ZKIZ Archives


官義岱 給力拆拿 軍委主席點解唔著軍裝

1 : GS(14)@2012-12-24 23:37:36

http://www.metrohk.com.hk/index.php?cmd=detail&id=202017&search=1
習近平上場,打破咗中央幾十年的潛規則,即刻做埋中共中央軍委主席,仲即刻任命埋二炮司令魏鳳和做上將。查實依家到明年春天,國家軍委主席仍然係胡錦濤,但胡錦濤都畀習近平攞呢個彩,目的好明顯係要幫助習近
平盡快樹立軍中威望。
習近平1979年大學畢業後幫過軍委副主席耿飇做秘書,叫做同軍方有啲淵源;喺呢方面佢較江澤民同胡錦濤完全冇軍方背景優勝。響好多國家,國家元首同時會有軍銜,做埋三軍總司令或大元帥;但按照規定,中國嘅中央軍委主席、副主席都係冇軍銜嘅,呢個係叫「中國特色」。因此,軍委主席出席軍隊活動都唔著軍裝,淨係著深綠色嘅中山裝,內地就叫「軍便服」。
官義岱
官義 義岱 給力 力拆 拆拿 軍委 主席 點解 解唔 唔著 軍裝
PermaLink: https://articles.zkiz.com/?id=282067

官義岱 給力 拆拿 老人政治難除

1 : GS(14)@2013-01-30 22:19:13

http://www.metrohk.com.hk/index.php?cmd=detail&id=203970&search=1
尋日講開江澤民排名,今日仲有下文。官方新華社報導,前國家主席江澤民在中共十八大之後去信中央,要求今後在領導人的禮賓排名中,與其他退休元老的名字放在一起。內地學者指,希望這樣做是老人政治退出政治舞台的開始。之但係官義岱覺得唔係咯。其實,江澤民係一定要將排名退後啦,因為胡錦濤話明要「全退裸退」,到今年3月胡錦濤辭埋國家主席一職後,無官一身輕嘅胡錦濤嘅排名將喺常委後面,唔通你江澤民無端端排喺最前面咩?講真嗰句,排名之嘛,同老人政治是否存在無必然關係。你有心嘅話,仍然完全可以喺後台搞小動作,老人政治將用更隱蔽形式繼續進行。
官義岱
官義 義岱 給力 拆拿 老人 政治 難除
PermaLink: https://articles.zkiz.com/?id=282224

官義岱 給力 拆拿 微博世代大博弈

1 : GS(14)@2013-01-30 22:19:27

http://www.metrohk.com.hk/index.php?cmd=detail&id=204131&search=1
中共一哥習近平最近去廣東考察,第一間報導呢單新聞嘅媒體唔再係中央電視台,而係微博。同樣,胡錦濤最近返去家鄉泰州,第一間爆料嘅媒體亦都係微博。至於政法委書記王岐山,就更加係日日猛咁「蒲」微博,有啲乜嘢關於貪官嘅微博消息,佢全部立即跟進追查。可以話,依家全世界都進入咗微博世代,好多事都會同微博有關。北京最近開咗個會,下令首都二百幾萬網絡打手唔單止要上各網上論壇,仲一定要開微博,上微博。呢二百幾萬個網絡打手,淨係喺北京咋,全國嘅網絡打手人數,當然更加多。講句唔好聽,佢哋一人吐一啖口水,都真係可以浸得死你。表面上,官方網絡打手上微博,當然係要維穩,發表多啲支持官方嘅意見,做到好好睇睇。實際上,中國官員使咁多錢請呢班「五毛黨」,仲有一個用途,就係要「溝淡」啲反映腐敗,踢爆貪官嘅消息,等中紀委冇咁易追查到。總之,所謂上有政策,下有對策。中國嘅微博世代大博弈,依家已經開始咗喇。
官義岱
官義 義岱 給力 拆拿 微博 世代 博弈
PermaLink: https://articles.zkiz.com/?id=282225

官義岱 給力 拆拿 薄熙來唔聽阿仔話

1 : GS(14)@2013-01-30 22:19:41

http://www.metrohk.com.hk/index.php?cmd=detail&id=204139&search=1
舉世矚目嘅「薄熙來案」今日開審。呢單案有兩點值得留意。一係中央已經將案件範圍劃界,舊年春天薄熙來突然下台時,外界本來傳佢想「篡黨奪權」,但依家佢嘅罪狀主要包括喺王立軍事件和薄妻谷開來殺人案中「濫用職權」,「犯有嚴重錯誤、負重大責任」。另外就係話佢「利用職權為他人牟利,直接和透過家人收受他人巨額賄賂」;「與多名女性發生或保持不正當性關係」;「違反組織人事紀律,用人失察失誤,造成嚴重後果」。咁即係話,佢嘅罪名冇外界想像中咁嚴重。另外,薄熙來唔要佢囝囝薄瓜瓜幫佢揀嘅律師,嗰個律師之前有為薄家家僕張曉軍謀殺英國商人海伍德做律師,但結果張曉軍坦承案情,並無抗辯。可能咁嘅「合作態度」唔啱薄熙來口味,佢真係有可能「抗辯到底」㗎。
官義岱
官義 義岱 給力 拆拿 薄熙來 唔聽 聽阿 阿仔 仔話
PermaLink: https://articles.zkiz.com/?id=282226

官義岱 給力拆拿 比堅尼係數

1 : GS(14)@2013-01-30 22:19:56

http://www.metrohk.com.hk/index.php?cmd=detail&id=204282&search=1
內地統計局公佈中國近幾年嘅貧富差距情況,大家都唔係好信。為咗反映貧富懸殊程度,統家學界有個「堅尼係數」,0係絕對公平,1係絕對不公平,通常接近0.4就為之嚴重,而2012年內地嘅「堅尼係數」係0.474,官方堅持呢個數字反映中國貧富差距較先幾年緩和,已經出現「逐年下降」嘅趨勢咁話喎。之不過,大家都覺得中國嘅財富只係集中喺少數,可能係百分之一嘅人手中。西南財經大學嘅研究顯示,2010年中國家庭嘅「堅尼係數」為0.61,遠超0.4警戒線,高於2010年世界「堅尼係數」平均數0.44,咁即係話中國貧富差距過大。有口痕友話:中國官方嘅「堅尼係數」應該改名,叫「比堅尼係數」,因為「重要嘅地方」(官員嘅收入財產)已經「有嘢遮住咗」,「冇嘢睇」(冇反映到現實)喇。
官義岱
官義 義岱 給力 力拆 拆拿 堅尼 係數
PermaLink: https://articles.zkiz.com/?id=282227

官義岱 給力 拆拿 孫政才聽唔聽習總支笛?

1 : GS(14)@2013-01-30 22:20:10

http://www.metrohk.com.hk/index.php?cmd=detail&id=204351&search=1
較早時重慶市一名區長雷政富因為接受性賄賂而下台,但原來除咗雷政富, 另外仲有5名重慶政企要員中咗美人計,畀人捉黃腳雞勒索威脅,要求利益輸送。據《南方都市報》報導,重慶商人蕭燁用靚女勾引、暗中拍低性交易過程,敲詐數名重慶黨政幹部和國企負責人。據聞佢哋都被停職,接受調查,但暫時冇正式紀律行動。習近平1月22日開中紀委說:「有腐必反,有貪必肅」。佢叫下面唔好「上有政策,下有對策」,但似乎下面啲人睬佢都儍。重慶淫官爆料人朱瑞峰表示,重慶警方不但唔係調查重慶官員接受性賄賂的問題,反而正從「詐騙勒索」的方向追查傳出官員不雅短片嘅人。到底重慶市委一哥、60後新紮明星孫政才係咪聽大佬習近平支笛,睇嚇呢單嘢點發展就知喇。
官義岱
官義 義岱 給力 拆拿 孫政 政才 才聽 聽唔 唔聽 聽習 總支
PermaLink: https://articles.zkiz.com/?id=282228

官義岱 給力 拆拿 救火隊長王岐山

1 : GS(14)@2013-05-11 15:54:57

http://www.metrohk.com.hk/index.php?cmd=detail&id=210545&search=1

                      

內地貪污問題嚴峻係人都知,新上任嘅國家主席習近平都話過要小心亡黨亡國,所以習近平同新任總理李克強都講明要反貪污,而呢個重任就交咗畀副總理王岐山。王岐山喺中央領導核心入面雖然只係排名第6,但佢嘅重要性可以話係緊隨習李之後。由當年廣東爆發財務危機開始,到北京爆發沙士,王岐山次次都會臨危受命,同中央補番個大大鑊,而且佢次次都拆得番掂嗰度好嘢。王岐山反貪污勝在反應快,每次網上爆出貪污醜聞佢都好快做嘢,而且佢開會唔畀下屬講廢話照秘書稿讀,要所有官員都實牙實齒做嘢。另外,由王岐山反貪仲有一個好處,就係佢冇仔冇女,唔會有把柄畀人捉到。喺中國新一屆領導人入面,王岐山繼續做佢成日做嘅救火隊長角色。





 



官義岱
官義 義岱 給力 拆拿 救火 隊長 王岐山
PermaLink: https://articles.zkiz.com/?id=282815

官義岱 給力 拆拿 軍頭唔畀面習總

1 : GS(14)@2013-05-11 15:55:08

http://www.metrohk.com.hk/index.php?cmd=detail&id=210305&search=1
內地一哥習近平最近整治軍紀首次碰到「軟釘子」。話說內地軍方下令禁止價值45萬元以上豪車掛軍方車牌,點知新規定第一日,就畀記者拍到有貴價車掛軍牌喺京師招搖過市。北京軍區回應查詢時答得好妙,佢哋話喎,之前使用軍牌嘅豪車為咗「避免浪費」,「將有限制的繼續使用」。一個貌似非常嚴格嘅制度,你一開咗個後門,咁就即刻形同虛設。以後大家喺路上見到嘅豪車,都將會係「為咗避免浪費繼續使用嘅」。你話咁咪即係冇咗條規矩?問題係,究竟習一哥畀人咁樣落佢面,咁佢仲有冇後着呢。佢一方面要維持紀律,但亦唔可以同軍頭反面。要平衡兩者,真係一啲都唔容易架!
官義 義岱 給力 拆拿 軍頭 唔畀 畀面 面習 習總
PermaLink: https://articles.zkiz.com/?id=282816

官義岱 給力 拆拿 外交系統今非昔比

1 : GS(14)@2013-05-11 15:55:25

http://www.metrohk.com.hk/index.php?cmd=detail&id=210449&search=1
官義岱有一個睇法,就係內地新一屆領導層其實唔係咁重視外交。喺江澤民時代,外交系統可謂紅極一時,當時嘅外長錢其琛兼任埋副總理,喺領導層中地位崇高,有外交教父嘅稱號。喺今屆嘅中央政治局入面,25位成員中只有習近平本人同外交有關,外交部長王毅同負責外交嘅國務委員楊潔篪都唔係中央政治局委員。不過話說回頭,所謂「弱國無外交」,搞外交最緊要都係要有「食力」,今時今日內地嘅經濟規模係全球第二,緊貼一哥美國之後,各國自然識得畀面,習近平唔使搵啲特別高級嘅官員做外交都一樣掂。
官義 義岱 給力 拆拿 外交 系統 今非 昔比
PermaLink: https://articles.zkiz.com/?id=282817

官義岱 給力 拆拿 內地係談判高手?

1 : GS(14)@2013-05-11 15:55:36

http://www.metrohk.com.hk/index.php?cmd=detail&id=210624&search=1
中國共產黨其實係一個好叻嘅政黨,但好多人特別係香港人,其實唔係好明白呢一點。喺中國歷史上,佢哋搞咗好多次密室談判,幾乎次次都係贏家。1920年代,國民黨同中國共產黨密室傾掂第一次國共合作,通過成立黃埔軍校,為共產黨培養出包括林彪、徐向前等解放軍將領。1937年,國共經過7個月內6次密室談判,促成第二次國共合作,被國民黨迫到守喺江西省井崗山嘅共產黨爭取到喘息嘅機會,留番啲最難打嘅仗畀國民黨同日本人打,終於坐大成功,喺1949年成立政府。共產黨唯一蝕底嘅一次,就係1980年代同台灣嘅李登輝搞密室談判,畀李登輝摸清楚共產黨嘅底,然後李登輝就宣布「戒急用忍」,拒絕同大陸融合。但到2010年同香港嘅民主黨密室談判,就又成為大贏家,搞到香港泛民分裂,令到香港泛民嘅「五區公投」唔齊人,聲勢大減;而且最犀利嘅係,香港「泛民」中間形成心結,彼此猜忌,至今不能撫平。
官義 義岱 給力 拆拿 內地 談判 高手
PermaLink: https://articles.zkiz.com/?id=282818

官義岱 給力 拆拿 習近平談愛國

1 : GS(14)@2013-05-11 15:55:47

http://www.metrohk.com.hk/index.php?cmd=detail&id=210777&search=1
國家主席習近平喺3月19日接受外國傳媒訪問時表示,「中國人是講愛國主義的,同時也是具有國際視野和國際胸懷的。」佢咁嘅提法,十分耐人尋味。一方面,習總睇到大家對狹隘愛國主義嘅批評,但另一方面,佢又唔想一棍打死愛國主義。官義岱要同讀者介紹一吓嘅係,習近平對愛國主義嘅講法,同國際主流似乎有啲唔同。「愛國主義」一般係同「世界主義」對立,所以,主張最終要消滅國家,建立共產國際嘅馬克思,亦唔多贊成愛國主義。就連國父孫中山,都唔係好贊成亂用愛國主義。佢話過:「為何非『愛』國不可、非認同不可?」英國著名文人約翰遜亦曾講過:「愛國是惡棍最後的避難所。」佢嘅意思係話,所謂愛國主義,係政客操弄政治嘅工具。而且呢啲行為無助民主嘅發展,因為社會嘅精力都會虛耗於愛國嘅爭論之中。
官義 義岱 給力 拆拿 習近平 愛國
PermaLink: https://articles.zkiz.com/?id=282819

官義岱 給力 拆拿 領導嘅艱苦歲月

1 : GS(14)@2013-05-20 13:42:54

http://www.metrohk.com.hk/index.php?cmd=detail&id=211308&search=1

舊年年底中共十八大產生咗中共新一屆中央領導,其中31.7%嘅中央委員、28%嘅中央政治局委員都做過「知識青年」,喺1960年代響應過毛澤東「上山下鄉」,7位政治局常委中,有4人都係「上山下鄉」嘅「知青」出身。無論係中共中央總書記習近平,定係剛出爐嘅國務院總理李克強,官方報導都著重提到佢哋喺農村「插隊」嘅基層歷練。點解呢啲「基層歷練」咁重要呢?因為呢啲經歷,反映佢哋係「有擔當」嘅人,冇逃避到捱苦嘅日子咁解喎。內地官場文化其實有種諗法,認為捱過苦嘅人可靠啲。講近啲,習近平上場後提倡要慳儉節約,又或者李克強話「公費吃喝」要減少,唔多唔少係受到「上山下鄉」嘅經驗影響。其實做得中央領導層,仲有一個不成文嘅條件,就係喺「文化大革命」時期唔可以做「造反派」,當年毛澤東為咗奪權,號召「造反派」搞到天下大亂,連國家主席劉少奇,副總理鄧小平都畀「造反派」鬥到七彩。已經落台嘅薄熙來,當年就係「造反派」,所以佢就算唔畀人拉,都未必上到位。









官義岱
官義 義岱 給力 拆拿 領導 艱苦 歲月
PermaLink: https://articles.zkiz.com/?id=282899

官義岱 給力 拆拿 竊鉤者誅 竊國者侯

1 : GS(14)@2013-05-22 14:35:37

http://www.metrohk.com.hk/index.php?cmd=detail&id=211493&search=1

細看內地新聞,其實有唔少都好搞笑。最近有兩單新聞,表面睇冇乜關係,其實係同一件事。話說山西國營焦煤集團董事長白培中家中失竊,兩個賊仔,一個姓羅,一個姓李,分別被判死緩同無期徒刑。呢單嘢好似冇乜特別,但最離奇係,白董事長屋企竟然有現金數千萬畀兩個賊仔偷,佢份人工都冇咁多錢,肯定係偷公家啲錢先至有咁多;結果輿論譁然,山西省紀委喺壓力下也做嚇表面功夫應酬嚇大家,最終決定「給予白培中留黨察看一年處分」 。譁,賊仔偷幾千萬就判無期徒刑,但貪官貪咗幾千萬就判「留黨察看一年處分」 。呢個世界就係咁唔公平,大家覺得好笑之餘,其實都幾無奈!









官義岱
官義 義岱 給力 拆拿 竊鉤者 國者
PermaLink: https://articles.zkiz.com/?id=282934

官義岱 給力 拆拿 樹倒猢猻散

1 : GS(14)@2013-06-25 01:17:08

http://www.metrohk.com.hk/index.php?cmd=detail&id=214049&search=1

喺大陸做官,跟啱個老細係最緊要嘅。跟得啱,你就一直官運亨通;跟錯咗,自然冇乜運行。好似最近,有位叫郭永祥嘅高官「因嚴重違紀」接受緊「組織調查」。郭永祥現任四川省文聯主席,好似冇乜嘢,但各位讀者有所不知:呢位郭先生,長期追隨前中央政治局常委周永康。佢曾跟住周永康出任中國石油天然氣總公司副總經理、黨組副書記同埋研究室副主任;喺周永康未高升做中央政治局常委,仲喺四川做緊省委書記時,郭永祥就係四川嘅省委秘書長、辦公廳主任。換句話講,佢就係周永康喺四川隻「頭馬」囉!郭永祥後嚟無端端做咗四川文聯主席,由石油界跳去「統領」四川文藝界,好多四川文化人都「媽媽聲」。佢呢次畀人查,唔多唔少都令人覺得周系都「冇乜運行」;總之,就係有啲「樹倒猢猻散」嘅feel囉!






官義岱
官義 義岱 給力 拆拿 樹倒 猢猻
PermaLink: https://articles.zkiz.com/?id=283146

官義岱 給力 拆拿 鹹濕官員「好事齊來」

1 : GS(14)@2013-06-25 01:17:20

http://www.metrohk.com.hk/index.php?cmd=detail&id=213917&search=1

大陸啲鹹濕官員近日真係「好事齊來」!首先係原鐵道部長劉志軍受審,控方認定「性賄賂不入罪」,以後高官搞女人再利用職權搞「利益輸送」,全部冇法律控告嘅依據!呢單嘢未高興完,又有原重慶市北碚區區委書記雷政富真人示範乜嘢叫「金蟬脫殼」。雷政富話喎,佢同性愛視頻女主角趙紅霞係「戀愛關係」;佢咁講法,直情係將「性賄賂」呢味嘢「昇華」到另一層次。從此,佢哋全部都同啲後生女搞埋晒啲「戀愛關係」!出咗呢啲新聞,最高興嘅,梗係啱啱被揭同電視台女主播紀英男搞「戀愛關係」嘅國家檔案局政策法規司副司長范悅啦!雖則紀英男公布咗范悅當日嘅「求婚」片段,但呢條片只係證明咗佢「談戀愛」咋喎。如果官義岱係中紀委書記王岐山,依家肯定嬲到想殺人!






官義岱
官義 義岱 給力 拆拿 鹹濕 官員 好事 齊來
PermaLink: https://articles.zkiz.com/?id=283147

官義岱 給力 拆拿 認真你便輸

1 : GS(14)@2013-07-11 01:14:32

http://www.metrohk.com.hk/index.php?cmd=detail&id=215072&search=1

中美兩國嘅網絡安全工作組周二首次開會,但大家唔好誤會,呢次開會唔單止冇提到呢期最紅嘅「斯諾登事件」(斯諾登爆響口,話美國都有用黑客攻擊中國),仲擱置咗黑客議程,大家轉談知識產權喎!其實件事好簡單啫,如果大家真係想停止黑客攻擊,咁咪坐低「四四六六」拆掂佢囉。依家大家避談呢個最關鍵嘅問題,說明美國根本只係想藉住所謂嘅「網絡安全對話」抽中國水,但美國自己如今「衰咗」,而中美兩國都冇諗過要停止黑客攻擊,所以咪索性唔傾囉!至於中國方面,原本可能諗住喺會上攞啲美國黑客證據出嚟反駁美國,點知如今斯諾登間接幫埋手,於是慳番!政治嘅嘢,其實都係得啖笑啫;認真?你便輸了!









官義岱
官義 義岱 給力 拆拿 認真 你便 便輸
PermaLink: https://articles.zkiz.com/?id=283270

官義岱 給力 拆拿 風水輪流轉

1 : GS(14)@2013-07-17 01:11:58

http://www.metrohk.com.hk/index.php?cmd=detail&id=215471&search=1

官義岱尋日講過,習一哥大學同班同學陳希做咗「人事總管」,佢呢個「中共中央組織部常務副部長」嘅位,本來係胡錦濤嫡系女將沈躍躍坐開。依家「習系」陳希嚟到,「胡系」沈躍躍就夠鐘,要起身讓座。有咁啱得咁「橋」,沈躍躍係接替「江澤民系」嘅陳至立,做咗全國婦聯主席。呢一番人事調動,亦可以話係中國官場人事嘅縮影,即係「習接胡班,胡接江班」,長江後浪推前浪。講開又講,全國婦聯主席呢個位,係「副國級」,做咗呢個位,等於「步入咗黨和國家領導人」嘅行列,絕對係「升呢」。官場小道消息話,呢個位本來係內定由全國婦聯副主席宋秀岩排上嚟,但臨尾由於沈躍躍「後台硬」,最終跑贏咗個馬鼻喎!









官義岱
官義 義岱 給力 拆拿 風水 輪流
PermaLink: https://articles.zkiz.com/?id=283384

官義岱 給力 拆拿 高層拗手瓜

1 : GS(14)@2013-07-19 01:33:09

http://www.metrohk.com.hk/index.php?cmd=detail&id=215685&search=1

新華社旗下《經濟觀察報》首席記者王文志實名舉報華潤董事長宋林,話佢幾年前用高價買咗個山西嘅爛礦,嘥咗阿公幾十億咁話喎!呢單嘢認真爆:原來華潤方面一早收到風話有記者爆集團大鑊,而中宣部之前已經落咗「柯打」,話唔畀傳媒報道咁話,點知過咗幾日,王文志索性喺微博爆大鑊,因為中紀委書記王岐山之前話過,「微博所有料都要查!」王文志又話,仲有好多猛料未爆,佢仲猛咁落鞋油,話對王岐山好有信心咁話;事實上,中紀委已經證實「接獲舉報,正在追查」!呢單嘢背後,似乎真係有好多人喺度拗緊手瓜!




官義岱
官義 義岱 給力 拆拿 高層 拗手 手瓜
PermaLink: https://articles.zkiz.com/?id=283530

官義岱 給力 拆拿 死咗冇人知

1 : GS(14)@2013-07-19 01:33:41

http://www.metrohk.com.hk/index.php?cmd=detail&id=215614&search=1

湖南商人曾成傑被控非法集資,近日突然注射死刑,連佢屋企人都唔知,法律界譁然。呢單嘢愈鬧愈大,有人懷疑曾成傑想「爆大鑊」,供其他人出嚟,所以有人要「拿拿臨」整死佢喎。其實呢類都係「陰謀論」,如果當局唔係做嘢咁亂籠,一定唔會有咁多人信。講開又講,大陸社會,你屋企人死咗唔知,原來一啲都唔奇。官義岱就諗起,連國家主席劉少奇都係畀人秘密火化,佢屋企人要3年後先知佢死咗。佢單嘢認真慘情:1969年11月12日,劉少奇喺開封逝世,次日凌晨畀人當做「烈性傳染病人」,進行秘密火化。有人冒充劉少奇個囝囝「劉源」填寫咗「火葬申請單」上記錄:死者姓名:劉衛黃;死亡原因:病死;死者職業:無業。1972年,劉源寫信畀黨中央, 先知父親去世!









官義岱
官義 義岱 給力 拆拿 死咗 咗冇 冇人 人知
PermaLink: https://articles.zkiz.com/?id=283531

官義岱 給力 拆拿 「死囚開關」遊戲

1 : GS(14)@2013-07-23 00:44:52

http://www.metrohk.com.hk/index.php?cmd=detail&id=215852&search=1

最近有媒體話喎,美國仔斯諾登做「金手指」,篤爆美國政府監控網絡同利用黑客攻擊外國,但佢仍能保住條命仔,真係要歸功於佢嘅「死囚開關」(Deadman’s Switch)遊戲,即係話佢一旦遭遇不測,第三者將會立即公開數千份機密文件。所以美國政府都唔敢去到咁盡,唔敢做瓜斯諾登咁話喎。其實呢,呢招咁嘅嘢,喺中國都有得出賣啦!好似曾任山東臨沂市某個前高官咁,有網民話佢「罪惡纍纍、血案滿身」,但佢都冇事,點解?皆因佢有位太座喺加拿大。佢太太公開話:「誰敢動他(佢老公)一毫毛,我就公開所有省級官員的貪腐證據!」哈!呢啲就叫做「恐怖平衡」喇!






官義岱
官義 義岱 給力 拆拿 死囚 開關 遊戲
PermaLink: https://articles.zkiz.com/?id=283572

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019