ZKIZ Archives


公園拍拖亂丟煙頭50歲關秀媚素顏碌眼保靚樣

1 : GS(14)@2016-08-16 06:28:02

【肉緊舌戰】■關秀媚與男友李尚文前日在數碼港海濱公園談心,傾到指手畫腳七情上面。DV圖片





【數碼港】曾選港姐的關秀媚今年50歲,那些年被封為性感女神的她,退隱10年已經洗盡鉛華,前日她跟男友李尚文拍拖行公園舌戰,素顏的她着阿媽款背心襯灰裙,打扮隨意舒適,而且全程不停扯煙,還將煙頭丟在草叢做垃圾蟲,又用手隔衫整理bra帶,腿張開坐姿更不慎春光乍洩,昔日女神光環灰飛煙滅,回歸平淡享受人生。



於1987年參選港姐落敗的關秀媚,憑三級片《賊王》跟任達華床上肉搏出位,被封為性感女神的她接拍多部王晶電影,收歸為「晶女郎」後在影圈平步青雲,惟02年捲入頂包官非判監14日,05年拍完《黑白戰場》後絕迹影圈至今。現年50歲的關秀媚前日再現芳蹤,孖前藝人男友李尚文到數碼港海濱公園拍拖,雖然兩人年紀相差7歲,但保養得宜的她跟姐弟戀男友十分合襯。


坐姿豪邁走光

前日下午約4時許,李尚文駕駛白色波子載女友到公園拍拖,素顏的關秀媚戴cap帽遮樣,着阿媽款背心收起性感身材,甫落車即煙癮起點火吸煙,擔住煙邊扯邊跟男友行入公園,幸好範圍又大又空曠,令公園內的小朋友未至於被迫吸二手煙;二人散步了一會兒後,關秀媚就坐在長凳上休息,嘆完一支煙後起身離座,以為她找垃圾桶,怎知卻是用第一支煙點第二支煙,然後隨手將煙頭丟在草叢,男友就跟在她的身後陪散步。



【貪靚碌眼】■素顏的關秀媚即買即用導入眼霜,女人唔補好易老!

【踎住吹水】■李尚文有凳唔坐,蹲在女友面前似聽訓示。

行了一陣之後,關秀媚又再次坐下休息,李尚文在她身前邊踱步邊閒聊,兩人各自篤手機,顯得百無聊賴,其後李尚文蹲在女友面前傾偈,講到興起終於陪女友坐下,兩人更指手畫腳舌戰,關秀媚還肉緊指着自己心口,傾到七情上面的她,隨意地用手隔衫整理bra帶、伸懶腰,本來將手袋放在大髀上的她,將手袋改放在身旁長凳上,腿張開坐姿豪邁不慎洩春光!



【煙癮發作】■關秀媚煙癮好大幾乎全程煙駁煙,在公園內吞雲吐霧。

【吸完即棄】■關秀媚將煙頭丟在草叢,當街做垃圾蟲。

■當年選港姐入行的關秀媚被封性感女神,樣靚身材正。資料圖片

用特價抗皺霜

由於關秀媚全程幾乎煙駁煙,的確會影響皮膚的狀態,眼圈有點浮腫,不過貪靚的她都很注重保養,隨手拿出新買的兩支導入眼霜,拆開其中一支即用,邊跟男友傾偈邊搽眼霜,不介意在男友面前做保養工夫,愛情長跑9年的他們,表現有如老夫老妻,令人羨慕。其實近年很多女星潮用導入美容器,如徐若瑄、林心如亦曾用被喻為「瘦面神器」的日本Beauty Bar24K金瘦臉電動按摩棒,而關秀媚前日就用L'OREAL活力緊緻透明質酸充盈導入眼霜,這支眼霜聲稱有抗皺、修減眼袋及減淡眼紋等功效,原價215元,現於某連鎖店做特價150.5元,不知她是否在連鎖店購入,所以連買兩支呢!採訪、攝影:畢紹基、吳耀輝




來源: http://hk.apple.nextmedia.com/entertainment/art/20160816/19737399
公園 拍拖 亂丟 煙頭 50 歲關 秀媚 素顏 顏碌 碌眼 眼保 保靚 靚樣
PermaLink: https://articles.zkiz.com/?id=306085

50歲關秀媚素顏見得人美白秘密靠呢支嘢?

1 : GS(14)@2016-08-16 06:28:02

關秀媚自從05年拍完內地劇《暴雨梨花》之後就淡出幕前,50歲嘅佢o依家只係間中出席活動,唔係就同男友或者朋友出街。就好似6月嗰陣前關秀媚坐男友李尚文架「波子」去北角同朋友high tea,當時素顏嘅佢一入到餐廳即刻俾經理認出,靚女梗係有着數,即刻被安排坐靠窗靚位o添!雖然隔住塊玻璃,但係都feel到佢嗰股仙氣。咩話?隔住塊玻璃睇唔清?唔緊要,前日關秀媚又出動喇!佢同男友李尚文去咗數碼港海濱公園散步,咁耐冇見關秀媚都仲係白雪雪,唔知佢有咩保養秘訣呢!突然佢拎咗支碌眼袋嘅筆出嚟係咁碌,唔通呢個就係佢秘訣之一。




來源: http://hk.apple.nextmedia.com/entertainment/art/20160816/19738234
50 歲關 秀媚 素顏 見得 美白 秘密 靠呢 呢支
PermaLink: https://articles.zkiz.com/?id=306088

關秀媚倦容拖男友開餐

1 : GS(14)@2017-01-02 11:51:15

關秀媚日前到上海睇麻雀腳王菲開騷,前日返港和男友李尚文到西環平民茶餐廳撐枱腳,化淡妝戴冷帽的關秀媚,包到冚遮疲態,其後發現記者即匆匆埋單走人。而另一王菲好友那英,日前在微博為王菲開騷打氣,怎知有黑粉留言罵老妖婆,霸氣那英回敬:「滾蛋!爛人」,更私訊歌迷群組:「我們不需要沒人管的微博!」採訪、攝影:徐錦池、羅德光




來源: http://hk.apple.nextmedia.com/entertainment/art/20170102/19883750
秀媚 倦容 男友 開餐
PermaLink: https://articles.zkiz.com/?id=321064

關秀媚亂丟煙頭林峯重遊好友小便勝地

1 : GS(14)@2017-02-09 23:44:15

數碼港公園地方大,位置又夠晒遠,比起彭福公園、佐敦谷公園呢啲比較接近市區嘅大公園,真係少人啲清靜啲,唔怪之得彭羚都帶埋兩個女去數碼港放狗。除咗一家大細去逛一下,啲藝人去嗰到仲做過咩呢?馬天佑上年5月,代替忙住綵排演唱會嘅好兄弟林峯,陪吳千語喺數碼港狗公園放狗。神奇嘅係,馬天佑行行下搵千語睇水,自己就露械……隨地放水,被周刊斷正,事後要話「感到十分十分十分十分十分抱歉。」可能想幫老友解圍,喺報道出街一個禮拜後,林峯自己一個喺相同地點放狗。王宗堯就喺上年7月,即係同模特兒黎紀君(Christy)啱啱分手之後兩個月,就被《蘋果》見到同蔡潔喺數碼港狗公園附近玩航拍。但呢份戀情,維持唔到好耐,上個月蔡潔接受《蘋果》訪問時話少咗溝通,直認分手。關秀媚同前藝人男友李尚文不時都出街拍拖,上年李尚文就車住關秀媚去數碼港談心,以素顏示人嘅關秀媚除咗用即買即用導入眼霜保養下,仲煙駁煙咁坐喺長凳傾偈,期間關秀媚將煙頭丟喺草叢,當街做垃圾蟲。




來源: http://hk.apple.nextmedia.com/entertainment/art/20170209/19922083
秀媚 亂丟 煙頭 重遊 好友 小便 勝地
PermaLink: https://articles.zkiz.com/?id=326123

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019