摩通料樓價近見頂恐累慈父老本敗光
1 :
GS(14)@2017-04-12 22:39:14【本報訊】本港樓價節節上升，投行摩根大通亞太股票研究部門董事總經理梁啟棠接受外媒訪問時預警，樓價已接近見頂，且達到經濟情況不能支撐水平，不少買家傾盡家財，更將父母現樓加按套現當首期，一旦樓市泡沫爆破，除買家損手，將連父母「老本」都敗光。
外圍或觸發銀行收水
新盤早月曾出現加價潮，但梁啟棠預期，今年新盤樓價將持平，自己亦不會入市。本港住宅價格已升至全球最貴水平，由2009年起樓價增速亦超越本港GDP增速，任何外圍打擊都觸發本港銀行體系收緊流動性，增加買家借貸成本。至於許多地產商向買家提供較高成數按揭，紀惠集團行政總裁湯文亮則以「千祈唔好借發展商錢」為題撰文，指地產商借錢予買家，身份由「生意人變莊家」，意味地產商是「睇樓市下跌」。多數地產商給予買家借款年期多為3年，但借錢買樓的「閒家」卻憧憬樓價3年後可升三至五成，變成雙方的一場對賭。湯文亮更反問「莊閒對賭，那一位勝出的機會比較大，唔需要我講，大家都知道」。
來源:
http://hk.apple.nextmedia.com/financeestate/art/20170411/19986529
《賭城群英會》食老本高Ling鴨王輪流騷胸
1 :
GS(14)@2017-06-22 07:42:30擅長拍喜劇嘅大導王晶，幫大台監製嘅新劇《賭城群英會》前晚首播，既然打正旗號由拍《賭神》著外嘅王大導監製，又晒咗一大堆卡士，包括謝賢（四哥）、劉兆銘、黃浩然、高海寧（高Ling）、「鴨王」何浩文、馬國明、佘詩曼等主演，應該好有睇頭嘅……（好似係）真係播喇，唔少得賭博場面，一嚟就係馬明BB喺士多同班師奶打麻將，出千用塊假玉牌呃人哋支傳家茅台，用嚟做乜？就係o氹曾經為世紀賭局做荷官嘅余子明講番當時場面出嚟。余子明話，嗰場賭局，自完成之後，冇人再講，嗰啲有份賭嘅後人都威脅「邊個講就郁邊個」，不過，余子明最後為咗啖茅台，都係照爆。嗰場賭局，有睇過王大導嗰啲「賭」字系列嘅電影的話，一定好有親切感！因為只係人物換咗，但係賭枱擺法、影啤牌近鏡，甚至連威脅對家嘅橋段，同要求以對方隻手嚟做賭注呢啲橋段，幾乎完全翻dup！而四哥嗰個飛啤牌切大麻繩教徒弟、銘Sir賭枱自刎等，都好熟口熟面，真係好懷舊！然後，講到第一集呢一看點，就係高Ling啲cosplay同晒胸，佢嗰套女僕服，造出嘅谷胸效果，係真心震撼！雖然劇中佢被阿佘叫佢換走套衫，好慘慘豬咁，但…絕對係一個明智之舉。至於何浩文，當然唔會放過呢個機會，乘機晒肌！嗰一幕沖涼戲……希望唔會太影響觀眾，搞到個個唔捧場跟咗佢去沖涼啦……其實唔知新劇嘅，真係以為睇緊山寨牌《賭神》呀陰功！至於嗰啲假到笑嘅CG，留番大家發掘……
來源:
http://hk.apple.nextmedia.com/entertainment/art/20170621/20063724
食老本過活 遭人跟蹤
1 :
GS(14)@2017-07-01 10:09:47【本報訊】梁頌恆和游蕙禎被取消議員資格後，除上庭應付官司外，言行相當低調。游坦言離開立法會後，難找到正職，即使散工亦難，至今只能靠積蓄過活，「至今都未諗到一個方法可以有效地維持到生計」。梁頌恆也是至今未找到工作，因僱主都擔心一旦聘請他，他會突遭親中媒體針對，又或被檢控，無奈指：「我就食緊老本」。
估計會坐監或破產
除了找工作困難，梁游亦頻受親中媒體狗仔隊滋擾。游蕙禎指去年10月底、11月左右，曾有狗仔隊派人到其家門，試圖拍攝她父母，最近亦有兩人在她到庭應訊後跟蹤，試圖上樓到其單位視察，最終被大廈保安截停，報警處理。梁頌恆則遇過有狗仔隊試圖「自編自導自演」，派人上前衝撞他，看他會否還手，故過去一直盡量避開狗仔隊，並在出席公開活動前，先準備「逃生」路線。對於因參與本土運動付出上述代價，游稱自己的付出未算嚴重，「有啲義士已經坐緊監，佢哋係付出咗自己整個前程，咁又點計呢？」梁相信，自己和游蕙禎未來亦可能只餘下坐監或被判破產的結果。至於被控暴動罪的本民前黃台仰指，至今未有嘗試找正職，「因為知道冇辦法搵到」，現時只透過散工維持生計，平日亦有透過主持網台節目，為本民前每月所需的約二萬元營運費籌款，包括總部的租金和平日街站開支等。■記者林俊謙
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170628/20071089
Next Page