提電話打到冇電,對方都唔肯聽,甚至激動到推冧咗個小巴牌。提番你,當年宣傳《紀念日》,方力申就玩踢爆,「阿寶」就係hurt過葉念琛嘅人。齋睇呢兩個名都有出處,葉念琛果然係港產片愛情大師。




來源: http://hk.apple.nextmedia.com/entertainment/art/20170709/20083692
改名 記住 負心 女友 葉念 念琛 琛用 阿寶 紀念 暗戀 對象
PermaLink: https://articles.zkiz.com/?id=338748

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019