ZKIZ Archives


純官翻炒彤叔伎倆

2016-01-07  NM

 

純官向恒大主席許家印賣大陸地產項目之餘,寧願揸住恒大永續債券長期收高息都唔換股,呢班富豪,做生意等同鋤D,要贏錢又贏牙骹;純官呢招都係仿效彤叔同大劉交手嘅功架。

彤叔同大劉八十年代已孖住「哈乎」、「哈乎」以「Real Reward」間公司投資Sogo百貨,做到○四年以利福(1212)上市,依然不分你我以Real Reward持有利福股份,再殺上大陸做「久光」百貨齊齊搵食,當時梗係攬頭攬頸;直至兩年前大劉喺澳門惹官非,鄭家立即劃清界線,先把周大福在Real Reward持有的6.97%股份拆出來,以每股$16.39拋售,前年再以每股$14.75把餘下16%賣番俾劉氏,套現六十三億;利福呢一役,獲得 「Real Reward」正是彤叔,試問除彤叔外,邊個有「本事」要劉氏兄弟「啃」番啲股票呢?

所以話,純官揸住恒大嘅債券,雖然高息,一旦手持債券有乜差池,到時要睇純官有冇「彤叔」魅力,「大」到許家印而有Real Reward啦。

金融逍遙客:「上海仔」不堪設想

游走於中港台併購、私募投資的金融多棲動物,現為多間上市公司主要股東及董事

財經市場悶氣沉沉,反而上海仔一浪接一浪的新聞,卻成為本週矚目話題。從輩分、髮型、以至一身英姿颯颯打扮,周旋於富豪間,出入非富則貴圈子,生意更觸及 有機會撈到「粗嘢」嘅賭業。姑勿論真正實力如何,環顧中港台江湖人物,論形象鮮明和牌面氣勢,即使是四大家族龍頭也無人能及。相信不論是傳統古惑仔抑或新 進南亞兵團,都會奉上海仔為一個icon,是千千萬萬有志撈嘢兄弟嘅偶像。唔知有乜過節,最近一間主流傳媒窮追猛打,幾乎日日將呢個大佬級人馬的過去是非 一一曝光。時而洗黑錢時而勒索富豪,我們一眾讀者似追看江湖連續劇,內容真是日日新鮮,都期待真正高潮的來臨。傳媒的一支筆,指住一個身經百戰的江湖大 佬,猶如秀才遇着兵,但不知所措的卻是呢個兵!逍遙客所見,在各行各業有所成就之士,冇一個係全能。各自在所屬領域即使呼風喚雨,轉換另一個角色已變「鵪 鶉」。出入IFC、名牌大學出身又喺華爾街碌過,甚至可搞到百億企業破產嘅金融精英,一落旺角俾古惑仔盤幾句都會腳軟。同樣由細跟住秀茂坪十三太保周街 劈,入赤柱多過拜年嘅大佬輩,一見到封律師信都不知所措。此現象是一個common sense,人的潛能發揮僅建基於本身的經驗累積,俗語所講嘅隔行如隔山,若逍遙客是上海仔,點可能會用開記者會嘅方式去表達自己意見呢?更何況今時今 日,誰才是宇宙最惡最有實力的堂口;北望神州,如果連呢個道理都唔識尊重嘅,咁後果真係會不堪設想。

中環寸嘴:幾多錢?去食咪知囉!

楊國佳

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

嘩,上個禮拜收電話收到手軟,啲老友猛問喺「好酒好蔡」即係食咗幾多錢啫?唓,我窒鬼啲友,成日問幾多錢,唔好咁working class啦!想知咪自己訂位去食囉,想同我對到嘴又唔肯去食,點有交流啫。近排可能冇乜新食肆開張,周圍都寫呢間「好酒好蔡」,鋪天蓋地,蘇施黃仲話, 當日要請阿蔡師傅由廣州來香港煮一餐飯你食,要十多萬;嘩呢個價其實都有其他alternatives啫,例如近排先有個friend嘍我,夾份包個意大 利廚師嚟香港一個禮拜,帶埋啲香草、食材煮正宗意大利菜,每人三日,俾一日佢休息,我都冇落疊;又或者慈善拍賣一餐嚟食,前年法國商會annual dinner,我就拍咗個米芝蓮三星廚嘅一餐,包埋機票、酒店去佢巴黎間餐廳喫一餐,不過你家陣問我,記唔記得嗰餐食過乜,味道如何,我又答唔到,事關嗰 次同屋企人去,佢哋瘋狂shopping大出血,搞到荷包都七上八落,都唔記得咁多!放假同老婆去半島酒店食lunch,順便買份新年禮物贈佳人,喺北美 洲同歐洲啲女人話Hermès手袋被人用到「濁」晒,而家興法國老字號Goyard包,喺半島間鋪得兩個sales,為求一對一,如果 多過兩個party去買,就要落閘喎!個個手袋人手造,吓吓要等四至九個月,趁啲人未識入定貨。嘩,真係誇張。

表面門當戶對

賭王三太千金何超蓮與霍英東孫霍啟山傳拍拖,牌面睇兩位都門當戶對o架,但係連三太都透過助手出聲否認;睇番家族棵樹,霍啟山為霍震霆次子,霍家嘅財政大 權係落入其二叔霍震寰手上;家族成員每月有固定「收入」,儼如「打工仔」,相對於三太陳婉珍個family office——UNIR,包羅中港澳及海外物業、賭場、直升機、古董一籃子生意,超蓮更直接到位去打理家族生意,係咪門當戶對,真係要睇得深入啲。

塑膠廠佬贏3億輸15億

人仔貶值,一班廠佬買落人仔accumulator(人民幣掛鈎外匯累計期權)輸到要登報紙叫救命,聽班廠佬講,輸得最甘係個「塑膠佬」,損手¥15億; 點解咁傷,梗係嘗過甜頭。話說呢位塑膠廠佬去買大批塑膠料,喺銀行唔單只有O.D. Line(透支額),有訂單自然開到L.C.(Letter of credit)信用狀,啲貨到手個廠佬就以平幾個巴仙「拆」貨俾行家,收到現金返來,一係做人民幣定期,或者買accumulator,就係咁,銀行見佢 貨如輪轉,L.C.不斷,雙方都有生意做,梗係皆大歡喜。人仔升值,塑膠廠佬把accumulator接番來嘅人仔拋出街或者做定期收息,個個月都有成三 球進賬;過去十年粗略估計賺三億多,但最終要輸十五億,冇計,Accumulator謔稱為「I kill you later」;金融海嘯期間,千億富豪都輸到入「廠」休養,攤分咗幾年先還清啲債;呢班廠佬同金管局投訴,攞命陳都未必幫到,只可以講前車可鑑!

插圖:祝健中

 

純官 翻炒 彤叔 伎倆
PermaLink: https://articles.zkiz.com/?id=181126

7萬公帑翻炒《施政報告》宣傳片

1 : GS(14)@2016-07-06 08:06:07

【特稿】今年特首梁振英推出他的《施政匯報》,政府首次製作一條30秒的歌曲短片作宣傳,但不少人聽過後,均指有關歌曲頗「騎呢」,除歌詞與節奏有不協調外,亦有政界人士指歌詞內容全是宣傳口號,與政府施政拉不上關係,但原來這條短片並非全新製作,而是循環再用施政報告的宣告的宣傳片,但也要花7萬多元公帑。



歌詞騎呢與政策無關

該條歌曲歌詞騎呢,就如政府宣傳口號,與《施政匯報》內容無直接關係,如其中一段:「愉快家園,共你齊建。困倦了,有頭家,安心多點。樂滿心頭,護老扶幼,誠意相處,愛心已佈滿於身邊」。不少政界人士揶揄這短片如「為搞而搞」,「好似上頭要做,就求其整出嚟,完全同主題無關」。本報向政府查詢為何要用歌曲方式宣傳《施政匯報》,政府新聞處回覆稱,有關短片是作為《施政匯報》電視宣傳之用,其實是重用今年年初播出的2016年《施政報告》電視宣傳短片,經修改尾鏡畫面而製成。整項修改費用為$72,000,涉及一套兩種語言版本的電視宣傳短片和一條3種語言版本的電台宣傳聲帶。■記者林俊謙





來源: http://hk.apple.nextmedia.com/news/art/20160706/19683283
公帑 翻炒 施政 報告 宣傳片 宣傳
PermaLink: https://articles.zkiz.com/?id=302627

《城寨》翻炒子珊一秒強姦 幾歲仔識講「叫X」

1 : GS(14)@2016-08-09 07:33:02

大台劇《城寨英雄》其中一幕講劉佩玥所演嘅Audrey,鍾意咗救過自己一命嘅拳佬(陳展鵬飾),之後劇中一個小朋友——小新就帶Audrey去見拳佬。拳佬為咗令Audrey知難而退就講大話指小新係自己個仔,刁蘭(胡定欣飾)係自己老婆。之後仲鬧出自己有性病嘅笑話,刁蘭話﹕「你個死佬係咪又試叫雞唔俾錢呀?」小新就話﹕「老竇你做咩叫雞唔預埋我呀?」唔止咁,劇中鑫鑫(林穎彤飾)被羅莽強姦一幕,推埋牆之後一秒就完咗事,呢招咪係《雷霆掃毒》入面,徐子珊成名嘅「一秒強姦」。





來源: http://hk.apple.nextmedia.com/entertainment/art/20160809/19729171
城寨 翻炒 子珊 珊一 一秒 強姦 幾歲 歲仔 仔識 識講
PermaLink: https://articles.zkiz.com/?id=305122

王維基斥《星島》翻炒舊聞抹黑

1 : GS(14)@2016-09-01 06:00:56

【本報訊】《星島日報》昨日引述接近行政會議消息人士,翻炒2013年該集團旗下被人告誹謗的《東周刊》報道,指港島立法會候選人王維基,當年向港府申請免費電視牌時,曾遭一名女子發信投訴性侵。王維基今午在facebook發帖,指「親梁媒體的抹黑工程終於啟動」,直指《星島日報》的頭版報道「出奇」沒有新料,只炒作一則2012年沒有下文的舊材料。王維基說所謂性侵案,幾年來一直無下文,香港警方和上海公安都無再調查,亦無證據顯示他涉案,認為在如此情況下有人將所謂「女事主投訴信」放上行議討論,顯示打壓程度相當嚴重;又指報道欠說服力,抹黑工夫做得不夠實淨,報道亦無任何關於性侵及免費電視發牌事件的「重大發現」或「更新情況」。


周澄:多謝關心


王維基並指出,受訪學者呂秉權指《星島日報》記者當時堅持不透露問題是針對甚麼新聞,質疑藉學者令報道有合理性,做法是否公道;王說今次領教了人格謀殺,但希望大家堂堂正正比政綱、比政治立場,爭取選民認同及支持。另一邊廂,今期《東周刊》繼續報道數名泛民候選人,包括傳會計界梁繼昌、民主黨新東候選人尹兆堅與周澄的感情事,梁昨在facebook回應,指2014年辦事處職員共6名,周是研究主任,月薪僅1.5萬元,並詳列周在任職期間的工作成果。周澄則同樣在facebook說:「多謝朋友關心,我沒事。已經到了好笑的地步,哈哈。」該區其他參選名單,請參閱本報立會選戰網站http://hk.apple.nextmedia.com/legco2016/region■記者陳雪玲




來源: http://hk.apple.nextmedia.com/news/art/20160831/19755334
維基 星島 翻炒 舊聞 抹黑
PermaLink: https://articles.zkiz.com/?id=306843

菲莉絲迪裸戲遭翻炒

1 : GS(14)@2016-12-18 11:04:32

由菲莉絲迪鍾斯(Felicity Jones)聯同「宇宙最強」甄子丹合作新片《俠盜一號:星球大戰外傳》(Rogue One:A Star Wars Story),於海外開畫兩日勁收2.57億港元,周四在北美的優先場錄得2.26億港元票房收入。菲莉絲迪被爆片酬高達7位數字,是片中最高酬勞演員,但有外國傳媒翻炒她初入行時、曾在2011年電影《Chalet Girl》拍過裸露戲(圖)。




來源: http://hk.apple.nextmedia.com/entertainment/art/20161218/19868742
菲莉 莉絲 絲迪 迪裸 裸戲 戲遭 翻炒
PermaLink: https://articles.zkiz.com/?id=319511

財女手筆:翻炒舊書夠閱文發達

1 : GS(14)@2017-10-22 17:02:52

早係十幾年前,就覺得港台小說篇幅太短,唔夠過癮盡興,好彩發現咗廣闊嘅內地小說市場!當年熱門小說最多賣「字」,作者收小說出版費,仍未有電視劇、電影版權出現,由《夢回大清》、《步步驚心》一路睇睇睇,沉醉幾十萬一本嘅字海。當時每套熱門小說要分上中下集,因為「字」先最搵到錢,造就到好多內地作家成名,好似桐華、顧漫、金子等等,不過唔知點解,好多都係身居海外嘅華人作家,哈!當然賣小說,已經發個滿堂紅,因為睇書係低消費活動,學生、貧窮打工仔女,個個都消費得起,加上現時有電視劇、電影扶助,作者發過豬頭。不過騰訊(700)分拆上市的閱文集團,當年其實根本未有份,近年先加入戰團,出錢買起網上小說出版平台。不過,創意好值錢,至少仲有好多舊嘅熱門小說未翻拍做電視,《微微一笑很傾城》、《三生三世十里桃花》其實已經出版近10年,並非新作,所以相信閱文前景都係美好!不過可惜手上無價值45萬嘅騰訊股份,非常睇好就等上市後買一買,對得住十幾年晚晚係被窩煲書嘅青春。
Melody




來源: http://hk.apple.nextmedia.com/financeestate/art/20171018/20186055
財女 手筆 翻炒 舊書 夠閱 閱文 發達
PermaLink: https://articles.zkiz.com/?id=343052

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019