|
||||||
|
最低工資之計算方法，愈講愈熱鬧，自由黨召開一個「最低工資苦水會」，百幾名僱主到場，盡吐心中情，主要係對飯鐘錢及休息日計薪感到滿肚委屈，但另一方面，工會領袖李卓人與陳婉嫻好勞氣，指僱主剝削慣，現在要拿出良心來。 時 薪二十八元，當初勞資雙方談判係有共識嘅，就係一個月工作二十六天，每天工作八小時，即月薪五千八百二十四元，中華廠商聯合會會長黃友嘉博士係咁講，科技 大學商學院院長鄭國漢教授又係咁講。鄭教授係前「臨時最低工資委員會」委員，佢透露呢個委員會從來冇討論過休息日，曾經講過飯鐘錢，但認為可由勞資雙方個 別傾掂。好嘞，現在工會搬出無良、剝削呢啲大棒嚟打僱主，於是勞資對立，失去互信，唔多唔少亦與傳媒煽動、嘩眾有關。企業唔加工資，傳媒就狂轟「無良」、 「剝削」，企業願加工資，但同時加價以作彌補，傳媒就大罵「賺到盡」、「狂加」、「不理市民死活」，似乎企業只能加薪不能加價，直至到蝕死關門為止。 鄭 教授對報紙講：「大家應反對大幅加租，而不是反對最低工資！」經濟學教授講得幾好聽，其實加租、加薪皆與需求有關，供過於求時就會減租減薪，求過於供應就 會加租加薪，違反呢項供求鐵律嘅就會扭曲資源分配，鄭教授相信係咁樣教學生啩？現今失業率低、工資正在上升，商廈地舖空置率低，租金正在上升，欲反無從。 商界受政治壓力，基本上已接受最低工資二十八元，佢地反對嘅係工會強逼計埋飯鐘錢及休息日。個個僱主都反對加租嘅，但靚區地舖與商場、商廈係冇新供應噃， 反對加租喎，你唔租即刻有下一位（例如方剛議員之Episode被德國MCM替代），反鬼咩。我地好想中環有新商廈、新寫字樓，但政府在政治壓力之下，無 無謂謂將中環街市保留保育，不惜付出巨大成本。現在話要拆建政府合署西翼，但壓力團體反對，上星期蘋果李八方仲引述埋風水佬理由嚟反對。風水建築師蔣匡文 係王亭之徒弟，政府不如試吓搵另一派嘅風水師反駁蔣匡文啦。爭遺產出動風水師，拆建政府合署可照辦煮碗，搞到滿天神佛，令香港成為國際風水中心！香港咁多 問題真係要神佛打救o架！ |
||||||