ZKIZ Archives


癡線 林奇


http://hk.myblog.yahoo.com/lynch200705/article?mid=8547


 

昨天,有個唔知係阿豬阿狗還是阿茂阿壽既物體留言問林奇, 新奧燃氣(02688)買唔買得?

睇 佢個名都唔多開胃,林奇二話不說刪之而後快!

之後,呢個阿豬阿狗還是阿茂阿壽既物體,今朝又踩場問林奇,你仲乜刪咗我既留言呀!

林奇心諗:刪你命刪你囉,駛擇日呀?

好友J君聽後,亦對林奇說: 「林奇,不如你問返佢個市幾時升吖嘛!癡X線!」

忽然想到萬寧妹妹話:「我有少少鍾意咗佢!」

計林奇話:「我有少少想 『舂』佢!」

香港社會,癡線的人多,癡Q線的人仲多,成日只係識得問而乜都唔睇乜都唔做研究既您,又係咪其中一個?

再 者,林奇又同您有親嗎?





癡線 林奇
PermaLink: https://articles.zkiz.com/?id=15972

樓價痴線系列 (九) 馬沙筆記 Char Blogger

http://charblogger.blogspot.hk/2013/03/blog-post.html
好老實咁講,香港住屋問題根本唔關乜嘢「比港共攪到無左」事!

老董當年提倡8萬5就係希望人人有屋住(即係依家大部份人想要嘢嘢),可惜老董生不蓬時,不幸遇上亞洲金融風暴,出現咗回歸以來第一場樓劫!

香港人乜都賴人,樓劫就賴8萬5,當日香港人日屌夜屌,最後如你地所願,8萬5無咗, 最後仲要暫時停建居屋嚟托住樓巿!


好啦,當日香港人日屌夜屌,終於屌到老董下台,開哂香檳.....

好大喜功嘅貪曾上台,為咗討好香港人,條PK永久閣置起居屋,唔Q定期賣地改勾地,大減土地供應!

哈.....明知未來可供出售單位會大減,又竟然無人出嚟屌喎.....點解? 因為有樓及負資產終於可以再次GO...GO...GO.... 理9得你班無產及未上車人士.....


好啦.....07年急升....到08年金融海嘯都阻唔住升勢, 香港人開始正視唔夠供應嘅問題, 就日屌夜屌要求重建居屋, 貪曾真係采你都有味 ....... 你地越日屌夜屌,佢就繼續話之你死! 到差不多夠鐘走人,咪是9旦旦話復建居屋囉!


終於到梁鷹上場, 全港樓價升到完全脫離現實!

私樓未來可供出售單位比班所謂「地產霸權」嘅發展商玩到無乜供應之餘, 可供出售嘅通通變成豪宅成萬蚊呎咁賣......

居屋啱啱先話復建,起樓唔駛時間咩!


公屋呢? 根本唔係起得唔夠快, 實際已經不斷咁起,而且起得好L快! 問題係突然多咗好多人去申請! 香港人真係好醒,依家好多年青人一夠秤就排住隊去申請,以公屋輪候人數去睇,點起都唔夠,每年有幾多人夠秤排住隊加入公屋輪候册?


今時今日,香港人又日屌夜屌梁鷹叫佢下台,直情未上台就想屌到佢落台,其實我上面講嘅「私樓供應短缺問題」、「居屋起唔切問題」、「公屋起極唔夠問題」, 關佢Q事咩?

要屌都屌一手促成所謂「地產霸權」及「樓市泡沫」嘅貪曾啦!
唔賣地增加私樓供應關佢事! 早幾年(07、08年)唔急市民屎急立即復建居屋關佢事,早幾年(07、08年)應市民要求復建居屋,依家大量供應就啱啱好! 嗰啲乜柒SSD、BSD、DSD、TVB 早幾年就要出!


最後,我想講嘅係, 貪曾在位一手促成嘅所謂「地產霸權」及「樓市泡沫」,梁鷹正式上場短短九個月,我見到佢真係一步一步撥亂反正中, 起碼有努力去揾地起公、居屋! 嗰啲乜柒SSD、BSD、TVB 、ATV、CCTV 係咁出.......

下年度(即4月起)取消勾地機制,政府從掌土地供應的主導權,即係可以大量供應,唔到班發展商一齊玩嘢唔勾地!


基本上我認為梁鷹一直盡力將房屋問題修正及重回正軌,依家越嚟越正路,只係需要時間一步一步咁嚟!
樓價 癡線 系列 馬沙 筆記 Char Blogger
PermaLink: https://articles.zkiz.com/?id=53716

[惡搞文]人頭大: 「正經痴線」

惡搞原文如此文,該文原採自此文

大傻仔查大頭蔡的時候,踢爆他過往曾經協助老千呃股東錢的罪行。大頭蔡死不提及這段時間,可能他認為自己真是為上市公司好,向讀者不提及過去,大傻仔認為是因為寫出這段正派文章的當兒,不應該告訴人我正在呃股東錢。

大頭蔡在財技界工作超過20年,即是在1990年代某華資投行活躍商界的時候。那時候,某幾位明星投資銀行家被稱為「財技高手」,已成為香港主流商界的幫手。至於大頭蔡現時協助的上市公司,在這幾年間未升至很高,但一度跌得好重,大頭蔡由自以為正義的財經評論,最終亦是殊途同歸。大頭蔡同老闆經歷大起大跌,過程中一定有很多故事。

這不是簡單的關於財技人的實戰,從過往經歷來看,大頭蔡以所謂正義之身參與多家老千公司的董事,而且是多次兼持續長時間,大頭蔡不是一時間想不清楚。

老實說,我研究完這些故事,對大頭蔡反而愈來愈有趣。一個人為幾位老千搞財技搞了20年,從大頭蔡經歷看,這份工作並不容易做。一個人被幾位老闆要求搞財技可從他們老細的所為見到,大頭蔡的「正經痴線」,一方面搞財技,一方面扮正義,是向讀者表達一種甚麼榜樣,我頭都大埋。
惡搞 搞文 人頭 正經 癡線
PermaLink: https://articles.zkiz.com/?id=55755

[惡搞文]頭都大:「做痴線作者囉。」

原文如該文,參照如該文

「做痴線作者囉。」
高山青



網站氣氛淡靜,網站主辦人叫苦連天。網站市場逐步整固,但個人博客卻不斷減少,據非正式統計,即平均八個網站搶一個讀者。據一項傻仔式研究,新聞網站由於不斷受無主孤魂式的整合,個人博客已經沒有市場。我從熟悉網友得悉,無主孤魂連番出招整合博客市場,瀏量繼續虛升,因網站大幅發展,非純由個人式發展,背後金主多為有實力人士,不急於快速賺錢。故現時網站更少,但無主孤魂流量增長。這狀態對個人博客作者最不利,因市場逐步整合,無主孤魂不會改變整合市場的方向;除辣招,無主孤魂還有資金實力這劑重藥,這劑藥遲早會發揮效用。
我認識的大頭蔡不是平常人,這些人適應能力之強、心理質素之高,不是每月準時出糧的人能理解。但我認識的痴線作者中有不少人經歷過去幾個網絡周期,見過風浪的人自有抗逆方法。有人建議過去幾年入行的大傻仔打開順境波,未來一段日子不好走,沒裝備不如早點離場,對人對己都是好事,不過我大傻仔話,我做硬痴線作者,一定搞到大頭蔡頭都大。

大傻仔
惡搞 搞文 頭都 都大 做癡 癡線 作者
PermaLink: https://articles.zkiz.com/?id=55904

[惡搞]惡搞出屎尿: 惡搞導致痴線

原文如此

惡搞是療線的一部份,怎面對痴線,決定惡搞者的惡搞生涯是否快樂。我認識不少不再惡搞的人,離開的理由都是因為痴線,正常了一段時間,惡搞又痴線,然後逐漸跟惡搞疏遠,痴線被認定為兇手。惡搞與痴線,好像是一段男女感情,分手原因被認定為性格不合,不過分手過程其實夾雜着很多其他因素,精神只是一個容易令人接受的藉口。

與惡搞生活 猶如心理戰

惡搞好處多,但好處多的事情,通常牽涉代價。惡搞的代價是痴線,痴線令人傻,人怕傻,追求快樂的人(即包括所有人)想辦法遠離傻。長期享受惡搞的人找到一個跟傻共存的方法,這其實是務實的態度,不離開的話,便要共存。
久而久之,惡搞者從避開傻,昇華到另一境界:接受傻。接受不等於喜愛,接受是想辦法跟不理想的事情共處。有選擇的話,沒有人想經歷傻,既然不能避開,便要積極想辦法欣賞對方。
傻,有甚麼值得欣賞的地方?表面上是無,不過這件東西頑強、難捉摸、揮之不去,確實是令人尊敬的對手。跟傻共同生活,方法一定是超越生理層次,因為假如能夠以生理層次解決,根本不再痛。換句話說,這是一場心理戰。
這場心理戰怎打,我沒有統一答案,因人而異,不過肯接受傻是一個心理問題,是好開始。雖然我沒有答案,但我累積不少觀察,我留意到某種性格的人不適宜跑步,因為這類人不懂得跟痛共同生活。我是指性格極端的人,包括過份正常和痴線。
正常人的特徵是懂得自我激勵、做事主動、有計劃等,以此為定義,其實包括了不少城市人。然而,有些「正常過正常」的人,把這些特徵推到頂點,這些人不大適宜惡搞,因為很多時過不了傻這關。惡搞到痴線大部份時候不會是突如其來,是一點一滴累積,水將滿瀉時身體會發出不同訊號,要求惡搞者休息。「正常過正常」的人惡搞時間也要事先安排,今日不搞,打亂時間表,不理訊號。再者,這些人相信人定勝天,小小惡搞等於獎勵,視痴線訊號為干擾弱者的誘惑。
痴線的人也不懂得處理受傷,這些人同樣不肯接受痴線訊號。痴線的人心裏不停計數,今日不惡搞,這星期惡搞數少了,打亂惡搞計劃,惡搞便發揮不到水準。惡搞是需要某程度痴線,受傷便休息,休息後稍作痴線,惡搞是會回來。惡搞初期處理得宜,不會成為大問題,或可當作是一種經驗。
長期享受惡搞的人,性格不會在兩端,這些人傻傻地,接受處理惡搞的最佳方法是痴線,而且身體很多時是一台很難了解的機器,應該順從身體發出的訊號。這些人痴痴地線,接受惡搞是痴線的一部份,因此,痴線也是惡搞的一部份,惡搞完又是一條好漢。 有無人知我寫甚麼? 其實我咪惡搞緊,思維唔正常是好正常,所以睇唔明是好正常,睇得明其實不如找大頭蔡問問問,他的文真是好好key。

大傻仔
惡搞 搞出 出屎 屎尿 導致 癡線
PermaLink: https://articles.zkiz.com/?id=59549

樓價痴線系列 馬沙筆記 Char Blogger

1 : GS(14)@2010-07-31 21:28:47

http://charblogger.blogspot.com/2010/07/blog-post_27.html
好耐無寫過關於香港樓市嘅睇法,對於目前嘅樓市,馬沙只能用一個「貴」字去形容。

記得對上一次寫樓市時,馬沙仲夠膽大大聲叫有實際住屋需要嘅準買家,只要認真計掂供樓條數,唔買所謂假豪宅,不妨入市。始終200幾萬6-700呎自住樓,進可攻、退可守。不過近呢幾個月,樓價越升越有,馬沙就開始有啲擔心。

首先,現時開賣的新盤,不論坐落何處,都話係豪宅,叫價無1萬都8,000蚊一呎。嘩,計一計,一個一家四口小家庭,若要加一個菲傭,建築面積700呎,實用面積得4xx呎,已經算係必須。但市區一個咁嘅新建成單位,叫價竟超過500萬。

現今香港夫婦合共月入6萬肯定唔算少,但要儲30%首期連雜費200萬(計及150物業首期、厘印費、律師費、裝修及家俬電器等等),談何容易? 即使攪掂份首期,上會350萬,在如此低息環境,月供2萬餘,已經不是輕鬆。若然他日不幸加息3、4厘,情況著實令人擔心。

坊間有專家話年底或明年前無加息空間,就算加息,升幅都只會好輕微。但世事難料,事問97年以息率10厘以上供樓嘅業主們,又可曾想到今時今日,供樓息率竟然可以低過1厘?

所以,在當前市況,買樓作投資用途及作自住用途要分得好清楚。買樓投資者,即係炒家,既然做得出呢種超高孖展玩意,後果自負。自住用家,尤其第一次置業者,緊記要計好條數,特別要做好壓力測試,例如先假設將來收入下調2成,供樓利息上調至5厘。要記住,香港好多97高位入市自住用家,能夠經歷樓價跌去一半以上,直到今日見到家鄉都未死,全因佢地過去10幾年,在數次股災樓劫,SARS及經濟低迷的環境下,仲持續有能力一直供樓。

最後,對於真係有住屋需要嘅首次置業者,究竟應否現在高追,則有時間再另文再談。
2 : GS(14)@2010-07-31 21:29:13

http://charblogger.blogspot.com/2010/07/blog-post_28.html
上文提到,馬沙對最近火熱嘅樓市越來越檐心。理由係政府早前已經試圖利用口術,再加所謂行政手段「九招十ニ式 」去撲火,但樓市不但未有因此而降溫,在高價賣地後更如火上加油,多區呎價再下一城,更已有多個大型屋苑如太古城呎價超越97。

有人話好多地區跟97價仍有距離,所以未算泡沫。但問題係97距今已經13年,若計入13年物業折舊及將要面對的維修成本,其實好多比較高齡嘅大型屋苑, 例如太古城、美孚、德福及淘大等等,個人認為現呎價以經超越97價。試問13年前(97時)已經30年的物業高峰賣$7,000一呎,今日43年樓仲值$7,000一呎嗎? 位處傳統豪宅區及極具發展商收購價值的物業可能可以除外。

另外,馬沙近月亦留意到越來越多「本來無想過要置業」、「本來未準備好置業」、「從未試過炒樓」及「本來無想過買樓收租」人士,突然四出睇樓,仲越睇越貴,好似啲樓唔駛錢咁。佢地突然趕住買樓,心態不外乎兩個。第一係啲樓越升越有,依家唔買,遲啲驚買唔到。第ニ係趁樓價仲未見頂,反正啲錢放係銀行又無息收,倒不如加入炒樓,或是買樓收租,一兩年後樓價升三兩成,再放出財息兼收。

實際例子,另文再講!
3 : GS(14)@2010-07-31 21:30:54

http://charblogger.blogspot.com/2010/07/blog-post_29.html
馬沙老友最近就先後做出以下動作:

老友A本來跟家人同住,其實暫時無乜實際住屋需要。早3、4年樓市起步之初,馬沙及其他老友都曾經勸老友A先買入一個市區小型單位,租出等租客幫佢供住先,到有需要結婚時收回自住或賣出另購新婚居所。老友A一直不為所動,直到今年初,眼見樓價日日係咁升,而本來可買入一個市區小型單位的價錢,現時只能買入一個市區500呎居屋單位。老友A生怕遲啲連市區500呎居屋單位都買唔到,即時買入一個市區17年樓齡500呎居屋單位自住。

老友B於2003年結婚,婚後一直於青衣區租樓住。當年馬沙問佢既然有能力,青衣區樓價尚算合理,點解唔買? 老友B當時答曰:「見過97樓價係咁跌,都唔知跌完未,真係怕伯!」。老友B於06年生咗第一個小朋友,馬沙再問佢老哥會唔會買樓,佢話要再睇定啲先,如是者一租就7年。早兩個月,老友B終於出手,係青衣區買入一個11年樓齡近千呎單位自住。

老友C同女友拍拖多年,都係時候結婚。雖然資金不多,不過考慮到在低息環境下,計掂條數,供樓同租樓差不多,加上怕依家唔買,以後都買唔到。早幾個月在深水埗區以150萬以下買入一個近20年樓齡的小型單位自住。

老友D眼見將軍澳某大私人屋苑自住物業升咗成100萬,上月走去銀行加按,吐現80萬。上周以近250萬買入一個800幾呎將軍澳居屋單位作自住。而本來自住的私人屋苑物業將以約1萬元租出。經過悉心安排,往後扣除租金收入後,每月供樓淨支出降至3千多元。

老友E手持百萬元現金,近日聯同兄弟姊妹合資買入一個市區物業,準備放租3幾年後賣出,期望到時能財租兼收。

老友F一家四口連工人現住一個已供完的物業。由於現居根本不夠地方用,想換一個過千呎單位改善生活質數。睇樓數月,計算過風險後,已放棄睇那些過千萬假豪宅。取而代之,努力於何文田及窩打老道山一帶尋找實用率極高的過千呎近40年樓齡舊樓。上星期本已睇中一個盤,惟於落定時遭賣家反價而交易告吹。現仍努力睇樓中。

老友G夫婦最為進取,上月本準備以300萬作半自用及半投資方式買入何文田上車盤俊文苑細單位。佢地準備先租出物業,直到遲啲有小朋友後收回自住或在同區換樓,享受該區名校校網。不過早兩日聽朋友講開,老友G夫婦近日越睇越豪,早兩日已經睇緊廣播道近千呎單位。如果真係成事,風險都咪話唔高。

以上老友們在交易前,除非直接開口問馬沙個人意見,否則馬沙都唔會主動開口比意見,費事阻人發達。再講,買樓唔同買股票,買股票比錯意見輸極都有限。買樓睇錯市分分鐘輸身家,萬劫不復,97年真係見唔少。況且大多數嘅人,你比啱意見絕對唔會感謝你,因為係佢地自己好眼光。相反,比錯意見呢,分分鐘講足你一世及怨足你一世,仿彿自己完全無責任。
4 : Wilbur(1931)@2010-08-02 13:35:08

身邊唔少朋友借95%,供30年

理由都係1個,

係供樓息率1%(hibor plan)既情況下,

供樓仲平過租樓,所以去馬.

小弟不敢多言,只叫佢地留意加息對供款既影響.

朋友話利率"每次加1/4厘,加得幾多?"
5 : GS(14)@2010-08-02 20:43:21

我覺得昨日財經透視那教師好大膽,如我手上都有這筆錢,我不會買的。
6 : Wilbur(1931)@2010-08-03 10:15:50

5樓提及
我覺得昨日財經透視那教師好大膽,如我手上都有這筆錢,我不會買的。


佢個blog

http://hk.myblog.yahoo.com/misssheep-sheep/article?mid=4

佢好自豪自己係80後,而可以靠儲錢買到樓,

簡直係地產發展商恩物

之前已經接受壹仔訪問

blog post 文末:
"睇完我呢篇文,如果想話我"xx",則可免,我唔會為你一兩句而有咩損傷,但可憐你依舊係一隻無殼蝸牛。"

買唔買(到)樓,各人有各人既因由,為何要嘲諷他人為"一隻無殼蝸牛"?
7 : 黃金蟲(1617)@2010-08-03 10:52:30

說真的 我頗認同她

她只是放棄享受來換取磚頭
加上找到和她想法一致的另一半

是一件非常幸福的事情
8 : GS(14)@2010-08-03 21:31:17

6樓提及
5樓提及
我覺得昨日財經透視那教師好大膽,如我手上都有這筆錢,我不會買的。


佢個blog

http://hk.myblog.yahoo.com/misssheep-sheep/article?mid=4

佢好自豪自己係80後,而可以靠儲錢買到樓,

簡直係地產發展商恩物

之前已經接受壹仔訪問

blog post 文末:
"睇完我呢篇文,如果想話我"xx",則可免,我唔會為你一兩句而有咩損傷,但可憐你依舊係一隻無殼蝸牛。"

買唔買(到)樓,各人有各人既因由,為何要嘲諷他人為"一隻無殼蝸牛"?


他有cashflow頂到,我無咁多...
9 : 龍生(798)@2010-08-04 01:44:14

因為需要依靠話人係無縠蝸牛....才證明自己有殼....
才有快感吧.....
10 : 自動波人(1313)@2010-08-04 14:00:38

相信呢到好多人都有能力成為業主

不過大家也明白,做按揭其實係"孖展",而將所有現金做晒"保證金",一有事起上黎,就蟹了!

當然,有起事上黎都"仲有層樓",有個兜,但亦可以變成負累,每個月供樓,管理費,水電煤等等,如要將層樓套現,除左可能蝕差價之外,仲有家中所有物品,心機,時間..........


而且樓價用低息支撐,缺乏基本因素,market雖然可以由人手"控制",但需求始於在"散戶"身上,假如一有風吹草動,黎多個浪,要跳船真是咁易嗎?人手還可以托住樓價嗎?


大家還記得"裁員潮"嗎?
11 : 自動波人(1313)@2010-08-04 14:02:39

4樓提及
身邊唔少朋友借95%,供30年

理由都係1個,

係供樓息率1%(hibor plan)既情況下,

供樓仲平過租樓,所以去馬.

小弟不敢多言,只叫佢地留意加息對供款既影響.

朋友話利率"每次加1/4厘,加得幾多?"


如借95%是為了留多D現金,我不反對,雖然要俾多D燕梳,但有個錢徬身始終較安心

但因不夠錢而去借95%,那是十分糟糕的事
12 : GS(14)@2010-08-04 22:08:27

11樓提及
4樓提及
身邊唔少朋友借95%,供30年

理由都係1個,

係供樓息率1%(hibor plan)既情況下,

供樓仲平過租樓,所以去馬.

小弟不敢多言,只叫佢地留意加息對供款既影響.

朋友話利率"每次加1/4厘,加得幾多?"


如借95%是為了留多D現金,我不反對,雖然要俾多D燕梳,但有個錢徬身始終較安心

但因不夠錢而去借95%,那是十分糟糕的事


這個是我一直認為對的觀點,手上有現金才去借錢買樓才是好一點的方法...
13 : 龍生(798)@2010-08-05 01:15:40

以上的說法...我不同意呢...

我去過我朋友雀仔庭的單位
看見那氣魄宏偉的大堂, 美輪美奐的會所.....

膚淺的我....覺得真的好重要啊~~~
哈哈哈哈

雖然管理費要2蚊尺, 住500尺己經一千蚊
泳池每次計錢, 好似20蚊次, GYM ROOM 都係
雖然屋企係用黎住的
但認為會所不重要的人, 忽略了擁有物業的其中一個重要功能
就是物業其實還代表了你的身分及地位

大家試想想, 如果單身住在雀仔亭,
496 尺的單位吧
樓價約200萬

首期只需20萬(借9乘)
如果再配部爛鬼2 手寶馬...(E90)
踏入了那膚淺的雲石大堂, 服務員為你開門
年輕的姑娘在櫃台後跟你微笑點頭
你回應, 然後經過那玻璃門回家...

是多麼威風有型的事啊......

是誰說會所不重要啊

smileysmileysmiley
14 : 自動波人(1313)@2010-08-05 12:17:35

14樓提及
以上的說法...我不同意呢...

我去過我朋友雀仔庭的單位
看見那氣魄宏偉的大堂, 美輪美奐的會所.....

膚淺的我....覺得真的好重要啊~~~
哈哈哈哈

雖然管理費要2蚊尺, 住500尺己經一千蚊
泳池每次計錢, 好似20蚊次, GYM ROOM 都係
雖然屋企係用黎住的
但認為會所不重要的人, 忽略了擁有物業的其中一個重要功能
就是物業其實還代表了你的身分及地位

大家試想想, 如果單身住在雀仔亭,
496 尺的單位吧
樓價約200萬

首期只需20萬(借9乘)
如果再配部爛鬼2 手寶馬...(E90)
踏入了那膚淺的雲石大堂, 服務員為你開門
年輕的姑娘在櫃台後跟你微笑點頭
你回應, 然後經過那玻璃門回家...

是多麼威風有型的事啊......

是誰說會所不重要啊

smileysmileysmiley



E90都仲話爛鬼..?
咁我渣E36....咪要拎去堆田....?

(最後無去堆田,係湯左,上年尾的事)
15 : passport(1491)@2010-08-05 16:34:10

14樓提及
以上的說法...我不同意呢...

我去過我朋友雀仔庭的單位
看見那氣魄宏偉的大堂, 美輪美奐的會所.....

膚淺的我....覺得真的好重要啊~~~
哈哈哈哈

雖然管理費要2蚊尺, 住500尺己經一千蚊
泳池每次計錢, 好似20蚊次, GYM ROOM 都係
雖然屋企係用黎住的
但認為會所不重要的人, 忽略了擁有物業的其中一個重要功能
就是物業其實還代表了你的身分及地位

大家試想想, 如果單身住在雀仔亭,
496 尺的單位吧
樓價約200萬

首期只需20萬(借9乘)
如果再配部爛鬼2 手寶馬...(E90)
踏入了那膚淺的雲石大堂, 服務員為你開門
年輕的姑娘在櫃台後跟你微笑點頭
你回應, 然後經過那玻璃門回家...

是多麼威風有型的事啊......

是誰說會所不重要啊

smileysmileysmiley



正呀
我都係想買爵仔庭
hahha
16 : GS(14)@2010-08-14 16:36:36

http://charblogger.blogspot.com/2010/08/blog-post_09.html

講到假豪宅,馬沙相信普天之下,真係香港獨有。發展商由最初市區的屋苑式物業,求其冠以乜乜「豪園」、「豪庭」、「灣」、「半島」,到市區單幢式所謂精品豪宅,繼而深入不毛,依家遠至上水鄉郊,新開售嘅物業都會叫做豪宅。

個人認為,叫得豪宅,地點好一定係首要條件。例如港島半山、南區,九龍加多利山 、何文田山、窩山,新界九肚山之類。而呢啲所謂傳統豪宅區都有一個共通點,就係唔會有港鐵直達,出入主要依賴私家車、專線小巴或的士。亦由於呢個原因,呢啲地方正常來講,除咗住客之外好少外人出入。相對地,呢啲地方私穩度就比較高,環境亦異常清靜。特別係零辰時份,專線小巴停駛後,馬路連車都唔多架,條街呢? 真係鬼影都唔多隻。

除咗地點要好之外,真正豪宅其中一個特色就係地方要夠大。傳統嘅豪宅,面積至小1,000至1,500呎,即室內可用空間850至1,300呎。以現今超級縮水嘅新樓計算,即建築面積至小1,300至2,000呎。真係有啲錢嘅人,即使1個人住,絕對唔會屈居於一個建築面績600呎,實用用面積400呎,扣除環保露台、超大窗台後可用面積可能唔夠300呎嘅假豪宅。

再講,一個真正豪宅,必須配備嘅唔係一個超豪會所,而係足夠比例嘅車位數目。住屋仔嘅固然之有自己車房,住屋苑式呢? 個人認為單位對車位數目比例最好達到1:1,即每戶至少能配備一個車位,就算無1:1, 至低限度都要1:0.8。試諗下買完間所謂豪宅,搬入去先發覺有錢都無車位泊車,真係人都癲。

就以早前馬沙睇過嘅大角咀皇宮為例,該皇宮一共有964單位,但車位只有136個,即單位對車位數目比例1:0.14。換句話說,平均每7戶才分配到一個車位。如果同時有幾架靚車嘅車主,住係嗰到都咪話唔煩。

或者你會話,我個豪宅位於乜乜港鐵站上蓋或甚麼黃金圈,交通四通八達,出入方便,駛乜揸車? 如果係咁就真係夏蟲不可語冰。
17 : GS(14)@2010-08-14 16:36:51

http://charblogger.blogspot.com/2010/08/blog-post_10.html
上文講過大角咀皇宮嘅車位問題,不妨再深入講下呢個盤嘅問題。老實講,呢個盤馬沙由佢平整地盤開始,一直睇住佢起,直到今年起名大角咀皇宮。所以上月去開奧海城飲茶,當然順道去參觀一下呢個吹到幾乎天上有地下無嘅皇宮示範單位。

當日馬沙接過樓書後,打開睇睇項目基本資料,見到住客車位得136個,覺得好鬼奇怪。一來大角咀皇宮唔似得最近熱賣嘅北角單幢樓項目「楂爬」咁,根本無乜位起停車場。二來大角咀皇宮話哂都係有6座樓嘅大型項目,其基座望落去無6層都應該有5層,無理由得咁少車位。

要了解多啲,當然又要睇吓本樓書。翻閱本樓書,初步確認基座共有6層(無4樓及唔計地下嗰層),詳情足本寫比大家睇下:-

6/F   會所
5/F   住宅大堂/會所
3/F   停車場/政府設施
2/F   停車場/政府設施
1/F   停車場
UG/F 商業用途/住宅穿梭電梯大堂
G/F   商業用途/住宅穿梭電梯大堂

認真啲睇,原來超過100個車位設於1樓。2及3樓主要係商用車位共約40多個。你又可能會好似馬沙咁好奇,想知私人皇宮基座2及3樓嘅規劃中,究竟可以有乜政府設施。咁就要揭開本樓書第11項有關「公共設施」一欄睇睇。

喺講大角咀皇宮嘅 「公共設施」之前,馬沙有必要先強烈建議各新樓準買家,喺作出買樓決定前,必須認真細閱樓書有關「公共設施」一欄,因為好多時「魔鬼細節」盡在此欄中。

又講返大角咀皇宮嘅 「公共設施」,究竟係乜嘢呢?

登登登.....答案係發展商及地產經紀都必定隻字不提嘅......「安老院舍」! 即係話,大角咀皇宮屋苑基座嘅 2及3樓,每層之中有約1/4樓面必須根據賣地條件興建一座安老院舍,並在2010年9月30日或之前完成及入伙。相信呢個都算第一個「據5大港鐵站、西九龍核心黃金圈」嘅後宮式老人院。難到發展商係方便班新業主,入伙時能夠安排家中老人順道遷入「後宮」安享天年?

仲有一樣,就係屋苑高層地下(UG/F),要24小時開放一條公眾免費行人通道,以方便公眾人士步行通過兩條(分別接駁現有行人天橋及接駁奧海城)全天候行人天橋。以後呢條行人通道必定24小時都人來人往,果然係「據5大港鐵站、西九龍核心黃金圈」嘅 西九黃金圈地標皇宮。
樓價 癡線 系列 馬沙 筆記 Char Blogger
PermaLink: https://articles.zkiz.com/?id=270184

楊振寧老到痴線?

1 : GS(14)@2011-06-08 22:17:41

http://hk.apple.nextmedia.com/te ... 104&art_id=15322881
邵逸夫獎評審會主席楊振寧不認同民主是科學發展的元素,又指若中國共產黨結束一黨專政,將會出現十年整頓期,拖慢中國科學發展。
2 : 龍生(798)@2011-06-09 01:44:36

佢齋從科學發展方向去睇, 又有佢道理

但這是普世價值, 落後就落後, 都是值得的
3 : 草帽(1253)@2011-06-09 09:13:43

科學同民主完全不能掛鉤, 以前蘇共最強大既時期, 科學亦是最發達既. 不過共產就係共產, 壓榨人民既資源, 共產既貪污腐敗, 始終有一日人民係要你還既.
4 : idsdown(1658)@2011-06-09 09:26:37

貪污腐敗無分共唔共産, 你睇隔離的印度, 賓賓國够民主啦, 貪污腐敗咪一樣
5 : 草帽(1253)@2011-06-09 09:45:00

唔係卦? 賓賓國都叫民主?
6 : idsdown(1658)@2011-06-09 10:15:13

5樓提及
唔係卦? 賓賓國都叫民主?


點解唔係?
7 : hk908004(1580)@2011-06-09 10:25:03

民主一樣可被操縱!有乜出奇。
8 : reference(1610)@2011-06-09 10:26:22

獨栽國家受人治左右, 可將資源嚴重傾側, 做到"不要褲子要原子"的效果, 對個別科研項目有利, 而既得利益者更不想改變。
民主國家受制度左右, 資源分配需經協調, 政黨輪替更容易令政客著眼短期效果而忽略長遠投資, 爭取科研資源較幸苦。
楊振寧的見解以科學家私利出發, 雖立論沒有錯, 但以佢現在嘅級數還未能提升自己從自然科學走到人文科學範幬, 我感到痛心。
9 : 草帽(1253)@2011-06-09 10:28:49

基本上佢每一個總統上任都會畀D軍人用枝槍叫佢落台, 我唔知咁樣係咪好似D超級功能組別咁, 都係叫民主?
10 : GS(14)@2011-06-09 22:13:58

8樓提及
獨栽國家受人治左右, 可將資源嚴重傾側, 做到"不要褲子要原子"的效果, 對個別科研項目有利, 而既得利益者更不想改變。
民主國家受制度左右, 資源分配需經協調, 政黨輪替更容易令政客著眼短期效果而忽略長遠投資, 爭取科研資源較幸苦。
楊振寧的見解以科學家私利出發, 雖立論沒有錯, 但以佢現在嘅級數還未能提升自己從自然科學走到人文科學範幬, 我感到痛心。


但是獨裁國家大部分都是窮國,我記得好似得有D石油的同埋新加坡得D,無咁多資源

民主國家的錢多D,真是有商業價值都有人幫到你bor...

即是可以咁講,做是要個小餅的全部,還是要大餅的小部分?
11 : GS(14)@2011-06-09 22:14:18

9樓提及
基本上佢每一個總統上任都會畀D軍人用枝槍叫佢落台, 我唔知咁樣係咪好似D超級功能組別咁, 都係叫民主?


有軍權/財權,一定唔會死
楊振寧 老到 癡線
PermaLink: https://articles.zkiz.com/?id=274681

外交專家卜睿哲話港獨梁游痴線

1 : GS(14)@2016-12-10 13:29:23

香港立法會宣誓事件弄至滿城風雨,或更多議員被取消代議士資格。在香港出生、曾為美國國家情報委員會工作的外交專家卜睿哲批評,兩名已被取消議席的「本土派」代表行為「痴線(nuts)」,「如果目的只為觸怒北京,那他們便成功了」。卜睿哲又指,民主派要為目前「雙輸」局面負責,並擔心中國政府做出更多損害香港司法動作。駐紐約記者:鄭柏齡卜睿哲應美中關係全國委員會(National Committee on United States-China Relations)邀請,在紐約就香港前途問題演講。他接受《蘋果》訪問說,對香港近年政局波動不感到意外,「全世界先進經濟體如美國、台灣等皆遇到類似問題,青年對社會不公、或不信任權威而產生很多不滿,故香港也不例外」。然而,卜睿哲認為兩名被取消議員資格、「本土派」代表在宣誓時的政治舉動行為「痴線(I think they are nuts)」,批評二人「可能連自己在做甚麼也不清楚,如果目的只為觸怒北京,那他們便成功了」。卜睿哲說,理解部份港青對「一國兩制」失去信任而提出「港獨」訴求,但「(香港獨立)沒有可能發生」,而是應著手改善現有選舉方式。他分析指,由於民主派不團結,加上與中國政府互不信任,令香港政制改革方案不幸被否決,「即使有篩選,全民普選特首也較現有制度(由200人選出)進步,亦有機會取消功能組別」。回顧過去3年發生一連串政治事件,卜睿哲認為「本來有不俗結果,現時卻雙輸,坦白說,政治事實總不可能滿足所有要求」。他補充,「雙輸」引發的銅鑼灣書店、人大釋法等事件,使香港司法制度進一步受損,並擔心情況繼續惡化。候任總統特朗普日前與台灣總統蔡英文通電,打破過去逾30年慣例,使人猜測美中關係會否出現巨變。這名美國在台協會前理事主席表示,特朗普及其團隊對華政策思路難以觸摸,即使美國在港有大量投資,但「在香港問題以外,美中之間有更多更重要議題需處理」,他補充,從美國利益立場看,只希望香港保持穩定,又認為美國政府不會、亦不應用香港民主化議題向北京施壓。




來源: http://hk.apple.nextmedia.com/international/art/20161210/19861228
外交 專家 蔔睿 睿哲 哲話 話港 獨梁 遊癡 癡線
PermaLink: https://articles.zkiz.com/?id=319056

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019