ZKIZ Archives


偵探獻計助剩女追男仔

1 : GS(14)@2011-10-29 18:16:43

http://hk.apple.nextmedia.com/te ... 867&art_id=15748629
本港女多男少,「剩女」變成一種社會現象。宏智偵探社近年接獲不少剩女委託調查心儀男性底細,但求不會押錯注,於主動出擊時提高釣得歸宿命中率。有個案是一名 30多歲模特兒身材的美容院老闆娘,查清楚男方單身兼無不良啫好,成功女追男。
宏智兩年多前曾接獲一名 30多歲單身的美容院老闆娘委託,調查一個由朋友介紹認識,從事金融的男性底細及感情狀況,因為她對對方有好感。委託人樣貌娟好,約 5呎 7吋身高,一副模特兒苗條身形,屬事業有成一類,揸靚車並擁有物業,條件優越,惟擇偶要求高,加上性格剛強,故難與異性夾得來,過往戀愛都是失敗收場。

監視生活 證男方單身

偵探社調查發現男方獨居於私人屋苑單位,駕駛日產房車,且是一名孝順男,經常探望家住居屋的父母。偵探團隊又租下男方住所附近一個單位,暗中監察男方生活習慣,證實他沒有帶女伴返家,仍是單身。偵探社滙報後,委託人覺得對方條件不俗,但只有一張對方的名片,又不懂得如何「女追男」。偵探團隊此時為委託人獻計,建議她藉詞請教買賣基金事宜,邀約對方會面,先成為朋友,再加深了解,隨後一切發展便變得自然,他們最終發展成情侶至今。
宏智偵探社去年接獲調查心儀對象的個案佔所有個案的 13%,今年頭 9個月,比率上升至 18%。此案類中, 55%委託人由 16歲至 25歲,當中大部份是男查女; 35%介乎 26歲至 30歲,委託人男女各佔一半; 10%委託人於 31歲或以上,當中女查男佔了九成。
女偵探文顯楠說,委託人當中不乏「毒男」,他們真的足不出戶,「試過有委託人搵我哋做嘢,所有委託同滙報過程全部透過電郵或視像交代,連電話都唔講。」她說,該毒男在網上結識了一個 16歲的女生,二人迅速發展成情侶,但某日女生突然失蹤,毒男委託偵探查出女生下落,發現女生原來一腳踏四船,大怒下揚言「搵佢出來鬧佢一餐,攞番晒送俾佢啲手袋等禮物。」
《蘋果》記者
2 : idsdown(1658)@2011-10-29 18:21:44

偵探團隊此時為委託人獻計,建議她藉詞請教買賣基金事宜,邀約對方會面,先成為朋友,再加深了解,隨後一切發展便變得自然,他們最終發展成情侶至今。
=======================================

抵佢賺
3 : wilyty(1376)@2011-10-29 23:26:19

個 TB 偵探幾.......
4 : 龍生(798)@2011-10-30 05:16:20

個女人性格剛強...其實好難相處....金融才俊慘了....
5 : 亞力士(1473)@2011-10-30 13:35:50

30多歲單身的美容院老闆娘委託<--------- 條仔會唔會係第二個建築師
6 : greatsoup38(830)@2011-10-30 14:06:15

佢做金融bor
偵探 獻計 助剩 剩女 女追 追男 男仔
PermaLink: https://articles.zkiz.com/?id=276410

隔牆有耳--短髮 Tanya:男仔話好睇

1 : GS(14)@2012-01-29 13:00:48

http://hk.apple.nextmedia.com/te ... 104&art_id=16021252
八方同事早排求為政客往黃大仙求靈籤,幫喺兔年慧劍斬情絲嘅公民黨 Tanya陳淑莊向黃大仙問姻緣,得出 60號中籤,指佢今年有望愛上老外。噚日八方見到陳淑莊,當然追問支籤靈唔靈,識咗外國男朋友未? Tanya就搞笑話自己其實一向識好多外國人,黨友司馬文係其中一個,可惜,男朋友就未有。
上次因為八方狂想曲幻想佢龍年結婚,結果搞到晨咁早畀陳媽媽電話追問搞邊科嘅 Tanya,噚日坦言陳媽媽年初一亦曾就佢今年將「愛上老外」一事發表評論,但 Tanya就話吸取上次經驗,今次不便分享陳媽媽高見。
2 : Ben(10970)@2012-01-29 14:12:05

早個月係間貴到pk既sushi店(鮨辰日本料理)門口見到佢,藍衫(one piece?)黑絲,係度blah blah blah講電話。以佢既年紀叫保養得好了

題外話個間日本野好似傅穎都成日去。
3 : GS(14)@2012-01-29 15:46:56

2樓提及
早個月係間貴到pk既sushi店(鮨辰日本料理)門口見到佢,藍衫(one piece?)黑絲,係度blah blah blah講電話。以佢既年紀叫保養得好了

題外話個間日本野好似傅穎都成日去。


我見到那個傅穎就dislike啦
隔牆 有耳 短髮 Tanya 男仔 仔話 話好 好睇
PermaLink: https://articles.zkiz.com/?id=277470

男仔溝女,形象至為重要 周顯

1 : GS(14)@2015-07-14 11:35:06

http://nextplus.nextmedia.com/columns/肉食中環/20150614/213028
有一位後生仔,客觀條件本來不差,樣子中規中矩,好歹也是大學畢業,口才頗為幽默,手頭賺到點錢,出手也算闊綽,居然請過我吃幾次飯,如果論到溝女的戰鬥力,也許只有一點,就是他的形象極為毒L,這自然是有礙於整個毒女大業的。



這好比我有一位從西方來的賓客朋友,高大英俊,口才幽默,雖然對男人的出手一點兒也算不上豪爽,但對女人卻是揮金如土,甚至有友人勸告過他,把女人的價格搶高了,影響了正常的市場運作。

但是,這位賓客朋友,卻往往令到港女卻步,原因只有一個,就是他的言行舉止,太過狀似內地的土豪。他的背景是十歲從內地左右來港,跟著以高材生的資格,扶搖直上,在香港唸完大學,進入美資大行工作,只是後來轉進了中資行,主力搞內地線,很快便發了大財,成為了上市公司主席,住的是深圳獨立屋,前妻是內地佳麗,成為了徹頭徹尾的強國人。

這位仁兄因為失婚,因而有心另覓佳偶,去慰藉心靈,因而也要重投溝女世界這個大家庭。然而,他的內地土豪形象,卻嚴重的影響到他在港女心目中的分數。

大家可千萬別誤會,以為他是談吐舉止,令人生厭的那一種。絕對不是,他是彬彬有禮,風度翩翩,言行舉止,非常的有紳士風度。如果說他有問題,也許只是因為其衣著,舉止方式,強國之氣不脫而已。

不過幸好,這位賓客朋友也不好港女,從來只好內地佳麗,評語是:「內地佳麗在床上更為投入。」這其中的深層原因,他說不上來,但我作為專家,自然深育,但這牽涉到內在的社會經濟、政治文化背景,集合了社會學、人類學、心理學、經濟學等等的跨學科研究,只待有機會,另文再述了。

說出以上故事,是企圖向大家說明一個溝女的基本事實,就是在溝女的世界,形象是非常重要,甚至是決定性地重要。條件不賴的兩位朋友,只因一個格似毒L,另一個則狀似強人,已經足以令到港女卻步了。因此,也可以說,如要搞好溝女大業,一定要先搞好形象。

本文原本要說的,是女人問你借錢時的對策,但說說已經夠鐘了,唯有下期再講。再說前面說過的那位西方來的賓客,我一直以為,此名之由來,是因為他曾經以交換生的身份,去過西方的名牌大學,從西回來,故有此名。後來一位很聰明的上市公司董事說:「在古時,教師又叫做『西賓』。」

本星期的心水股票是「CITY E-SOLUTION」(557),策略是買小量,中線投機,希望一博而發達,當買六合彩。不過,以現時的價位,七億幾市值,老闆作為李嘉誠同級的巨富,這一張「六合彩」是幾乎沒有downside的!
男仔 仔溝 溝女 形象 至為 重要 周顯
PermaLink: https://articles.zkiz.com/?id=291355

芷晴等男仔做手工追求

1 : GS(14)@2016-03-11 13:31:21

黃芷晴昨到觀塘擔任羽毛藝術展嘉賓,見她右眼有少少眼腫,她指是韓國旅行後發現有少少敏感。本身對藝術設計興趣甚濃的她首次接觸羽毛藝術,令她都想試做。早前跟女性友人到韓國旅行,順道欣賞BIGBAND演唱會,並大讚氣氛好好。已單身一段時間的芷晴,坦言此行未有艷遇,不過本身都鍾意韓國男仔,她還表示媽咪都經常鼓勵她出街結識朋友,友人也落力介紹男仔,問到有沒有合眼緣男仔?她尷尬笑說:「未呀,又唔係成日有人介紹男仔畀我識。我都享受陪家人、朋友,感情事慢慢嚟。」但她透露若果男仔整手作仔追求她,定必加分,因為覺得對方有心思之餘亦是細心的人。採訪、攝影:馬建華





來源: http://hk.apple.nextmedia.com/entertainment/art/20160311/19524492
芷晴 晴等 等男 男仔 仔做 手工 追求
PermaLink: https://articles.zkiz.com/?id=297616

爆Seed鍾意男仔 嘲CY唔認錯志雲擺敏之上枱 勸離TVB

1 : GS(14)@2016-05-22 12:16:11

■陳志雲硬拉陳敏之上台逼供,問她幾時離開TVB。


阮兆祥前晚在灣仔伊館舉行《硬食放題棟篤笑》首場,陳法拉、樂易玲、關楚耀與韓籍女友Miu Kim等撐場。一開場,祥仔扮花姨展示心口兩個螢光波波,玩盡娛樂圈及時事熱話,包括689、永恒亞視、方力申和Stephy分手、城城媾嫩模Moka以及G.E.M.的大媽尿片裝都照玩,又以「貧窮富珍」身份力證李國章講大話唔眨眼,噱頭十足。志雲大師粉墨登場,先扮已故舊老闆邵逸夫爵士,再與扮黎明的祥仔Chit Chat,祥仔講金句:「睇4D演唱會就好似撞鬼咁,要講緣份㗎,信則有,不信則冇,有啲人睇多啲啲,有啲人睇少啲啲囉,睇完ABC,一定見到D嘅!」志雲即說:「你唔好講ABC呀,呢輪好敏感,因為Anyone but CY。呢句話因為明明錯咗又唔認,而你處理所有事嘅公關技巧一流囉,你啲技巧喺邊度學㗎?等我哋嘅行政長官都學吓啦!」



■阮兆祥的棟篤笑即場解剖羅茲威爾。

■祥仔扮Juno維肖維妙,還貪玩跳上綱琴師膊頭。


■祥仔在台上玩盡娛樂圈及時事熱話,又與幾位好友在台上Selfie。

「我揀男仔得唔得」

志雲見觀眾好反應,忍不住說:「如果CY嚟到真係唔會咁多掌聲!」之後志雲再扮白韻琹講說話,又讚汪明荃揶揄港鐵主席馬時亨。其間祥仔和志雲表示要捉兩個台下觀眾上台玩摩天輪,祥仔先捉伍詠薇,志雲說:「我鍾意男仔,我要揀男仔得唔得先?」但最後都捉了舊將陳敏之,志雲逼供:「你哋幾時離開TVB呀,唔使傾啦!」見兩人冇出聲,大師續說:「乜你哋有言論限制嘅咩?」伍姑娘說:「我8月已經離開咗無綫啦!」大師繼續抽水:「無綫最近有套《殭》劇,但係收視未如理想,監製話觀眾水平低,我就想話呢,驚我哋攀唔到咁高,唔知幾時先睇到你。」一直冇出聲的陳敏之回答:「哎吔!師傅你唔好玩我啦!」大師最後說:「TVB啲確其實幾好睇嘅!」未知是否曲線!?



望發放正能量

去到尾聲,祥仔感觸地謂:「香港好似好多嘢都失去咗咁,好似公屋冇咗啲士多,香港人亦都好似冇咗將來,冇咗自己,冇咗自由。今晚其實我有個訊息想帶畀大家。」說罷即唱《前程錦繡》勉勵大家,全場一起拍和,與祥仔一齊參加新秀歌唱的張衞健則擔任壓軸表演嘉賓。完騷後,祥仔表示希望藉這個騷發放正能量予香港人,他說﹕「正如Leon(黎明)話齋思想價值係會植入個腦,所以將開心植入畀大家個腦。」他表示不擔心Leon和城城會嬲,亦不覺敏之會尷尬。問到Dicky看好他三年內在紅館開騷,他笑說:「進軍紅磡殯儀館咩!不過好多棟篤笑嘅奇才,譬如黃子華、張達明等,都係由伊館開始,等我儲多啲觀眾先再算。」採訪:王連連攝影:陳慧安





來源: http://hk.apple.nextmedia.com/entertainment/art/20160522/19622272
Seed 鍾意 男仔 CY 認錯 誌雲 雲擺 擺敏 之上 勸離 TVB
PermaLink: https://articles.zkiz.com/?id=301089

王君馨讚強強好男仔

1 : GS(14)@2016-12-03 04:42:42

■處女黨成員陸續出嫁,獨剩苟芸慧未有着落。資料圖片



宅男女神岑麗香昨午突然在Ig公佈嫁強強(Joshua),同是待嫁的處女黨姊妹王君馨昨日說:「好戥佢哋開心。Joshua係一個好好嘅男仔,好細心、好幽默,成日令香香好開心。佢一定會好好照顧我姊妹,祝福佢哋以後日日都幸福快樂,開開心心咁一齊生活!」另一姊妹鍾嘉欣昨日亦透過短訊說:「佢哋係甜蜜一對,又多咗一個姊妹又話結婚喇,真係一個好好嘅消息,太開心喇!」香香和強強拍拖一年半即結婚,可會是雙喜臨門?嘉欣回覆:「據我所知還未。」


祖藍唔去觀禮

李亞男老公王祖藍昨日回應說:「亞男會去參加婚禮,我自己會留喺香港,因為要做嘢唔可以過去,好開心佢終於鼓起勇氣去宣佈呢個咁開心嘅訊息。」阿Bob林盛斌也說:「我哋拍劇嗰陣冇聽佢講過,但覺得佢春風滿面,真係恭喜佢。」採訪:嵐山、唐琛悠




來源: http://hk.apple.nextmedia.com/entertainment/art/20161203/19853309
王君 馨讚 讚強 強強 強好 好男 男仔
PermaLink: https://articles.zkiz.com/?id=317939

連詩雅搵鄭融識男仔

1 : GS(14)@2016-12-10 03:45:35

連詩雅和鄭融昨日以活動大使身份出席金鐘舉行「東華三院慈善障礙挑戰賽」記者會,參與藝人還有文恩澄、李綺雯及Mr.成員黎澤恩,何猷啟以總理身份即場試玩迷你賽。連詩雅自嘲左右不分,預計首次參與障礙賽應該會較論盡。近日參加ViuTV全新遊戲節目的鄭融,跟現役運動員作賽,需要大量體力,她大讚男運動員斯文有風度,懂得照顧女生,在旁的連詩雅表示有看節目,她說:「見到好多大隻男仔玩。」她又拜託鄭融為她介紹好男仔,鄭融回應:「冇問題,伴侶愛運動,有積極正面生活係好事,我男友就係。」採訪、攝影:馬建華




來源: http://hk.apple.nextmedia.com/entertainment/art/20161209/19859235
詩雅 搵鄭 鄭融 融識 識男 男仔
PermaLink: https://articles.zkiz.com/?id=318934

鄧萃雯撒嬌識男仔

1 : GS(14)@2016-12-27 12:32:10

鄧萃雯早前為內地主持人金星的電視節目《金星秀》進行錄影,透露自己現時仍是單身。對於外界指她「獨立霸氣」,雯女說:「自己本身是那種有主見及願意不斷嘗試、哪怕跌倒再爬起來,也要不斷成長的堅韌個性,但其實自己也努力嘗試着改變。」雯女表示從未做過撒嬌女人的角色,所以即場示範撒嬌,並獲主持做紅娘介紹男導演給她認識,場面搞笑。撰文:魯吉




來源: http://hk.apple.nextmedia.com/entertainment/art/20161227/19877604
鄧萃 萃雯 撒嬌 識男 男仔
PermaLink: https://articles.zkiz.com/?id=320216

男仔有家族生意羅霖上年拒絕J君求婚

1 : GS(14)@2017-01-28 12:04:17

今年已經51歲嘅羅霖同前夫劉坤銘結束咗婚姻關係,不過羅霖嘅感情生活唔係冇寄託㗎,話晒都係美魔女又係前亞姐冠軍,身邊總不乏有追求者。早喺12年,羅霖已經被發現喺北京着住短褲、喱士絲襪,一副戰鬥格咁同一位廿幾歲男仔,一位女性友人一齊食宵夜,仲食到凌晨5點先同男士一齊返酒店。當時仲有報道指呢位男仔叫王嶠,喺外國留學,有錢有家底,羅霖每次去到北京,都係由呢位男仔管接管送。直至上年,羅霖自爆有位J君同佢去法國旅行,傾紅酒生意之餘仲求埋婚,而當時羅霖都話過:「經過旅程之後,都認定佢係我幾重要嘅人。」事後有報道指,原來向羅霖求婚嘅J君,就係12年喺北京管接管送、食晒宵夜嘅王嶠喇,即係話羅霖同J君4年來,一直保持緊密聯絡!之後J君再被揭佢嘅家族其實係做建築生意,而羅霖始終要兼顧湊仔同紅酒生意,所以就唔想戀情太過高調,咁佢就唯有改口風話要專注事業先,拒絕咗J君嘅求婚,仲話有同J君講遇到啱嘅對象可以試下發展,呢啲口不對心嘅劇情,完全係保護呢段姊弟戀㗎啫。




來源: http://hk.apple.nextmedia.com/entertainment/art/20170128/19911657
男仔 仔有 家族 生意 羅霖 上年 拒絕 求婚
PermaLink: https://articles.zkiz.com/?id=324525

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019