ZKIZ Archives


《怒火街頭2》驚現鄉音四人組 苟芸慧被批唔知噏乜

1 : GS(14)@2012-08-13 10:15:29

http://hk.apple.nextmedia.com/entertainment/art/20120813/16597874

《今日我至歪》苟芸慧(來自多倫多)苟芸慧嘅歪音廣東話聽到人耳都側埋,典解你可以咁飲心等低我?相信鄭嘉穎拍攝時會打醒十二分精神,如果唔係,睇怕視帝都會笑到喊呀。 電視圖片
無線小生花旦荒問題存在已久,近年電視大戰,資深演員紛紛向外搵食,結果令監製選角困難,早前便造就李霖恩同時在三線劇出現,情況罕見。被網友捧為「氣質女神」的苟芸慧,自奪09年華裔小姐冠軍後來港發展,最近獲無線看重,今年播出的《當旺爸爸》和《飛虎》均有份演出,在重頭劇《怒火街頭2》中,苟姑娘戲份很重,飾演鄭嘉穎的太太,情緒起伏大兼對白多,對從多倫多來港僅三年、原本完全不懂講廣東話的她來說,可算是大挑戰。
不過,苟姑娘《怒火2》的賣力演出似乎未被認同,不少網友狠批女神演技生硬,廣東話不正,網友小美 T說:「係靚女一名,練嚇啲廣東話就好。」 Cherylching則說:「每次見到佢都好討厭,冇演技嘅花瓶。」更有人覺得她煩, nickysit說﹕「聽佢講嘢真係好煩,頂佢唔順。」再加上同劇還有來自山東濟南的回族人賈曉晨、台灣的金剛及來自溫哥華的華姐冠軍岑麗香,四人的廣東話都麻麻,網友 lawcheun說:「 TVB可唔可以唔好安排咁多講廣東話唔正嘅藝人同一套戲呢?觀眾睇得好辛苦㗎。」並指要看字幕才能瞭解劇情。
2 : 肥B(18468)@2012-08-13 10:29:11

轉台咪得囉....
3 : GS(14)@2012-08-13 10:29:56

我覺得無野wor,幾好睇
4 : 肥B(18468)@2012-08-13 10:49:05

作為一個睇本電視台大的人, 佢D劇集情節, 基本上都可以估到7成8成, 了無新意, 保留作為「荼餘飯後」的「師奶劇」的本色, 用黎KILL TIME 一流.....

而且, 一點都不寫實, 太多廠景, 為左拍攝時好睇D, 就算窮到褲穿窿, 間屋都過千呎. 所以唔想用腦時, 可以開黎睇下, 但就唔好高要求, 否則就失去左「師奶劇」的作用....
5 : drbull(3010)@2012-08-13 11:12:27

其實有啲角色上都有幫佢哋度身訂造架啦,好似JJ設定係內地人咁,有鄉音好正常
不過金剛個問題係講野真係太過唔正,真係聽唔到佢講乜...
6 : GS(14)@2012-08-13 12:22:41

5樓提及
其實有啲角色上都有幫佢哋度身訂造架啦,好似JJ設定係內地人咁,有鄉音好正常
不過金剛個問題係講野真係太過唔正,真係聽唔到佢講乜...


是呀真是聽唔到他講乜
7 : GS(14)@2012-08-13 12:23:13

4樓提及
作為一個睇本電視台大的人, 佢D劇集情節, 基本上都可以估到7成8成, 了無新意, 保留作為「荼餘飯後」的「師奶劇」的本色, 用黎KILL TIME 一流.....
而且, 一點都不寫實, 太多廠景, 為左拍攝時好睇D, 就算窮到褲穿窿, 間屋都過千呎. 所以唔想用腦時, 可以開黎睇下, 但就唔好高要求, 否則就失去左「師奶劇」的作用....


算啦..無記無競爭,睇他D劇扮醒都還可的
怒火 街頭 驚現 鄉音 四人 茍蕓 蕓慧 慧被 被批 批唔 唔知
PermaLink: https://articles.zkiz.com/?id=280900

失衡得病:苟芸慧暴肥170磅

1 : GS(14)@2015-07-17 08:36:09

苟芸慧


臉腫的崔碧珈與最弗時,容貌相差甚遠,過去不少藝人也因工作未能平衡壓力爆煲,令身體響起警號。



甲狀問題

苟芸慧,2013年被指介入郭富城與熊黛林戀情後,不堪壓力爆發情緒病,後證實患上甲狀腺功能減退導致肥胖,傳最高峯時有170磅。




浸水出禍

夏尉喻,2015年有寸嘴Barbie之稱的夏尉喻今年初因拍攝周星馳電影《美人魚》時,經常浸於水中令到身體出現毛病,由105磅脹至130磅。




得獎受困

陳靜,2013年憑《低俗喜劇》奪得金像獎最佳女配角後,突於微博上留言稱抵受不住壓力宣佈退出娛樂圈。




情緒難紓

鄧萃雯,2012年於無綫拍攝《金枝慾孽(貳)》時,因經常「飛紙仔」和捱更抵夜,不堪壓力而患上情緒病,暴肥現雙下巴。




抑鬱失調

張可頤,2005年拍攝劇集《長恨歌》,因入戲太深而被指患上抑鬱症,更導致甲狀腺分泌失調,要休養三年。


劇照

入戲崩潰

鄭秀文,2004年拍攝關錦鵬的電影《長恨歌》時入戲太深幾近崩潰,導致患上抑鬱症,加上身體欠佳,出現脫髮、水腫等情況。





來源: http://hk.apple.nextmedia.com/entertainment/art/20150717/19221974
失衡 得病 茍蕓 蕓慧 慧暴 暴肥 170
PermaLink: https://articles.zkiz.com/?id=291396

處女黨員:鍾嘉欣苟芸慧回復單身

1 : GS(14)@2015-10-05 07:13:50

岑麗香終於有拖拍,她昨與新歡拖手兼咀嘴,令人聯想到當年與她同被譽為「五大處女」的鍾嘉欣、苟芸慧、李亞男及王君馨的近況。



鍾嘉欣【單身】

與伍允龍拍拖多年屢次傳「分」訊,有指男方因撻着劉佩玥,今年4月與嘉欣結束8年情。



苟芸慧【單身】

曾與郭富城及鄭嘉穎傳出緋聞,可惜兩段均是無米粥,真命天子至今仍未出現。



王君馨【蜜運】

與圈外男友拍拖逾9年,王君馨表示拒絕婚前性行為,即使男友回港探望她,二人亦會分房瞓。



李亞男【已婚】

今年情人節嫁給王祖藍後,李亞男一直做好王太呢份工,照顧老公起居飲食,兩公婆恩愛非常。





來源: http://hk.apple.nextmedia.com/entertainment/art/20151002/19317422
處女 黨員 鍾嘉 嘉欣 欣茍 茍蕓 蕓慧 回復 單身
PermaLink: https://articles.zkiz.com/?id=292721

大律師男友進軍飲食界苟芸慧有拖拍 戀葉澍堃細仔

1 : GS(14)@2016-05-08 01:56:21

■苟姑娘昨日出席宣傳活動,有愛情滋潤的她明顯風騷。


現年32歲的苟芸慧曾被指介入郭富城和熊黛林戀情,但城城已有國產新歡方媛(Moka),熊黛林也將嫁給郭可盈胞弟郭可頌,剩下苟姑娘名花未有主。昨有周刊爆苟姑娘硬搶好姊妹朱璇的有米男友湯珈鋮並反目,湯珈鋮是息影女星徐楓兒子,現為湯臣集團副主席。其實苟姑娘的真命天子是經濟發展及勞工局前局長葉澍堃細仔葉瀚華(Ian),男方同樣是富二代,苟姑娘今年3月底更黐實新歡約會。



■苟姑娘曾在微博貼與葉瀚華的合照,力撐男友開新店。

■上月中葉瀚華(中)餐廳開幕,獲父親葉澍堃及媽媽捧場。資料圖片


■苟姑娘為點心店的老闆之一,與男友一樣開餐廳。資料圖片

愛到難捨難離

早前苟姑娘受甲狀腺問題困擾,身形暴脹,停工休養,近日積極減磅回復狀態,她即出動獵仔。據知她成功覓得筍盤,今年3月底被拍到出現Ian於灣仔的越法小食酒吧,當時朱璇也在場,其後苟姑娘孖Ian先行離開,原來男方送她到附近出席友人飯局,苟姑娘醫飽肚又匆匆離開滙合Ian,熱戀情侶糖黐豆。Ian本身是大律師,但鍾情飲食生意,所以與幾位朋友合資約7位數,該酒吧上月中正式開幕,當時葉澍堃夫婦有撐場,苟姑娘也曾在微博貼與Ian的合照,力撐他開新店。對於周刊報道指苟姑娘趁朱璇拍電影《使徒行者》,私會家族資產過百億身家的湯珈鋮,甚至姊妹交惡,又指苟姑娘在Instagram取消關注朱璇,無私顯見私。昨日苟姑娘與陳凱琳、蔡思貝和麥明詩等,在尖沙嘴出席無綫節目《星星探親團》記者會,有愛情滋潤的苟姑娘風騷晒事業線搶鏡,她笑言:「我只係着咗中性褸,希望畀人感覺係健康多過性感。」


■苟姑娘被指介入好姊妹朱璇與湯珈鋮戀情。資料圖片

同朱璇冇反目

對於被指撬朱璇男友,苟姑娘透露早上才與朱璇通電話,一笑置之,不欲回應,她續說:「我哋笑到肚痛,其實大家都係朋友。」可是取消了Ig關注?苟姑娘說:「我哋friend到直接打電話,佢都好少玩Ig,我都唔記得有冇關注佢。」苟姑娘姊妹情不變,她表示不心急尋找另一半,目前只專注工作。撰文:楊定





來源: http://hk.apple.nextmedia.com/entertainment/art/20160505/19598063
律師 男友 進軍 飲食 界茍 茍蕓 蕓慧 慧有 有拖 拖拍 葉澍 細仔
PermaLink: https://articles.zkiz.com/?id=299872

賽車牽紅線苟芸慧秘撻陸恭和

1 : GS(14)@2016-08-18 06:04:28

■苟姑娘最近成功瘦身變回「索苟」,原來有愛情滋潤。資料圖片



現年33歲的苟芸慧前年因甲狀腺出現問題,導致體重激增脹了一個碼,要向無綫申請停工近半年休養。近月「肥苟」變回「索苟」,原來有愛情滋潤,昨日有報道指苟姑娘在今年2月秘戀生意人陸佑後人陸恭和。苟姑娘昨日透過短訊回覆:「我不回應私人問題喇,專心做slimming(瘦身)工作,下星期就開始。」據悉,苟姑娘和陸恭和是經朋友介紹下認識,眼見「處女黨」一班姊妹鍾嘉欣、李亞男、王君馨和岑麗香全部有着落,不是嫁人便是有固定男朋友,令單身多時的苟姑娘好着急。



■有指苟姑娘與陸佑後人陸恭和拍拖數個月,早前被影到陸恭和揸Benz接載女友。資料圖片

■有傳陸恭和經常去苟姑娘投資的點心店,經常見面。資料圖片

■苟姑娘與郭富城甩拖後,終於有着落。資料圖片


羨慕好姊妹有着落

陸恭和一向喜歡與圈中女星交往,過去曾與現已為人妻官恩娜和應采兒拍拖。自今年初,陸恭和經常帶朋友幫襯苟姑娘的點心店,兩人同樣愛賽車有傾有講,交往頻密。早前苟姑娘在銅鑼灣行街,便由陸恭和做司機揸Benz接送,上車時苟姑娘發現有記者在場,陸恭和先揸車過海,在尖沙嘴放低苟姑娘,然後陸恭和戴住黑超開車離開。之後苟姑娘上了有份投資的點心店,不過她沒有行入去,反而去了附近時裝店,與店員寒暄幾句便離開。


傳被點心店踢出局

另外,有傳苟姑娘與連鎖點心店大股東之一的陳君宜(Qinnie)好老友,Qinnie亦有介紹一些富貴生意朋友給她認識,但被指苟姑娘不理對方有老婆還是單身都被指放電,嚇怕一班阿太。加上苟姑娘疑為mark實筍盤,幾個月無幫點心店做宣傳,終被踢出局。Qinnie昨日在電話中說:「係少嚟咗,可能佢有事忙,咁我哋唔會除咗佢個名(股東),大家都係朋友,關係唔想搞到咁差。」苟姑娘昨日在Ig似有感而發,轉貼了一段文字:「時間會告訴我們,簡單的喜歡最長遠,平凡中的陪伴最心安,懂你的人最溫暖。日久見人心,誰是你最好的朋友,留到最後的才是好的,我會冷暖自知,更會好自為之。」採訪:嵐山




來源: http://hk.apple.nextmedia.com/entertainment/art/20160818/19740305
賽車 紅線 茍蕓 蕓慧 慧秘 秘撻 撻陸 陸恭 恭和
PermaLink: https://articles.zkiz.com/?id=306374

又捲三角戀苟芸慧落錯盤 陸恭和有前主播正印

1 : GS(14)@2016-08-20 11:41:46

■苟芸慧被傳秘戀陸恭和,但陸恭和早有無綫前主播女友張頌恩。資料圖片



苟芸慧最近與富三代陸恭和傳緋聞,不過日前有讀者爆料指陸恭和已經有一位正印女友、無綫前主播張頌恩,據聞兩人拍拖數年,張頌恩經常在社交網貼與男友合照晒恩愛。苟姑娘與陸恭和感情疑幻似真,死敵莊思敏即八卦向陸恭和「收風」,前晚出席活動時笑說:「期待佢(陸恭和)個答案!」



現年33歲的苟芸慧減磅後狀態回勇,短短半年已先後傳她撻着好友朱璇男友湯珈鋮,又秘交經濟發展及勞工局前局長葉澍堃細仔葉瀚華,緋聞男友排住隊上。日前苟姑娘第三號新歡、現年43歲的陸恭和正式登場,有周刊影到苟姑娘去銅鑼灣行完街,陸恭和就做柴可夫揸Benz接載她。本身是馬來西亞錫礦大王陸佑後人的陸恭和,與苟姑娘一樣喜歡賽車,經朋友介紹下一拍即合。其實兩人已不是第一次被影到,早於今年2月陸恭和去苟姑娘有份投資的點心店食飯,之後更送女方返家。



■陸恭和與苟芸慧同樣喜歡賽車,可謂志趣相投。微博圖片

■張頌恩摸住陸恭和大髀影相,賽車蛋糕擺明是投男友所好。


張頌恩陪男友賽車

以為苟姑娘終於找到真命天子,可惜日前有讀者丁先生爆料,指陸恭和早有一位拍拖多年的女友,女友正是無綫前主播、有「翻版梁詠琪」之稱的張頌恩。由2011年開始,張頌恩不時在facebook貼與陸恭和的合照,除了旅行、食飯相,張頌恩還會陪男友周圍賽車。兩人合照時,女方一隻手搭在陸恭和大髀,大合照又搭膊頭,情侶關係好明顯。據了解,張頌恩最後一次貼與陸恭和的合照已經是2014年的事,丁先生說:「朋友間都知道佢哋一齊,聽講到而家都未分手。」苟姑娘與陸恭和昨日至截稿前仍未回覆。張頌恩好姊妹、同是無綫前主播的「小飛俠」林燕玲,被問到張頌恩是否與陸恭和拍拖?她昨在電話說:「張頌恩係我好朋友,我只係答到你呢樣嘢,其他答唔到你。」問知不知道陸恭和與苟姑娘傳緋聞?她說:「唔知喎!」



【好友守秘密】■岑麗香昨自言要守好多秘密,謂不清楚苟姑娘的戀情。攝影:陳順禎

【死敵食花生】■莊思敏前晚出席活動,笑言要八卦苟芸慧和陸恭和是否真的拍拖。攝影:陳順禎


莊思敏追問陸恭和

曾與苟姑娘為點心店股份鬧不和的莊思敏前晚在銅鑼灣出席活動,對有傳苟姑娘因心散冇打理食肆遭股東踢出局,莊思敏笑說:「我有聯絡其他股東,冇乜大影響,大家八卦苟姑娘係咪真係拍拖。我都有聯絡陸恭和,但就冇聯絡苟姑娘,相信好多人會問佢,期待佢個答案。」苟姑娘好友岑麗香昨在尖沙嘴出席活動,問她苟姑娘是否與陸恭和拍拖?她說:「Confirm未㗎?大家唔好問呢啲,我有好多秘密要守。」有傳苟姑娘是小三,她說:「唔清楚,要問番佢。」採訪:嵐山、王連連


■張頌恩早前相約林小珍等一班主播去看五月天演唱會。微博圖片

■「小飛俠」林燕玲(中)封口護好友張頌恩(左)。互聯網圖片



來源: http://hk.apple.nextmedia.com/entertainment/art/20160820/19743272
又捲 三角戀 三角 茍蕓 蕓慧 慧落 錯盤 陸恭 恭和 和有 有前 前主 主播 正印
PermaLink: https://articles.zkiz.com/?id=306617

【2017娛圈十大預言】甘比大劉70%添丁 最後處女黨苟芸慧85%結婚

1 : GS(14)@2017-01-02 01:05:49

一年容易,每到年尾又係埋單結尾、同娛樂新聞計數嘅時候。本住總結過去,關注現在,放眼未來嘅精神,不求神、不問卜,唔搵風水命理師批注,只憑專業判斷客觀分析,配以一廂情願嘅主觀願望,我哋大膽預測來年有可能發生喺娛樂名人圈嘅十大新聞。(機會率以%表示)1.甘比大劉添丁(70%)甘比(陳凱韻)由劉鑾雄助手到拍拖,08年為大劉誕下女兒劉秀樺(Josephine),12年誕下細仔仲學。到今年12月兩人終於簽紙結婚,跟大劉曾經患難的甘比終於有劉太的名份。名正言順的甘比在趁住雞年,幫65歲仍然有心有力嘅大劉生多隻雞仔,沖喜一下。2.最後處女黨苟芸慧結婚(85%)岑麗香趕係今年年尾新娘,喺加拿大下嫁強強,王君韾都排晒期註冊,計計下大台嘅處女黨李亞男、鍾嘉欣、王君馨、岑麗香、苟芸慧,就得返苟姑娘未嫁。不過隨住佢同陸漢洋戀情浮面,仲一齊去日本旅行食拉麵,相信33歲嘅苟姑娘明年好有機會閃婚。3.王菲香港演唱會(70%)王菲前日(30日)喺上海舉行只此一場名為《幻樂一場》嘅演唱會,最貴飛賣到過萬人仔,聽聞貴飛個炒價去到成10萬人仔都有人接貨。大陸開演唱會,香港好多人都向隅,為咗照顧愛郎霆鋒嘅出身地香港,所以毅然喺機場亞博開一場只招待港人演唱會都有啲可能。4.《亂世備忘》奪金像獎(75%)今年香港電影金像獎最令人難忘振奮,係喺爾冬陞宣佈備受內地打壓嘅電影《十年》,獲頒金像獎最佳電影。今年有一部紀錄傘運嘅紀錄片《亂世備忘》報名,要再贏最佳電影稍有難度,我哋預言陳梓桓會贏新晉導演獎,到時佢嘅名字又會喺大陸得獎名單中被消失。5.Kary再度有喜(85%)吳雨霏(Kary)同老公「網球王子」洪立熙舊年7月結婚,Brian好鍾意小朋友,成日幫人湊仔。所以婚後佢哋都積極造人,不幸嘅Kary喺今年3月小產。好在兩公婆好快走出陰霾,調理好身體後嘅Kary同老公重新出發,預言佢哋明年再度成功造人。6.Stephy方力申復合(60%)鄧麗欣(Stephy)同方力申多次傳出婚訊,《狼來了》故事到今年3月出現反高潮,兩人透過公司發聲明宣佈分手。事後兩人出席唔同活動時,提起對方都潸然落淚,證明大家仲有對方。估計佢哋有機會喺17年復合,同時仲會宣佈埋結婚,有情人終成眷屬。7.首部港片破億《寒戰III》(30%)由陸劍青同歐樂民聯合導演嘅電影《寒戰II》以接近6,700萬成為今年香港華語片冠軍,較第一部《寒戰》的4,289萬大升超過5成票房。加上兩位導演在合作《寒戰III》後分開發展,加上幕後大佬登場,所以《寒戰III》假如趕及明年上映,極有可能成為本港首部破億華語片。8.甄子丹憑星戰奪奧斯卡(20%)荷李活巨製《俠盜一號:星球大戰外傳》(Rogue One:A Star Wars Story)入面首次有華人甄子丹主演,佢喺戲入面演嘅盲眼僧侶智刃嚴,睿智與武功兼備,一個打十個白兵的葉問式身手令人大開眼界,完全無負「宇宙最強」的稱號,不難為佢贏出奧斯卡最佳男配角獎。9.亞視永恆邱達昌(75%)已故亞視主席邱德根嘅仔邱達昌,成立公司申請免費電視牌照。其實早在亞視未執笠之前,佢已經傾過收購亞視,可惜最後都唔能夠成事。但證明佢對老父當年嘅亞視念念不忘,所謂念念不忘必有迴響,假如佢獲發牌,大有可能將亞視借屍還魂,延續亞視不死。10.余詠珊失勢(90%)前有線嘅余詠珊入咗去無綫擔任高層負責綜藝娛樂,深得「殼王」陳國強欣賞嘅佢,連帶一班余黨好似洪永城、黃翠如同陸浩明都受惠,一劇接一劇拍攝。不過隨住余詠珊多次孭鑊,最經典喺12年一人一票選港姐電腦死機成為國際笑話,加上今年無綫發盈警,溢利大跌超過5成,有機成為祭旗嘅對象而失勢。




來源: http://hk.apple.nextmedia.com/entertainment/art/20170101/19883395
2017 娛圈 十大 預言 甘比 大劉 70% 添丁 最後 處女 黨茍 茍蕓 蕓慧 85% 結婚
PermaLink: https://articles.zkiz.com/?id=320938

【馮仁昭四圍超】鍾嘉欣抱女會苟芸慧

1 : GS(14)@2017-01-02 11:51:14

互聯網圖片





鍾嘉欣(中)之前返港出席活動,搵完奶粉錢後,已同囡囡飛返加拿大,噚日佢喺社交網貼兩母女,同埋好姊妹苟芸慧喺飄雪中嘅合照,嘉欣BB叫囡囡做「毛毛球」,留言:「祝大家新年快樂!最重要身體健康!開心平安!充滿真愛!」而4個月大嘅Kelly,越大越似媽咪好可愛,苟姑娘貼嘅合照,就見到佢錫錫Kelly嘅頭頂,似乎恨做媽咪。撰文:馮仁昭




來源: http://hk.apple.nextmedia.com/entertainment/art/20170102/19883764
馮仁 仁昭 四圍 鍾嘉 嘉欣 欣抱 抱女 女會 會茍 茍蕓 蕓慧
PermaLink: https://articles.zkiz.com/?id=321063

羅天宇床上咀Coffee 舊愛苟芸慧最得羅母歡心

1 : GS(14)@2017-01-07 07:08:08

身為2008年港男少年組冠軍嘅羅天宇,有樣有身材,自然多女埋身,出道8年以嚟,同佢傳過緋聞嘅女星唔少,包括喺《愛‧回家》中飾演佢個妹馬子妮嘅蔣家旻、高海寧,另外仲有o依家轉行做瑜伽導師、擁有34D靚Body嘅林芊妤(Coffee)。更令人妒忌而羅天宇亦曾公開承認同過09年華姐冠軍苟芸慧拍拖,就咁一數,連埋o依家影到嘅湯洛雯,羅天宇過往啲「女友」,唔係選美出身,就係有樣有身材,真係識食梗係要學羅天宇咁揀嚟食!睇番啲資料,話羅天宇同苟姑娘分手後,再見亦是朋友,羅媽媽更視苟芸慧契女般看待,可見苟姑娘好「入屋」,羅天宇亦非常識做人,同舊愛關係唔會搞到擘晒面。反觀湯洛雯,參加2012港姐選舉,雖然佢喺五強止步,不過佢之後獲大台安排加入《學是學非》系列,keep住有啲曝光率,加埋佢喺《愛‧回家》嘅演出,星途叫做不過不失。至於緋聞方面,咁耐以嚟係得林師傑同羅天宇兩個名同佢扯上過關係,唔知係家教好吖,定係因為佢爹哋同阿叔,即係湯鎮宗同湯鎮業太有型,所以湯洛雯唔容易睇得上眼呢?




來源: http://hk.apple.nextmedia.com/entertainment/art/20170107/19889379
羅天 天宇 床上 Coffee 舊愛 茍蕓 蕓慧 慧最 最得 羅母 歡心
PermaLink: https://articles.zkiz.com/?id=321761

暗示男友要更努力苟芸慧栽培嘉欣囡囡選美

1 : GS(14)@2017-01-17 01:55:20

■苟芸慧昨日出席將軍澳的新年活動,透露新年會與家人去台灣祭祖。



岑麗香、苟芸慧及李亞男三位好姊妹昨日現身將軍澳新都城中心的新年活動,當中苟姑娘算略為性感,雖以中性套裝打扮,但仍微谷事業線,她笑言要保護兩位姊妹。三位齊寫書法,笑言平時甚少一齊工作,提議李亞男叫王祖藍開戲給她們。苟姑娘在台上笑言新一年要招收新會員,問是否「處女黨」只剩她未嫁要招募新人,她笑言指是祈禱小組Amazing Esther:「呢個係團名,你哋誤會咗,我哋想收喺外國返嚟選過華姐,因為成長環境唔同,想幫吓佢,覺得最適合招攬人物係鍾嘉欣個女。」



■鍾嘉欣囡囡Kelly被苟姑娘鎖定為目標。資料圖片

■(左起)李亞男、苟芸慧及岑麗香三位「處女黨」罕有合體出席活動搵真銀。

■香香(左)和李亞男(右)認真地封利是,苟芸慧彎身時騷事業線。


「再開心啲先講」

提到早前樂易玲在活動爆苟姑娘拍拖,她表示:「知道樂小姐好關心我,我有乜喜事,都會同佢商量,等佢教識我處理。」再問到她是否與錫礦大王後人陸漢洋拍拖,苟姑娘繼續否認:「未來有開心事同大家講,要再開心啲先同大家講。」她透露新年會與家人去台灣祭祖,問到男友會否同行?她即扮儍:「唔使跟我,總之同家人一齊。」對於有指她與陸漢洋遊日本預支蜜月,她都避而不答,只認去了旅行。而榮升人妻的香香表示婚後要增肥,她說:「同老公一齊學烹飪,佢負責洗碗,我學簡單嘢好似雲吞麵。」婚後首次過農曆新年,香香表示已準備5位數字利是,記者提議李亞男與香香齊生B逗利是,香香笑言:「生番個B逗利是係好事,不過未有計劃。」採訪:卓寶花攝影:陳俊強




來源: http://hk.apple.nextmedia.com/entertainment/art/20170116/19898063
暗示 男友 要更 努力 茍蕓 蕓慧 栽培 嘉欣 囡囡 選美
PermaLink: https://articles.zkiz.com/?id=322805

魚油一樽: 方俊傑 搵苟芸慧拍三級片 2017-01-27

1 : GS(14)@2017-01-31 18:15:19

https://www.am730.com.hk/column/ ... 4%9a%e7%89%87-15828

接受雜誌訪問,拍下一輯靚相,苟芸慧火速女神歸位。純睇硬照,回復正常身形的苟芸慧,在香港美女界,根本無得輸。靚,靚到近乎有種仙氣。身材好,事業線深不可測。笑容夠甜,具親切感,同時又有種讓人高不可攀的氣質,環顧整個香港娛樂圈,無出其右。放在電視台,要她做梁烈唯的女朋友,是一種浪費。

問題是一旦離開平面世界,要苟芸慧保持住同一樣的吸引力,就不容易。中文唔好,無論表達和理解都有極大困難,必然影響演技。從甲狀腺失調導致暴肥一事,可見苟芸慧的抗壓能力非常有限,作為一個演員或明星,沒有良好心理質素,事倍功半。出道又已經好一段時間,年紀上不容許再慢條斯理追落後。這已經跟是肥或瘦沒太大關係。


離開電視台後,失去了護身符,也等於拋得開包袱,當事人也清楚,大概要作出一些重大突破,才有望一舉收復失地。前一段日子,苟芸慧放風,說不介意為藝術犧牲,在銀幕上作出性感演出。拍輯雜誌相,都肯身穿低胸吊帶在睡床上轉來轉去,斷估所謂性感演出,不會只是著件比堅尼在沙灘中行兩個圈。我就大膽假設苟芸慧的意思是不介意拍攝以性愛作主題的三級片。香港還有嗎?


你看看《鴨王》,袁嘉敏豁出去三點盡露,戲份竟然不及飾演鴨王的男主角,而且造型似師奶,完全沒有被美化。三級片中,床戲的重心居然不在女角,你話奇唔奇?唔奇。幾年前,找雷凱欣拍的《玉蒲團》,雷凱欣的角色不單不是美女,甚至不是女人,一打開心口露少少肉,仲要立即人體爆炸。香港的男性觀眾,真係一點也不好色?還是情願投向this AV懷抱,也不支持本地肉女?


於是,香港的色情電影,其實要盡量拍得不太色情,方便十八歲以下的血氣方剛入場觀看,例如《喜愛夜蒲》系列,也例如周秀娜初出道時拍過的愛情喜劇。周秀娜都入無綫拍宮廷片,件戲服居然拉到上頸,越來越保守,符合怪獸家長需要,這究竟是甚麼一回事。搞到如此局面,苟芸慧即使不介意全祼,也沒有空間去全裸啊。不要說學習葉玉卿或李麗珍,貨真價實地當上三級片巨星,奠定性感女神地位;就算要她似邱淑貞,遮遮掩掩露啲唔露啲,都恐怕沒有機會。作為一個喜歡觀看美女裸體的男性,我真心希望香港會再有片商肯投資拍攝色情片,找具備知名度的本地女星主演,而不是找一堆說不出名字的國內佳麗以量取勝。不需要搞3D,也不需要教人召妓的好處,更加不需要賣弄血腥暴力和驚嚇,只需要一個簡簡單單的愛情故事,上幾次簡簡單單的床,畫面有咁靚得咁靚,就足夠了。反正,無論情節如何奇幻,動作如何激烈,你也敵不過網上任人瀏覽的片段,不如回歸基本吧。
魚油 一樽 俊傑 搵茍 茍蕓 蕓慧 慧拍 三級 2017 01 27
PermaLink: https://articles.zkiz.com/?id=324854

【馮仁昭四圍超】苟芸慧擇偶要型英趣

1 : GS(14)@2017-02-02 02:34:16

苟芸慧減肥成功,又離開娘家無綫,雞年佢有好多想法:「上年自己嘅事業停咗落嚟,今年會加倍努力,希望有自己嘅代表作,亦希望搵到一個funny嘅男友,最好有型又靚仔,生活就更開心!」今年苟姑娘嘅家人來港一齊過年,苟姑娘話:「我已經七年冇同家人一齊過年,今年父母來港,弟弟又剛添丁,多了一位可愛嘅家庭成員,當然特別開心。」撰文:馮仁昭




來源: http://hk.apple.nextmedia.com/entertainment/art/20170201/19913867
馮仁 仁昭 四圍 茍蕓 蕓慧 擇偶 要型 型英 英趣
PermaLink: https://articles.zkiz.com/?id=324981

【add】紅人主場:苟芸慧索爆回歸

1 : GS(14)@2017-02-03 03:10:36

Michael Kors條子上衣、外套及波點褲



苟芸慧三年前因不堪壓力,令甲狀腺失調,導致體重不受控地暴脹,近日減肥成功,索爆回歸娛樂圈,瘦了兩個碼的她重拾自信,經歷過人生最低潮後,苟姑娘才發現原來自己好幸福,放下以往的執着,重新再出發。統籌:林妙萍撰文、造型:顏英儀攝影:郭賢興 化妝:Emma髮型:Sue Cheng of Hair Corner K11於台灣出生,加拿大長大的苟芸慧,09年當選國際中華小姐冠軍入行,出道時有翻版林熙蕾的稱號,是不少男人心目中的女神。可是入行後負面新聞多多,緋聞不絕,同郭富城拍廣告就被傳介入郭富城和熊黛林的戀情,有感委屈,令身體不堪負荷終於在13年爆煲,消失於幕前養病。



Maje紅色裙、耳環

Philosophy荷葉邊tube dress/rue Madame


靠做戲發洩

「之前我好努力工作,但個結果就唔係我想嗰回事,?家知道有好多因素影響呢份工作,經已睇化咗,只要做好自己就得,有情緒可以透過做戲發洩出嚟,終於學識咗唔好將事情放大,好多事要經過先知道,原來自己好幸福。」若工作上再遇城城會否接?「唔係真嘅,所以唔使驚,大家都係朋友,同佢拍過一次廣告,佢仲教我邊啲位會拍得靚啲,教我好多嘢,個人又nice,係一個好好嘅前輩。」



■苟姑娘和錫礦大王之子陸漢洋傳拍拖。

■近年處女黨成員陸續出嫁,苟芸慧並不心急趕嫁。

■苟姑娘自言不抗拒和郭富城再合作。資料圖片

性感無底線

回勇後的苟姑娘早前為男性雜誌拍攝了一輯噴血寫真,相片出街後,她IG的follower更爆升一倍到15萬人,「今次真係好surprise,冇諗過咁大feedback,自己學識咗要調節心態,唔好諗得太多,今次有出乎意料嘅結果。」放下從前的執着才會懂得活在當下,苟姑娘除了進修珠寶設計和演員課程之外,也計劃出文字相集,事先張揚是性感無底線。工作mode再次啟動,感情似乎也有着落,早前苟姑娘被影到與馬來西亞錫礦大王陸佑後人陸漢洋(前名陸恭和)一起睇演唱會,又為男方慶祝生日,感情生活甜到漏,「我嘅感情生活同生活一樣都係好收埋嘅,當然生活中有人錫你,有需要時有個倚靠係開心嘅事,其實我嘅愛情觀好簡單,拍拖開始時要有刺激嘅感覺,但到最後係希望可以平平淡淡,另一半可以好似朋友咁,坦誠相對就得。」


唔鍾意靚仔

女神的擇偶條件原來好簡單,不用高富帥也能成為裙下之臣,「我自己都賺到錢,所以唔需要對方識得賺錢,而男仔太過靚仔我會有少少驚,我忍受唔到男仔一日24小時不停咁照鏡,如果對方成日出去玩,都會令我冇安全感,而有才華嘅男仔最吸引我,最重要錫我同屋企人,心靈上要溝通到,性格最好要開心、幽默啲。」苟姑娘同好友李亞男、鍾嘉欣、王君馨、岑麗香組成的「處女黨」,黨員紛紛退黨嫁人,現只剩下她一人,問到33歲的苟姑娘是否心急嫁人?「爹哋媽咪都關心嘅,我覺得唔使太心急,因為婚姻係一生一世,要好小心選擇,搵錯人點算呀!」


減肥要調節心態

苟芸慧在患上甲狀腺病時,有傳體重失控暴脹至170磅,病癒後她成功收身,除了行山和做運動減磅,也要改變自己心態,她說:「減肥都要調節心態,始終心態會影響身體,盡量令自己思想要正面開心啲,約朋友一齊出去食嘢,傾心事減壓,再調理吓身體,加上運動,同埋少食多餐,每一餐都盡量少油,例如食烚菜,我覺得塊面最難減,永遠都係圓圓哋,都唔知可以有乜方法可以令塊面再瘦啲?」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170202/19914955
add 紅人 主場 茍蕓 蕓慧 慧索 索爆 回歸
PermaLink: https://articles.zkiz.com/?id=325147

羅天宇專揀身材好女星 湯洛雯Coffee苟芸慧榜上有名

1 : GS(14)@2017-02-07 05:15:53

羅天宇係08年港男少年組冠軍出身,正所謂「你的樣子如何,你的日子也如何」,梗係多女埋佢身啦!出道8年,同唔少女星都同佢傳過緋聞,有林芊妤(Coffee)、苟芸慧、高海寧等等,全部身材有番咁上下,而現任女友就係「靚湯」湯洛雯,真係令好多男士葡萄。有報道指羅天宇入行冇耐就同Coffee因為拍《四葉草》撻着,仲有咀嘴照流出o添!又有報道指苟芸慧就最得羅媽媽歡心,羅媽媽仲當苟姑娘係契女咁看待。睇番湯洛雯,雖然喺12年港姐選舉五強止步,不過大台好肯畀機會佢,《學是學非》、《愛.回家》等等嘅節目都見到佢,曝光率都算多。




來源: http://hk.apple.nextmedia.com/entertainment/art/20170207/19920436
羅天 天宇 宇專 專揀 身材 女星 湯洛 洛雯 Coffee 茍蕓 蕓慧 慧榜 榜上 有名
PermaLink: https://articles.zkiz.com/?id=325856

【馮仁昭四圍超】苟芸慧落場學賽車

1 : GS(14)@2017-03-22 00:31:38

苟芸慧噚日喺微博貼咗張賽車相,留言話第一次喺F1賽車場試賽道。事後苟姑娘短訊回覆話唔係比賽,只係學車,一有時間就去練習:「?家搵到個好師傅教車,目標係參加耐力賽車比賽。聽講香港考慮起賽車場,希望香港喺不久將來會有賽車場可以練習,方便練車,訓練本地賽車手。」苟姑娘早前被爆撻着富三代陸漢洋,兩人都鍾意玩賽車,難怪一拍即合。撰文:馮仁昭




來源: http://hk.apple.nextmedia.com/entertainment/art/20170320/19963566
馮仁 仁昭 四圍 茍蕓 蕓慧 慧落 落場 場學 賽車
PermaLink: https://articles.zkiz.com/?id=328113

【add時尚】紅人主場:99分待嫁女神苟芸慧

1 : GS(14)@2017-06-23 02:58:41

Paule Ka晚裝
Forevermark
Endlea鑽飾



人生無高低起跌,還算完美活過嗎?苟芸慧由幾年前暴肥無工開、碌卡借錢的谷底日子,回到今年索女回歸,愛情、事業神速前進,正是個「翻盤」重生。以100分滿分的話,苟芸慧自評現時已有99分,男友陸漢洋雖然未求婚,但彼此已認定對方,「我相信自己會係一個好稱職嘅賢內助,下廚、家務兩樣都有信心!」夢想婚禮的婚紗,更會自己設計!撰文:林妙萍攝影:周樂恒攝錄:李祉澄剪片:李祉澄化妝:Amy Lee髮型:Tommy Leung of ii hair nail處女黨33歲成員苟芸慧近月堪稱大復活,過去三年,苟姑娘曾由宅男女神,跳落「肥苟」之名,捱過由壓力引起的甲狀腺問題、沒工開沒收入的低谷位。



Marelle條子連身褲
Giuseppe Zanotti高踭鞋
Forevermark
Endlea鑽飾

Marelle黑色吊帶裙
Forevermark
Endlea鑽飾


男友錫梗開心

「嗰時銀行戶口係少到我唔敢睇啲數目,去到一個位,直情係要同銀行借錢,用credit card生活,因為我都要交租。」有否想過自殺?「可能我比較樂觀少少,冇咁諗過。」財政有問題,亦不敢問家人拎,因為對屋企總是報喜不報憂,經歷過生死邊緣:賽車炒車,才令她驚醒及堅強克服。現時逐步變回索女,事業、愛情、自信都回來!「同之前比較,真係好咗好多,但可以再好啲,要多謝身邊朋友好支持我、好鼓勵我。100分嘅話,?家有99分,我OK㗎,個人開心咗,過程中學識咗堅強,同埋點樣去處理自己嘅情緒。」她早前接受訪問時,對男友陸漢洋的感情仍處於觀察態度,「所有嘢都自然發生,要再相處吓先知道,都冇乜時間可以聚到、見到,但朋友話我係開心咗,咁女仔有人喺身邊support,俾人錫係開心啲。」事隔一個月,兩人已由曖昧期低調,到公開肉麻晒幸福,男友公開在網上post「52099」(我愛你苟苟)。見家長、晒家傳之寶的鑽戒,她指男友未求婚,「?家感覺好甜蜜溫馨,好有信心同安全感。大家畫面中,都有好美麗嘅期盼同將來,係朝向同一個目標,所以好踏實。」



■苟姑娘並不想像好姊妹鍾嘉欣(中)般生BB,反而想領養。資料圖片

■陸漢洋車隊成立的大日子,苟芸慧戴住男友家傳戒指,甜蜜撐場。資料圖片


多個國家擺酒

至於夢想婚禮?苟姑娘說:「會想簡單溫馨啲,只有家人同少數朋友,但擺酒可能會去幾個國家,因為啲朋友喺唔同地方,婚紗就應該自己設計。」對於成為太太,她亦充滿信心,「我相信自己會係一個好稱職嘅賢內助,下廚、家務兩樣都有信心。由細到大我都係大姐姐,日常生活嘅照顧對我嚟講,係件好簡單同必須嘅事。」至於生兒育女一環,處女黨好友鍾嘉欣已有囡囡,岑麗香又疑似有喜,苟芸慧對下一代的想法卻頗令人覺得意外,「我應該唔會有自己小朋友,可能去領養一個,我寧願將呢種幸福,畀有需要嘅小朋友,畀溫暖佢哋。」她更想過像安琪蓮娜祖莉(Angelina Jolie)一樣,收養不同種族的兒童,組成國際大家庭,不過當然要先跟另一半商量。



■苟芸慧曾在慈善賽車炒車,一周後重返出事彎道,克服恐懼。

賽車減肥

苟芸慧曾受甲狀腺問題困擾,水腫暴肥,有指體重直升上170磅,「呃人,真係冇上過去呢個磅數,我係唔睇磅數,因為唔想畀自己壓力,每次去診所,都係姑娘睇。」減肥之路從來艱苦又寂寞,苟芸慧的賽車減肥卻充滿樂趣,「忍唔住講,其實我有一個好靚仔嘅教練,佢係typical靚仔鬼佬,鼻高高、眼大大,令我上堂更加開心同專心,哈哈!」至於節食,就真的只能靠意志,「朝早食飯,配唔同餸,好似牛肉炒菜咁,再加一杯咖啡。中午就salad為主,夜晚就盡量6點前食。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170622/20064049
add 時尚 紅人 主場 99 待嫁 女神 茍蕓 蕓慧
PermaLink: https://articles.zkiz.com/?id=336644

揭富二代男友承諾養起苟家 苟芸慧 悲苦身世

1 : GS(14)@2017-06-26 03:00:06

2017-06-14 EW
三十三歲的女神苟芸慧,與富二代陸漢洋早前高調認愛,並獲男方送贈亡母的家傳鑽戒作為定情信物,且公開認定對方是終身伴侶。能成功將女神「封盤」,除了心思之外,陸漢洋更誠意十足,不僅對女友細心體貼;據知,連女友家人的起居生活亦承諾照顧周到,完全「收買」苟家人心。

據悉,苟芸慧的身世相當惹人憐,原本來自大富之家的她,可惜廿歲時家逢巨變,父親生意失敗兼患癌,自始家道中落。她惟有姊兼母職含辛茹苦湊大弟妹;後來,她選美入娛圈,經濟上仍繼續支援家人,收入都由母親全權處理。不過,如今覓得好「歸宿」,她撐起全家的重擔,亦卒之有另一半來分擔。

愛得甜蜜成功減磅的苟芸慧(苟姑娘),由「肥苟」變回「索苟」,重奪女神之位,全因有愛情滋潤,她與富二代賽車手陸漢洋(William)拍拖,愛得甜蜜蜜。日前,陸漢洋的賽車隊舉行成立發布會,兩人便趁機十指緊扣承認戀情;此外,她早前又獲男友送贈亡母的家傳鑽戒作定情信物,正式被「落訂」。

雖然陸漢洋視苟芸慧為結婚對象,但坦言婚期暫時未定。不過,日前,這對蜜運中的小情侶,卻被發現拍拖到中環行珠寶店;期間,他們對着一盤戒指,指手畫腳密密斟,似在研究款式;而女方還先後撿起幾隻戒指試戴,男方則從旁幫眼給予意見,狀甚恩愛甜蜜,相信正在挑選結婚戒指,應該好事近。離開時,更見苟芸慧頸上多了一條閃令令的寶石鏈,應該是「血拼」珠寶店的戰利品之一,埋單當然由陸漢洋負責,出手認真闊綽。

四十三歲的陸漢洋,原名陸恭和,是馬來西亞錫礦大王陸佑的後人,父親陸孝佩是公和建築創辦人,母親則是聖安娜西餅的創辦人;此外,他的堂姐是環境局副局長陸恭蕙。他自小移民加拿大,畢業於美國波士頓東北大學金融及市場系雙學位;其後回港創業,擔任卓峰國際集團總裁、漢洋環球集團主席,兼為多間公司董事,公司生意涉及零售、公關、進出口及金融投資等。直至七年前,熱愛賽車的他,決定轉做職業賽車手,並將旗下所有生意交由拍檔打理。

據密友透露,曾經與不少女星傳過緋聞的陸漢洋,今次對苟芸慧特別認真,除了安排名車及司機管接管送外,又提供貝沙灣單位給女友居住,「苟姑娘細佬舊年結婚生埋BB,三大一細原本屈住喺跑馬地唐樓好逼夾,William本身住貝沙灣,所以就安排另一個單位,畀女友住埋入嚟貝沙灣做鄰居,方便成日見面。」而苟芸慧去年不再續約無綫後,開過公關公司的陸漢洋,更動用圈內的人脈,請人幫女友接job,工作以至生活都照顧到女友無微不至。

讚不絕口難怪,苟家上下都大讚陸漢洋細心有責任感,尤其是與苟芸慧姊弟情深的胞弟Ray,對未來姐夫更加讚不絕口。據悉,眼見家姐年前備受甲狀腺病影響情緒,Ray一畢業,立即爭取由加拿大來港發展,無非為睇住家姐。初頭人生路不熟,他在苟芸慧有份投資的點心餐廳任職,現已轉到陳慧琳大仔劉昇就讀的國際學校擔任教學助理。據悉,他現時的月薪為一萬多元,但同事都稱讚他勤奮有禮,相信很快會獲晉升。

據知,苟芸慧是家中的大家姐,對下有一弟一妹,三人感情極度要好,而這份情的建構,就得由一段悲苦的身世開始講起。苟爸爸是台灣的富二代,爺爺是有名的廚師,專門負責總統的膳食,故家境十分富裕;而苟媽媽則是台灣的原住民,並擁有荷蘭和日本人的血統,其美貌更曾被林青霞的經理人公司賞識,想簽約捧做明星,但因她選擇下嫁苟爸爸而放棄入娛圈。

苟芸慧十歲移居多倫多,在彼邦一直過着千金小姐的生活,直至她二十歲大學二年級時,命運從此改寫,家庭遭逢巨變,苟爸爸生意失敗,又患了癌症。苟媽媽於是將多倫多的物業賣掉,留低一萬元加幣,說要與苟爸爸返回台灣重新開始。身為大家姐的苟芸慧,義無反顧地肩負起照料弟妹的責任,她無奈地轉讀遙距課程,一邊讀書、一邊打工賺錢,還姊兼母職做弟妹的「半個媽媽」,煮飯、洗衫、做家務、接送弟妹上學,三姊弟的深厚感情從此培養出來。

生性顧家父母後來回到加拿大,苟媽媽幫她報名參選多倫多的華裔小姐,多少是因為家道中落,明白到人生必須經得起風浪才會成長,於是想藉選美磨煉女兒,使她變得更加堅強。而出道後,苟芸慧亦相當生性顧家,大部分收入都交由媽媽處理,年前便有報道指,她以約四百萬港元,在加國購入豪宅予家人。

據密友透露,苟芸慧的父母在農曆新年時曾來港,與陸漢洋見面後,對這位未來女婿亦大感滿意,「William知苟姑娘最緊張屋企人,所以都當正女友父母係自己爹哋媽咪咁噓寒問暖,好得兩老歡心。加埋佢同苟姑娘講,一齊分擔照顧屋企人嘅責任,對孝順女苟姑娘嚟講,絕對冧過聽啲甜言蜜語。」縱然女神苟芸慧被陸漢洋「封盤」,不過本刊就發現,苟家女兒都天生麗質相當「省鏡」,她的胞妹Rachel同樣皮膚白滑,擁有美人胚子。現身處加拿大讀書的Rachel,更經常被親友慫恿,不如步家姐的後塵來香港選美,還大讚她有接棒做女神的潛質。

筍盤多緋聞貴為城中鑽石筍盤的陸漢洋,與圈中不少女星份屬好友,亦曾與多位女星傳出緋聞;不過,除苟芸慧外,他從來未公開承認任何一段戀情。

應采兒〇三年,陸漢洋與應采兒過從甚密被傳撻着,更有指同居於男方跑馬地的寓所。惟後來有傳因陳冠希介入,令兩人情海翻波。其後,有傳媒影到他們當街吵鬧,繼而郁手郁腳;翌日,應采兒更搬離同居的愛巢。

官恩娜〇七年,有傳陸漢洋與官恩娜拍拖,他亦曾向女方求婚。官恩娜更一度進駐男方位於灣仔會景閣的豪宅,出入更有司機接送。可惜,兩人的感情維持了約一年便「閃分」,有傳因性格不合而分手。

韓君婷〇八年,陸漢洋被發現背住當時的女友官恩娜,與韓君婷夜蒲蘭桂坊,並拖手玩到凌晨三點,再雙雙返回男方會景閣的寓所。及後,韓君婷澄清與陸漢洋是認識十幾年的朋友,由細玩到大,冇可能撻着,而男方亦回應,兩人只屬「兄弟」。

張頌恩自一一年起,陸漢洋與無綫前主播、有翻版梁詠琪之稱的張頌恩拍拖,兩人相戀多年,女方不時會在社交網貼出與男友旅行、食飯、拍拖的照片。直至去年,有傳苟芸慧與陸漢洋暗交,疑似做「小三」撬人男友,張頌恩即透過社交網澄清,聲明她與陸漢洋已分手,並不涉及第三者。

撰文☆娛樂組 攝影☆追蹤組 設計☆李
揭富 二代 男友 承諾 養起 起茍 茍家 茍蕓 蕓慧 悲苦 身世
PermaLink: https://articles.zkiz.com/?id=337055

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019