神州數碼 (0861)噚日公佈2010/11年度業績,心情靚爆嘅公司主席郭為(圖)話,適逢今年6月1日係公司上市10周年,加上純利首次突破10億大關,為咗 嘉獎班員工,佢諗住喺人民大會堂舉行嘅周年慶祝活動,向100個表現優秀嘅員工派發50克重嘅99金牌,郭總待員工真係不薄!
講到咁高興,咁對小股東又有咩表示呢?Sorry,郭總講明唔會因為周年慶祝而派特別股息,仲重申只係會跟返35%派息率嚟派……好似孤寒咗啲喎!