ZKIZ Archives


聞梁不連任 葉劉:感動又同情

1 : GS(14)@2016-12-10 12:53:55

【本報訊】梁振英昨午宣佈棄選後,預料會在15日宣佈參選的新民黨主席葉劉淑儀隨即在立法會內會結束後,與黨友田北辰及容海恩會見記者,稱出席內會時聽到梁宣佈不參選感到詫異,對梁為了減輕家人壓力而不尋求連任「好感動,亦都好同情」,表明尊重其決定。被問及梁振英的決定會否令她成為下屆特首熱門時,葉劉稱:「政治一日都嫌長,大熱都有倒灶㗎嘛!」


獲梁粉鍾逸傑轉軚支持


而4年前為梁振英站台的前布政司鍾逸傑,接受傳媒訪問時表態支持葉劉參選,葉劉昨回應稱「我好感謝佢(鍾逸傑),佢係我舊上司,我跟咗佢好多年」,認同對方為她打了一支「強心針」。問及鍾逸傑由撐梁到挺她,會否令梁振英不開心,葉劉指:「我相信梁生都係一個好大量的人,唔會介意嘅。」當時未知梁振英棄選的葉劉又重申自己是弱勢,「我地位比較低,比起傳媒時時提及嗰啲名,我地位比較低啦,咁有啲人認為女性係冇可能出到、做到(特首)呢個位」。被問到是否於15日宣佈參選時,葉劉即指如曾鈺成所講,中央的「紅燈」和「綠燈」並不重要,最重要是對香港有承擔及全心全意為港人服務。新民黨下周三(14日)會召開黨員大會,若獲黨友通過,預料葉劉翌日宣佈參選,程序上她會辭去行政會議職位,但會維持黨內職務。問到有否尋求中央支持,葉劉即指「我好耐冇去中聯辦嘞,我冇打算再去中聯辦,自從你哋(傳媒)話我去中聯辦後,之後我再冇去過」。至於與梁振英的最大分別,葉劉指,不會說自己能給市民很大希望,「但一個好大分別就係,我係有民選經驗人事,參加過民主選舉嘅人士,都知道要謙卑、感恩,同埋密切咁聆聽民意」。葉劉又指,若曾俊華參選特首,她表示歡迎,「我同曾生以前都係舊同事,如果佢出嚟參選,我同佢同台辯論,都係好有趣嘅經驗,我樂於見到同佢同台辯論」。■記者林俊謙




來源: http://hk.apple.nextmedia.com/news/art/20161210/19861049
聞梁 梁不 連任 葉劉 感動 同情
PermaLink: https://articles.zkiz.com/?id=318988

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019